الرئيسيةس .و .جبحـثالتسجيلالأعضاءالمجموعاتدخول

شاطر | 
 

 [ " قصة عشان الحب ... والي بيني وبينك " ]

اذهب الى الأسفل 
انتقل الى الصفحة : الصفحة السابقة  1 ... 8 ... 12, 13, 14
كاتب الموضوعرسالة
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   السبت سبتمبر 15, 2007 8:14 am

عمري وينك!! فقدتك والله !! بليز اتصل لي ضروري

[color=#4bacc6]احبك
[color:2db8=#4bacc6:2db8]"
قلبها يعورها .. عقب ماطلعت اسماء نزلوا بيرقدون عند امهم .. جود امهم ونجود رقدوا .. انسدحت ريم .. ردت طرشت له مسج " آآآه لو تعرف معاناة الليال .. والعنا والشوق في قلبن يبيك .. ماتركته يحلم بلحظة وصال .. كان جيته قبل لايفكر يجيك"
"في خاطرها " آآآآآه ياناصر وينك !! حدي ابيييك حد محتاجة لك ... مليييت من كثر السؤال محتاااااااج لعيونك تعاال !! عندي امل اكلمك الليله قبل لا ارقد .. عندي امل اسمع صوتك ..

ناصر .. فلفندق .. ماطلع .. يفرر فلتلفزيون .. لايعه جبده ومتضااااااااايق .. لا يبي يسأل عن احد .. ولا احد يسأل عنه .. اكييد اخباهم تهمه .. بس .. مايبي يسمع شي يضايقه .. ومايبي يواجه ريم وتعترف له باللي صار .. يعني معقوله ؟؟ ريم بتسوي فيني جذي ؟؟ آآآآه يالريم .. ماهقيتها منج .. ولا توقعتها ابد .. صج الدنيا مامنها اماان .. دام حبيبتي اللي اهيا حبيبتي تخونني .. شبقى ؟؟ اذا قلبك ماهو عارف اني محتاجه وابيه .. وش يفيد اني اعيش بعالمه واتوه فيه ؟؟ شلفايده اني احبج وميت عليج ونتي ولا بحاسه فيني ومطيحه حب وغرام ويا ذااااك الجلب ؟؟ !! .. (يجوف الساعه .. بيأذن الفيرالحين وهوه مارقد!! )
حــــرمت عيني يااالغـــلا لذة النوم
وقلبي كــسير ما تـحــمل هـمـومه

طيــفك ذبـحني زاد لي همي هموم
والشوق سيف اهلكني عزومــــــه

ما كنت احسب ينهزم قلبي بــيوم
لينك ذبحته وطــاح من غير قومه

الله يسامحج يالريم الله يسامحج .. ليتني كنت ميت ولا مريت بهالموقف .. ماتوقع اني استااهل كل ذي منج .. لو انتي جدامي الحين ذبحتج طق وبردت حرتي فيج .. بس وييينج الحين !! وينج !!

أذن الفيـــر وريم عينها عالتلفون .. تنطره يرن .. مسج .. اي شي !! ناصر وييينك !!!!!! قاموا كلهم يصلون الفير .. وريم للحين مارقدت ..

يوم ثاني الصبح .. ريم كانت توها راقده .. سمعت حس امها تقوم قحصت ..
ام فيصل قامت تتجهز .. بيونها النسواان الحين .. ريم بسرعه قامت .. تحس بتعب في جسمها .. في قلبها .. مب عارفه شتسوي .. قامت بسكاات ركبت فوق .. غسلت ويهه ودشت غرفتها .. طلعت كيمرتها وقعدت تجوف اخر صور صورتها .. كان ناصر يلعب بلي ستيشن .. وعقب صورتها اهيا وناصر يوم يتغدون .. " آآآه ياناااصر .. وينك يالغااالي وينك .. جذي تخليني احااتك ولا تسأل ولا شي ؟؟ ماتدري ان حيااتي بدونك ماتسوى ؟؟ ماتدري اني اتعب بدونك ؟؟ اتعب والله اتعب .. ارجع .. ابييييك ارجع .. الله يهديك بس .. اهم شي تكون بخييير فديتك " .. وجافت صورة ابوها .. وقعدت تصيح ماقدرت تيود روحها .." آآيه عليييك يالغاالي .. الله يرحمك ويغمك روحك الجنه يارب .. مكاااانك ابين يالغااالي .. البيت مايسوى شي بدووونك والله .. "
فيصل طق الباب .. تخيلت ابوها يدش عليها .. فيصل بهدوء: ريم ؟؟
ريم نقزت !! صووته صاير يشبه صوت ابووها واايد !! .. بدون شعور: حيااك يبه حيااك
فيصل ماحط باله ودش ..
ريم بسرعه هدت الكيمرا وراحت له .. لا فيصل .. نزلت دمعتها: عبالي ابوي
فيصل عوره قلبه .. يود جتفها: الله يرحمه ..
ريم مشت دموعها: آآمين يارب ..
فيصل: عسى رقدتي زين ؟
ريم تهز راسها: الحمدلله على كل حااال
فيصل: حاولي ترتاحيين .. ترى القعده اتعب ..
ريم ابتسمت: معليه لتحاتي اهم شي انت مرتااح ؟؟ رقدت زين
فيصل: الحمدلله .. بس احس بتعب في جسمي
ريم خافت: افاء؟ تعال تعال بسويلك عصير برتقااال تعال ..

