[ " قصة عشان الحب ... والي بيني وبينك " ]

ريم تجوف امها: يمه ابوي شفيه ؟؟ من متى واهوه تعبان ؟
ام فيصل تصيح ومب راضيه تتحجى .. بسرعه لمتها ريم وقعدت تصيح ..
طلع لهم الدكتور .. بسرعه ريم راحت له .. بخوف: دكتور ابوي شفيه ؟
الدكتور .. بجد: انتي بنته ؟
ريم خايفه: اي ..
الدكتور: والله .. شاقولج
ريم خايفه: أبوي شفيه ؟
الدكتور: تعالي معاي ..
ريم التفتت تطالع امها بخوف .. اللي كنت قاعده ومنزله راسها وتصيح .. بسرعه راحت ورا الدكتور ..
الدكتور: حالة ابوج خطيره .. ضغط الدم عنده مرتفع .. لان عنده اختناق في الشريان الاورطي
ريم خايفه: انزين ؟؟
الدكتور: لازم نخليه عندنا لان ضغط الدم مرتفع بدرجة خطيره .. فلازم يكون عندنا واحنا نعطيه الأدويه .. الظاهر مبدلين دواه ..
ريم مب عارفه شتقول .. نزلت دمعتها : يصير اجوفه؟
الدكتور: الحين لا .. اذا يصير بقول لج ..
ريم: ليش ؟؟
الدكتور: مابي صياح جدامه .. ترى حالته تسوء اكثر ..
ريم: انزين انزين مابصيح .. بس ابي اجوفه
الدكتور: قلت لج الحين لا .. خلوه الحين نعطيه الدوى .. اذا تحسنت حالته بقوللج ..
ريم بسرعه طلعت من عنده .. وقلبها يدق يدق يدق .. امها كانت ميته من الصياح .. من جافتها قامت: ابوج شفيه ؟
ريم بخوف: مافيه شي يمه بس لتصيحين .. (لمتها وقعدت تصيح) لتصيحين يمه لتصيحين ..
قعدوا ثنتينهم علكرسي .. لامين بعض ويصيحون ..
ناصر بسرعه ياهم .. وجافهم جذي .. بخوف وعصبيه نفس الوقت: ريم؟
ريم من سمعت صوته التفتت عليه .. تحس تبيه .. محتاجة له في هالوقت .. بسرعه قامت ولمته وتمت تصيح: ناصر .. ابووي ..
ناصر لمها بقوه ..نزل راسه يمها .. بهدوء:بس حبيبتي .. لتصحين ..
ريم تصيح تصيح ..
ناصر: ابوي .. اهدي شوي .. عشان افهم شسالفه ..اش .. بس بس سكتي ..
ريم تحاول تسكت .. بس .. محتاجه تصيح .. خايفه على ابوها .. خذت نفس .. ناصر هدها ويود ويهه: اشش .. بس حبيبتي .. اهدي (مسح دموعها بصبعه) بس ..
ريم تحاول تسكت .. تطالعه بخوف: ابوي ..
ناصر: شفيه بالضبط ؟؟ مساعه يضحك ويسولف شيااه الحين ؟؟
ريم: مادري .. ماحطيت بالي شقال الدكتور خربط علي .. بس ضغطه مرتفع وايد
ناصر: ومايصير ندش عليه؟
ريم قلبها متروس: مايرضى الدكتور
ناصر يودها وقعدها عالكرسي: معليه ماعليه شر .. خلج قويه .. مابيج تصيحين .. ان شاءالله مافيه الا العافيه .. (التفت على مرت عمه) خالتي اهدي شوي .. مب زين تسوين بعمرج جذي ..
ام فيصل ماتقدر تسكت .. راح يمها .. حط يده على جتفها: بس خالتي عاد !!
ام فيصل تحاول تسكت .. حدها متضايقه وخايفه
ناصر: ذكروا الله !! شفيكم؟
ريم وامها: لا اله الا الله ..
قام وراح قعد يم ريم: مابقول حق ابوي .. باجر بيسافر من الصبح .. ومابيه يحاتي
ريم: اي احسن لتقول له .. ان شاءالله ابوي مافيه شي..
ناصر: ان شاءالله .. مب ناويه تقولين حق فيصل ؟
ريم: راقد ..مابي اخرعه .. اخاف يسرع .. مادري .. اخاف عليه ..
ناصر: خلاص لتقولين له .. باجر الصبح انا بقول له .. بس انتي لتحاتين .. اهدي شوي .. (يخزها) دقات قلبج اسمعها
ريم بحيا: احلف؟
ناصر حط يده على جفتها: احس فيها .. (يود يدها بقوه) تدرين ؟
ريم: شنو ؟
ناصر يبي يسولف بأي شي.. مايبيها تتضايق: اممم ..تعرفين الانسان .. عنده wants وعنده needs .. عدل ؟
ريم مب فاهمه شيقصد.: اي امبلا.

ناصر: وال needs .. ان الواحد يشرب .. وياكل .. ويتنفس .. ويلبس .. ويسكن .. صح ؟
ريم تخزه: انزين ؟؟
ناصر ابتسم: انا ماعندي الا need واحد .. (هوس على يدها) انتي الشي الوحيد اللي احتاجه .. وماقدر اعيش بدونه ..حدي ابيج .. بس احتاج لج اكثر ..
ريم ستحت .. ماعرفت شتقول له: احلف عاد ؟
ناصر: والله العظيم .. وعلى قولتج .. مافي اعظم من الله احلف به ..
ريم مستحيه .. نزلت راسها .. ناصر : ادري مب حزتي .. (بهدوء) بس شسوي .. احبج .. (يود يدها .. وباسها صوب الدبله) الله يخليج لي حبيبتي ..

حمد ماقدر يرقد .. نزل المكالمة علكمبيوتر .. اهوه يعرف حق هالسوالف .. شال صوت شيخه .. وقال بيركب صوته..
قعد يفكر شيقول ..
ولي ماضبطت عنده ..
ريم: الو
حمد: هلا والله حبيبتي انتي ..
ريم: احبك
حمد: اموت فيج ..
ريم: احبك
حمد: مو كثري .. انا اللي اموت فيج والله .. بس تدرين انا زعلان عليج ..
ريم: افا ؟ شصاير؟
حمد: كله مجابله هالناصر ولا بماعطتني ويه !!
ريم: معليه حبيبي آسفه .. سامحني ..
حمد: مابي
ريم: حقك علي حبيبي .. خلاص ان شاءالله هالشي مايتكرر مره ثانيه
حمد: آيه علييج انتي
ريم: .اممم
حمد: حبيبتي انا ابيج لي بروحي .. ترى ان عدتيها ترى وبزعل وبـ
ريم" يزعم تقاطعه" : والله ماقدر على زعلك .. حياتي ماتسوى شي بدونك ..
حمد: حياتي انا اللي ماتسوى شي بدونج .. احبج
ريم: انا احبك .. وابيك تكون وياي ..
حمد: بس انتي كله وياه !! يعني عادي تعيشين بدوني ..
ريم: مستحيل اعيش بدونك .. ماعليك من احد ..
حمد: يعني ؟
ريم: اهم شي اكون انا ويااك ..!!
حمد: اممم
ريم: وآسفه اذا غلطت سامحني
حمد: بس انتي
ريم" بزعم تقاطعه بعد: لتخليني بروحي
حمد: ماخليج بروحج حبيبتي انتي ..
ريم: احبك
حمد: حبيبتي معليه بس انا بروح ارقد الحين .. اذا قمت بكلمج
ريم: اوكي معليه ..
حمد: احبج
ريم: احبك
حمد: يالله حبيبتي باي
ريم: باي
قعد يسمعه جم مره .. ويعدل فيه جم مره .. خلاه عدل ان محد بيشك ان الصوت مركب ولا شي .. صج شوي الحجي ضايع .. كان وده حجي اكبر واخطر.. بس هذي اللي قدر عليه .. نزله على سيدي .. وقال بيسمعه ناصر .. حده عنده أمل ان هالسيدي بيسوي شي .. بيفرقهم .. اي شي .. بس مايبي تعبه وسهره يروح جذي .. لازم يصير شي .. ومابيرتاح الا اذا صار شي ..

أذن الفيـر ..
فيصل قام بيصلي .. تذكر اسماء.. سيده اتصل لها ..
كانت راقده وماسمعته .. اتصل مره ثانيه .. ردت عليه وهي راقده: الو
فيصل مستانس: فديت هالصوت والله
اسماء نقزت: ها !!
فيصل: حبيبتي شفيج ؟
اسماء: من ???

فيصل: افاء ؟ نسيتيني ؟؟ افا بس افا .. انا بوسعود ..
اسماء ماستوعبت: اي بوسعود ؟؟
فيصل: افااااااا ؟؟ اسومتي ؟؟
اسماء: اوه اوه .. لحظه .. بوسعود يعني فصول ؟
فيصل ابتسم: صباح الخير
اسماء تجوف ساعتها: جيف صار الصبح ؟
فيصل: اوهو .. حبيبتي صليتي ؟
اسماء: اي صلاة؟
فيصل: الفير ..
اسماء: جيف أذن ؟
فيصل: اي حبيبتي اذن .. قومي صلي وبكلمج ..
اسماء: اصلي ؟
فيصل: اي شفيج ؟
اسماء: لا مو اصلي .. قصدي .. واكلمك ؟؟
فيصل: اي شفيج ؟؟
اسماء: انزين انطر بصلي .. وبكلمك .. (تتثاوب) عوذ بالله من الشيطان .. انزين ؟
فيصل: اوكي انطرج .. مو ترقدين !!
اسماء: لا لا مابرقد ..يالله باي
فيصل: باي ..
على ماتقوم تصلي .. قام فيصل بيطلع يشرب ماي ..
جاف باب غرفة اخته .. ريم .. مشرع .. بهدوء دش داخل .. : ريم ؟؟
محد .. بطل الليت .. جاف سريرها مرتب .. والغرفة خاليه ..
" في خاطره:" هذي وينهي ؟؟ يمكن عند نجود ؟؟
راح غرفة اخته .. نجود .. كانت راقده علسياده ..
فيصل بهدوء راح لها: نجود ؟؟ نجود !!
نجود نقزت: ها ها .. شفيك ؟
فيصل: قومي رقدي على سريرج .. (يود يدها) قومي ..
نجود قامت: انزين ..
فيصل: تدرين وين ريم ؟
نجود: ريم ؟؟ لا ! وينهي ؟؟ اتصل لها لا ..
فيصل : اي اوكي .. رقدي
طلع عنها .. توه بيتصل حق ريم اسوم اتصلت له ..
اسماء: الو
فيصل: هلا والله وغلا ..
اسماء بحيا: شلونك ؟
فيصل: انا ؟ اذا انتي بخير .. انا بخير ..
اسماء تتدلع: انا بعد .. اذا انت بخير .. انا بخير ..
فيصل: حبيبتي والله ..
اسماء مستحيه مب عارفه شتقول: اممممم
فيصل: اممم .. عمج للحين مسافر ؟
اسماء: اظن ..
فيصل: اففففففف .. عيزت وانا انطر .. مب حاله ذي !!
اسماء: شدراني !!
فيصل: انزين .. من ايي بنسوي الملجه نفس اليوم .. سامعه ؟
اسماء: ان شاءالله
فيصل يتطنز: بعد تبين حفله؟
اسماء تتطنز: لازم اردح
فيصل ابتسم: افا عليج ..
اسماء: بس ها .. بشرط
فيصل: بعد ؟؟ امري
اسماء: امممم .. ترقص وياي
فيصل: انا ؟؟؟؟؟ شعرفني !! انتي رقصي عندج ريمو ونجودو بيرقصون وياج .. امي بعد سحبيها ورقصيها .. انا خليني على صوب
اسماء: بس كيفك مافي ملجه
فيصل: يه ؟
اسماء: كيفك ترقص ولا مافي
فيصل: ياهل انا ارقص ؟؟ ريال شكبرني ..
اسماء: الرقص مب عيب .. تعبير عن الوناسه
فيصل: يعني ؟
اسماء: تررررقص
فيصل: وياج ؟
اسماء: اييي عيل ويا من ؟
فيصل: slow?
اسماء تتطنز: لا salsa

فيصل: ههههههههههه تخيلي ؟
اسماء: وناااااااااااااسه
فيصل: ماعرف انا .. انتي تعرفين ؟
اسماء: حزة الحزة تطلع المواهب
فيصل: يعني ؟
اسماء: عاد عاد ارقص
فيصل: جدام الناس ؟؟ تتحلمين
اسماء: لا بس انا وانت وريم ونجود .. وخالتي .. بس
فيصل: مايصير ... مايطيح علي اصلا ارقص .. عيب
اسماء: اوهو انزين انا وياك بس
فيصل: بفكر
اسماء: افاء ؟ الحين انا طالبتك .. تقولي بفكر
فيصل: تبين اقولج رقصي جدام الرياييل ؟
اسماء: ماعندي مشكله افا عليك ..
فيصل: اي ادريبج .. عشان ادفنج وانتي حيه
اسماء: ههههههههههه يعلك
فيصل: حبيبتي شوي بس بتصل في ريم وبرد اكلمج
اسماء: ريم ؟؟ ليش اهيا وينهي ؟؟
فيصل: مادري فيها .. بجوفها
اسماء: يمكن طالعه ويا النصري
فيصل: هالحزه ؟
اسماء: بعد .. ناصر وحركاته
فيصل: معليه بجوفها وين ..
اسماء: اوكي معليه ..
فيصل: يالله باي .. مو ترقدين !!
اسماء: لا لا بنطرك
فيصل: يالله حبيبتي باي
اسماء: باي ..