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   السبت سبتمبر 15, 2007 8:15 am

نزلت رييم وسحبته وياها .. دشوا المطبخ .. كانت جاندرا وميري هنااك .. كانوا مجهزين الريوق ..
ريم سوت له العصير .. وراحت تعطيه: سم
فيصل ابتسم: سم الله عدوج ..
ريم: ارتااح .. ارجع البيت من وقت وارقد ..
فيصل يشرب العصير: تسلم يدج
ريم سوت له توست: اكل .. مب زين تطلع ونت مب ماااكل شي .. اكل عشان ماتتعب ..
فيصل خذاه منها: ان شاءالله
ريم: تغدى زين .. وتعشى .. واكل فاكهه
فيصل: ان شاءالله
ريم: جوف اذا ماكلت بزعل عليك
فيصل: لا لا باكل ان شاءالله
ريم قصت له تفاح: اكل ..
فيصل: بس عاد!
ريم: لا لازم تاكل .. عشان يقوى جسمك
فيصل ياكل: ان شاءالله
دشت امهم المطبخ .. قاموا سلموا عليها ..
ريم سوت لها العصير: يمه
ام فيصل تهز راسها: ماشتهي
ريم بوزت: ترديني؟؟ من يدي يمه غيير !!
ام فيصل خذته: مشكوره حبيبتي تسلم يدج
ريم: الله يسلمج ..
فيصل كمل التفاحه: يالله انا برروح ابدل .. مابي اتأخر اخاف ايون ويجوفوني محد ..
ريم: تحمل فروحك فصول .. بلعدال علطريج .. ومثل ماوصيتك ها
فيصل وهوه طالع: ان شاءالله ..
ريم قصت حق امها تفاااح: يمه اكلي ..
ام فيصل تاكل: وانتي ورا ماتاكلين ؟
ريم تبي تطلع لها اي عذر: عقب ويا نجود واسوم باكل
ام فيصل تاكل: حبيبتي بخري الميلس والصاله ..
ريم : ان شاءالله .. الحيين ..
بخرت ريم المكااااان .. طلت على البنات .. للحين راقدين .. نزل فيصل وهوه مغتر: تامرون على شي ؟؟
ريم: اممم .. بس لي يبت الغدا لاتنسى البيبسي واللبن والعصااير والفااكهه ومادري شنو
فيصل وهوه طالع: ان شاءالله .. مع السلامه
ريم: الله يحفظك ..

حمد .. طاير من الوناااااسه .. يبي يروح حق ريم .. يدري هالحزه فيصل فلميلس .. قال بيروح لها البيت .. كشخ وتعطر وركب سيارته وراااح لها ..
طق الجرس .. طلعت له جاندرا .. : من ؟
حمد: وين ريم ؟
جاندرا: ون منت
راحت حق ريم اللي كانت توها بتركب الدري بتبدل ..
جاندرا: في ريال يبي انتي برا
ريم فز قلبها: ناصر ؟
جاندرا: لاا
ريم استغربت .. بسرعه لبست دفتها وشيلتها على عيله .. نص شعرها طااالع تبي تجوف من ..
بسرعه بطلت الباب الا حمد واقف .. انصدمت بسرعه عدلت شيلتها ..
حمد ويسوي روحه متضايق: عظم الله اجرج ..
ريم متوهقه: اجرنا واجرك .. ترى فيصل محد
حمد يخزها: ادري
ريم خايفه: تبي شي ؟
حمد: لا بس .. كنت بقولج شي..
ريم: شنو ؟
حمد دنى يم الباب واهيا بسرعه ردت على ورا .. دش وصك الباب: كنت بسألج .. (بخبث) شخبار ولد عمج ؟



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   السبت سبتمبر 15, 2007 8:17 am

ريم استغربت من سؤاله: وليش تسأل ؟؟
حمد: يعني غريبه ماجفنااه لا فلمقبره ولا فلميلس .. قلت اسأل عنه يمكن مريض ولا شي
ريم تبي تصرفه: مسافر ويا ابوه ..
حمد مب مصدقها: وليش ماياو يعزونكم ؟؟
ريم: مايدرون .. ماقلت لهم ..
حمد ابتسم بخبث: اها ..
ريم توها بتمشي
حمد: لحظه .. تعالي
ريم التفتت : خير ؟؟
حمد: اذا كلمتيه سلمي عليه وااااااااايد قوليله حمد يسأل عنك ويسلم علييك
ريم: الله يسلمك
مشت عنه .. وهوه طلع .. مستانس ان كلمهاا .. كان وده يقوول لها شي .. بس حالتها ماسمح .. لازم اييها مره ثانيه ..
دشت رييم فصخت شيلتها ودفتها .. نجود توها طالعه من الغرفه بكشتها .. تعرك عيونها: صباح الخير
ريم راحت لها: صبااح الورد ياوردة .. روحي غسلي يالله عشان تتريقين ..
نجود ركبت الدري: زين زين ..
دشت ريم على رفيجتها .. كانت منسدحه وتطالع السقف ..
ريم تسندت علباب تطالعها: اللي ماخذ عقلج
اسمااء توها تجوفها: اخوج الدب من غيره
ريم: فاتج ماقمتي جفتيه مساعه
اسماء: ييييه ؟؟ حلفي طلع ؟
ريم: من شوي .. عقب اذا بييب الغدا تعالي وياي ..
اسماء: ايي اكيد .. عيل انا شلا راقده فبيتكم
ريم تخزها: ياسلام ؟
اسماء قامت: يالله سويلي ريوق سنع .. بروح اغسل وبنزل
ريم طلعت: بسرعه عاد ..
راحت سوت لهم عصير برتقاال وكرواسون وتوست وجبن وفاكهه ..
نطرتهم ايون يتريقون .. دشت نجود: ياسلااااااام ريحة العصير لي فوق .. (وهي تشرب) انتي مسويته؟
ريم: عيارتج عاد العصير له ريحه بعد ؟؟
نجود: اذا انتي مسويته اييه
ريم ابتسمت: عليج بلعافيه
اسوم دشت عليهم: ريحة الكيك بطت خشمي
ريم: الله واكببر مافي كيك !!
نجود: عادي هذي كله تشم بالمقلوب ..
ريم طلعت لها بيبسي من الثلاجه وقعدت تشرب ..
اسماء: ويعه بطن !! بيبسي علريج ؟؟
ريم تشرب ولا معبرتها
نجود: الحين مسوية لنا عصير ومادري شنو .. وانتي تشربين بيبسي ؟؟
ريم : ماشتهي
نجود: بقمه ..
اسماء وهي تاكل خذت تلفونها تتصل في راشد : الوو
راشد: هلا هلا
اسماء: قاعد ؟
راشد: انا فلشغل
اسماء: مارحت الميلس ؟
راشد: امبلا عقب بطلع وبروح .. شلونج ؟
اسماء: والله الحمدلله انت شخبارك ؟
راشد: الحمدلله تمام
اسماء: مكاني ابين صح ؟
راشد: مكانج ومكان ميريو بعد
اسماء: بل ! ليكون تحبها ؟؟
راشد: شاحب فيها الله يهداج !! بس خبرج هذي لغويه ..
اسماء: علينه الرشد علينه ؟؟ اخاف الا تحبها وانا مادري !!
راشد: ينيتي انتي ؟؟
اسماء: ينيت انت ؟



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   السبت سبتمبر 15, 2007 8:19 am

راشد: رقدتي زين؟
اسماء وهي تاكل: ايي الحمدلله
راشد: زين .. شتاكلين ؟
اسماء: توست وجبن .. اسويلك ؟
راشد: وعليه علي طلعت بلا ريوق ..
اسماء: ليش عاد !
راشد: ماعندي احد يسويلي ..
اسماء: باجر مر علي بعطيك شي تاكله فلطريج
راشد: لا لا مشكوره .. مايحتاي .. اهم شي سلمي عليهم وتحملي فروحج ..
اسماء : انته بعد .. يالله باي
راشد: باااي
اسماء التفتت عليهم: وعليه اخوي فلبيت بروحه
نجود: خل ايي لا ؟؟
اسماء: جانزين ..
ام احمد دشت عليهم .. دفتها على راسها: السلااااااام عليكم
اهمه متفشلين قاعدين بلبيجامه ماتوقعوا احد يدش عليهم !!
ريم راحت تسلم عليها: هلا هلا خالتي حيااج
ام احمد سلمت عليهم كلهم وقعدت ويااهم: شلونكم؟
ريم: الحمدلله انتي شلونج ؟
ام احمد: الحمدلله الحمدلله .. وين امج عيل ؟
ريم قامت: الحين بجوفها ..
ام احمد: وانتوا ورا مابدلتوا ؟
نجود: خالتي تونا قاعدين .. تريقتي ؟
ام احمد: هالحزه احد يتريق ؟؟ الحين غدا
نجود: خالتي غدا الساعه ثمان ونص ؟
ام احمد قامت: واايه .. عيزت
ام فيصل راحت لها: حي الله من يه
ام احمد تسلم عليها: الله يحييج خويتي ..