ريم كانت قاعده اهيا وامها وفيصل .. للحين ماخلوهم يدشون عليه ..
رن تلفونها .. بسرعه شالته .. كان فيصل ..
ريم وصوتها ابين مخنوق: الو
فيصل: ريم ؟؟ وينج !!
ريم مب عارفه شتقول له .. صاحت .. ناصر بسرعه خذ التلفون منها: الو
فيصل خايف: ناصر ؟؟ شفيها ريم ؟
ناصر: لا بس .. (يحاجي ريم) بس عااد !!
فيصل خايف: الوو
ناصر: لا بس احنا فلمستشفى ..
فيصل: سلامات شصاير ؟؟
ناصر: والله .. ابوك شوي تعباان ..
فيصل وقف قلبه: ابوووووي ؟؟ وانا مادري ؟؟ من متى ؟ وليش ماقلتولي ؟؟
ناصر: عاد .. مادري
فيصل مستعيل: اوكي باي باي
راح بسرعه بيبدل عشان يروح المستشفى .. نجود كانت تبي تشرب ماي ..توها مبطله باب غرفتها جافت فيصل بيطلع
نجود: فيصل ؟؟ شفيك ؟؟
فيصل: لا بس .. ولا شي
نجود: شنو لا ؟؟ قولي شصاير؟ فيك شي؟
فيصل التفت عليها: بتيين ؟
نجود: وين ؟
فيصل: المستشفى
نجود وقف قلبها: مستشفى ؟؟؟؟ حق من !!
فيصل وهوه يلبس التيشيرت: ابووي ..
نجود طقت صدرها: ابوي ؟؟ دقيقه بلبس دفتي انطر ..
بسرعه نجود لبست دفتها وفيصل يصارخ: نجووووووود !!
نجود وهي نازله عالدري وتلبس شيلتها: كاني يايه ..
بسرعه ركبوا السياره وراحوا المستشفى ..
بسرعه ركيض .. نجود خايفه ماتدري شصاير .. قلبها يدق يدق يدق ..
وفيصل حده داير راسه ومب عارف ابوه شفيه ..
دشوا المستشفى .. جافو ناصر .. يمه ريم .. وامها يمها ..
نجود بسرعه ركيض صوبهم
ريم من جافت نجود لمتها وقعدت تصيح ..
ناصر مايحب يجوفها تصيح: بس عاد !! شفيكم الحين ؟
فيصل يود ناصر: ابوي شفيه ؟؟

ام فيصل من جافت ولدها صاحت ..
راح لها فيصل واهوه متدوده: ابوي شفيه ؟؟ يمه تحجي ابوي شفيه ؟؟
خاشه ويهه وتصيح .. وتهز راسها
بسرعه يود ريم من جتفها: ابوي شفيه !!
ناصر: فيصل تعال بقوللك ..
شوي الا الدكتور طالع .. وهوه متضايق: لو سمحتوا ؟؟
فيصل بسرعه التفت عليه .. كلهم يجوفونه .. ينطرونه يقول شي ..
الدكتور: انتوا عياله ؟؟
فيصل راح يمه .. بخوف: اي دكتور .. انا ولده
الدكتور: انزين لكم خمس دقايق بس تدخلون عليه .. بس مابي صياح وصراخ ( يطالع البنات) سامعين؟
ام فيصل وريم ونجود مسحوا دموعهم ..
الدكتور: اللي يصيح بطلعه .. لان جذي بتزيدون عليه .. واهوه محتاج راحه
ناصر يحاجيهم: سمعتوا ؟؟ (سحب ريم يمه) سمعتي ؟
ريم: ان شاءالله ..
الدكتور: لتخلونه يتضايق .. لوسمحتوا ..
فيصل: ان شاءالله ..
الدكتور: تفضلوا ..
بسرعه كلهم دشوا عليه .. كان ويهه مصوفر .. ابين عليه التعب .. منسدح .. وحاطين عليه اجهزه ..
ام فيصل ماقدرت تيود روحها .. من جافته صاحت ..
فيصل التفت عليها: يمه !!
ام فيصل خذت نفس وراحت يمه .. يودت يده: الغاالي سلامتك ..
بوفيصل يحاول يبتسم .. هوس على يدهه وتم يطالعها .. وهي تطالعه .. وجن عيونه تقول لها ا شيا وايد .. محد يفهمها غيرها ..
فيصل راح له من الصوب الثاني ..
يود يده وباسه: سلامتك يالغالي سلامتك ..
بوفيصل يطالعه.. يبتسم .. وفيصل يطالعه .. ينطره يقول شي .. واهوه ساااكت .. بس يطالعه ..
ريم بسرعه ركضت يمه يودت يده وباستها وتمت ميودتها .. نزلت دمعتها على يده .. ابوها خذ يده وباسها صوب الدمعه .. وريم مستغربه .. وتطالعه .. واهوه يطالعها ..
ريم بزور تتحجى: سلامتك يبه
نجود بسرعه دزت ريم وخذت يد ابوها .. بخوف: يبه شفيك !!
بوفيصل ابتسم .. ولا نطق وبلا كلمه ..
ناصر يجوفهم شلون كلهم متيمعين عليه .. وخايفين .. واهوه يطالعهم .. وساكت .. ويبتسم .. كلهم ينطرونه يقول شي .. واهوه ساكت ..
ناصر راح يمه: سلامتك عمي.. ماعليك شر ان شاءالله
بوفيصل يطالعه: ناصر ؟؟
كلهم استغربوا انه تكلم ..
ناصر ابتسم: لبيه
بوفيصل: ريم ..وصيتي ريم .. اوصيك عليها ..
ريم قلبها عورها .. ناصر ابتسم: افا عليك عمي يطوللي عمرك .. لاتوصي حريص ..
بوفيصل التفت على فيصل: امك .. ونجود ..
فيصل خانقته العبره .. ميود ابوه: لتحاتي .. تقوم بالسلامه ان شاءالله ..
ريم: عسى عمرك طويل يبه لتقول هالحجي ..
دش عليهم الدكتور: خلص الوقت .. لو سمحتوا خلوني وياه
ريم تترجى: بليز شوي بس خلنا وياه بليز ..
الدكتور مب راضي ..
ام فيصل: دقيقه بس دقيقه
الدكتور مب راضي : الحين كلكم تطلعون .. لوسمحتوا ..
كلهم راحوا سلموا عليه وحبوا يده ..
قبل لايطلعون كلهم يطالعونه .. واهوه يطالعهم ويبستم ..
الدكتور بدى يعصب: بسرعه لو سمحتوا ..
طلعوا عنه .. وتموا البنات يصيحون ..
نجود بخوف: ابوي شفيه ؟؟ ليش يقول جذي ؟؟
ناصر ضم ريم بقوه لصدره وقعدت تصيح .. وهوه ميودها: بس حبيبتي عااد !
ام فيصل ميوده ولدها وتصيح .. : ابووووك ..
فيصل وقلبه معوره: لتحاتين يمه يقوم بالسلامه ان شاءالله
الدكتور طلع لهم: ترى قعدتكم مامنها فايده .. انا اقول لو تروحون البيت ترتاحون . .صار لكم جم ساعه اهني ..
ام فيصل : لا بنتم

الدكتور: اذا صار اي شي انا بتصل لكم .. (يحاجي فيصل) عطني رقمك
فيصل بسرعه عطاه بطاقته " الكارد" الكرت : تفضل ..
فيصل: انا اقول نروح البيت نرتاح .. مثل ماقال الدكتور .. بنقعد اهني ومابيخلونه نجوفه
ريم راحت تيود فيصل: انا بتم .. خلني انا بتم ..
ناصر: حبيبتي لازم ترتاحين ..
ريم: معليه انا بتم .. مرتاحه اهني
فيصل: محد بيتم اهني .. رروحوا ارتاحوا ومن يصير الصبح بنيي كلنا ..
ام فيصل: يمه انا بقعد
فيصل: يمه قلت لج محد بيتم .. يالله بسرعه .. مشينه ..
ريم ماتبي تروح ..
فيصل: من بيي وياي ؟
ريم: انا يايه بسيارة امي .. (تحاجي نجود) تعالي وياي
فيصل: يمه انتي تعالي وياي ..
ناصر يحاجي ريم: حبيبتي انا بروح البيت .. لازم اوصلهم المطار.. بعدين باييج البيت وبنيي اهني يميع .. صار؟
ريم يودت يده: عمري لتأخر ..
ناصر ابستم: ان شاءالله حبيبتي ..
راحوا كلهم صوب الباركات .. ركب فيصل ويا امه وراحوا ..
ناصر يود يد ريم: حبيبتي سوقي بالعداال .. لتسرعين .. انا بسوق ورااج .. بوصلج البيت وعقب بروح
ريم ابتسمت: عمري ماله داعي انت روح ارتااح ..
ناصر: مابرتاح الا اذا وصلتج .. (يود يدها وباسها) احبج ..
ريم وعيونها تلمع من الدموع .. بطل لها الباب .. ركبت .. صك الباب .. وراح ركب سيارته .. نطرته ريم .. ومشت ومشى وراها ..
طول الطريج لاصق سيارته .. اتصل لها: حبيبتي ؟
ريم: عمري انته
ناصر: مابيج تتضايقين .. انتي بس ادعيله .. والله يقومه بالسلامه ..
ريم من قلب: آمين الله يسمع منك
ناصر: ابيج تصيرين قويه .. وتتحملين كل شي ..
ريم بخوف: احاول
ناصر: عشاني .. حاولي ..
ريم بخوف: ان شاءالله ..
ناصر: الحين تروحين البيت .. تصلين الفير .. وترقدين ..
ريم سكتت ..
ناصر: ابوي ؟؟
ريم: ان شاءالله
ناصر: رقدي .. لتحاتين .. اهم شي ترتاحين حبيبتي ..
ريم: ان شاءالله .. انت بعد لازم ترتااح ..
ناصر: ان شاءالله من عيوني .. تامرين أمر حبيبتي انتي ..
ريم تنهدت ..
ناصر: ابوي عاد .. لتعورين قلبي .. مابيج تصيرين ضعيفة جذي ..
ريم سكتت ..
ناصر: ان شاءالله انا اوصلهم المطار بس واييج على طول عشان نروح
ريم : ان شاءالله .. بس عمري من تقوم اكل لك شي لتطلع علريج
ناصر: ماباكل الا اذا كلتي وياي .. قصدي أكلتيني
ريم ابتسمت .. وسكتت ..
ناصر سكت ..
وريم ساكته ..
ناصر: ريم !!!!!!! بلعدال شفيج فالته !! خففي شوي !!
ريم : هاا ؟ اي اوكي بس .. سرحت شوي
ناصر معصب: ابوي !! شفيج ؟؟
ريم طقت بريك قوي طق راسها فلسكان وطاح التلفون من يدها لان السياره اللي جدامها وقفت مره وحده .. وناصر طق بريك وراها بغى يدش فيها: ريييييييييم !!
نجود اللي كانت سرحانه في ابوها طول الطريج نقزت مره وحده: بسم الله !!
ريم خايفه .. بسرعه خذت التلفون: لا اله الا الله .. ذي وقف مره وحده انا شدراني
ناصر معصب: لابسه لحزام انتي ؟
ريم متفشله: نسيت
ناصر معصب: ريم شفيج ؟ بسرعه لبسيه ..
ريم : لحظه
حطت التلفون في حضنها .. لبست لحزام بسرعه وخذت التلفون: الو
ناصر معصب: ريم انتبهي .. حطي بالج ..

ريم: ان شاءالله ان شاءالله
ناصر: صكيه انزين عقب بكلمج .. حطي بالج علطريج
ريم: ان شاءالله
ناصر: يالله بيباي
ريم: باي ..
التفتت على نجود: راسي بينفجر من التفكير ..
نجود: من قلب
ريم: قولي يارب يقوم بالسلامه
نجود: آآمين ياربي
تموا ساكتين .. لي ماوصلوا البيت ..
وقف ناصر سيارته ونزل لهم ..
نجود بسرعه دشت البيت .. ريم تمت واقفه فلكراج " قراج " طبيله .. المهم
ياها ناصر بسرعه : حبيبتي ارتاحي الحين ..
ريم: ان شاءالله .. تعال ارتاح اهني
ناصر: لا لا لازم اروح لهم ..
ريم: عمري تحمل فروحك
ناصر: وانتي بعد .. تحملي فروحج ..
ريم تهز راسه
ناصر ابتسم: by the way .. تعالي شميني ..
ريم مستغرربه: ها ؟
ناصر: الحين امساعه انا المج وانتي ولا تشمين ؟
ريم ابتسمت: وي امبلا لاحظت .. بس مب حزتها .. تخيل يعني اقولك حزتها عن العطر !! (ابتسمت) عليك بالعافيه
ناصر: آيه عليج .. نعم الله عليج حبيبتي ماتقصرين .. كل شي عجبني .. حبيبتي والله
ريم ابتسمت: يا عمري وقلبي .. تستاهل اكثر
ناصر يود يدها وباسها: الله يخليج لي ولا يحرمني منج .. قولي آمين
ريم من قلب: آمين ولا يحرمني منك ..
ناصر لمها بقوه: مابي اجوف دموعج حبيبتي .. خلج قويه
ريم سكتت ..
ناصر هدها .. يود راسها وتم يطالعها .. ويمسح على خدها .. وهي منزله عينها .. ناصر: ابوي ؟
ريم تطالعه: سم
ناصر ابتسم .. باسها على يبهتها: يالله ابوي .. بروح انا ..
ريم يودت يده: تم شوي
ناصر يطاللع يدها: معليه بس خل يسافرون .. بتم وياج على طول .. وبرقد عندكم .. شتبين بعد؟
ريم ابتسمت: صج عاد ؟
ناصر: صج افا عليج ..
ريم ميودته ومب راضيه تهده ..
ناصر: ابوي ترى ماستحمل .. (يطالع يدها ببراءة)
ريم هدته: طمني عليك
ناصر: انتي طمنيني عليج حبيبتي ..
ريم تهز راسها
ناصر مشى عنها .. قبل لايمشي التفت عليها: احبج ..
ريم ببراءة :احبك
ناصر مستغرب .. اول مره تقولها جذي ..
ريم استحت ودشت عنه .. وناصر ركب سيارته ومشى ..
دشت ريم البيت .. تعبااااانه .. ركبت غرفتها .. صلت الفير .. وانسدحت علسياده ورقدت من التعب .. تلفونها بند .. مافي جارج ..
ام فيصل من دشت غرفتها تمت تصيح .. عقب ماصلت انسدحت تبي ترقد مب قادره .. طول الوقت تفكر في ريلها ..
فيصل .. متضاااااااااااايق .. ومب عارف شيسوي .. يحاتي ابوه .. ويبي بسرعه يصير الصبح عشان يروح له ..
نجود من تحاتي ابوها .. تتذكر شكله وهوه رااقد .. فلمستشفى .. يكسر الخاااطر .. تمت تدعيله .. وتحاول ترقد ..
اسماء .. تحاتي فيصل .. ماتدري شسالفته .. قالها بيجوف ريم وبيتصل .. توها مستوعبه .. ليكون ريم فيها شي ؟؟ سيده اتصلت له ..
فيصل من جاف رقمها استانس .. بس صوته ابين متضايق: الوو
اسماء: نسيتني ؟

فيصل: انسى روحي ولا انساج افا عليج يالغاليه ..
اسماء تتدلع: عيل شفيك ماتصلت ؟
فيصل يتدلع: تبيني اتصل يعني ؟
اسماء: اكيد .. عيزت انطر
فيصل: آسف .. بس .. ابوي فلمستشفى
اسماء وقف قلبها: احللللللللف ؟؟
فيصل مستغرب: والله
اسماء: وي سلامته شفيه ؟
فيصل: يقولون ضغطه مرتفع وايد .. مادري عاد شسالفه
اسماء: وانت الحين عنده ؟
فيصل: مايخلونه نجوفه .. خمس دقايق بس .. رجعنا البيت كلنا عقب بنروح له
اسماء: وي وعليه .. ماعليه شر ان شاءالله يقوم بالسلامه
فيصل: الله يسلمج حبيبتي
اسماء: عيل اخليك انا ترتاح .. واذا رحت له طمني عليه ..
فيصل: خلج وياي شوي ..
اسماء: فيصل لازم ترقد وترتاح
فيصل: تهمج راحتي يعني ؟؟
اسماء بحيا: اكيد
فيصل بهدوء: راحتي وياج ..
اسماء استحت .. ماعرفت شتقول له ..
وهوه سكت .. يحاتي ابوه ..
وهي تمت ساكته ..
وهوه ساكت ..
لي مارقدت حضرتها .. فيصل مستانس يسمع صوتها وهي راقده وتتنفس ..

حمد .. ماقدر يرقد .. يبي يعرف شلون يوصل السيدي حق ناصر ..
يدري ناصر مابيقدر يطقها بوجود ابوها وخوها .. بس .. اكيد بيهدها ..
ركب سيارته المريبنه .. " رايبون " .. راح صوب بيتهم .. ووقف شوي بعيد .. وتم فلسياره ..
في خاطره" اكيد من الصبح بييها الجلب .. لكن هذي ويهي .. آآخر صبح له وياها ..هذي ويهي .. واذا السيدي مانفع .. بسويلك شي أكبر .. "

ناصر .. كان حاط ااغراضه اللي شرتهم له ريم في شنطته ..للحين ماصار عنده وقت يطلع اغراضه .. الشنطه علأرض والأغراض فيها ..
والشبكه للحين عنده ..
قام الصبح .. بيوصل امه وابوه المطار ..
اتصل في ريم .. يبي يجوفها جان قامت ولا لا .. كان تلفونها مصكوك ..
قام بدل .. نزل حق امه وابوه .. كانوا يصكون شناطهم ..
ناصر ابتسم: صباح الخيير
ام ناصر: هلا يمه صباح النور ..
بوناصر يطالعه: الا من وقت ؟؟ شصاير ؟؟
ناصر: بوصلكم المطار ..
بوناصر: ابين ويهك ماشبعت رقاد
ناصر راح يمه: افا عليك يبه .. بوصلكم وبرجع اكمل رقاد
بوناصر: زين .. (يحاجي مرته) نتريق فلمطار بس .. مايمدينه ..
ام ناصر: ميخالف .. يالله مشينه ؟
بوناصر يحاجي ناصر: تهقى بيت عمك قاعدين هالحزه نروح نسلم عليهم ؟؟
ناصر مايبي يقوله شصار: لا يبه يرقدون اهمه ..
بوناصر: زين يمكن عمك قاعد
ناصر: لااا ماظن .. راقدين راقدين
بوناصر: زين عيل سلم عليهم .. ولي وصلنا احنا بنتصل فيهم
ناصر: الله يسلمك ..يالله جدموا وانا بحط لشناط فلسياره ..

حمد للحين ماتحرك .. كان ينود من التعب .. ينطر ناااصر ايي .. عشان يعطيه السيدي .. تم يفكر شيسوي .. وشيقوله بالضبط ..

فلمطـار
ناصر سلم على امه وابوه ..
ام ناصر: تحمل في روحك يمه .. وتعال انت ومرتك لنا
ناصرابتسم: اكيد يمه
ام ناصر: حسافه مابنقدر نحضر الحفله .. بس اهم شي تستانسون .. حط بالك عليها ..

ناصر: فعيوني يمه
ام ناصر: وقول لها امي تقول لج حطي بالج علي ..
ناصر: اهيا حاطه بالها علي من زمان لتحاتين
بو ناصر: سلم على عمك وعياله كلهم ..
ناصر: الله يسلمك .. يبلغ ان شاءالله .. اهم شي انتوا من توصلون اتصلولي
بو ناصر: ان شاءالله
ناصر: بالسلامه ان شاءالله
بوناصر: الله يسلمك
ام ناصر: الله يسلمك يمه ..
بوناصر: يالله نمشي لنتأخر
ام ناصر يودت يده: تحمل فروحك ..
ناصر ابتسم: لتحاتين ..
بوناصر وامه: مع السلامه
ناصر رفع يده: الله يسلمكم ..

ركب ناصر السياره .. اتصل في ريم .. تلفونها " مغلق " .. مامنها فايده .." في خاطره" وينهي !! ليكون رقده !! انزين .. مافي الا اروح لها ..
راح ناصر بيت ريم .. جرب .. حمد من جاف سيارته نزل ..
ناصر نزل .. وحمد عطاه ظهره .. ناصر طق الجرس .. ينطر احد يطلع له ..
حمد بسرعه صد عن ناصر .. راح صوب سيارته وحط السيدي علأرض يم باب السواق" اللي يسوق يعني " ..
وناصر كلش ماانتبه له ..
بطلت له جاندرا الباب .. دش: هاا .. وين ريم ؟
جاندرا: ريم نوم ..
حمد بسرعه راح وقف جدام الباب يزعم يتحجى فلتلفون: الووو .. حبيبتي ريم " اهني ناصر وقف مكانه".. وينج ؟؟ يالله نزلي بسرعه .. نزلي نزلي .. اي ناصر ؟؟ لا لا نزلي مايخصني .. نزلي بسرعه عاد .. جوفي .. اي بهدد .. كيفي .. سمعيني .. ان مانزلتي الحين .. ترى حاط السيدي اللي قلت لج عنه عند سيارته .. مايخصني .. ان مانزلته مب شايله .. كيفج .. مادري وينه .. بتنزلين ولا شلون ؟؟ .. اوهووو .. سمعي لج دقيقتين .. بروح البراده بشتريلي بيبسي وبرجع لج .. ان ماجفتج تحت بتولين .. سامعه ؟؟ ( فقير يحاجي روحه يتحلم .. ناصر من سمع صوته وقف .. يم الباب .. تيبس . مب مصدق اللي يسمعه .. واي سيدي واي خرابيط .. ؟؟ شسالفه ؟؟ شسالفة ريم ؟؟ وهذي من ؟؟ ليكون حمد !! اي من غيره .. نفس صوته .. ماصدق .. )
حمد بسرعه ركب سيارته وشخطها ..
ناصر .. وجن احد صب ماي بارد عليه من فوق لي تحت .. مب مصدق اللي يسمعه .. بسرعه طلع يبي يجوفه .. يبي يذبحه .. بس .. ماله أثر .." اروح اذبحها اهيا ؟؟ اي تستاهل .. اذبحها الخاينه .. اذبحها .. بس .. انا قايل لها مابطقها .. لحظه لحظه .. خل افهم شسالفه قبل "
دار راسه .. افكاره توششت .. مب عارف شيقول ولا شيسوي .. بسرعه راح صوب السياره .. وجاف السيدي عند الباب .. اتسغرب .. بسرعه ركب سيارته وشغله .. قلبه يدق ..يبي يعرف شسالفة السيدي ..
سمع السوالف ..!! ريم !! هذي ريم !!!!!!!! ماصدق !! تم قاعد فلسياره .. خذ السيدي وكسره وفلته فلشارع .. عصب .. تكدر .. تضايق .. انصدم .. تحطم .. كل شي .. طق يده عالسكان بقوه .. بسرعه شخطها بيتهم .. حط اغراضه فلشنطه وصكه .. ماله الا ينسحب من الموقف .. اذا جافها بيذبحها .. واذا جافه بيذبحه .. يذبح روحه احسن ..
بسرعه شال اغراضه .. جاف الشبكه محطوطه على السرير .. بسرعه شالها .. وخذ ورقه .. مب عارف شيكتب فيها .. يده ترتجف .. ومب مصدق اللي صار .. يحس روحه بتوقف .. قلبه بيوقف .. ريم ؟؟ حبيبتي وغلااي ؟؟ عمري وهواي ؟؟ تخونني ؟؟ اخر كلمه سمعها منها " احبك " .. وآخر كلمة قالها لها " احبج " .. ووين هالحب ؟؟ ذبحتيه يالخاينه !! انتي تخونين !! ياليتني كنت ميت ولا سمعت السيدي .. ياليتني كنت ميت ولا سمعته يكلمها .. وانا اذا اتصل لها .. صاكته !! شمعنه اهوه ؟؟ يعني خلاص !! انهيتي كل شي بيني وبينج .. عفيه علييج يالخاينه .. عفيه عليج ..
للحين ماكتب شي .. مب عارف شيكتب بالضبط ..
كلمة .. ولازم تصير .. عقب اللي سوته فيني ..
كتب لها .. في وسط لورقه " انسيـني " وحطها ويا الشبكه .. خذ شنطته وجوازه .. اتصل في رفيجه عبدالله ..
كان راقد : الو
ناصر وصوته مخنووق: عبود ؟

عبدالله: ناصر ؟؟ شفيك ؟
ناصر حبس دمعته . . مقهوور مب عارف شيسوي: توصلني المطار؟
عبدالله: وين بتروح ؟
ناصر: اي مكان ..
عبدالله: انطرني بس ابدل واييك ..

ريم .. " ياغافل لك الله " .. ولا تدري شسالفه .. قامت .. بسرعه اتصلت حق ناصر تبي تجوفه وينه .. يرن يرن ..
ناصر يجوف رقمها .. بسرعه صك تلفونه وحذفه عالطوفه .. هوس على يده وضروسه .. " يالخاينه .. يالحقيره " ..
عبدالله بيتهم جريب .. بسرعه بدل وركب سيارته وراح حق ناصر اللي كان ينطره تحت .. وتلفونه طايح علأرض ..ريم عيزت تتصل .. كله يطلع لها " مغلق " ..
تمت تحااتيه .. وينه ؟؟
ناصر بسرعه ركب السياره .. عبدالله مستغرب: ناصر شفيك ؟
ناصر عطاه الجيس .. أللي فيه الشبكه: هاك .. وده بيت عمي عقب
عبدالله: مومشكله الحين نوديه
ناصر صرخ: لاااا .. قلت لك انت عقب وده .. ودني المطار الحين مالي قعده ..
" ابنسحب في صمت ماستحمل وداع .. واقطع حبال الوصل بينك وبيني
اكيد قصة حبنا كانت خداع .. كل المشاعر زايفه صدقيني"
عبدالله: ناصر فيك شي ؟
ناصر ساكت .. سرحاان يفكر .. هذي اخرتها ياريم ؟؟ هذي اخرتها ؟؟ انا شمقصر معاج تسوين فيني جذي .. هذي اخرتها ؟؟ هذي يزااي ؟؟ خافي ربج !! جذي تسوين فيني ؟ جذي تحطميني ؟؟ معليه .. انا بروح الحين واخليج ويه .. يالخاينه .. ماصدق .. انتي ؟؟ انتي حبيبتي تسوين فيني جذي ؟؟ انتي ؟؟ ياليت كل الناس خانوني مو انتي . . ماصدق انتي اللي تجرحيني .. انتي اللي تخونيني .. ماصدق .. ماصدق .. مستحيل انتي تسوينها .. بس .. هذي انتي ؟؟ تسولفين وياه ؟؟ وبين كلمه والثانيه احبك واحبك ؟؟ وانا بزوراليوم نطقتيها ؟؟ حسااااااااااافة وقتي اللي ضيعته ويااج .. حسافه اني عديتج حبيتي .. حسااااااااااافه .. حساااااااااااااااااافه .. طعنتيني .. آآخ بس آآخ .. ماصدق انتي اللي كنتي وياي من شوي .. تخونيني ؟؟ ويا هالسلحوت ؟؟ افاا بس .. ماهقيتج تطعنيني .. ذبحتني .. ذبحتيني ياريم ذبحتيني يالخااااينه .. هذي يزاتي ؟؟ (نزلت دمعته غصب .. منصدم) يزاتي اني احبج ؟؟؟؟؟؟ آآآآآآآآآآآآآه ياريم

المستشفى اتصلوا حق فيصل ..
فيصل: الو ؟
الدكتور: فيصل ؟
فيصل بخوف: اي نعم .. من معاي ؟
الدكتور: انا الدكتور هيثم .. لوسمحتوا ممكن تيون المستشفى؟؟ ابوك تعبان
فيصل خايف: الحين الحين ..
بسرعه صك التلفون .. طلع من الغرفه مستعيل .. يصارخ: رييييييييم ؟
ريم كانت للحين تحاتي ناصر .. وتحاتي ابوها .. بسرعه من سمعت الصرخه طلعت له: شفيك ؟؟
فيصل: بسرعه بدلي بنروح المستشفى .. بسرعه
ريم بسرعه لبست دفتها وشيلتها .. وخذت التلفون معاها ..
نجود سمعتهم وخذت دفتها وبسرعه نزلت حق امها تقول لها ..
بسرعه كلهم طلعوا وركبوا السياره .. فيصل كان ينطرهم ..
خايفين كلهم متوترين .. طول الطريج ساكتين .. عسى مافيه شي بس .. ان شاءالله مافيه شي .. يقوم بلسلامه الغالي .. يقوم بالسلامه .. لا ا شاءالله مافيه شي ..
بسرعه وصلوا المستشفى .. نزلوا.. دقات قلبهم تتسارع .. وكل واحد بسرعه يبي يروح يجوفه .. بسرعه .. فيصل يركض ..ريم تركض ويا نجود .. ام فيصل ماتعبر تركض بس تمشي بسرعه .. يالله تلحق عليهم .. وصلوا صوب الممر ..

بسـم الله الرحمــــن الرحيــــم

][ الجزء الخــامس والعشرون ][

في المستشفى ..
صوب الممر ..
طلع الدكتور من الغرفة .. وحده متضايق .. جافهم كلهم يطالعونه .. يبونه يقول لهم شي .. يبونه يطمنهم .. يقول لهم اي شي !! .. .. سكت عنهم ومشى ..
فيصل بسرعه دش الغرفة اللي كان ابوه راقد فيها ..
وريم ركضت وراه
ونجود وراهم ..
جافوا السستر تغطي ويه ابوهم بالشرشف الأبيض ..
وقف قلبهم
فيصل مب مصدق !! ابوي !!!!!! ابوي ليش يغطون ويهه !! ابوي ماااات ؟؟
السستر طلعت عنهم .. فيصل يطالعها يبيها تقول شي .. قلبه يدق يدق يدق ..
ريم ماقدرت تتحمل شكل ابوها جذي .. مغطي .. وملحف بالشرشف اللأبيض .. وقف قلبها .. ابوي ؟؟ من صجكم ؟؟ ابوي ماات ؟؟ بدون شعور داار راسها وطاحت علأرض ..
فيصل يصيح .. راح صوب ابوي .. غمض عينه وشال الشرشف من ويهه .. يبي يتأكد .. مب مصدق .. يده كانت ترتجف .. تم يطالعه .. كان ويهه مبتسم .. تم يصيح .. ماقدر ايود روحه ويحبس دموعه .. صرخ بقوه: يبـــــــــــــــه
ام فيصل كانت عند الغرفه .. خايفه تدش .. من سمعت صرخة فيصل دشت .. وجافته منزل راسه صوب ابوه ويصيح ..
وقف قلبها وصرخت: سعووووووووود ..
قعدت علأرض تصيح وتطق راسها: سعوووود لاااااااا .. سعوود مامات .. سعود حي .. سعود حي (وتصيييييح بقوه) سعوود حي .. ماااااااماااات
نجود مب مستوعبه .. ريم طايحه علأرض ولا تدري بالدنيا ..
ام فيصل تصارخ وتصييح وتطق روحها
فيصل واقف يم ابوه ويصيح من قلب ..
نجود راحت صوب ابوها .. ريلها ترتجف .. ودموعها تنزل .. طقته على جتفه بلعدال: يبه ؟؟ يبه قووم .. عاد عاد يبه قووم !! يبه شفيك ؟؟ قوم يالله يوم (تمت تدزه) قوووووم .. (تصيح بقوه) يييييييييييبه .. يبه حاجني .. انا نجود .. يبه شفيك ساكت ؟؟ يالله عاد قوم ..
ام فيصل قامت بسرعه راحت صوب ريلها .. جافته مبتسم .. ابتسمت .. وهي تصيح: سعود لتخليني .. ابيك لتخليني .. قوم وياي نروح البيت (صرخت) سعووووود .. قووم يالله (تمت تصييح من قلب .. نجود واهيا ميتين من لصياح .. نجود التفتت على امها بخوف .. ماتبي تصدق اللي تجوفه .. تبي شي يجذب عينها) يمه ابوي شفيه ؟؟ ليش مايرد علي ؟؟
ام فيصل لمتها بقوه وقعدت تصيح: ابووج خلاااني يا نجود ابوج خلااااني .. راااح عني على غفله .. (تصييييح) ابوووج رااااح ..
نجود وهي تصيح: لاااااااااااااااااااا .. لا مايصير مايصير .. ابيه .. ليش يمه ليش ؟؟؟
ام فيصل تصيح: آآيه عليك يا بوفيصل .. ليتني انا مكاااانك .. ليتني عطيييتك عمري يالغااااالي .. آآآيه عليييييك على غفله .. رحت وخليتني يا سعووووود .. آآآآه ياقلبيي
نجود لمتها بقوه وقعدت تصيح
فيصل رفع راسه .. جاف ابوه .. باس راسه وغطى راسه بالشرشف .. التفت على امه ونجود .. كانوا لامين بعض ويصيحون .. وين ريم ؟؟ بسرعه طل عليها جافها طاايحه علأرض .. بسرعه راح صوبها ..نزل علأرض ويودها .. رفعها صوب حضنه .. طقها على خدها: رييم ؟؟ رييم قومي ريم .. (يهزها بقوه) ريم قومي !! ريييييييييم !!
التفت على امه ونجود بسرعه: نادوا احد بسرعه !! (يحاجي نجود) بسرعه !
نجود هدت امها وتطالع فيصل وهي تصيح .. ام فيصل بخوف: يمه بنتي !!!!!!!!!
فيصل وريم طايحه على حضنه : بسسسرعه !!
نجود طلعت تبي تجوف اي احد تناديه .. جافت سستر واقفه : تعالي بسرعه
السستر التفتت عليها: شفيج؟
نجود تصيح: اختي طايحه

السستر راحت وراها ونادت الدكتوره.. دشوا عليهم جافوا ريم .. طايحه .. بسرعه شالها فيصل وسدحها عالسرير اللي يابوه .. سدحوها ورفعوا ريلها ..
ام فيصل ونجود تموا ويا ابوهم .. لي مايات الممرضة ودزوا السرير بيطلعونه ..
ام فيصل تصيح: وين بتودينه ؟؟ ريلي وين بتودينه ؟
الممرضه بجد: خليني اجوف شغلي ..
نجود بعصبيه: خلي ابوي !! وين بتودينه خلييه !!
الممرضه دزت السرير وطلعت عنهم
ام فيصل تطالع نجود: ابوج !!!!!!!!! ابوج خذووه عني ابووج ! (دار راسها وقعدت عالأرض بسرعه .. وتمت تصيح) ابوووج يا نجود ابووج .. خذووه عنييي وخلوووني ..
نجود ومعورها قلبها ..: اااااااااه (تصيح) ابي ابووي ..
فيصل كان ويا رييم .. يحاولون فيها تصحى .. فيصل يحاجيها: ريم قومي .. رييم !!
ريم تمت شوي .. وفيصل يطالعها .. وميود يدها .. ينطرها تقووم ..
شوي وقامت .. قامت وهي خايفه .. تتلفت . يمين يسار ..
فيصل بسرعه يود يدها ويطالعها .. وهي تجوف ويهه شلون متضاايق وتعبااان ويصييح ..
ريم ماتبي تسمع الخبر .. لاا ابوي مامات .. ابوي حي .. الحين بروح اجوفه .. الحين بروح اسلم عليه .. ابوي اهني (ببراءة ) : فيصل ؟؟ (قامت من السرير) ابي ابووي ..
فيصل عوره قلبه .. دزها عالسرير بلعدال عشان تنسدح : انتي ارتااحي ..
ريم ميوده راسها: يعورني !
فيصل: الطيحه كانت قويه ..
ريم دزته وقامت: خلني برروح اجوف ابوي ..
بسرعه ركضت عنه ..
فيصل راح وراها يصارخ: ريييييم !!
ريم بسرعه راحت تبي تجوف ابوها .. جافت نفس الممرضة تدز الجثه .. وهي تمشي ..
ريم وقفت .. تطالع الممرضه ببراءة: نطري !!
فيصل واقف يجوفهه ومعوره قلبه ... مايبي يقول لها شي ..
ريم وقفت .. حست ان ذي ابوها .. قلبها يدق يدق .. تبي شي يقول لها ابووج حي .. ماتبي تصدق !! ماتبي تسمع الخبر
الممرضة بجد: في شي ؟؟
ريم بخوف .. متردده .. يدها ترتجف .. ركبها تتصافق .. قلبها يدق .. ريجها نشف .. ببراءة: هذي من؟
الممرضه هزت راسها ودزته بتمشي ..
ريم راحت يمها: لحظه ..
ريم .. ويدها ترتجف .. شالت الشرشف منه .. غمضت عينها .. سمت بالرحمن وبطلتها .. جافته ابوها .. صرخت: لااااااااااااااااا .. (التفتت على فيصل وهي تصيح) فيصل ؟؟ ابوي ؟؟
فيصل راح يمها وسحبها وهي تزده : خلني .. خلني بجوف ابوي خلني (وهي تصيح من قلب) ابوووووووي .يبه لااااااااا لتروح يببببببببه
الممرضه غطت ويهه ومشت عنها ..
فيصل ميود اخته وهي ترفس وتعافص تبي تروح . . فيصل يحاول يهديها .. خذاها بقوه ولمها .. وهي تمت تصيح: ابووي .. ابووي راح .. ابووي مات .. لاااااا
فيصل وعيونه حمر من لصياح .. يحاول ايود روحه: بس ريم .. بس ..
ريم تحاجي فيصل وهيا تصيح: على غفله !! ماكان فيه شي .. (ردت لمته بقوه) ابي ابووي .. فيصل .. ابي ابوي .. تكفى طلبتك ابيييييه .. (هدته ويودت ويهه وهي تصيح) قولي ابوي ماامات .. قول ابوي حي وبيرجع ويانه .. تكفى قووووووووول ..
فيصل يهز راسه وعيوونه تدمع .. غمضهم بالقوه: حراام عليج !!
ريم تصيح : خلني اجوفه .. ماشبعت منه بليز ابي اجوفه .. ابي اسلم عليه .. فيصل ليش مو انا اللي مت ؟؟ ليش ابوي بالذات لييييش ؟؟ فيصل ابيه !! ابي ابووي ..
فيصل يحاول يهديها: بس ريم .. بس عاد .. (سحبها) امشي خنروح حق امي ونجود ..
كانوا وقفين في الممر .. صوب الغرفة .. لامين بعض ويصيحون ..
ريم من جافت امها صرخت: يييييييمه .. يمه لحقي علييي مه
ام فيصل التفتت عليها وهي تصيح .. بسرعه ريم ركضت لمتها: يمه ابووي راااح ..
ا[color=#4bacc6]م فيصل[color:9241=#4bacc6:9241] تصيح: آآيه عليك ياسعووود .. آآيه عليك

ريم تصيح من قلب: ابي ابووووووي يمه عاااد ابيييه .. ابي اجوفه ..
ام فيصل تصيح: آآيه علييييييك ياسعووود رحت وخليييييتني
فيصل يحاجيهم: خنروح البيت يالله ..
نجود تصيح: ابوي ؟؟ مابيي ويانه ؟؟
فيصل يودها: امشي نروح البيت ..(يحاجي امه واخته) ادعوله .. ترحموله .. لصياح مابيفيدكم ..يالله مشينه ..
بسرعه راحوا صوب السياره .. كانت الساعه 9 الصبح ..
فيصل يسوق وهوه متوتر .. طول الوقت يقول" اللهم لا اعتراض .. اللهم لا اعتراض . الله يرحمك يبه .. الله يثبتك عند السؤال .. الله يرحمك .. "
ريم منزله راسها وتصيح ..
وام فيصل قاعده جدام وتصيييح ..
نجود قاطه راسها على جتف ريم وتصيح ..
وصلوا البيت ..
ام فيصل قبل لاتدش وقفت .. في خاطرها " مايسوى شي بدونك يالغاااالي " .. وهي تصيح ومعورها قلبها دشت البيت ..
ريم ميوده نجود .. ماسكتوا طول الطريج يصيحون .. دشوا ورا امهم ...
فيصل ... اتصل في رفيجه خالد .. وقاله ان الدفان بيكون عقب صلاة العصر .. عشان يمديهم الناس جود اطلعوا من اشغاالهم .. اتصل في راشد يقول له بعد ..
كان واقف برا مادش البيت .. موقف سيارته ومتسند عليها .. مايتخيل البيت بدون ابوه ..
في هالحزه يه عبدالله .. وشايل جيسه الشبكه في يده .. جاف فيصل واقف برا .. نزل من السياره وراح بيسلم عليه
فيصل .. عيونه حمر .. وويهه متضايق وحزيين .. سلم عليه عبدالله: السـ (لاحظ ويهه شلون متغير وحزين) السـلام عليكم
فيصل التفت عليه .. بلع ريجه: وعليكم السلام والرحمه
عبدالله مستغرب: عسى ماشر ؟؟ شفيكم ؟؟
فيصل وصوته مخنووق: الوالد (بلع ريجه .. غمض عينه) عطاك عمره (نزلت دمعته غصبن عليه)
عبدالله انصدم: انا لله وانا اليه راجعون .. عظم الله اجرك .. متى الدفان ؟؟
فيصل: عقب صلاة العصر ان شاءالله (ركب السياره) معليه انا بروح المستشفى الحين .. في اشيا لازم اخلصها
عبدالله: خلاص نجوفك بعدين ان شاءالله ..
فيصل ودموعه تنزل: ان شاءالله ..
عبدالله توه بيرد .. تذكر اللي في يده .. طق عليهم الجرس .. طلعت له جاندرا وهي متضايقه: شنو يبي ؟؟
عبدالله عطاها الجيس: هذي حق مدام ريم ..
جاندرا تطل عالجيس: زين زين ..
عبدالله مشى عنه .. " في خاطره" ناصر ماقال لي .. اكيد مايدري .. الحين وين احصل له ؟؟ مافي الا اروح له المطار .. يمكن اجوفه اقوله يرجع .. عمه توفى !! لازم يكون موجوود ..
حمد سمع الخبر من ربعه اللي دايما يروحون الميلس .. كل واحد قال حق الثاني لي ما وصل له الخبر ..
نايف اتصل له: دريت؟
حمد متضايق: اييه .. الله يرحمه
نايف: بتغدى وبمر عليك نروح المقبره
حمد: اوكيي بنطرك
ريم من دشت البيت .. وقفت .. تطالع كل مكان .. تتذكر ابوها .. كان قاعد اهني .. كان واقف اهني .. كان يقرا الجريده اهني .. كان يضحك اهني .. كان يااكل اهني .. كان يمشي اهني .. كان يجوف التلفزيون اهني .. يتحجى فلتلفون اهني .. آآآآآآآآآآه يبه .. كل شي حولي يذكرني بشي .. كل شي حولي يذكرني فيييك .. يالغاااالي ..
راحت صوب الصوره اللي فلصاله .. علطووفه معلقه ..
كان اهوه " الله يرحمه " .. يمه مرته ..وفي حضنه ريم كانت ياهل ..وامها شايله نجود كانت صغيره توها فلمهاد .. وفيصل كان شوي حلييو .. واقف وراهم .. في وسط امه وابوه .. كلهم يضحكون فلصوره .. بس نجود كانت وايد صغيره ..
تمت واقفه تطالع ابوها .. وتدقق في شكله ..ودموعها تنزل .. " في خاطرها" الله يرحمك يالغاالي الله يرحمك ..
ماقدرت توقف .. قعدت عالأرض وخشت ويهه وتمت تصيح بقوه .. " في خاطرها" ليتني انا اللي مت ولا انت .. ليت الموت خذاني ولا خذاك .. ليتني انا المريضه .. آآآآه انا لله وانا اليه راجعون .. (رفعت راسها تجوف الكرسي اللي دايما يقعد عليه .. تخيلته يشرب الجاي .. ويقرا الجريده .. ردت نزلت راسها وتمت تصيح )
نجود وامها من دشوا راحوا غرفته .. ام فيصل ماقدرت تستحمل ..

انهارت من الصيااااح .. ماتقدر تتخيل الغرفة بدونه .. البيت بدونه .. حياااتها بدونه !! الله يصبرها ويصبرهم كلهم .. اللهم لا اعتراض .. اللهم لا اعتراض .. انا لله وانا اليه راجعون
نجود انسدحت على سريره .. تشم ريييحته .. وتصيح .. : يييييييييبه لااا يبه .. يبه وانا ؟؟ آآآه يبه ..
تتذكره لازم من ايي من الشغل ينقزها .. يتطنز علييها .. وهي تنااااقز .. تتذكر لازم اذا تطلع تتصل فيه تتسبب .. علغدا .. لازم تقول له شي .. واهوه يستااانس علييها .. وكل ماتتذكر شكله وهو يضحك وياها تصيييييح
راشد من درى اتصل في اسماء وقاللها .. حنت عليه الا ايي ويوديها عندهم ..
طول الطريج تصيح .. مب قادره تصدق .. ولا تستوعب الخبر ..
وصلوا .. راشد التفت عليها: بس عاد !! عورتي قلبي !!
اسماء تصيح ..
راشد: سمعيني .. عقب بييب لج ميري تساعدكم ..
اسماء التفتت عليه ماستوعبت: ليش تساعدنه ؟
راشد يهز راسه: اسوم ؟؟ النسوان الحين بينكتون عليكم ..
اسماء عاقده حياتها: اصير خير اصير خير ..
نزلت اسوم .. طقت الجرس .. بطلت لها جاندرا .. دشت الصاله .. جافت ريم قاعده عالأرض وميته من لصيااح ..
اسوم قلبها تقطع .. وقفت مكانها مب عارفه شتسوي ..
ريم من سمعت حس الباب التفتت .. تخيلت ابوها يدش .. ايي يسلم عليها .. جافت اسوم واقفه تصيح .. بسرعه قامت ركضت ولمتها وتصيح: اسوم ابووووي اسووم .. ابووي مااات اسوم ابووي مااااات ..
اسماء تصيح: بس ريمو بس ..
ريم لامتها بالقوه: اسووم ابووووووووي .. رااااح وخلاااني اسووووم
اسماء تصيح وريم تصيح ..
ريم تصيح: على غفله !! مره وحده !! آآآآه يبه
اسماء تصيح: ادعيله بالرحمه ريمو .. قطعتي قلبي بس خلااص ..
ريم تصيح ..
واسماء تصيح ..
تموا لامين بعض يصيحون ..
اسماء رن تلفونها .. هدت ريم وردت عليه وهي تصيح: الو
راشد معصب: اسوم ؟؟ شقايل لج انا ؟؟
اسماء تصيح: شسوي ؟
راشد: لتصيحين .. انتي راحيه تهدينهم ولا تزيدين عليهم ؟؟
اسماء قلبها يعورها: ماقدر رشود ماقدر
راشد متضايق: ترحموله .. ادعوله ..
اسماء تحاول تسكت: ان شاءالله ..
راشد: يالله تحملي فروحج .. باي
اسماء: باي..
ريم سرحت في ابوها .. تتذكره .. ايي ويدش عليهم .. يسولف ويضحك وياااهم ..
اسماء حست فيها: ريمو ؟
ريم التفتت عليها: ها
اسماء: وين امج ؟
ريم بغباء: مادري !!
اسماء مستغربه: مب في غرفتها ؟
ريم سحبتها: امشي خنجوفها ..
دشوا عليهم الغرفه .. امها حدها منهااره وتصييح.. بسرعه ريم راحت لها ولمتها: يمه حبيبتي .. (وقعدت تصيح ) ..
اسوم وقفت مب عارفه شتسوي ..
نجود التفتت عليها .. راحت تسلم عليها ..
ام فيصل تمش دموعها: يمه ريم .. اتصلي حق يارتنا ام احمد ..
ريم متوهقه: شقول لها ؟؟
ام فيصل وصوتها مخنوق .. : تعالو الميلس بس ..
دشوا الميلس .. كلهم بدفااافهم قاعدين .. مسرع مانتشر الخبر .. فيصل يوم قال حق ربعه .. قالوا حق امهااتهم .. وذي تخبر ذي .. وذي تتصل حق ذي .. نسوان .. بسرعه لبسوا دفاافهم وراحوا يخلفون عليهم .. وصار لصيااااح ..
نجود كلمت عايشه رفيجتها وقالت لها .. بسرعه يااتها .. انترس الميلس ماشالله .. وايد نسوااان .. وكلهم اصيحون ..
ريم اتصل فيها فيصل .. اهيا تلفونها حاذفته ماتدري وينه ..عاد رن عنده فلسياره .. بسرعه خذاه .. في خاطره" شلون يكلمها " .. ؟
اتصل في اسوم

اسماء تخرعت يوم جافت رقمه .. صوتها مخنوق: الو
فيصل .. وبين الحزن في نبرة صوته: الو
اسماء مب عارفه شتقول له: عظم الله اجرك ..
فيصل : اجرنا واجرج .. ريم يمج ؟؟
اسماء: اي لحظه (بسرعه عطت ريم التلفون) هااج
ريم ردت .. وصوتها رايح من لصياح: الو ؟
فيصل: هلا الريم .. شلونج يبه ؟
ريم سمعت كلمته .. تذكرت ابوها .. وقعدت تصيح ..وفيصل يسمعها
فيصل بهدوء: شلون امي ؟
ريم تصيح ... خذت نفس: امي ؟؟ اااه شلوونها بدون الغالي ؟؟
فيصل معوره قلبه: وين ناصر ؟
ريم .. توها مستوعبه .. ناصر وينه ؟؟ ماعرفت شتقول له ..
فيصل رد سألها: اقول ناصر وينه ؟
ريم: ها ؟؟ ناصر ؟؟ مادري انا !! شدراني اتصل له
فيصل: عيزت اتصل له .. صاك تلفونه
ريم متوهقه: مادري والله !!
فيصل: اوكي اوكي .. اذا كلمج قوليله يتصل لي .. الحين انا شاري اغراض .. بييبهم البيت .. بس ابيه يكون وياي فلمقبره
ريم معورها قلبها: ان شاءالله ..
فيصل: ترى تلفونج فلسياره .. اذا ييت طلعيلي بعطيج اياه ..
ريم: ان شاءالله..
فيصل: يالله باي
عطت اسوم تلفونها .. وقامت تجوف امها .. راحت يابت لها ماي ..
ام فيصل من تسكت .. اتيي مره وتسلم عليها وتصيح .. والباقي يبون الشاره عشان يصيحون بعد . ..
ريم ببراءة: يمه شربي ماي
ام فيصل خذت من بنتها القلاص وشربته ..
قالت حق جاندرا توزع مااي عليهم .. وتمت تنطر فيصل اييها ..

ناصر حجز له على اول طياره بسرعه يبي يسافر اي مكاان .. حصل له رحله حق دبي .. بسرعه دفع التذكره ودخل شنطته ودش المطار .. .
فلطيـاره ..حده منصدم .. ومتضااايق ..
مب مصدق اللي صار .. وفي باله .. الا الخياانه ياريم الا الخيانه.. ماصدق .. واثق فيج .. حدي واثق فيج .. وهذي يزااي ؟؟ يعني خلاص ؟؟ انا فطرييج .. وانتي فطريج ؟؟
عبدالله يوم رجع يبي يقول له مالحق عليه.. خلاص سافر .. اصلا ماعنده التلفون عشان يكلمه ولا يسأله ولا شي ..
وناصر مقهووور ..
أكـبر قهـر شوفـت وليفكـــ مـع الغـير
،،، يضحكـــ ويعطـي مثـل ما كــان يعطيكــــ ..
اي والله .. اكبر قهر .. خلااص بروح واخلييج يالريم .. دامه وجودي والعدم صار واااحد .. مالي وجود بدنيتج .. خلي حمد ينفعج .. حسافه .. حساافه يالريم حساااافه .. بترتاحين الحين ؟؟ بيحلى لج الجو ؟؟ خيبتي ظني فيج .. جرحتيني .. اي والله اني مجروح .. واحس بلطعنه في قلبي
بعض الجروح ان جت من اغراب عادي - الموت موت الجرح لا جاء من اقراب ..
الله كريم .. والله يصبرني على فراااقج حبيبتي .. اي حبيبتي .. للحين احبج .. ولي باجر .. ولي آخر يوم بعمري .. احبج .. بس .. انتي اللي اخترتي هالشي بيدج .. ماتستاهلين شي .. حساافه .. (يجوف الدبله) ودعدتج .. لو يصير اللي يصير ماافصخها .. ووعد الحر دين .. بس .. ادري انتي بتحذفينها .. بس انا عند كلمتي ..
الله كرييم .. ريم ؟ حبيبتي تسوي فيني جذي ؟؟!! ..
عيز وهوه يفكر .. يبي يدور لها عذر يبرر اللي صار .. !! .. مالقى ..حتى لو .. عذرها بأي شي .. وقال بيسامحها .. بس .. خطاها انها خانت ! يعني مستحيل يسامحها !! ..
كسرتيني ,,, طعنتيني ....وخنتيني ... وجرحتيني .. وحرام كسر الخواطر بيد جابرها !!!!
جبرتيني على الفرقا .. جبرتيني .. كلش ماكان في بالي .. اصلا مستحيل يطري على بالي اني اروح واخليج !!! بس .. صدمتيني .. كل شي انتهى خلاص .. ابيج تنسيني .. تنسيني خلاص.. ادري انا مستحيل انساج .. بس انتي .. دام هنت عليج .. ماستبعد هالشي .. بتقدرين تنسيني .. بس صج .. خسرتيني .. خسرتي قلبي !! يعني .. حد حاصل له مثل قلبي وعافه ؟؟ استانستي الحين ؟؟ " ياللي جرحت القلب عسـى خاطرك طاب .. بشـر عسى لك راحــة في جروحي " .. هنيـالج هني

في المقبره ..
عقب ماصلوا عليه ودفنوه
فيصل يحس روحه تعباان ! عيز وهوه يصيح .. والرياييل ربع ابوه يصيحون ..
راشد ميود يده : اذكر الله ..
فيصل متضايق: لا اله الا الله .. اللهم لا اعتراض ..
خالد ميوده من الصوب ثاني: الله يرحمه ويغمد روحه الجنه ..
فيصل ساكت .. وحابس دموعه .. ويهه صاير احمر .. وعيونه حمر .. التفت يطالع قبر ابوه .. وجن يودعه .. تم يطالعه .. ودموعه نزلت غصبن عليه ..
راشد سحبه: تعاال تعاال ..
حمد ونايف بعد كانوا وياااهم ..
فيصل ساكت .. ويمشي وياهم .. ركب سياارته ..
حمد التفت على نايف: انا بروح وياه .. انت جدم المسيد
نايف هز راسه ومشه عنهم ..
خالد ركب سيارته .. كان وياه يوسف ..
والباقي ركبوا سياييرهم وراحوا المسيد .. اللي بيكون فيه الخلف " العزا" ..
حمد صك الباب والتفت على فيصل .. : الا وين ولد عمك ؟؟
فيصل متضاااااااااايق وماله خلق احد .. التفت عليه .. بهدوء: الله يعلم ..
حمد من داخله مستااانس .. اذا صج صار اللي في باله ؟؟ .. وناسه ! ..
فيصل يسووق بسرعه .. حده متهور ..
حمد التفت عليه: فيصل شفيك ؟؟ بلعداال !!
فيصل ولا جن يسمعه ..
حمد يصارخ: فصول !!!!!! يووز !!
فيصل طق يده علسكااان بقوه .. عاقد حياته .. مب عارف شيسوي ..
وصلوا المسيد .. انترس من الرياييل ماشالله ..
واكثرهم ربعه " الله يرحمه" وربع فيصل .. واهلهم بعد ..

ناصر .. في مطار دبي .. مب عاجبه المكاان .. يبي يروح امريكا .. يحس اهناااك راحته .. معنى .. بدون الريم وين الرااحه ؟؟
رتب له سفره لي LA .. عن طريج فرانكفورت .. بس عقب يومين ..
نزل دبي .. حجز له فلفندق وركب الغرفة .. من جاف السرير انسدح .. يبي يرقد مب قاادر من التفكير ..
" في خاطره" .. انا لو ماسافرت .. جان ذبحته وذبحتها وياه .. بس ريم !! .. ريم حبيبتي !! اذا جفتها اكييد بذبحها .. فخلني انسحب بسكاااات .. احسن من اسوي شي اندم عليييه طول العمر ..

اذن العشا ..
قاموا النسواان يصلون جمااااعه ..
يارتهم ام احمد امتهم .. عقب ماكملوا صلاة ..
ام احمد يودت ريم : تعالي امي بقولج
ريم : هلا خالتي آآمري ..
ام احمد: الحين احمدي ولدي بييب العشا .. بيطق الجرس خلي الخدم يطلعون له ..
ريم مستغربه: وليش عاد ؟
ام احمد: وه !!
ريم: لا بس انا طلبت
ام احمد طقت يدها: وشووووووله تطلبين؟؟
ريم بغباء: شدراني !! وايد نسوان لازم نعشيهم
ام احمد: وامج ماقالت لج ان العشى علي ؟
ريم مستغربه: لاا اصلا انا ماسألتها
ام احمد: الله يهدييج بس ..
ريم بتردد: خل يوديه حق لصبيان !!
ام احمد: بيوديلهم وبييلكم اهني
ريم مب عارفه شتقول ..
ام احمد: يالله ميخالف بياكلونه ان شاءالله ..
ريم سكتت ..
ام احمد: ورا ويهج مصوفر جذي ؟
ريم توهقت: ها ؟؟
ام احمد سحبتها: انتي تغديتي ؟
ريم ماقدرت تجذب: خالتي ماشتهي
ام احمد: كلتي شي من الصبح؟
ريم هزت راسها

ام احمد بعصبيه: عفيه عليج !! تبين تطيحين انتي بعد ؟؟ تبين امج تين علينه؟
ريم: لا خالتي اسم الله عليها لتفاولين
ام احمد: الحين اذا يابو العشا بتقعدين يمي وبتاكلين .. سامعه ؟
ريم ابتشلت: اي ان شاءالله ..(راحت حق امها .. قعدت يمها .. )
ريم وعيونها تلمع من الدموع .. : يمه ؟
ام فيصل التفتت عليها وصوتها مخنوق: هلا يمه
ريم يودت يدها: يمه .. (صاحت ) ..
ام فيصل لمتها: تعاالي يمه تعاالي .. (صاحت) تعااالي خلف امي وابوي انتي تعاالي
نجود جافتهم جذي ماقدرت تيود روحها وصاحت ..
عايشه لمتها : بسس عاااد .. رحموا روحكم شوي .. من ييت وانتوا كله تصيحون ؟؟
نجود تطالعها وتصيح: عووش ابووي تعرفين يعني شنو ابوي ؟
عايشه ماقدرت ترد عليها .. دمعت عيونها: قلبي عورني .. كئيب المكاان ..
اسوم جافت ريم جذي نادتها: ريم ؟؟
ريم التفتت عليها : هلا ؟؟
اسوم: تعالي ..
ريم باست امها وراحت لها .. مشت دموعها: شفيج ؟
اسماء سحبتها: تعالي ابيج ..
ريم خايفه: اسوم فيج شي ؟؟ فصول فيه شي ؟؟
اسماء هزت راسها: شدخل انتي بعد ؟؟
ريم مستغربه: عيل ؟؟
دشت عليهم شيخه .. وصلها حمد .. قال لها لازم ترروحين تخلفين عليها وتعزينها ..
شيخه ماتعرف احد ..
دشت الميلس سلمت عليهم .. يوم جافت نجود ميته من لصياح قالت هذي اكييد ريم .. يودتها: انتي ريم ؟؟
نجود مستغربه: لا .. من ؟
شيخه: وين ريم ؟
نجود تتلفت ..
عايشه: راحت الصاله ويا اسوم ..
نجود قامت بتوديها حق ريم .. راحت عايشه وياها ..
نجود وقفت: ريم ؟؟
ريم التفتت عليها : هلا ؟
شيخه التفتت على نجود: بس مشكوره ..
راحت حق ريم تسلم عليها : عظم الله اجرج
ريم: اجرنا وجرج حبيبتي ..
شيخه: ماعرفتيني !!
ريم متفشله: اممم
شيخه: انا شيخه ..
ريم: هلا هلا حبيبتي شلونج ؟؟
شيخه: الحمدلله بخير
ريم يودتها: ان شاءالله مافي زعل الحين ؟؟
شيخه ابتسمت: لا لا الحمدلله ..
ريم ببراءة: والله احاتيج كله في بالي ..
شيخه سلمت على اسماء: عظم الله اجركم
اسماء: اجرنا واجرج .. حيااج تفضلي ..
شيخه: لا والله حمد ينطرني بس قلت اسلم عليج وبروح
ريم وقف قلبها: من ؟
شيخه توهقت: خطيبي
ريم يودتها: تمي تعشي ويااانه .. قعدي قعدي
شيخه: ان شاءالله مره ثانيه (سلمت عليها) يالله مع السلامه
ريم: كلفتي على روحج والله مشكوره
شيخه: شدعوه ؟؟ افا عليج بس ..
ريم وصلتها عند الباب ..شيخه التفتت عليها: يالله مع السلامه
ريم: الله يسلمج ..
اسماء راحت لها: هذي من ؟؟
ريم: شيخه
اسماء: ويانه فلمدرسه ؟
ريم: تقول !! معنى اول مره اجوفها .. يمكن نسيتها بعد شدراني
اسماء: يمكن مسويه عملية تجميل ولا شي
ريم ابتسمت: بجوز (رفعت تلفونها بتسأل عن فيصل) الوو

..

فيصل: هلا هلا
ريم: شلونك ؟
فيصل: والله .. شقول لج .. انتي شلونج ؟
ريم بلعت ريجها وسكتت ..
فيصل: ماكلمج ناصر ؟؟
ريم متوهقه: اتصلت فيه تلفونه صاكه !! مادري عاد
فيصل: اي مب مشكله اذا كلمج ولا شي قوليلي
ريم: ان شاءالله .. تسلم عليك اسوم
فيصل ابتسم: الله يسلمها ..
ريم: يالله مع السلامه
فيصل: الله يسلمج ..

ريم ردت اتصلت في ناصر .. " في خاطرها" عمري وينك !! حدي ابيك !! ياربي !! ان شاءالله تكون بخير فديتك ..
اسماء سحبتها: امشي الميلس ..
ريم: يالله ..ولا تدرين ؟ امشي الصالة اهدى .. هناك وايد نسواان ..
اسماء: عيل بروح انادي نجود وعايشه ويانه
ريم: يالله بايي وياج ..
اسماء يودتها: روحي الصاله باييج
ريم راحت الصالة .. خذت لها مصحف .. وقعدت تقرا ..
اسماء يااات .. متخصره: شعندها مريم العابده ؟؟
ريم صكت المصحف والتفتت عليها: اشش خليني اقرا !! شبلاج ؟
اسماء: اجوف عطيني واحد خل اقرا
نجود ابتسمت: من طق طبله قال انا قبله .. اجوف انا بعد ابي
عايشه: وانا يعني بنت البطه السوده يعني ؟
اسماء ماستوعبت: بنت من ؟؟ من ذي السوده بعد ؟؟ تسبين امج جدامنا ؟؟ صج انج
عايشه تطالع نجود: هذي للحين شبكتها رايحه عليها ؟
نجود: افا عليج ولي باجر ..
عايشه: الحمدلله والشكر لله الكريم بس .. الله لا يبلينه ..
ام احمد ياات لهم: ريم ؟؟؟؟؟ رييم ؟؟
ريم قامت لها: هلا خالتي ..
ام احمد تأشر عليها: تعالي
ريم بسرعه راحت لها : آآمري
ام احمد: ترى يقوللج دقيقتين وهوه عند الباب .. قوليلهم
ريم: ان شاءالله
رن الجرس ..
ام احمد: وه !! مدااه ؟
ريم: لا يمكن ذي المطعم .. بروح اجوف ..
ام احمد دشت الميلس ..
ريم راحت المطبخ تنادي الخدم وياها ..
بسرعه عدلت شيلتها وخذت بوكها وطلعت لهم .. دفعت وخذوا الخدم الأكل ..
الا احمد يااي ..
احمد يوم جاف ريم راح لها: دشي دشي داخل ..
ريم تفشلت ..دشت ودش وراها
الخدم كانوا داشين يودون الأكل وهي بروحها ابتلشت
احمد: عظم الله اجرج
ريم بضيق: اجرنا واجرك ..
احمد: وينهم ؟؟ يالله خل ايون ياخذون الأكل من السياره
ريم: الحين بيون
احمد بعصيبه: لتطلعين مره ثانيه برا
ريم متفشله: لا بس كنت بدفع حق الريال و
احمد يقاطعها: حتى لو ..
ياو الخدم ..
جاندرا من جافتها: اهمدي ؟ شلووووناك ؟
احمد ابتسم .. يهز راسه: زين .. يالله بسرعه تعالوا (طلع وياهم .. التفت حق ريم) نطري لتدشين
ريم مستغربه .. شفيه احمد ؟؟!!
عقب مادخلوا الأكل دش وراهم : قولي حق امي خل تتصل لي ..
ريم: ان شاءالله
دشت ريم .. جافتهم يفرشون السفره ويحطون الاكل .. راحت حق ام احمد يارتهم .. بهدوء: احمد يبيج

ام احمد تبي تقوم: وي وينه
ريم يودتها: لا لا اتصليله .. راح
ام احمد: شهست بعد ؟؟
ريم: مادري اتصليله
ام احمد: تلفوني محزر يمج .. خرف علي وبند
ريم: يمكن مافيه جاارج
ام احمد: وييي ماميش شحن اهني ؟
ريم: امبلا عطيني تلفونج بجرجه
ام احمد: ويييي شحقه ؟؟
ريم متوهقه: ماتبين تكلمينه ؟ (عطتها تلفونها) هاج كلمي ..
ام احمد تخزها: تعرفين رقمه ؟
ريم متوهقه: شعرفني فيه ؟؟
ام احمد: عيل شنقايل تعطيني التلفون ؟ جيف انا احفظ ارقاام؟ اهوس على رقم واحد بقوه وبروحه يتصل .. (عطتها التلفون) هااج يودي ..
ريم قامت: بجرجه وبييج ..
راحت حطته علجاارج .. نطرته خمس دقايق بس علأقل تاخذ رقمه من التلفون .. كتبته في تلفونها وراحت لها وعطتها اياه: خالتي كلميه
ام احمد خذ التلفون: الووو .. هلاا يمه .. ريم ... ورا ؟؟ .. ويي حط له دوشق وبرنوص ورقده .. الا موول ؟؟ هاا ... شدراني انا ؟؟ .. عيااره جمبزه ماعليك منه زين .. لا غصب .. لا لا لا لازم قوله امي تقولك تعااال .. وشحقه ؟؟ .. ورا هلون ؟؟ وي وي وي .. اذا ييت البيت بقولك .. امانة الله
ام احمد عطتها التلفون: هااج يمه .. وتعالي تعشي
ريم خذت تلفونها: ان شاءالله ..
راحت تنادي البنات يتعشون .. نجبت حق امها .. واسوم .. ونجود .. وعايشه .. عطتهم لصحون .. وعطتهم شي يشربونه .. تم توزع عليهم .. كل مااحد يبي شي قامت عطته .. لي ماتأكدت ان كلهم تعشوا .. خذت لها بيبسي .. وقعدت يم نجود تشرب ..
نجود التفتت عليها : وانتي ورا ماتاكلين ؟
ريم تشرب البيبسي: اكلي اكلي ..
نجود تاكل: اكلي مب زين ..
ريم ابتسمت: اي باكل شفيج ..
ريم ماكلت شي .. تعشوا النسوان وطلعوا كلهم .. صارت الساعه 10 ..
عايشه سلمت على نجود: يالله اكا ابوي يه ..
نجود يودتها: تمي بعد ؟؟
عايشه: جوفي الساعه جم !! باجر من الصبح انا عندج
نجود: اكيد ؟
عايشه: ان شاءالله ..
نجود: تعالي عاد !!
عايشه: اي اي اكيد .. افا عليج (سلمت على ام فيصل وريم واسماء .. )
ريم ونجود واسماء راحوا بيوصلونها عند الباب ..
ريم: مشكووره عواشي .. ماقصرتي
عايشه ماستوعبت: على شنو؟
نجود ابتسمت: كما تدين تداان ..
عايشه مب مستوعبه: شصاير؟
نجود: لي رحتي البيت بتعرفين .. عشان هالمره ماتتطنزين على مرت اخوي .. (تطالع اسماء) ولا شرايج ؟
اسماء ماستوعبت شي بس ابتسمت: اي اي بالضبط انا بعد اقول جذي ..
عايشه: ذلفي ذلفي .. يالله باي
كلهم: بااي ..
اسماء يودت ريم: تبين شي عجيب ؟
ريم التفتت عليها: قولي بسرعه
اسماء ابتسمت: شرايج يعني انتي شرايج بس قوليلي رايج فلموضوع يعني ابي رايج ورايج يهمني بصراحه والموضوع خطير بس قوليلي انتي شرايج يعني ؟
ريم مافهمت: رايي في شنو ؟
اسماء ابتسمت: اروح البيت الحين ؟
ريم رفعت حواجبها: لاااااااااا .. لا لا من قالج بخليج تروحين؟؟ حبيبتي انتي ماتدرين ان بترقدين عني ؟
اسماء بققت عينها: شقلتي ؟
ريم: بتباتيين اهني حبيبتي .. مافي روحه
اسماء: اباات ؟؟ من صجج ؟
ريم: لا عيل اتطنز ..
اسماء: وي عبالي من صجج
ريم: بذبحج اسوم !! تمي ويانه

اسماء عجبتها الفكره: والله مب مشكله !! (تحاجي نجود) ولا شرايج النجد ؟
نجود: اي والله وناسه
اسماء ابتسمت: نسهر على فلم يعني !! صج فن
ريم عفست ويهه : شنو ؟
اسماء توها مستوعبه: اوه اوه .. مسامحه .. نطري بتصل في فصول بقول له (خزوها).. قصدي رشود رشود لتطالعوني جذي
رفعت تلفونها بتكلمه
راشد: هلاا اسوم
اسماء: هلا رشود .. بقولك خبر عاجل يكسر السما
راشد مب فاهم: شصاير بعد ؟؟ خير ان شاءالله ؟
اسماء: وين ايي الخير وانا مجابله نجود من الصبح ؟؟
نجود طقتها: بكفخج
اسماء: آآآآآآآآي .. راشد يطقوني .. ذبحوني طق من ييتهم ..
راشد مستغرب: من صجج انتي ؟
اسماء: لا يبه اتغشمر .. امزاحو ماعاكا يا رشييد .. ماذا دهاكا في نوصفا اللايل ؟؟
راشد: انتي اللي شياج نص الليل ؟
اسماء: ببات عندهم
راشد مستغرب: شنو ؟
اسماء: ايي راشد حدهم يبوني امساعه طايحين تبوس في ريلي عزك الله الا ترقدين الا ترقدين ماقدر اردهم اخاف يصير فيهم شي
راشد: زين عندج ثياب شي ؟؟
اسماء بغباء: شثياابه يحظي ؟؟
راشد: يعني .. بيجامه .. شي .. شدراني
اسماء تحاجي ريم: يقول عندكم بيجامات زود ؟
ريم : اي اي بعطيج انا لتحاتين
اسماء: للأسف راشد ماعندهم .. مخلصين ..
راشد: ها ؟
اسماء: اسمعني انا عندي اقتراح .. تعال اخذ ميريوو وخل اتييب لي ولها ثياب ..
راشد: انزين بس عطيني ربع ساعه ..
اسماء: فديت اخوي المطيع والله .. يالله انطرك .. طق لي رنه عشان اخليها تطلع لك ..
راشد: صار .. يالله مع السلامه
اسماء: الله يسلمك
ريم يودتها: اللاي يعني بتباتين ؟
اسماء دشت تصارخ: ميريييييييي .. ميريو ووجع .. ميريروو وسسسم في جبدج
ميري طلعت من المطبخ: نأأأأأم
اسماء: نعاااااااامه ترفسج قولي آمين
ميري مافهمت: سنو يبي ؟
اسماء: الحين بيي راشد .. يبيلي اغراض من البيت ..
ميري هزت راسها: زين
اسماء: يبيلج انتي بعد عشان ترقدين اهني وياي
مييري مافهمت
اسماء: انا انتي سوي نوم مني .. زين ؟
ميري تهز راسها: زين ..

ام فيصل طلعت من غرفتها .. : ريم ؟؟
ريم التفتت عليها: هلا يمه
ام فيصل: تعالي ابيج شوي ..
ريم: ان شاءالله ( التفتت على اسماء) شوي ها ..
راحت ريم حق امها ..
ام فيصل: يمه ريم .. رقدوا الليله عندي ..
ريم: واسوم ؟
ام فيصل: كلكم تعالوا .. علأقل بس اليوم ...
ريم هزت راسها: ان شاءالله
ام فيصل: بخلي نجود ترقد وياي علسرير .. وانتي واسوم فرشولكم علأرض
ريم : اوكي يمه مو مشكله ..
ام فيصل: كلمتي اخوج ؟
ريم: مساعه
ام فيصل: ردي كلميه .. جوفيه شخباره

ريم : ان شاءالله ..
طلعت ريم من عندها .. خذت تلفونها واتصلت حق فيصل ..
ريم: الووو فصولي
فيصل: هلا هلا
ريم: شلونك ؟
فيصل: الحمدلله على كل حال .. شخباركم انتوا ؟
ريم: والله .. هذحنه .. وينك انت ؟
فيصل: كاني ويا الشباب بندش الحين الميلس
ريم: وي انت فلبيت ؟
فيصل: اييي ..
ريم: زين عيل قبل لترقد مر علينه ..
فيصل: ان شاءالله
ريم: ترى احنا بنرقد عند امي اليوم .. واسوم بترقد ويانه
فيصل فز قلبه: حلفي ؟
ريم: والله
فيصل: زين شلون امر عليكم عيل ؟
ريم: انت اتصل لي .. امي تبيك
فيصل: خلاص بتصل لج عيل .. اهمه بعد مابيطولون فقاره تعبوا ..
ريم: اي ماقصروا ..
فيصل: يالله عيل .. مع السلامه
ريم: الله يسلمك
اسماء تحاجي ريم:اقوول
ريم التفتت عليها : سمي
اسماء تتدلع: اخوج بيي ؟
ريم تخزها: لا والله ؟
اسماء: قوليله اسوم تقولك ارقد فلميلس لتيي البيت ..
ريم: وي وعليه اخوي !! يبي يرتااح في سريره الريال
اسماء تتدلع .. تصك عيونها وتبطلها بسرعه: وااي قلبي .. امشي راويني غرفته
ريم: يالله بسرعه قبل لا ايي ..
راحت ريم ويااها فوق ... ركبت وياهم نجود .
بطلت ريم الباب .. والليت .. جابلتها: شراايج ؟؟
اسماء وقف قلبها: امبيه !! جايفته انا ذي !!
ريم تخزها: حلفي ؟؟
اسماء تبي تتذكر .. عافسه ويهه: اعرف هالحجره اعرفها .. اانا ييت اهني من قبل ؟
ريم: لا ماظن ..
اسماء: امبيه .. نطري !! (تبي تستوعب مب قادره .. راحت يم السرير تيوده ..) اعرفه اقولج !!
ريم: يمكن جايفته في مكااان ولا شي
اسماء توها مستوعبه: وييييييييييييييي يالبقمه !! صج انج مخرخشه !! حدج خداااااااااي !!
ريم مستغربه: شصاير؟
اسماء: يالديقيه انتي !! عن يووووومي صدتها
نجود: شفيج انتي ؟؟ ينيتي ؟؟ انهبلتي ؟؟ وش ذا الهرج يا اسمه ؟؟
اسماء معصبه: اسمه فعينج !! جم مره اقول لكم اسمي اسماااء
نجود: جم اسم انتي ؟؟
اسماء: اسماء وايد .. ماعديتهم
نجود: اذا عديتيهم قوليلي
اسماء: نطري نطري .. كله منج طيرتيها !
نجود: شطيرت ؟؟
اسماء: يالله استوعبت ونسيت !! كله منج
نجود: يالسنداره انتي تحجي بسرعه تذكري ..
اسماء: صج انج دعله !! خليني افكر نسيت !! ليكون يحكج بطنج انتي بعد ؟
نجود طقتها: مالت عليج .. روح اتسبح احسن لي
اسماء سدت خشمها: روحي خيستيني .. ريحتج نفاثه
نجود مبققه عينها: شتطلع ذي بعد ؟ مالت عليج وعلى شكلج
اسماء: حزن لطج قولي امين ..
ريم يودتها: لتدعين عليها مسكينه !!
نجود طلعت عنهم
اسماء: اففففف ابي اتذكر .. نسيت
ريم: انزين معليه امشي الحين وعقب بنتذكر

اسماء: لا نطري .. (قعدت على السرير) خبرج الحين الاعصااب الفكريه تلعب دورها
ريم تهز راسها : وايد زين
اسماء ساكته ..
ريم طلعت عنها تبي تروح تتسبح وتبدل اهيا بعد ..
واسماء تمت قاعده تبي تتذكر.. مب عارفه .. تمت قاعده .. ونست روحها .. سرحت .. ريحة فيصل في غرفته .. خذت نفس بقوه وغمضت عينها ونست روحها ..
نجود تسبحت وكملت وبدلت .. جافت غرفة فيصل للحين مبطله .. دشت .. الا الشيخه اسماء مكيفه .. قاعده عالسرير وسرحاانه
نجود صرخت: آآآآآآبوج آآبو آآآبوووج آآآبو آآآبو آآآبووج !!
اسماء مستغربه: عن قفدج !! مداج تسبحتي ؟؟
نجود: صارلي ساعه الا ربع !! تبيني اخيس فلحمام ؟
اسماء مب مصدقه: بووو !! وانا صارلي ساعه الا ربع اهني ؟
نجود: قوليلي وين وصلتي ؟؟
اسماء: بوووو ليفوتج .. يبنا عيااال واليوم أول يوم أودي سعود الروضه .. انتي خربتي علي عاد
نجود: مب مشكله الحين اطلع ووديه .. بلعدال عاد على الطريج ها
اسماء طلعت لسانها: ذلفي
نجود: قوي الحين فصول بيي .. للحين ماتذكرتي ؟؟
اسماء : اووه تعال !! اي امبلا نطري .. نطرري نطري اكاهيا فلطريج فلطريج عند الباب اي اي بسرعه تعالي !! ياااااااااااااات !! ياسلاااااااااام علي ياسلام
نجود: اي قولي بسرعه تحجي لتطير
اسماء مستانسه: آآآآآآآآآآآنه ..
نجود: في حلجج ذبااااانه
اسماء تخزها: سخييييفه تدرين ؟
نجود: تحجي يمال لضعفه ! قولي يالله
اسماء: اانه اانه اللي مختاارته .. هذي ذوقي ياحبيبتي ..
نجود ماصدقتها: تتحلمين ؟؟ انتي حدج ذوق less
اسماء: ويهج عاد !! انا مايسموني الا صاحبة الذوق الرفيع
نجود: وييييييي مول .. ايي امبلا .. امحق ذوق رفيع .. يااااااامن شراله من حلاله عله
اسماء: شدخل انتي بعد ؟
نجود: خاطري اقولها ؟؟ ماقولها ؟؟ صج انج يعني شااقول
ريم عقب ما تسبحت .. دشت غرفتها .. وانسدحت علسرير .. وقعدت تصييييح .. مب مصدقه ان خلاااص ابوها رااح .. مااات .. مابتجوفه مره ثانيه ..
اسوم ونجود دشوا عليها ..
اسوم راحت يمها: بس ريمو بس .. (تبي تغير السالفه) يعني انا مستغربه ماشالله عليج من وين تيبين لدموع؟ من الصبح وهذنتي تصيحين علينه !!
ريم تخزها: دموعي اللي ماتخلص .. (تذكرت نااصر .. آآآه ياقلبي .. بلقاها من من ؟؟ نااصر اللي مادري عنه !! صاك تلفونه ولا يه ولا سأل !! شفييه وشسالفته ؟؟؟ ولا ابوي اللي رااااح وخلااني !! لا اله الا الله .. )
ريم ماقدرت تيود روحها وتمت تصيح
نجود متخصره: بس عااد بس !! امشي امي تبينه تحت ..
ريم قامت .. مشت دموعها : يالله امشوا ..
نزلوا .. دشوا عند امهم .. كانت جاندرا فارشة لهم .. ام فيصل .. كانت ميوده فريم في صورة.. اهيا وريلها الله يرحمه .. يوم كانوا في باريس .. دموعها ترست الفريم ..
ريم راحت يمها: يمه ..
ام فيصل لمتها: حبيبتي
قعدوا يصيحون .. اتصل فيصل في ريم .. بسرعه شالته وهي تصيح: الو
فيصل تضايق يوم سمع صوتها ..سكت
ريم: الو ؟؟
فيصل: قولي حق اسوم تتحجب .. كاني بدش الحين
ريم: ان شاءالله ..
ريم التفتت على اسوم : لبسي فصول بيدش ..
اسماء لبست شيلتها: اوكي ..
فيصل دش: احم .. السلام عليكم

الكل: وعليكم السلام
فيصل كان لابس ثووب .. وشعره على ورا .. اسوم تجوف ويهه شلون تعبااان ومتضااايق ..
ام فيصل ماده يدها: تعاال يمه ..
راح فيصل .. يود يدها وباسها: شلونج يالغاليه ..
ام فيصل حطت لفريم علطاوله .. : تعالوا ابيكم ..
اسماء حزت مكانها غلط في هاليمعه
ام فيصل التفتت عليها: انتي بعد ابيج ..
فيصل التفت عليها يطالعها.. اهي نزلت راسها
ام فيصل انسدحت عالسرير .. وخلت فيصل ينسدح يمها .. ونجود وريم يمها من الصوب الثاني .. ريم وراسها على جتف امها وميوده يدها.. ونجود راسها على بطن امها .. وفيصل على جتف امه الثاني وميود يدها ..
ام فيصل وصوتها المخنووق: ترحموله ..
كلهم: الله يرحمه ..
ام فيصل تسترجع شرييط ذكريااااتها وياااه .. التفتت على فيصل: ابوك يحبك .. (تطالع السقف .. ابتسمت) للحين اذكر ويهه اول ماجافك .. يافرحته .. مستانس وناسه يعني ماتنوصف .. طاير من الفرحه .. اول ماحملت .. كان مسويني يادهينه لتنكتيين .. يخاف علي حتى من الهوى .. مايرضى اسوي شي .. بس انا من ورااه كل شي اسوي .. كنت كبر ريم .. امي الله يرحمها ماكانت راضيه .. ميوده علي عود عليج وعود عليج .. بس ابوي الله يرحمه كان يحبه ..
اسماء والفضول .. وحكة البطن: جم سنه فرق بينج وبين عمي الله يرحمه ؟
ام فيصل: تقريبن عشر سنين .. بس ..
اسماء: بس ؟؟
ام فيصل وهي تسولف عنه .. وجنها تجوفه الاشيا جداامها: الله يرحمه .. كان يحبني .. ويغااار علي حتى من ربعي .. معنى طبعه هادي .. بس خل احد يكلمني ولا شي !! تعالوا جوفوه شلون يعصب .. يخرعني .. بس حنون .. الله يرحمه .. يحب يزعلني .. عشان اتشره علييه واعاتبه .. احلى موقف عنه حزة اللي يراضيني
ريم ابتسمت: الوالد رومانسي
ام فيصل ابتسمت: الله يرحمه .. مب مصدقه اني خلاص مابرجع اجوفه ..
فيصل يبي يغير السالفه: اي يمه قوليلي شصار يوم انا ييت ؟
اسماء ماستوعبت ... وين يه بعد؟
ام فيصل: سوى حفله وما تم احد ماعزمه .. يابلي شكثر هداايا .. كل دقيقه يطل عليك .. ويوم شوي كبرت مايرقد الا اذا يدك في يده .. معنك صيااااااح معور راسه .. اذا انت تصيح انا احصل الزفه .. بس خل تمرض ولا يصيدك شي !! مايرقد .. ياخذ اجازه من الشغل ويقعد وياي ..
نجود: ويي ماعنده سالفه
فيصل: محتره انتي ؟
ام فيصل: الله يرحمه .. كنت انت عنده شي عود في حياااته .. يوم سافرت تدرس ماجفت حالته اهني ..
نجود: يمه كله ابوي اللي يخاف ويحب وانتي ؟
ام فيصل ابتسمت: انا اذا مت بتعرفون شكثر احبكم وخاف عليكم
الكل: اسم الله عليج
ريم: عسى عمرج طويل يمه لتقولين هلحجي
ام فيصل: عاد انتي سالفتج سالفه .. يوم حملت .. الا يبي صبي .. كان قبل يقولي ابي اترس البيت صبيان .. ويوم دريت انه بنت سكت وصخيت ولا قلت له .. كل مايسألني اقوله مادري .. ويوم ولدت ودرى ان بنت عصب علي وزفني .. (تقلده) انا شقايل لج ؟؟ .. وجن السالفه في يدي ؟
ريم ببراءة: افاء ؟ هلكثر مايبيني ؟؟
ام فيصل: سمعي عاد.. كان زعلااان ولا ايي البيت .. في خاطري مادري اروح اشتريلها ثوب وغتره ؟؟ شسوي فيها الحين طلعت بنت !! بس من شوي كبرت وصارت تحبي .. ومن نطقت .. كله تناديه .. بابا و بابا .. وان طلع تصييح .. اهوه هني بدى يتعلق فيها .. يرجع من الشغل سيده تركض له ويدشون الغرفه يتعافرون ..
فيصل يتدلع: انا ؟
ام فيصل: انته؟ ان جابلت جرندايزر والرجل الحديدي .. توم سوير مادري شنو من يقدر يحاجيك
فيصل يضحك: هههههههههههههههههههههه بوو ذكرياات يمه !!

ام فيصل: اذا ابيك تتغدى اخليك تجابل التلفزيون .. مول جنك مسبه ولا تدري فلسالفه وانا ادعس في حلجك وانت مبقق عينك ومندمج وابوك يضحك علي
ريم: اللاااااي وناسه .. وانا ؟
ام فيصل: انتي فصوول لاعب فيج لعبه .. من ياهل يحطج يازعم حارس ويبزخ فيج .. وانتي عاد رويد بايت ولا تحركين ولا شي ماعندج الا تصيحين ..
ريم: وااي قلبي فصول حرام عليك !!
فيصل فيه الضحكه: تستاهلين
ام فيصل: انتي عاد الدليعه ماتخليني اطلع كله وياااي .. واذا وديتج مكااان كلهم يستانسون علييج لانج ناعمه ودلوعه .. واذا ابي اغافلج ولا شي حطيت لج ماروكو ولا ساالي .. ليدي ليدي مااحلاها نسيت والله مادري نوار مادري انوار .. جورجي .. شسمها ذيج ؟؟ ذات الظل الطويل ام عجفتين ؟؟
اسماء فيها الضحكه: والله خالتي ماشالله عليج تتذكرين
ام فيصل : ايي شلون مااتذكر .. مو ريم تجوف واتيي تقص علي السالفه بالتفصيل .. واذا كنت فاضيه سحبتني ويااها الا اجوف
ريم مستانسه: اللاي يحليلي بريئة
ام فيصل تطالعها: وللحين بريئة .. ابوج عاد من كبرتي واهوه يقولي انج تذكرينه فيني .. الله يرحمه
نجود: يمه وانا ؟
ام فيصل: انتي ؟؟ عاد انتي ماشالله علييج لا اله الا الله عكس ريم .. شيطاااااااانه وصيااااحه وكله تطقين
نجود: ايوا .. كفو النجد
ام فيصل: المشكله اذا متيمعين وعندي نسوان انتي نجود تكفخ فيهم وتمشي .. ماغير فصول مستانس كله يتعافر وياج ..
نجود تطق فيصل: كفففك الفيص
ام فيصل: وريمو المسكينه تتعاونون عليها ..
ريم ببراءة تحاجي اسوم: جفتي شيسوون فيني ؟؟
ام فيصل: اذكر مره عمج كان عندنا .. وشايل نجوود في حضنه .. ويشرب الجاي .. مادري شقال لها ودزت الجاي عليه وحرقته فقير .. انا وبوج شب ويهنا من الفشيله .. واهوه فقير ولا قال لها شي واهي ميته من الضحك عليه مستانسه وتصفق .. ومن يومها كل ماابوج ايود قلاص بيشرب تدزه تخليه ينكت .. قام من يبي يشرب شي يوخر عنها وهي تصيح تأشر على القلاص تبي تصبه عليه الشيطانه .. بس انا حبيبتي ماتسبحني ..
نجود مستانسه: عفيه علييييي عفيه
ام فيصل: آآيه عليكم تيننون والله وانتوا يهاال .. وللحين للحين .. ابوكم يحبكم والله .. ادعوله .. في كل صلاه ادعوله .. يحتااج لدعوااتكم (دمعت عينها)
فيصل قام: بس يمه عاد .. كل يوم بنييج تقصين لنا ذكريات الطفوله ..
ام فيصل تصيح: ان شاءالله
فيصل باس راس امه وراح بيرقد: تصبحون على خير ..
الكل: وانته من هله
ريم طلعت عنهم .. واسماء لحقتها ..
بطلت الباب وطلعت فلحوش وقعدت علدجه وتصيح ..
اسماء راحت قعدت يمها : بس عااد ريمو رحمي نفسج شوي
ريم تصيح تصيح ..
اسماء: ذكري الله
ريم خذت نفس: لااله الا الله
اسماء: صلي علنبي وامشي نرقد .. تأخر الوقت .. باجر النسوان بيونج من سبع
ريم تخزها: آآآآه !! سبع عاد ؟
اسماء: بعد !! ماتدرين عنهم .. ولا ام احمد عاد هالعيوز
ريم ابتسمت: تينن .. استانس عليها اذا تسولف .. مساعه جفت احمد
اسماء: ولدها ؟؟ ذاك اللي رحنا عرسه ؟
ريم: ايي يحليله كبر ..
اسماء: شقالج المخدي ؟
ريم تقلده: شلا طالعه ؟؟ دشي داخل بسرعه
اسماء فيها الضحكه: ويي مسوي روحه كلش .. (توها مستوعبه) تعالي !! في شي غريب اليوم

ريم: كل شي غريب اليوم .. تخيلي .. ناصر اخر مره جفته يوم وصلنا
البيت من المستشفى .. الفير .. بس .. ولا كلمته بعد .. قلبي بيتقطع .. ماستحمل
اسماء: ايي لاحظت .. ولا بين ولا اتصل ولا شي !! وينه؟
ريم: فصول يعور قلبي كل مايسأل عنه .. اخاف فيه شي ولا شي .. حدي احاتيييه .. راسي يعورني من التفكير .. مدري اصيح على ابووي الله يرحمه .. ولا نااصر اللي مادري عنه
اسماء: انزين جربي اتصلي فيه الحين
ريم خذت تلفونها واتصلت .. دمعت عينها: صاكه !! بذبحه جذي يسوي فيني ؟؟
اسماء: ليكوون انتي مزعلته ولا شي ؟؟
ريم: لا والله .. حدنا كنا اوكي ..
اسماء: شنو آخر شي صار بينكم ؟
ريم بحيا: ولا شي .. بس قالي احبج .. وانا قلت له احبك
اسماء: له له له خطيره الريم خطيره .. وبس ؟
ريم: بس عقب اهوه راح بيتهم .. وولا رد اتصل ولا شي .. زين حتى لو كان زعلان على قولتج .. يعني معقوله مادرى عن ابوي ؟؟ ولا يه المقبره ولا الميلس ولا شي !! اسوم انا خايفه عليه .. قلبي ناقزني احس فيه شي .. حدي احاتييييييه .. ياارب يكون بخيير ..
اسماء بغباء: ليكون مات !!
ريم يودت قلبها: وه عليييييييييج فال الله ولا فالج حرام عليج !! تبيني اموت ؟؟
اسماء: بعد اذا يومه شتسوين ؟؟
ريم صاحت: اسوم بذبحج !!!!!!!!!!!
اسماء يودتها: ان شاءالله بخييير ماعليج.. لتحاتين .. الغايب عذره معاه ..
ريم: تعبت افكر !! وينه ؟؟ وين اختفى مره وحده ؟؟ اخاف صار له شي !!
اسماء: اوهو انتي يالحنانه شيسكتج الحين ؟
ريم: اسوم حطي روحج مكاني !! يوم كامل مادري عنه !! بموت !! حدي متعلقه فييه ماتخيل تمر ساعه بدون مااجوفه ولا اسمع صوته .. آآآي قلبي يعورني
اسماء: اسم الله على قلبج
ريم: الله يعينه باجر ويا النسوان .. صج تكسرت اليوم
اسماء: اييي صج .. الله يعين ..تعالي بسألج .. انتي كلتي شي اليوم؟
ريم: ماعليج مني .. (تخزها) جفتي فصول وشطانة الطفوله ؟
اسماء: امج تسولف واانا عيني عليه اجوفه شلون يضحك .. كيوت شكلكم مساعه لو عندي الكيمرا صورتكم
ريم: الا عاديتج ؟
اسماء: بعد .. من عاشر قوما
ريم تنهدت: لا اله الا الله ..
اسماء: ماودج ترقدين ؟
ريم: روحي انتي ..
اسماء: وانتي ؟
ريم: بتم شوي ..
اسماء: لا حبيبتي مافي .. قومي وياي الحين ..
ريم: خليني
اسماء وقفت وسحبتها: جداامي .. (توها مستوعبه) وين ميريو البقمه ؟
ريم: ويييي حظي وانا اقول شسالفه .. امشي يمكن حطت لج الاغراض فوق ..
ركبوا غرفة ريم .. كانت حاطه الاغراض على سرير ريم ..
اسماء: صج بقمه ؟؟ وليش ماقالت لي ؟؟
ريم: يمكن كنا عند امي ..
اسماء: بقمه من الزين هذي ..
خذت اغراضها ودشت بتسبح وتبدل .. وريم ميوده التلفون وتتصل في ناصر .. عيزت .. قالت بتكتب له مسج يمكن اذا بطل تلفونه يقراه ..
" ترى مهما بعادك عني طول
ابصبر لجلك انته واتحمل
وترجع لي حبيبي
ابيك او ما ابيهم
ولا غيرك سكن قلبي وعيني .. حبيبي عود ليه