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   السبت سبتمبر 15, 2007 8:20 am





ام فيصل : حيااج الميلس ..
ام احمد راحت وياها الميلس ..
ريم دشت عليهم: ماشالله عليها ..
نجود تاكل: تينن جنها ذيج اللي في عيايز الفريج .. ذيج .. شسمها ؟؟
اسماء: ام خماس ؟؟
نجود: اي اي ..
ريم قعدت: ماشالله عليها ..
نجود رفعت راسها ويدها تدعي: الله يعيييينج يام فيييييصل على سوالفها .. رااسج بينتفخ
ريم: مسكينه .. علأقل احسن من ماتتذكر وتقعد تصيح .. خل تلهيها شوي
نجود اتصلت فيها عووش: الوو ؟
عايشه: هلووو ذير
نجود: ها انتي
عايشه: ها انتي .. وازاب؟
نجود: حد امي باد .. وينج انتي ؟
عايشه: ياو النسوان ؟
نجود : الحين بيون .. انتي وينج ؟
عايشه: كاني انطر امي بتيي وياي
نجود: وي يحليييييلها ام جااااااسم .. من زمان عنها والله
عايشه: يالله باااي
نجود: لتأخرين !! بسرعه
عايشه: اوكي يالله باي ..
نجود: بااااي
ريم قامت: يالله عيل انا بروح ابدل اخاف ايون النسوان ..
اسوم: بس بكمل اكلي وبااييج ..
ريم راحت: اوكي ..
ركبت فووق تبي تبدل .. بطلت الكبت .. جافت جيس غريب اول مره تجوفه !! بسرعه شالته تبي تجوف شنو ذي .. خذته بنعومه .. قعدت عالسرير .. بطلته .. الا الشبكه !! وقف قلبها !! الشبكه شيايبها فلكبت ؟؟ جافت ورقه مجفووسه .. بطلتها ويدها ترتجف .. تبي تقراا .. قلبها يدق يدق يدق .. بكل وضووح " أنسيني " .. وقف قلبها !! وقعدت تصيح

تصيح .. انساااك ؟؟ ولييش انسـاك ؟؟ ناصر ؟؟ من صجك !! شنسى فيك ؟؟ تبيني انسى روحي ؟ !!!!!!!!!!!!!!!

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعــ في عين مشتاقه ـه

![ أتعبتني ذهبي ]!
avatar

عدد الرسائل : 925
تاريخ التسجيل : 18/08/2007

مُساهمةموضوع: رد: [ " قصة عشان الحب ... والي بيني وبينك " ]   السبت سبتمبر 15, 2007 3:41 pm

مشكوووره على القصــه الحلوووه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Jr!7@t el.8lb
![ أتعبتني جديد ]!


انثى
عدد الرسائل : 1
تاريخ التسجيل : 20/10/2007

مُساهمةموضوع: رد: [ " قصة عشان الحب ... والي بيني وبينك " ]   الجمعة أكتوبر 26, 2007 4:28 am

مشكوره اختي ع القصه Smile ...
بس امته بتكملينها bom ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
[ " قصة عشان الحب ... والي بيني وبينك " ]
الرجوع الى أعلى الصفحة 
صفحة 14 من اصل 14انتقل الى الصفحة : الصفحة السابقة  1 ... 8 ... 12, 13, 14
 مواضيع مماثلة
-
» فوائد الفلفل البارد او "الفلفل الرومي"
» مشاكل المفاصل " موضوع يهمك "
» تجنبي أسئلة "العكننة" الزوجية
» °¨°°o°°¨" آآآآآآآآآخر صيحات الشعر القصير °¨°°o°°¨"
» يـلآإ تعـآلو تعلـموا اللغه الإيرآنيــه ^^"

صلاحيات هذا المنتدى:لاتستطيع الرد على المواضيع في هذا المنتدى
![ منتديـات أتعبتـني ]! :: ®؛°¨°؛®][ أقسـام أتعبتـني الأدبية ][®؛°¨°؛® :: ![ أتعبتـني القصص والروآيات ]!-
انتقل الى: