[ " قصة عشان الحب ... والي بيني وبينك " ]

[color=#4bacc6]اسماء متوهقه : ياربييييي شسوي الحين ؟[color:0406=#4bacc6:0406]
ريم ماقدرت اتم حتى البندول رجعته .. اي شي يدش يرجع على طوول ..
حدها تعبانه مافيها شدة تسوي شي ..

ناصر كان فلجامعه .. ويا فواز وعبدالله .. ومب عاجبته السالفه .. يبي يررد الشقه يكفخها زود .. مب عارف شيسوي ..
ناصر: فواز !
فواز التفت عليه: هلا
ناصر: قوم خنروح شقتك
فواز يخزه: وليه يعني ؟ وماكفاك اللي سويته ؟
عبدالله مب فاهم شسالفه: شصاير؟
فواز يهز راسه: تراه مجنون مهوب صاحي ابد
عبدالله يخزه: شمسوي ؟
ناصر ساكت ..
عبدالله: ناصر شفيك ؟؟
ناصر قام عنهم
فواز راح له بسرعه: وين رايح؟
ناصر مشى: كيفي
فواز التفت على عبدالله: تعال شوفه !!
ناصر التفت عليهم: خلوني بروحي .. ماعليكم انتوا
عبدالله: ناصر شفيك ؟؟ شصاير ؟؟
فواز: مدري شجااه !!
ناصر تنهد: فيني حره
فواز: لا اله الا الله .. وكذا تطقها ؟
عبدالله مستغرب: طق من ؟
ناصر التفت عليه: كيفي كيفي .. ان شاءالله اذبحها الحين .. كيفي
عبدالله: لا مب كيفك .. وهذي اللي اخوها موصييك عليها .. وابوها بعد .. تقوم تطقها ؟؟؟؟
ناصر رن تلفونه .. كان فيصل .. من جاف رقمه تدوده .. افف الحين شاقوله ذي بعد ؟؟
عبدالله: رد شفيك ؟؟
ناصر: الو ؟
فيصل: هلا هلا والله بالنسيب
ناصر متضايق ومعصب .. من غير نفس: هلا
فيصل مستغرب .. بس ماقال شي : شلونك ؟
ناصر من غير نفس: اوكي ..
فيصل مستغرب: وشخبار البنات ؟؟
ناصر متوهق: اوكي تمام
فيصل: اكيد ؟ كل شي تمام ؟
ناصر: اي اي افا عليك
فيصل: عيزت اتصل في ريم .. ماترد علي
ناصر متوهق .. ماله الا يجذب: انا من شوي طلعت من عندهم .. مادري ..
فيصل: انزين روح جوفها اذا ماعليك امر .. اتصل لها ولا شي .. عيزت اتصل .. امي ميته تبي تكلمها ..
ناصر يبي يصرفه بسرعه: ان شاءالله
فيصل: لحظه ناصر ابوي بيكلمك
ناصر متوهق في خاطره " حزتهم " ..
بو فيصل: الووووو السلام عليكم
ناصر متوهق: هلا هلا عليكم السلام والرحمة
بوفيصل: شلونك يبه ؟
ناصر: الله يسلمك انتوا شلونكم؟
بوفيصل: والله نسأل عنكم .. شخبارها بنيتي ؟
ناصر متوهق: الحمدلله ماعليها
بوفيصل: زين يبوك طمنا عليها .. عيزنا نتصل
ناصر: لا لا مافيها شي لتحاتي
بوفيصل: ماتقصر والله .. يالله مع السلامه
ناصر: الله يسلمك
بسرعه ناصر صك تلفونه: مااااافيني شدتهم كلش ..
عبدالله: انت شمسوي بالضبط ؟؟
ناصر معصب .. : افففففففففف بس عاد .. انا بروح وانتوا كيفكم
فواز يحاجي ناصر: قم معنا
عبدالله: يالله يالله

ريم مابقى فيها شي .. كل السوائل اللي في جسمها رجعتها .. تحس صادها مثل الجفاف .. حتى دوا ماتقدر تاخذ ..
مرت ساعة الا ربع .. وهمه ينطرون نايف اييهم .. من وصل نايف حمد طق عليهم الباب عشان ينزلون
اسماء بسرعه راحت حق ريم: يالله قومي
ريم مب عاجبتها السالفه: مابي مابي انا مافيني شي
اسماء: قومي لتموتين علينا بسرعه
ريم : مااااااااابي اصلا انا مافيني شي جوفيني
اسماء: قومي جوفي ويهج .. والله تخرعين

ريم معصبه: مااااابي اروح روحوا انتوا
اسماء: يالبقمه انتي المريضه مب احنا .. قومي
ريم: انا مافيني شي .. مب رايحه مكان
اسماء سحبتها: بتقومين غصبا عليج
ريم مافيها شدة تتحرك .. يودها اسماء .. ونزلوا تحت .. حمد كان واقف ينطرهم ..
حمد: يالله بسرعه دشوا ..
ريم وقفت ماتبي تدش ..
اسماء دزتها: دشيييي بسرعه ...
دشوا السياره ومشوا .. حزتها توه ناصر يايي .. جافهم فلسيااره .. عصب .. في خاطره " ايي طالعه وياه بعد .. اراويج يالخاينه .. ماكون ناصر اذا ماذبحتج اليوم " ..

ريم فلسياره قاطه راسها على اسماء: بسألج
اسماء: سألي
ريم: تلفوني
اسماء: شفيه؟
ريم: وينه ؟
اسماء: انا شدراني !! ماجفته
حمد التفت عليها .. خايف: شيعورج ريم ؟
ريم ماتبي تكلمه .. بدون ماتطالعه وقطت راسها : ولا شي
حمد سكت عنها ..
وصلوا المستشفى .. ودوها صوب الطواارئ ..
عقب مافحصها الدكتور وجاف شتبي .. قال لهم لازم ترقد فلمستشفى 6 ساعات جذي .. عشان يحطون لها السيلان .. جسمها وايد ناقص سوائل ..
حطولها السيلان .. ورقدت من التعب ..
اسماء طلعت حق نايف وحمد . .
حمد بسرعه: هاا شصار؟
اسماء: لا بس بيخلونها الحين علسيلان جم ساعه ..
حمد: شخبارها الحين؟
اسماء: رقدت فقيرة .. انزين انتوا روحوا الحين مالكم سالفه .. ولي بيطلعونها اتصلت لك ..
حمد: لا عادي بنتم
اسماء: اتمون شتسوون ؟ روحوا روحوا ..
نايف: خنروح وعقب نرجع لهم
حمد: بروحهم اتمون؟
اسماء: وي شفيك عادي .. روحوا مشكورين ماقصرتوا
حمد: عندج رقمي لا؟
اسماء: اي عندي
حمد: خلاص اتصليلي ..
اسماء: اكيد ان شاءالله ..
حمد: يالله بااي
نايف: باااي
اسماء: بيباي ..
حمد راح ويا نايف ..
نايف يخزه: شهالاهتمام اللي نزل عليك من السما؟
حمد يطالعها: لو اي احد مكاني بيسوي هالشي .. ماجفتها شلون تعبانه ؟ تبينه نهدها ؟؟
نايف: لا بس ماجفت ويهك انت
حمد: خل ويهي على صوب .. هالشي اهو المفروض اللي يصير ..
نايف: زين شسالفة ولد عمها الحين؟
حمد: مادري !!
نايف: أقصد ليش طقها ؟
حمد: بالضبط مادري
نايف: تهقى لانها كانت ويانا ؟
حمد: ماكانت تسوي شي غلط .. انترفيو .. وبعدين خل يولي ذي مايستاهلها ..
نايف يخزه: عيل انت اللي تستاهلها ؟
حمد ابتسم: اكيد
نايف: انت شناوي عليه بالضبط ؟؟
حمد: ولا شي ولا شي ..
نايف: حمد اذا كان في بالك شي ثاني .. فـ يوز احسن لك
حمد: لا ثاني ولا ثالث .. مافي بالي شي اصلا .. وبعدين خل هالسالفه عنك ..
نايف: اوكي يصير خير ..

اسماء قاعده يم ريم .. تقرا المجله ..
ريم قحصت: اسوم ؟
اسماء التفت لها: هلاهلا
ريم: ابي ارجع
اسماء: نطري خل يكملون شغلهم اهني .. وبعدين بنرجع
ريم: ابي تلفوني
اسماء طلعت تلفونها من مخباها: هااج تلفوني
ريم: لا ابي تلفوني
اسماء تجوف تلفونها: يمه يمه !! فيصل متصل لي ثلاث مراات ؟

ريم فز قلبها: فيصل !! اتصلي فيه بليز
اسماء: الحين؟
ريم: اي اي معليه اتصلي اتصلي
اسماء: لحظه ..
ريم تنطرها تعطيها التلفون .. اسماء من رن عطتها اياه
ريم: الوو
فيصل كان راقد .. بس قحص لان التلفون كان يم راسه ورن .. : الو
ريم دمعت عينها: فيييييييصل
فيصل فز من الفراش: ريمووو وينج ؟!
ريم مب عارفه شتقول: ها ؟ ويني ؟ ليش؟
فيصل: عيزنا نتصل بج .. ورا ماتردين ؟؟
ريم مب عارفه شتقول: يمكن نسيته
فيصل مستغرب: وين يعني؟
ريم غيرت السالفه: انتوا شلونكم؟
فيصل: ريم .. صوتج متغير .. فيج شي؟
ريم متوهقه: لااا ابد مافيني شي ..
فيصل: اكييد؟؟
ريم: اي اي اكيد مافيني شي انت شلونك ؟
فيصل: خلي تلفونج كله عندج .. امي تحاتيج
ريم: وينهي بكلمها
فيصل: راقدين كلهم الحين .. اخليها تتصل لج باجر بس خليه عندج ها
ريم: اي اي اكيد
فيصل: شفيه ناصر؟
ريم استغربت: هاااا؟ ناصر ؟ شفيه ؟
فيصل: انا اسألج ..
ريم: مافيه شي .. ليش ؟
فيصل: اسألج ..
ريم: مافي مافي شي
فيصل: اكيد ؟؟
ريم: اي اي اكيد
فيصل: زين عيل سلمي على اسومتي
ريم ابتسمت: الله يسلمك
فيصل: يالله مع السلامه
ريم: الله يسلمك .. (عطت اسماء التلفون) تصدقين ؟ يسألني شفيه ناصر ؟؟
اسماء مستغربه: تهقين نصور قال له شي ؟؟
ريم: شبيقول له يعني ؟
اسماء: انا بروحي ماعرف شسالفه
ريم متضايقه: مافي سالفه ولا شي .. ناصر الله يهداه .. الله يسامحه بس ..
اسماء: اي ليش طقج ؟؟
ريم متضايقه: والله مادري ليش بالضبط .. بس انا كنت بسوي الانترفيو ويا نايف وحمد كان قاعد
اسماء: لحظه لحظه .. شوي شوي عشان استوعب .. كنتي تسوين الانترفيو ويا من ؟
ريم: نايف
اسماء: وشدخل حمد فلسالفه؟
ريم: يه وقعد ويانه شدراني
اسماء: وشدخل نصور فلسالفه؟
ريم: مادري .. (دمعت عينها) يه .. ووقفت له .. وعطاني طراق .. مابنساه
اسماء محتره: مالت عليه .. وشلا يطقج يعني ؟؟ لان كنتي قاعده وياهم ؟؟
ريم: انزين انا ماكنت قاعده العب .. هالشي لازم اسويه
اسماء: انزين انزين نطري .. من صجه ذي ؟؟؟؟؟
ريم مشت دموعها: شدراني
اسماء: وماكفاه الكف يرد يطقج بعد ؟؟
ريم: لحقني .. لي الشقه .. وطقني .. اسوم امانه ماتقولين حق احد بليز طلبتج
اسماء تخزه: بقول حق من يعني ؟
ريم: مادري .. فيصل نجود .. اي احد
اسماء: وليش ماتبينهم يعرفون ؟
ريم: لا لا مابي مشاكل وسوالف .. انا اعرف احل مشكلتي بروحي
اسماء: ماله حق يمد يده عليج .. والله لو انا تعرفين شسويت فيه ؟
ريم: ماتوقعت ناصر بيمد يده علي .. تعرفين ..اهوه يصارخ .. يعصب .. وايد .. بس ماتوصل لطق .. وجانزين انا مسويه شي بعد عشان اعذره
اسماء: لتقولين لي يزعم يغار
ريم: يغار ولا يشك ؟؟
اسماء: شيشك فيه بعد ؟؟
ريم: مادري اسوم دار راسي .. ذبحني طق .. مايسوى علي هالانترفيو
اسماء: ماعليج ..
ريم متكدره: زعلانه عليه من قلب ..
اسماء: ماتستاهلين والله بس خليه .. لتحاجينه .. خل يعرف قدرج
ريم: من صجج احاجيه عقب اللي سواه ؟؟
اسماء: خل يولي مالت عليه وعلى امه
ريم مستغربه: شدخل امه الحين؟
اسماء: شدراني مالت عليهم كلهم
ريم: يه ؟

اسماء: يالله كلها جم ساعه ونرجع البيت ..
ريم: كلها جم يوم ونرجع البحرين وانتي الصاجه .. حدي ابي ارجع .. كلش مابي اجوفه .. تعبت اسوم مساعه حسيت روحي بتطلع واهوه يرفس فيني ولا همه شي
اسماء: يعللللللللله الكسر والدمااار اللي يدمره
ريم: لاتدعين عليه .. خليه .. الله كريم
اسماء: بدعي عليه .. خراطه يطقج خراطه ؟؟ ماخبر اخوج ولا ابوج مدوا يدهم عليج
ريم: آيه عليهم حدي ابي ارجع
اسماء: ريمو ويهج خااق ..
ريم: مب حلو ؟
اسماء: لــه .. ولا طقته الحلاه
ريم ابتسمت: ماحاجيه ..
اسماء: مب لي ياج قالج آسف ركضتي وراه وقلتيله احبك وهالخرابيط ؟؟ حبيبتي .. اذا سامحتيه بسهوله .. بيلعب عليج .. وبيتمادى
ريم: حتى لو تأسف .. مابحاجيه
اسماء: حجييي .. اعرفج انا .. ضعيفه في هالمواقف
ريم: لا اسوم .. صبري علي بس
اسماء: اشك بتسوين شي ..
ريم التفتت: الله كريم ..

ناصر حده معصب .. كان عند فواز .. وكل ساعه طلع يبي يجيك جان ياو ولا للحين ..
فواز وعبدالله مب عارفين شسوون له ..
فواز: ناصر وشرايك تنام ؟
ناصر مستغرب: شلا يعني ؟
فواز: لا بس احسك تعباان ومتوتر .. يبيلك ترتاح..
ناصر يتطنز: شكرا
عبدالله يبي يغير السالفه: امشوا نطلع
ناصر: لا لا مابي
فواز: اي فكره .. نروح المول
عبدالله: اي يالله
فواز: مشينا
ناصر: ييييييه لازم يعني ؟ يلسوا يلسوا
فواز: لا كلنا بنروح وانت بالذات تجي معنا
عبدالله: عيل بتم بروحك يعني؟
ناصر: اففففف ..يالله ..
طلعو من الشقه .. ناصر رفس باب شقة ريم بقوه
عبدالله: انا لله
نزلوا كلهم .. تموا يتمشون .. راحوا المول .. ناصر مزاجه زفت .. مايتحاجه كلش ..
مافي شي في باله غير انه يبي يطق وبس .. محتر .. مب عارف شيسوي ..
طول الوقت ساكت ..

ظلمت الدنيا ..
ريم كانت ويا اسماء تسولف تسولف .. ياهم الدكتور وقال بيعطيهم الأدويه وعادي تطلع .. بس لازم تهتم في صحتها .. اسماء كانت تبي تتصل في حمد بس متفشله .. ماتبي تحاجيه وتقوله تعال .. اهوه بروحه اتصل عقب ماصارت ست ساعات ..
اسماء: الو
حمد: هلاا هلا .. كملتوا
اسماء : تونا
حمد: كانه فلطريج .. عطينا عشر دقايق ربع ساعه جذي وحنا عندكم
اسماء: اوكي
ريم التفت عليها: لازم حمد ايي ؟ خنروح بروحنا ! مافي تكسي شي ؟
اسماء: قالي فلطريج .. شدراني
ريم: افف بروحه احسه السبه
اسماء: ماغير نصور السبه في كل شي مالت عليه وعلى امه
ريم: ردينه ؟؟ شدخل امه مسكينه ؟؟
اسماء: عاد من قالها .. كيفها
تمو ينطرون حمد .. بسرعه ياهم .. اتصل حق اسماء قال لها تطلع له .. ريم خذت أدويتها وطلعت وياها ..
حمد كان واقف يم السياره .. ينطرهم .. ضعييف حده معصقل .. التي شيرت تخب عليه ..
نايف كان فلسياره ينطر ..
اسماء كانت ميوده رييم وتمشي صوب السياره
ريم ويهه حده خااق .. تعبااانه .. صاير اصفر ..
راحت صوب السياره ..
حمد: ماعليج شر
ريم ابتسمت له .. : الشر ماييك
ركبت السياره .. صك الباب وراها وركب جدام وصك الباب .. التفت عليها : اشوى الحين؟
ريم: الحمدلله

حمد: زين تأخر الوقت .. وانتي ماكلتي شي .. تبون نروح مكان ناكل او اوديكم الشقة واييب لكم عشا ؟؟
ريم: لا لا لا مانبي .. شكرا .. بنتدبر
حمد: لا لا شتدبرون وانا هني .. من صجي قولوا شتبون
ريم: لا اصلا انا ماشتهي اكل
اسماء: شقاللج الدكتور ؟
ريم: قالي شربي سوائل وايد
اسماء: وماتاكلين شي ؟
ريم: اهم شي السوائل ... اذا كلت شي مب مشتهيته برجعه ..
حمد: شتشتهين انزين؟
ريم: ولا شي
حمد يحاجي اسماء: وانتي؟
اسماء: لا عادي انا بتدبر
حمد: لا مايصير .. مايصير .. تبون بوديكم علأقل السوبر ماركت
اسماء: وي الا يمنا بنزل عقب انا بجوف
حمد: بروحج لا
نايف : انا عندي اقتراح
حمد: قوول
نايف: نوديهم الشقة .. ونروح ان ن اوت نشتري لهم ونوديلهم
ريم من قال اسم المطعم تذكرت اول مايات امريكا .. يوم ناصر يروح يشتري لهم الأكل .. ويلبسها القلب .. طلت على القلب .. عورها قلبها .. ليش سويت فيني جذي !! ليش ؟؟!!
حمد التفت على اسماء: تمام ؟
اسماء: ويي مايحتاي حمد احنا نتدبر ..
حمد: انا لله ..
نايف: خلاص اليوم بنييب لكم
ريم: انا مابي شي ترى
حمد التفت عليها: بييب لج عصير شي من السوبر ماركت .. شتحبين ؟
اسماء تتحلطم: مابغيت الا ريم تشرب عصير بارز
حمد: لا والله عصيرهم غير .. مب نفس اللي عندنا
ريم: مشكور ماتقصر ..
حمد: لا عاد لازم اييب لج شي تشربينه
اسماء: عقب انا بروح
حمد: نص الليل بتروحين بروحج ؟ لو ففريجكم ماخلووج .. الا تبين اهني ؟؟
اسماء: انزين باجر الصبح موومشكله
حمد: لا لازم تشرب اليوم شي .. شودج ؟؟
اسماء: مايحتاي
حمد: والله بييب لها شي .. كيفكم عاد حلفت
اسماء: سفن اب اذا ماعليك امر
حمد ابتسم .. ريم التفت على اسماء: ويييي اسوم ؟؟ فشيله
حمد سمعها والتفت: انا حلفت .. تبين اييب لج شي ماتشربينه ؟؟ يالله خلاص غيروا السالفه (التفت على اسماء) دبل ؟؟
اسماء: لا مابي مابي شكرا
حمد: والله باييب لج
اسماء: احلف بس ؟؟ كل دقيقه بتحلف ؟ صوم صوم شعلي منك ؟؟ استغفر لي عقب باجر
حمد بقق عينه: بييب لج مالي شغل .. ماتغديتي انتي .. معقوله مايعتي ؟
اسماء ابتسمت: مادري
حمد: حلفت ؟ لتدلعين ... دبل ؟
اسماء: لا لا العادي .. بس بلين وذ جيز لو سمحت
حمد: شنو ذي بعد ؟ (التفت على نايف) ابيعونه هناك ؟
اسماء: وييي لا قصدي يعني بدون شي
حمد مب فاهم: يعني شنو بدون شي ؟؟ روتي خالي ؟؟
اسماء: وييييي شفيك ؟؟
نايف التفت عليه: يعني بدون سلطه وخضره وكجب وسووس وهالسوالف
حمد: عيدي شقلتي ؟
اسماء: بلين وذ جيز
حمد: يعني بس جبن ؟
اسماء: اي
حمد: سالفه بعد.. ليش ماتشيلينه بروحج ؟
اسماء: لاا اشيله واقطه حرام .. يستفيدون فيه حق غيري
حمد ابتسم: ماشالله عليج .. (التفت على ريم) اذا مافيج شده تيين باجر الجامعه ارتاحي انا بكلمهم
ريم: بجوف لي باجر معليه ..

ناصر تحت يم شقة ريم .. قاعد عالدجه .. حاط يده على راسه ومنزله ..يفكر باللي صار اليوم ..
تستاهل اطقها ؟؟ تستاهل كل ذي مني ؟؟ ايي تستاهل .. طالعه وياه ولي هالحزه بعد .. شتبيني اسوي ؟ تبيني اذبحها ؟؟ بذبحها ماعندي مشكله .. شسوي فيها ؟؟ اهيا ليش تسوي فيني جذي .. محد بيرضاها .. حرام عليها .. انا ماستاهل اهيا تسوي فيني جذي .. شفيني انا ؟؟ ليش تروح تضحك ويااه وتطلع وياه ولا معبرتني ؟؟ ليش ؟؟ انا شسويت فيها ؟؟ يزاتي اني احبها ؟؟ والله احبها .. بس

مابرضاها تخونني جدام عيني .. تخوني اهيا ؟؟ شيسمونه ذي ؟؟ طالعه وياه ؟؟ انا مب رايح الا لين اصفي لحساب وياها ..

شوي الا السياره يايه .. نزل حمد بسرعه وبطل لها الباب : حياج
ريم ابتسمت .. نزلت .. وفي يدها جيسة الأدويه .. ونزلت وراها اسماء ..
ناصر من يات وقف .. بس ماتحجى يبي يجوفهم شبيسوون ..
حمد يحاجي اسماء: عطونه جذي ربع ساعه .. ثلث ساعه بالكثير .. وانا عندكم
ريم التفت عليه: مشكور والله تعبناك ويانه
حمد ابستم: افا عليج بس .. حاضرين
اسماء: يالله بااي
حمد: باي

ناصر كان طول الوقت واقف يسمعهم .. بس ظلام .. ومالاحظوه ..
ركبوا .. ركب وراهم .. بلعدال عشان مايحسوون ..
ريم: فشيله اسوم ..
اسماء مب فاهمه: شنو ؟
ريم: يعني .. حمد .. ماقصر
اسماء: ايي مب ذاك اللي طايره فيه ..
ريم: بس عاد اسوم ..
اسماء بطلت باب الشقة ..
دشت .. دشت وراها ريم .. توها بتصك الباب الا ناصر في ويهه
ناصر يود الباب عشان ماينصك وتم واقف
وريم خايفه مب عارفه شتسوي .. ببراءة وخوف: لتطقني .. عاد لتطقني .. بليز لتطقني بليز (دمعت عينها)
ناصر واقف يطالعها .. يبي يقول شي مب عارف .. كسرت خاطره وهي تترجااه ان مايطقها ..
اسماء يوم سمعتها تتحجى بسرعه راحت صوب الباب .. جافته واقف عصبت: انت هي شتبي ؟؟ ماكفاك اللي سويته ؟ لك عين تيي ؟
ناصر ولابماعطها ويه .. قاعد يطالع ريم .. شلون شكلها تعبااان .. وساكت مايقول شي ..
ريم تمت تطالعه .. تتذكر يوم يطقها ..
ناصر بسرعه يود يدها بقوه .. وهي تسحبها .. وهو ميودها وومهوس عليها ..
اسماء: ناااااااصر هدها !! ( سحبت ريم ) هدها اقوللك
ريم عورتها: آآآآآآي يدي
ناصر لاحظ اللزقة في يدها .. بعصبيه: وين كنتي ؟
ريم: هد يدي عاااااااد
ناصر: اول شي قوليلي وين كنتي
اسماء معصبه: وانت شعليك ؟ رايحين الديسكو ولا البار .. شيخصك ؟؟
ناصر معصب: قوليلي وين كنتي !!
ريم تسحب يدها: هدني عاااااااد
اسماء تتطنز: يعني حضرتك عقب اللي سويته فيها .. وين تتوقع نروح ؟؟
ريم التفت عليها: مايحتاي تقولين له .. (بقوة سحبت يدها منه وراحت عنه)
ناصر يبي يدش اسماء ماخلته: وين وين ؟؟ اقصر الشر وروح ..
ناصر: مب رايح .. قبل لا اعرف وين كنتوا
اسماء: انت شفيك ؟؟ ماتفهم ؟؟ اتحجى هندي انا ؟؟ اوو نسيت انت دارس اهني ماتفهم علينا .. لازم ارطن عليك عشان تفهم
ناصر يتطنز: هي هي هي تعالي دلدقيني اهني .. وين كنتوا؟
اسماء: اقول فارج ومانبي نجوف ويهك مره ثانيه .. شفيك يدك تحكك ؟؟ تبي تطق ؟؟ تبي ترفس ؟؟ روح روح
ناصر معصب: صج انج
اسماء قاطعته ورفعت يدها: لاتكمل .. (صكت الباب في ويهه)
ناصر يطق الباب معصب: هييييييييي .. (يطقه بالقوه) هيييي
اسماء راحت حق ريم .. كانت في غرفتها ..
اسماء معصبه: شيبي ذي ؟
ريم: تركيه عنج .. ولتبطلين له الباب مافيني شدة انطق .. للحين جسمي متعور ..
اسماء: مااااااااااالت عليه وعلى امه
ريم: انا لله !! قلنالج امه مالها شغل ؟؟ يه ؟؟
اسماء: نطري لترقدين حمد الحين بيي ..
ريم خافت: اوهو ..
اسماء: شفيج بعد ؟
ريم: الحين ناصر بيجوف حمد و
اسماء تقاطعها: يولون زين خل يتذابحون لي باجر قلعتهم احنا شعلينه ؟
ريم: لا لا اسوم مافيني شده
اسماء: ناويه تشاركين انتي ؟
ريم: لا اسوم ان شاءالله مايصير شي ..
اسماء قامت : خل اجوفه راح ولا للحين ..
ريم: ماعليج منه
اسماء راحت عنها .. بطلت الباب .. الا محد .. بسرعه صكته .. ورد طق الباب .. عبالها حمد .. بطلت الباب الا ناصر
اسماء: اوهوووووووو شتبي انت ؟
حمد توه راكب فوق .. وشايل الأكل والأجياس ..
اسماء التفتت عليه .. تبي تحر ناصر: مااااااااقصرت والله

ناصر التفت الا يجوف حمد: كملللللللت .. يايب لهم الأكل بعد .. يزعم مول .. بعدين تعال بقوللك .. انت عبالك من ؟؟
حمد يخزه .. ماعطاه ويه ..
اسماء: وخر خل آخذ عشااي وخر ..
حمد راح لها .. : سمي ..
اسماء: انطر بييب لك البيزات ..
حمد: والله ماتيبين
اسماء: وبعدين وياك انت كله تحلف ؟؟
حمد: كيفج عاد .. هاج هذي حق ريم .. خليها تشربه .. الدكتور موصيها .. وقوليلها ماعليها شر ..
اسماء خذتهم: الشر ماييك ..
حمد: واذا تبون اي شي بس اتصلولي .. يالله تصبحون على خير ..
اسماء: وانت من هله
ناصر كان طول الوقت متجتف ويسمعهم .. راح حمد بسرعه .. ناصر لو وده يكفخه بس ذكر ربه .. لان ان جاسه مابيهده حي .. " مجرم "
التفت على اسماء: نطري
اسماء: وليييييي .. شتبي انت ؟
ناصر دز الباب ودش داخل: ويييينهي ؟
اسماء معصبه: هي هي انت وين داش ؟؟ اطلع اطلع بسرعه لتفضحنا
ناصر التفت عليها: اشش .. سكتي مابي اسمع حسج .. (يدور) ريييييييم !!
ريم خافت من سمعت صوته .. اووهوو .. شيبي الحين .. بسرعه لبست شيلتها .. يمكن يدش عليها شي .. بطل الباب عليها بالقوه واسماء معصبه: هييييييييييي .. وين قاعدين ؟؟
ريم كانت قاعده عالسرير .. من جافته خافت .. تهز راسها: لتطقني بلييز لتطقني ..
ناصر راح يمها : اششش .. سكتي
ريم خافت .. سكتت .. وقلبها يدق يدق يدق .. شيبي يسوي ذي الحين داش غرفتي ..
ناصر قعد يمها وهي قامت .. ناصر معصب: خلج قاعده
ريم خايفه .. قعدت بس بعيد شوي .. اسماء واقفه عند الباب: هي انت .. قوم يالله قوم .. اطلع برا .. مصختها ها ..
ناصر التفت عليها : قلت لج مابي اسمع حسج .. من فضلك سكتي .. (قام لها ) تعالي بقوللج شي ..
اسماء صدقت .. راحت وياه .. بسرعه رجع وصك الباب وخلاها برا ..
ريم خافت: ناصر شناوي عليه ؟؟
اسماء طقت عليهم الباب : هيييييي .. بطلوا الباب
ناصر حاقرها
اسماء: اوهوووو قلعتكم .. خل اروح آآكل احسن لي
راحت تاكل ..
ناصر تم واقف .. مب عارف شيسوي .. بهدوء: ريم ؟
ريم خايفه: هلا
ناصر يصارخ: وين كنتي ؟؟؟؟
ريم خايفه: والله العظيم كنت
ناصر يقاطعها: جب .. جب مابي اسمع حسج .. (يصارخ) جـــــــــب
ريم دمعت عينها .. وتمت تطالعه وهوه يصارخ .. ماتدري شتسوي ..
ناصر راح يمها : وين كنتي ؟
ريم مب عارفه .. تخاف تتحجى يسكتها . .تخاف ماتتحجى يعصب .. ببراءة: اقول ؟
ناصر معصب: عيل شلا انا سائلج ؟؟ اتحجى هندي انا ؟؟
ريم ببراءة: فلمستشفى ..
ناصر بهدوء: خير ؟؟ شفيج ؟
ريم مستغربه: هاا ؟؟ لا مافيني شي
ناصر يخزها: عيل شلا رايحه ؟؟
ريم ابتسمت: شوي كنت تعبانه
ناصر: ومن ظهر لي الحين .. شوي تعبانه ؟؟ (يصارخ) بتقولين الصج ولا لا ؟؟؟؟؟؟؟
ريم دمعت عينها .. وقعدت تصيح: والله العظيم كنت فلمسشفى .. (طلعت له الأدويه) حتى جوف (راوته اللزقه) جووف
ناصر سكت .. ماعرف شيقول .. عوره قلبه .. مسكينه كانت فلمستشفى .. وهوه شاك فيها .. ريم قعدت تصيح تصيح .. وهوه ساكت يطالعها .. مب عارف شيقول .. واهيا مستغربه .. شفيه لاحين شقلبه علي ؟؟
ناصر بهدوء: شبينج وبين حمد ؟
ريم بققت عينها: انا ؟؟؟؟؟؟؟؟؟ والله العظيم مابينه وبينه شي ناصر شهالحجيييي ؟؟ انت واعي للي تقوله ؟؟ حرام عليك
ناصر بهدوء: شبينج وبين حمد .. سؤالي واضح .. جاوبيني
ريم وقفت: ناصر !! انت من صجك تسألني هالسؤال ؟؟ روح سأله جان مب مصدقني !! والله مابيني وبينه شي حرام عليك .. حلفت .. ومافي اعظم من الله احلف به
ناصر بهدوء: شمعناته .. سوالفج وضحكج فلجامعه وياه .. (رفع صوته) شمعناااااااته ؟؟ رايحه وياه المستشفى ؟؟
ريم مستغربه .. مب مصدقه ان اللي يحاجيها هذهوه ناصر ..وهي تصييح :ممكن تخليني اتحجى ؟
ناصر : قعدي ..

ريم قعدت .. وهي تصيح .. تطالع الأرض .. : اولن .. مساعه فلجامعه
ناصر يقاطعها .. رفع يده: عن الجذب .. مابي اسمع شي .. (وقف) انا بامشي .. (التفت عليها) وللحين ماجفتي شي ..
ريم خايفه .. طلع عنها .. وهي قعدت تصيح تصيح .. دشت عليها اسماء ميوده الفرايس تاكل: شيبي ذي ؟؟
ريم تصيح: بموووت ماستحمل .. من صجه ؟ (تطالعها) ذي ناصر ؟؟ ماصدق !!
ناصر نزل .. يدري انه غلطان .. والمفروض مايطقها .. قبل مايتأكد .. بس ماقدر ايود روحه .. وماعرف شلون يبرر موقفه .. وقعد يصارخ زود .. ماعرف شيسوي .. ووين يروح .. راح شقته .. وانسدح .. متضاااااااااايق والدنيا سوده بعينه .. مب عارف شيسوي .. وليش اهوه تصرف هالتصرف .. مسكينه فلمستشفى ؟؟ واهوه السبه ؟؟ ويعصب عليها بعد ؟؟ شذنبها ؟؟
يحس فيه غصه .. ضيقه .. كدر .. هم .. الحين شلون يبرر لها الموقف .. شيبرر وشيخلي ؟؟ طقها ؟؟ عطاها كف جدامهم ؟؟ رفسها ؟؟ صارخ عليها ؟؟ شبقى غير انه يذبحها ؟؟ والحين اللي موصينه عليهم .. عمه .. وولد عمه .. يحاتونها .. وموصينه عليهم .. جذي ؟؟ كفو احد يوصيه ؟؟ .. ماله داعي اللي سواه .. وماله عذر .. يغار ؟؟ اوكي غار .. كل الناس تغار .. لكن توصل لي الطق ؟؟ محد بيرضاها !! وهذي وللحين ماصار شي رسمي .. ويطقها ؟؟؟ لا اله الا الله .. ان شاءالله خير .. ان شاءالله خير ..
ريم تعبت من لصياح .. يابت لها اسوم السفن اب .. شربته .. وعقب كلت دواها ..
اسماء: بس عاد ترى مايستاهل كل اللي تسوينه
ريم: قلبي يعورني ..
اسماء: اسم الله عليج
ريم: صج مب مصدقه .. احس .. ابي ارجع يومين ورا .. ولا اجوف اللي جفته
اسماء: جانزين على كيفنه .. جان انا بروح اسبوعين جدام وباخذ فصوول بسرعه
ريم ابتسمت: كلن يغني على ليلاه
اسماء: ويه ويه ويه مابغت تبتسم !! ماصدق
ريم: ابي ارجع البحرين .. ماستحمل .. جانزين ماييت .. ولا اجوف اللي جفته منه ..
اسماء: يالله عاد انتي العاقله تقولين هالحجي ؟
ريم: خلي العقل .. مابيه .. قلبي .. انكسر
اسماء تتطنز: مرقدوش ينفع ؟
ريم ابتسمت: كلش لا ..
اسماء: سوبر قلو انزين
ريم: لا حبيبتي .. ماينفع شي ..
اسماء: زين شرايج تخمدين ؟؟
ريم: وين بقدر ارقد ؟؟ تعالي .. تلفوني وينه ؟؟
اسماء: جفته طايح يم المطبخ .. حطيته علطاوله
ريم قامت: خل اروح اييبه ..
اسماء انسدحت .. وتلحفت ..
ريم يابت تلفونها .. وجافت مسكولات اهلها شكثر .. فيصل .. وامها .. وابوها .. ونجود !! .. : واي قلبي
اسماء: شصاير؟
ريم متضايقه: أبي اكلمهم .. مايصير عاد الحين راقدين . .
اسماء: معليه لي قمتي الصبح ..
ريم: شيرقدني
اسماء: انزين انتي كلمتي فصول مساعه
ريم: ابي اكلمهم كلهم .. وااي قلبي احس ابيهم حدي
اسماء: معليه باجر كلميهم .. امشي رقدي بلا حنه
ريم انسدحت: لا اله الا الله .. اليوم كريه
اسماء نست: ليش عاد؟
ريم التفتت عليها: ماصار شي حلو .. ناصر احلى شي عندي .. اليوم كريه حده
اسماء: يالله .. مرده بيحس
ريم ببراءة: انا سويت شي غلط ؟؟
اسماء تفكر: مادري ..
ريم: في أمل يعني سويت شي؟
اسماء: لا حبيبتي ماسويتي شي .. بس اهوه تفكيره مادري شلون
ريم: تصدقين ؟؟ (دمعت عينها) يسألني .. (بلعت ريجها) جان بيني وبين حمد شي ؟
اسماء: ليكون ذاك رايح قايل له شي؟
ريم: تهقين يسويها ؟
اسماء: مادري .. يعني مني والدرب بيي وبيطقج ؟؟ اكيد سامع شي
ريم: زين وسامع .. مايتأكد قبل ؟
اسماء: حبيبتي .. نصور عصبي .. وبسرعه ينفعل ويعصب .. مخه مدجر مايفكر بعقله
ريم: وانا استاهل ؟
اسماء: لاا انتي ماسويتي شي .. بس بقولج .. لتخلينه يتمادى ..
ريم: ماقدر احاجيه .. من اجوف ويهه اتذكر شلون كان يطقني .. وااي انا ليش جذي؟
اسماء تنود .. تثاوبت: عوذ بالله من الشيطان .. انتي بتسولفين وايد ؟؟ انا تعبانه ..
ريم متضايقه: آسفه .. رقدي رقدي (انقلبت الصوب الثاني)

اسماء انقلبت بترقد
وريم قعدت تفكر .. ليش صار جذي .. وشبيصير عقب .. وتمت تدعي ربها الله يسهل ويكتب اللي فيه الخير ..
رقدت من التعب .. والدوا اصلا يرقد ..

نجود .. قامت الصبح على رنة تلفونها : الووو
عايشه: بسج رقااااااد قومي ..
نجود: شتبين انتي ؟؟ ذلفي ابي ارقد
عايشه: قومي قومي .. قومي بسرعه
نجود: شتبيييين ؟
عايشه: الساعه عشر .. لي متى بترقدين حظي ؟
نجود قامت: وانتي شعليج ؟؟ اقول .. يالله باي
عايشه: عندي لج خبر بمليووووووووووووون
نجود: قامت: شنو ؟
عايشه: قومي اول شي غسلي ويهج صحصحي .. عقب بقولج
نجود: قولي يالله
عايشه: مافي .. قومي يالله ..باي
صكته .. قامت نجود بسرعه غسلت .. واتصلت لها : عوشوو يالخايسه .. شتبين ؟
عايشه تتدلع: لحظه .. عدلي اسلوبج معاي قبل .. ترى مابقوللج
نجود تتطنز: اهلا وسهلا بالشيخه عمتي عايشه ..
عايشه استانست: اي جذي .. شزينج وانتي ذربه !!
نجود: يالله عاد !! بتذليني يعني ؟
عايشه: انزين انزين وه .. اصلن ماعندي شي بس كنت بقولج ترى لطفو حاجزه الملعب الصابوني اليوم
نجود : ماااااااالت عليج وعليها .. مقومتني من لرقاد عشان هالسالفه ؟؟ يعلج ان شاءالله .. تعالي ببلعج الصابون الحين
عايشه: يالبقمه زين مني
نجود: خبر بمليون خبر بمليون .. اخرتها صابون مادري شنو ؟
عايشه: والله عجيب ليفوتج
نجود: مادري بسأل امي عقب ...
عايشه: انزين ترى اهوه مب الحين .. من سبع لي تسع .. اوكي ؟
نجود: زين يالحنانه ..
عايشه غيرت صوتها: بايي بيتكم
نجود: ومن عازمج ؟
عايشه: كيفي .. مابييج انتي ..
نجود: لتقولين لي فصوول ؟
عايشه خذت نفس: من غيره ؟
نجود: مالت عليج اكا بيملج تقولين لي فصول ؟ اقول .. ذلفي عن ويهي خل اروح اتريق .. بكلمج عقب
عايشه: وه عليج ماعندج احساس
نجود: صج بسألج .. من بيروح الملعب ؟
عايشه: انا .. انتي .. لطفوو .. مريمو .. بنات خالاتهم .. بس اظن
نجود: متأكده منور محد ؟
عايشه: بوو مسوية لج رعب .. لا ماظن احد قاللها ..
نجود: تدرين اذا طلعت هناك شبسوي فيج ؟
عايشه: وانا شعلي ؟
نجود: بخليج تشربين الصابون اللي هناك كله .. سامعه ؟
عايشه: وي يمه بسم الله انا شلي خص ؟
نجود: كيفج عاد .. يالله باي
عايشه: باي

نجود بسرعه نزلت .. امها كانت تقرا الجريده .. راحت لها من ورا تمسد جتفها
نجود: صباح الخيير يا ويه الخيير
ام فيصل التفتت عيلها: صباح النور
نجود: يمه حبيبتي .. احبج انا
ام فيصل: قولي شتبين
نجود: عارفتلي المذر .. يمه بس شسمه .. (راحت قعدت يمها) اليوم
ام فيصل: اي
نجود: مب باجر يعني اليوم
ام فيصل: شصاير؟
نجود: بيروحون البنات الملعب ..
ام فيصل تطالعها: شملعبه ؟؟ صبيان انتوا؟
نجود: لا يمه حشا علينا .. حدنا لا .. والله بنات من صجي يمه
ام فيصل: شوديكم عيل ؟
نجود: يمه بيني وبينج انا مابي اروح بس البنات عيزوا يتصلون لي .. تعالي وتعالي .. خبرج يعني بنتج مهمه .. والقعده ماتحلى بدونها كلش
ام فيصل: اذا مالج خلق تروحين لتروحين
نجود: لا يمه البنات معورين قلبي .. بعدين كلهم بيهونون ولا حد يبروح .. مب عدله يعني اخرب عليهم كلهم.. ولا شرايج انتي ؟
ام فيصل: ملعب شنو ؟
نجود: ملعب يمه شسمه .. مال الصابون
ام فيصل: اي شيوديكم ؟؟ مب حق بنات !!

نجود: يمه عاد .. وناسه .. حدي خاطري اروح
ام فيصل: الله وكبر عليج توج مالج خلق ؟؟
نجود: انا ؟ لا عاد يمه شسمه .. (سلمت عليها) الله بلخير يمه شلونج ؟
ام فيصل تقرا الجريده: متى بتروحين ؟
نجود: اممممممم .. عقب المغرب
ام فيصل: ومتى بتردين ؟
نجود: عقب لعشا ..
ام فيصل: يعني على الساعه جم ؟؟
نجود: اهوه من سبع لي تسع ..
ام فيصل: زين سألي ابوج
نجود: ابوي يحليله مايقول شي .. بس انتي لتخربين علي وتوشينه
ام فيصل: ول عليج !! انا اوش ابوج ؟
نجود: لا يمه شهالحجي ؟ قصدي .. انتي قولي حق ابوي
ام فيصل: شعاد .. قوليله عقب ..
نجود: انزين .. (قامت ) بروح اتريق
ام فيصل: تعالي يمه .. خنكلم اختج .. ألساعه جم الحين ؟
نجود: الحين عشر وربع .. يعني عندهم 12 وربع فلليل ..
ام فيصل: ويي يمكن راقده حبيبتي ..
نجود: زين يمه لي رجعت من الملعب بنكلمهم ..
ام فيصل: ان شاءالله ..

راحت نجود المطبخ تتريق .. اتصل لها اخوها من الشغل ..
فيصل: الوو
نجود: هاا الفيص
فيصل: هاا النجد
نجود: شخبار؟
فيصل: الحمدلله .. شخبارج انتي ؟
نجود: الحمدلله
فيصل: بقوللج .. انتي وايد تجوفين حلقات .. لا؟
نجود: افا عليك .. آمر
فيصل: يعني اذا الواحد بيخطب .. شيقول ؟
نجود ابتسمت: ياعيني ياعيني .. السالفه كلش مب صعبه .. بتحاجي رشود انت ؟
فيصل: ايي .. شقول له ؟
نجود تقعد قعدتها: أسمع .. روح له .. سلم عليه ..
فيصل: لا اهوه بييني
نجود: غبي انت ؟؟ تخطب اخته وهوه عندنا
فيصل: لا بس بكلمه فلموضوع .. والشي الرسمي عقب انا وابوي بنروح له
نجود: زين اسمع
فيصل: قولي
نجود: قوله .. هلا الرشد شخبار؟؟ كل شي تمام ؟؟ والله ياخي مادري شقولك .. الخنقه عابرتني
فيصل مستغرب: اي خنقة ذي بعد ؟؟
نجود: ويي شدراني شيقولون .. انطر انطر .. من أول ها
فيصل: تحجي يالله
نجود: عندك ورقه وقلم ؟؟ اكتب احسن لان انا الحجي اللي اقوله بعدين انساه لتقولي عيدي ... خبرك يعني
فيصل يقاطعها: يالله عاد
نجود: اكتب ها
فيصل: زين يالله
نجود: قوله .. والله يا راشد .. انا يايك اليوم في طلب .. وكلي أمل انك توافق .. وماتردني
فيصل ابتسم ..
نجود: طبعا اهوه بيرد عليه بيقولك (تغير صوتها) سم ياولد عمي .. آآمر .. والله يقدرني واعطيك اللي تامر به ... اي انت وياي ؟
فيصل: ويااج
نجود: تكتب؟
فيصل: ايي اكتب
نجود: جوف عاد اذا راشد قالك حجي غير صج ماعنده سالفه
فيصل: انزين كملي
نجود: بعدين انت تعطيه ذيج الابتسامه العدله .. وتبلع ريجك ..وترفع عينك .. وتاخذ نفس .. جوف اذا ماسويت اللي قلت لك بيخترب كل شي
فيصل: بسوي بسوي .. كملي
نجود: وبعدين تقول له .. يعني تبين له انك انت تبي تتحجى والحجي مب راضي يطلع .. جود اهوه يحس فيك .. ويقولك (تغير صوتها) خير ياولد عمي .. ؟
فيصل: مب ولد عمي عاد اهوه ذبحتينه
نجود: المهم .. وبعدين انت تقوله .. (تغير صوتها) والله ياولد العم
فيصل يقاطعها: قلنالج راشد .. مب ولد عمي
نجود عصبت : لاتقااااااااااطعني !! ترى يطير الكلام كيفك عاد ..
فيصل: زين يالله كملي كملي
نجود: وين وصلت ؟؟ نسيتني
فيصل: الحين انا شاقوله ؟
نجود: اي قوله (تغير صوتها) والله يا ولد العم مادري شقولك .. بس .. انا اليوم

.. ياي .. اطلب .. يد اختك .. على سنة الله ورسوله
فيصل ابتسم: بس ؟؟؟؟؟؟؟؟
نجود: اي عاد اسمعني .. قوله انا صارلي سنتين احاجيها فلتلفون
فيصل عصب: هي انتي هي .. سنتين فعينج .. اقول انا غلطان اللي متصل لج
نجود: افا يالفيص افا .. زين اسمعني خل اخلص
فيصل: بس خلاص هونت مب خاطب ولا شي
نجود: وي شفيك يزعم زعلت ؟
فيصل: بس بس سكتي ..
نجود: افا الفيص افا
فيصل: بس اوكي خلاص مشكوره
نجود: تدري ؟؟ انا المينونه اللي ماعطتك ويه
فيصل: انا المينون اللي ماعطج ويه .. يالله باي
نجود: باي

ريم قامت تصلي الفير .. قومت رفيجتها تصلي ..
اسماء عقب ماكملت صلاة التفت عليها : اشوى ريمو ؟؟
ريم قاعده عالسرير .. ابتسمت: ان شاءالله ..
اسماء قامت انسدحت ..: شفيج قاعده ؟؟ رقدي لا؟
ريم قامت .. خذت تلفونها بتطلع: شوي بس
اسماء: ريم فيج شي ؟
ريم: لا لا رقدي .. (طلعت وصكت الباب ) ..
ماقدرت ترقد .. للحين تتذكر شكل نااصر وهوه يطقها .. وودها لو تعرف السبب بالضبط اللي خلاه يطقها .. مب معقوله مني والدرب بيطقها .. خذت التلفون .. تبي تطرش له مسج .. مب عارفه شتكتب .. ومب عارفه ليش اصلا تبي تطرش المسج
مايهون عليها ترقد وهوه معصب عليها .. خاطرها مكسوور .. قلبها يعورها .. مب عارفه شتسوي ..
مالها خلق تسوي شي .. للحين تحس بآثار الطق .. متضايقه .. متكدره .. تبي تغير جو .. مب عارفه شتسوي ..
تبي يصير الصبح بسرعه .. تسمع صوت امها ..
طلعت البلكوون .. ظلاام .. للحين ماطلعت الشمس .. يابت لها كرسي .. وقعدت .. لا شعوريا اتصلت في ناصر ..
كان توه مصلي وراقد .. وتلفونه مب يمه ..
بسرعه صكته .. " في خاطرها" انا ليش متصلت له ؟؟ شباقول له يعني ؟؟؟ افف شهالحظ ؟؟ لا اله الا الله .. الله يعدي هالايام على خير ..
تمللت قاعده بروحها .. دشت داخل .. بطلت لها التلفزيون .. قعدت تفرر .. جافت الساعه .. صارت خمس .. يعني عندهم ثلاث العصر .. بسرعه خذت التلفون واتصلت حق امها ..
كانوا كلهم قاعدين .. ابوها وامها وختها وخوها .. يشربون جاي .. وياكلون مكسراات وكيك عقب الغدا ..
ام فيصل من جافت الرقم فز قلبها : يمه بنيتي
ريم دمعت عينها: ييييييمه
ام فيصل حست ان في بنتها شي: يمه شفيج ؟
كلهم كانوا يطالعونها ويبون يعرفون شسالفه
ريم ماتبي تقول لها شي .. : ولهانه عليج يمه .. ابيج
ام فيصل دمعت عينها : حبيبتي والله انا اللي ولهانه عليج .. شلونج طمنيني عليج ؟
ريم ماقدرت تيود روحها .. تبي امها .. صاحت: يمه ابيج ..
ام فيصل سمعت بنتها تصيح خافت: يمه انتي بخير ؟ لتصيحين عورتي قلبي
ريم تحاول تيود روحها: لتخافين يمه .. بس ولهانه علييج
ام فيصل: اكيد ؟؟ والله قلبي ناغزني ..
ريم خذت نفس .. مشت دموعها: يمه لتحاتين .. مافيني شي .. بس ولهانه عليكم .. شلونكم
ام فيصل: احنا بخير انتي شلونج ؟
ريم: الحمدلله .. شخبار ابوي ؟
ام فيصل تطالع ريلها: لحظه بيكلمج .. (عطته التلفون) هااك كلمها
بوفيصل: الوو
ريم استانست: يبه شلونك ؟
بوفيصل: الحمدلله طيب انتي شلونج ؟
ريم: طيبه طاب حالك .. شلون كل شي معاك؟
بوفيصل: الحمدلله .. (يطالع الساعه ) مب المفروض انتي راقده هالحزه ؟؟ فيج شي يبه ؟
ريم: لا يبه قمت اصلي .. قلت مره وحده بكلمكم ..
بوفيصل: اي زين تسوين يبوج .. وينج امس عيزنا نتصل ؟؟
ريم مب عارفه شتقول: ايي كنت مضيعه تلفوني
بوفيصل: زين عاد خليه كله وياج احنا نبي نكلمج .. لتخلينه نحاتيج
نجود واقفه على راسه تحن تبيه يعطيها التلفون: يالله عاد مصختها الفذر
بوفيصل عطاها: هاج هاج يالحنانه
نجود بسرعه خذت التلفون: ريييييييمووو
ريم ابتسمت: هلا والله
نجود: اهلن اهلن .. يالله متى بتيين ؟
ريم: لو ودي اليوم ييت .. بس مابقى شي عالكورس .. بجيك الحجز ان شاءالله هاليومين وبقوللج

نجود: اي واللي يعافيج وايد تصير مواقف المفروض انتي تكونين فيها
ريم : مثل شنو ؟
نجود: لا يعني نبيج تصورين
ريم ابتسمت: بس جذي ؟ عبالي صاير شي
نجود: يعني انتي من زينج ولا من زين ويهج ؟؟ شنبي فيج ؟؟
فيصل بسرعه راح يم نجود: بسج
نجود تخزه: روح روح مناك .. الو ريم نطري
ريم: هلا
فيصل واقف على راسها: بسرعه
نجود: افف حنان اخوج .. (تحاجيه) هاك يود
فيصل بسرعه خذاه وراح عنهم المطبخ: الوو
ريم مستانسه :فصووووووول
فيصل يحاتيها: ريم .. قوليلي شفيج
ريم استغربت: ها ؟ شفيني ؟؟ مافيني شي .. ؟
فيصل: مب من عادتج تتصلين هالحزه .. لتخافين قولي .. احاتيج من امس صوتج مب طبيعي .. صاير شي ؟
ريم تبي تسكته: يعني مثل شنو ؟؟ لا فصول لتخاف مافيني شي .. وبعدين الحين تخلي امي تشك وتحاتي
فيصل: محد يمي لتخافين .. قولي شفيج
ريم تحاول تقنعه : مب انت اللي قلت لي امي تحاتيج اتصليلها ؟؟ بس يوم قمت اصلي قلت بكلمها بطمنها .. بس
فيصل: احاول اصدقج .. ماخبرج تجذبين
ريم عورها قلبها: فيصل لتحاتي وانا الصاجه ..
فيصل: اذا في شي قولي
ريم: مافي شي فصوول
فيصل: يعني انتي بخير ؟؟ فيه شي مضايقج ؟؟ في شي يعورج ؟؟ تعبانه ؟؟
ريم: لا لا مافيني شيييي كلش كلش لتحاتي مافيني شي
فيصل: اكيد؟
ريم: اكيد اكيد
فيصل: زين شخبارها حبيبتي ؟
ريم ابتسمت: الحمدلله بخير .. راقده
فيصل: قوميها خل اسمع صوتها
ريم تتطنز: عاد صوتها هالحزه لك عليه شوي ..
فيصل: شعاد
ريم: لا مسكينه خلها راقده .. اذا قامت بخليها تتصللك
فيصل استانس: حلفي ؟
ريم: وي مادري لا .. لي قامت بقول لها عاد اهيا كيفها
فيصل: وحشتني والله
ريم: فديتك .. انت بعد واحشهاا ..
فيصل: صج ؟؟ يعني اهيا قالت لج ؟؟؟
ريم ابتسمت: وي فيصل .. اي اهيا قالت لي
فيصل: زين اشقالت لج بالضبط؟
ريم تتطنز: تقول اخوج الخايس ماحبه اكرهه
فيصل تضايق: أفاااااااا
ريم: اقص عليك .. لا لا تقول .. عاد بالضبط ماذكر !!
فيصل: انزين تقريبا شقالت؟
ريم: بس يعني ان مشتاقة لك ومكانك ابين ..
فيصل استانس: فديتها .. سلمي عليها وايد
ريم: الله يسلمك ويسلمها ..
فيصل: ويسلمج .. وسلمي على ناصر بعد
ريم تغير صوتها: الله يسلمك ..
فيصل: يالله اخليج .. بس طمنينه عليج .. وخلي تلفونج كله عندج
ريم: ان شاءالله من عيوني .. وانت سلم عليهم كلهم بعد
فيصل: الله يسلمج .. يالله مع السلامه
ريم: الله يسلمك ..

فيصل راح لهم ..
ام فيصل قلبها ناغزها: شلا ماحاجيتها جدامنا ؟
فيصل يخزها: يمه ؟؟ كنت بقول لها شي
نجود تحاجي امها: شفيج يمه نسيتي ان القلب وياها ؟؟
ام فيصل تحاجيه: زين فيصل تقدر تودي اختك بعدين الملعب ؟
فيصل عافس ويهه .. يطالع نجود: اي ملعب انتي بعد ؟
نجود متضايقه تطالع امها: يمه انتي لازم يعني ؟ (التفتت على فيصل) اوهو مابيك انت توديني ..(تحاجي امها) جذي زين ؟
ام فيصل مستغربه: شصار الحين؟
فيصل: اي ملعب ؟؟ شوديج انتي ؟؟ بنات يلعبون كره ؟؟ ليكون بتنقلبين علينا بويه ؟؟
نجود تحاجي امها: يمه جوفيه يتطنز علي ..
ام فيصل تحاجي فيصل: لا يمه بتروح الصابونه مادري شسمه ويا البنات
فيصل: حتى لو .. بنات مايروحون هالسوالف .. روحي السوق .. الصالون .. السينما .. معليه .. ملعب ؟؟
نجود: انت وبعدين وياك ؟؟كيفنا احنا خاطرنا نروح
بو فيصل يقرا الجريده ومب ماعطهم ويه ..

فيصل: بتكسرين وبتشدخين علينه .. عبالج مال يهال ؟
نجود: معليه شعاد انا ابي اروح
فيصل: عقب لتصيحين علي تبيني اوديج المستشفى
نجود: وانت اشوله تفاول ؟؟ ماتبي توديني قول مابي وخلاص
فيصل: بوديج .. بس مابقدر اردج ..
نجود تقلده: بيوني الربع
فيصل ابستم: اي بيوني الربع .. عندج مانع ؟
نجود تحاجي امها: شعاد يمه انتي عقب تعالي اخذيني
ام فيصل: ان شاءالله معليه .. بس تحملي في روحج ومب تتفرعنين عليهم هناك ؟
فيصل: اصلن مايمديها تحط ريلها فلملعب الا شدخت
نجود تخزه: انت ليش محتر ؟
فيصل: مب محتر .. اخاف لي طحتي تطيرين البنات كلهم
نجود تخزه: ول ول .. (تحاجي امها ) يمه جوفي ولدج
ام فيصل: بس عاد .. عقلوا ..
نجود تبي تحره: افتن مساعه شكنت تبي مني ؟؟ اقوول ؟
فيصل راح لها يزعم بيفقصها .. حط يده على رقبتها: تدرين ان قلتي شبسوي فيج ؟؟
نجود يزعم اختنقت : بس بس والله مابقول
فيصل هدها : عبالي بعد ..
نجود تتحلطم: سبال
فيصل رد يخزها: شقلتي ؟؟
نجود خافت: وي لا يمه بسم الله اقول اخوي حبيبي انا وايد احبه يعني مادري شسوي ووين اودي حبي.. قلبي مايزي فاض حبك قام يطلع .. جفت البرجه لي فاضت ؟ جذي يعني سوى فيضان داخلي مادري شلون اشرح لك
فيصل ابتسم: الحمدلله والشكر .. المهم .. ألساعه جم بتروحين ؟
نجود: يعني لي رجعت من المسيد .. اتصللي وبنروح
فيصل: صلاة العصر ؟؟
نجود: لا لا الحين بيأذن العصر .. لا لا .. المغرب
فيصل: عبالي ..لان برقد لي شوي ..
نجود: اي ارقد اخذ راحتك اخوي
فيصل: لتأخريني عاد
نجود: لا لا من الحين ببدل .. (قصت لها كيك) اقص لك ؟
فيصل: شوي
نجود تتحلطم: بعد مايقول لاء
فيصل سمعها بس سكت .. يحاجي امه: يمه عاد الله الله فلعشى اليوم
ام فيصل ابتسمت: افا عليك .. ان شاءالله
نجود تتحلطم: حق الشيخ فيصل العشا اشكال والوان .. وحقي انا نوع واحد بس
ام فيصل: انتي من بييج غير عووش ؟ فيصل ماشالله وايد صبيان ايونه
نجود: زين هالمره بييب بنات وايد وبجوف شتبسوين
ام فيصل: انزين ..

ريم انسدحت فلصاله ومن التعب ارقدت على الكرسي ..
الساعه سبع قامت اسماء .. التفتت على سرير ريم خالي .. قامت تدورها .. بطلت الباب وجافتها فلصاله راقده .. تكسر الخاطر .. التلفون يمها .. وشكلها بردانه .. جافسه ريولها ومخليتها جدام بطنها .. شعرها على ويهه .. ويهه تعباان .. وقفت اسماء تطالعها .. قالت بتقوم تتسبح وعقب بتقومها ..
دشت تتسبح .. قحصت ريم .. تحس بتعب في جسمها .. رقدتها كلش ماكانت مريحه .. رقبتها عورتها .. قامت بالزور .. دشت تدور اسماء .. سمعت حس الماي فلحمام " كرمكم الله " .. قالت اكيد تتسبح .. دشت اهيا بعد تتسبح .. بلعدال تمشي وميوده الباب .. والطوفه .. راسها شوي داير .. تخاف تطيح ..
كملت اسماء .. طلعت .. جافتها محد .. راحت تنشف شعرها شوي .. جافت تلفونها وقالت بتطرش حق رشود مسج ..
كتبت له
" Rashood bu ras .. w7ashtnyy .. Shlonk ??"
راشد من جاف المسج رد لها بسرعه
" Ana b5air as2l 3nch inty shlonch ?? yalla 3ad mlltena bsr3a rday =("
اسماء عورها قلبها .. كتبت له
" Waaay 7ady mayta aby arj3 .. m3leh klha chm yom o bayek inshallh .. tamrny 3la shy mn hny ??"
راشد بسرعه كتب لها
" Slamtch .. Maby ela slamtch .. ahl shy trj3en ly blslama .. o t7mly f ro7ch"
اسماء طرشت له بسرعه
" Allh ysalmk ,, inta b3d .. Bubye .. =*"

قامت اسماء المطبخ .. مابقى شي يتريقون فيه غير الكورن فليكس والحليب .. " في خاطرها " ضروري اليوم نروح البراده ..
شوي وطلعت ريم : صباح الخير
اسماء التفت عليها: هلا صباح النور .. امشي تريقي
ريم عفست ويهه: ماشتهي
اسماء: شلا بعد ؟

ريم: نطري بنشف شعري شوي وباييج ..
اسماء قعدت تنطرها .. حطت لها كورنفليكس وقعدت تاكل .. يات لها ريم: يسلم عليج فيصل وايد
اسماء فز قلبها: وااااااي الله يسلمه .. متى كلمتيه ؟
ريم: مساعه الفير ..
اسماء: شخباره؟
ريم: الحمدلله .. مايسأل الا عنج
اسماء ابتسمت: فديته والله .. زين امشي اكليلج شي
ريم: مابي مابي .. اكا بشرب سفن اب
اسماء: سفن اب على الريج ؟؟ مب زين ريمو
ريم: لا اوكي عادي ..
اسماء: اليوم لازم نروح البراده ها
ريم: ان شاءالله .. لي رجعنا من الجامعه
اسماء: بتروحين الجامعه؟
ريم: اي وليش ماروح؟
اسماء: لا قصدي فيج شده؟
ريم: ايي عادي بروح ..
اسماء تاكل : زين ..
فلجامعه .. دشت ريم الكلاس .. ويا رفيجتها .. التعب كان ابين عليها .. وحمد من دشت ماشال عينه .. طول الوقت يطالعها ..
نايف لاحظ نظراته .. قام دزه .. بهدوء: هي انت .. شفيك ؟؟
حمد التفت عليه .. بهدوء: شفيك ؟
نايف معصب: شلا تطالعها جذي ؟؟
حمد التفت عليه: كيفي .. انت شيخصك ؟؟
نايف معصب: بعدين اتفاهم وياك

ريم بالها مو وياها .. كانت مبطله الدفتر وترسم .. رسمت عين .. ودموعها تنزل .. وكتبت تحت .. " ماني مصدق خافقي تجرحه انـت " .. اسماء طلت على دفترها وعصبت .. خذت الدفتر منها وكتبت لها : يوزي
ريم خذت منها الدفتر .. وماردت عليها ..

ناصر معصب .. متضايق .. كل شي فيه .. دش الجامعه يدورها .. يبي يقول لها شي .. بس مب عارف شيقول لها ..
عبدالله كان وياه .. التفت عليه: ناصر؟
ناصر بدون مايطالعه: همم
عبدالله: شفيك اليوم مب طبيعي ؟؟
ناصر يهز راسه .. : لا .. ولا شي
عبدالله: زين ترى امتحاناتنا لسبوع الياي ..
ناصر : آدري
عبدالله: جفت فواز؟
ناصر مب مهتم: لا
عبدالله خذ التلفون وتصل: الوو .. وينك ؟ .. يالله تعال .. اوكي باي
ناصر تنهد: لا اله الا لله
عبدالله: ناصر قولي شفيك
ناصر : تعبان ..
عبدالله: تعبان روح ارقد
ناصر: لاء ..
عبدالله: شفيك ؟
ناصر: لا لا ولا شي ..

كمل الكلاس .. بسرعه حمد راح حق ريم .. باهتمام: اشوى ؟
ريم ماتبي تطالعه .. : الحمدلله
حمد: اذا تبين شي قولي
ريم: مشكور ماتقصر ..
نايف سحبه: تعال اابيك شوي
حمد معصب: شفيك انت ؟
نايف: مستانس يوم طقها خطيبها ؟؟ مستانس يوم وديناها المستشفى ؟؟ بس عاد خلها في حالها
حمد: وانت شعليك ؟ كيفي بحاجيها .. ها !!
نايف: حمادو يوز عن سوالف الميهله
حمد: ولييي .. نايف شفيك ؟؟
نايف: مافيني شي .. امش امش
نايف مشى وسحبه وياه ..
حمد: هدنيي شفيك
نايف جاف ناصر من بعيد .. هداه : اذلف
حمد راح عنه ..
وهوه كان متردد .. يروح حق ناصر ولا مايروح له .. يحاجيه ولا ماله داعي .. اهوه مايحب يجوف شي غلط ويسكت عنه ..
ناصر كان قاعد عالكرسي .. منزل راسه .. وبين متضايق .. وعبدالله كان يتحجى فلتلفون ..
راح قعد يمه .. ناصر ماحس فيه ..
نايف .. متردد : لو سمحت ؟
ناصر رفع راسه والتفت عليه ..جافه .. قام يتلفتت : تحاجيني ؟
نايف ابتسم: أي احاجيك

ناصر مستغرب: خير ؟؟ نيو ستيودنت؟
نايف: لا لا .. انا ويا اللي يايين من البحرين ..
ناصر عقد حواجبه: اقدر اساعدك في شي ؟
نايف مب عارف شيقول . : ادري ماتتذكرني .. وانا المفروض ماتدخل في هالسوالف .. شي خاص بينك وبين بنت عمك
ناصر فز قلبه: من انت ؟
نايف: ممكن تيي وياي شوي ؟
ناصر مب فاهم شسالفه : خير ؟
نايف: بس شوي ..
ناصر قام وياه .. : قول شعندك ؟
نايف: والله مادري شاقولك .. انا مادري ليش انت ييت وطقيت ريم امس .. بس
ناصر يقاطعه: وانت شعليك ؟؟
نايف يبيه يهدى: ادري انا مالي شغل .. قلت لك من البدايه .. بس بقولك شي .. ممكن تخليني اتحجى وماتقاطعني
ناصر بعصبيه: قول
نايف: امس ريم كانت واقفه تبي تسوي الانترفيو ومب عارفه تروح حق من .. جفتها .. قلت لها تبين اسوي وياج ؟؟ قالت اوكي .. جافني حمد ( اهني ناصر طلعت عيونه .. نايف حس فيه بس كمل حجيه ) ويه وقعد ويانه .. ويوم قال لها بسوي الانترفيو وياج مارضت .. وتم قاعد .. وهي حتى مابدت فلانترفيو رن تلفونها .. وتمت تسولف ويا رفيجتها .. وضحكت ..
ناصر وقف .. تم ينطره يكمل ..
نايف: وانا مادري شصار عقب .. انت ادرى .. المهم .. اتصل فيني حمد وقالي ييب السياره بنروح المستشفى ضروري .. رحنا المستشفى .. ماله داعي اقولك شصار هناك .. المهم
ناصر يقاطعه: لحظه .. (قلبه عوره ) انا ليش طقيتها ؟
نايف مستغرب: مادري انا ..
ناصر: لانها كانت تضحك وياكم ؟
نايف: ماكانت تضحك .. وبعدين مب ريم اللي تضحك ويا الشباب ..
ناصر وحس الدنيا تدوور في راسه .. ومب عارف شيقول .. ومب عارف شيسوي .. يعني اهوه طقها .. وذبحها من الطق .. وخلاها تروح المستشفى .. على شنو ؟؟ انترفيوو ؟؟؟؟ وليش ؟؟؟؟ حس بالندم .. متحسف .. تم واقف .. مبقق عينه .. ونايف يطالعه ومايدري اللي سواه صح ولا غلط ..
نايف .. متردد: آسف اخوي بس كنت بوصللك معلومه .. مادري تعرفها او لا
ناصر تم ساكت .. مشى نايف عنه .. وهوه تم واقف .. عبدالله توه مكمل مكالمته .. التفت يدور ناصر .. جافه واقف .. مشير .. بسرعه راح له
عبدالله : ناصر ؟؟
ناصر وعيونه تلمع من لدموع .. من جاف رفيجه يوده: عبوود الحق علي
عبدالله خاف عليه: شفيك ؟؟ شصاير؟
ناصر بلع ريجه: مادري .. مادري مادري ..
عبدالله: بسم الله شصاير ؟
ناصر مشى عنه .. تم يمشي بسرعه .. ركض .. جن مينون .. بسرعه راح يدور ريم .. يبي يتأسف ..
ريم كانت توها بتطلع من الجامعه ..
اسماء: شفيج تمشين جذي بسرعه جن لاحقج جلب ؟
ريم التفت عليها: مابي اجوف ناصر .. بسرعه امشي ..
حمد كان لاحقهم : رييييييييم
ريم التفتت عليه .. وقفت تنطره: خير ؟
حمد: بس كنت بقوللكم فيه Meeting اليوم الساعه 5 .. بس عند الجامعه عشان نعرف باجر وين نروح ..
ريم مستغربه: وين نروح ؟
حمد: الرحله يعني .. ماعليكم .. بس انتوا لتنسون تيون ..
ريم: ان شاءالله ..
مشت عنا .. واسماء وياها : اوهوو شيبي ذي ؟؟ قايلين بنروح البراده احنا
ريم: انزين بقى وايد علخمس .. لتحاتين .. الحين بس خنروح نصلي الظهر وننزل ..
اسماء: اوكي ..
عبدالله لحق ناصر .. بس ماقدر .. كان يركض من صجه ..
ناصر وقف يوم جاف حمد
حمد يطالعه من فوق لي تحت ..
ناصر معصب: انت ؟
حمد نافخ صدره: انت ؟
ناصر معصب: شتبي مني ؟
حمد بخبث: انت شتبي مني ؟
ناصر معصب: لتجرب يمها .. كلش
حمد يطالعه من فوق لي تحت .. ابتسم بخبث .. ومشى عنه ..
ناصر عصب .. مب عارف شيسوي فيه .. وده لو يذبحه .. طلع من الجامعه .. قال بيجوفها يمكن في الشقة ..
راح صوب العماره .. توهم نازلين ريم واسماء .. بروحهم يتمشون
ناصر بسرعه ركييض راح جدام ريم .. وهوه ينافخ من الركيض: هه هه هه
ريم خايف من جافته .. راحت ورا رفيجتها بخوف وبراءة: لتطقني بليز لطقني ..
ناصر عوره قلبه .. بهدوء: ريم
اسماء عصبت: هي هي شتبي انت؟؟وخر عن طريجنا يالله ومانبي نجوفك كلش هااا
ريم منخشه ورا رفيجتها .. وهوه يحااول يجوفها .. يقول شي .. مب عارف

شيقول ..
بسرعه مشت اسماء ومشت ريم وراها بسرعه بسرعه ..
ناصر تم واقف مكانه .. ماعرف شيقول لها .. رفس الأرض بقوه : افففففف ][ الجــــــزء التاســـع عشـــر ][

ريم بسرعه مشت ويودت رفيجتها: اسوم امشي بسرعه
اسماء التفتت عليها: وليش ؟
ريم: اخاف ايي الحين يطقني
اسماء: شيقطج ؟؟ خراطه الدنيا ؟؟ بكفخه بالجوتي عاد .. بعضه في خشمه العوي ذي
ريم فيها الضحكه: حلو خشمه لتطنزين عاد
اسماء تقلدها: حلو خشمه .. ولي ولي ..
ريم بسرعه دشت السوبر ماركت .. بالدقيقه تلتفت وراها
اسماء: هي هي انتي شفيج ؟
ريم مرتكبه: شنو ؟
اسماء: شفيج كل ساعه التقتي ؟
ريم خايفه: لا لا مافيني شي
اسماء: لتخافين مابخليه يطقج ..
ريم خايفه: لا مب عن .. بس .. افففف .. مادري مادري
اسماء خذت لها جاري .. وتمت تدزه .. وتحط فيه الأغراض اللي تبيها ..
ريم مب عارفه شتسوي .. كل دقيقه التفتت وراها .. حدها مب مرتاحه ..
اسماء تطالعها: ريمو؟
ريم متوتره: هلا
اسماء: شفيج انتي ؟
ريم: مافيني شي .. انتي فيج شي؟
اسماء: انا كملت اللي ابيه .. انتي شتبين ؟
ريم تتلفت: مابي شي انا .. امشي نرد اذا كملتي
اسماء: نطري باخذ لي حلاوه شي ..
ريم: يالله بسرعه..
اسماء: شعايلج انزين انتي ؟
ريم: لا ولا شي ولا شي

ناصر تم واقف مكانه .. يبي يتأسف .. يبي يقول لها شي .. يبرر لها موقفه .. مب عارف شلون يبتدي .. ولا شلون يقول لها ..حده متحسف .. يحس بالذنب .. ضايق صدره .. اتصل له عبدالله: انت وينك
ناصر: ها ؟؟ كاني ياي
عبدالله: بسرعه لتأخر
ناصر مشى .. متضااااااااااااااايق مب عارف شيسوي ..
بسرعه راح حق عبدالله ..
عبدالله راح له: انت شفيك ؟؟ صاحي ولا مينون ؟
ناصر متضايق: Somewhere in Between ..
عبدالله: ابين
ناصر: عبدالله انا مادري شسويت ..
عبدالله: فيك شي ؟؟
ناصر: تعال وياي
عبدالله: وين ؟
ناصر: تعال بقوللك ..
عبدالله: والكلاس؟
ناصر: مالي خلق شي .. قلت لك تعال ..
عبدالله مشا وياه: ناصر شفيك ؟؟ قولي انا رفيجك
ناصر: متضايق
عبدالله: صاير شي ؟؟
ناصر: حبيبتي
عبدالله: شفيها ؟
ناصر وقف .. غمض عينه ورفع راسه: لا اله الا الله
عبدالله: محمد رسول الله .. ناصر تبي نروح مكان عشان نتكلم على راحتنا ؟
ناصر: اي يالله ..
مشاعل جافتهم ويات بسرعه حق ناصر: نااااااااصر
ناصر ماله خلق شي : ها
مشاعل حست فيه متضايق: امبيه شفيك ؟؟
عبدالله: مافيه شي ..
مشاعل: زين لحظه اصبر.. وين اللي بيشرح لي ؟؟
ناصر كللللش مب فاضي لها: شعول مب الحين .. باجر باجر
مشاعل: اففففففف .. ترى اقول لخطيبتك ..

ناصر تضايق .. ماعرف شيقول لها .. مشى عنها ..
عبدالله: باجر يصير خير ..
مشاعل تمت واقفه: ياربيييييي
عبدالله مشى ويا ناصر: وين ودك نروح ؟؟
ناصر: مكان احبه
عبدالله: خلاص .. نروح the cheesecake factory ?
ناصر ابتسم: يالله ..
عبدالله سكت .. ركبوا السياره بسرعه .. وطول الطريج ناصر ساكت .. وعبدالله يحاول يتحجى بس مب عارف شيقول ..
في المطعم .. طلبوا لهم جيز كيك .. معنى كان حزة غدا بس ناصر ماكان يشتهي ياكل شي ..
عبدالله: بتحجى ولا شلون ؟
ناصر: عبود ... (بلع ريجه) انا طقيتها ..
عبدالله يخزه: ادري .. بس ليش ؟
ناصر متضايق: مادري .. ممكن تسميها غيره .. خوف .. مادري
عبدالله خذ نفس: ناصر ..
ناصر يقاطعه: عبود انا ماحب اجوفها ويا احد ثاني
عبدالله: انزين اهيا شكانت تسوي ؟
ناصر: مادري .. مادري مادري ..
عبدالله: تعوذ مب بليس ..
ناصر: انا مادري ليش طقيتها .. بس لاني قايل لها مابي اجوفج وياه مره ثانيه .. وجفتها تضحك !! شتبيني اسوي ؟؟ شتبيني اقول لها ؟؟ مادري ليش كانت ردة فعلي قويه
عبدالله: والحين شناوي تسوي
ناصر: عبود تعبت .. (متضاايق) تصدق مساعه جفتها .. انخشت ورا رفيجتها تقولي لاتطقني !!
عبدالله: هالكثر مسويلها رعب ؟؟
ناصر متضايق: عبود انا ماكنت ابي عصبيتي وغيرتي توصلني اني امد يدي عليها .. والله متحسف .. ومب عارف شسوي
عبدالله: حاجها
ناصر: شقول لها ؟
عبدالله: قول لها آسف
ناصر: وآسف بتحل السالفه ؟
عبدالله: عاد انت لتشائم جذي .. حط امل ان بترضى
ناصر: عبدالله انا لي اصارخ عليها ماتجوفها شلون تزعل علي .. الا عقب ماطقيتها ؟؟
عبدالله: تبيني اكلمها لك ؟
ناصر: شبتقول لها ؟؟ لا خلني انا بكلمها .. بس مادري شلون ..
عبدالله: ناصر انت تعرف حق هالسوالف .. كلمها بهدوء .. وحاول تيود اعصابك
ناصر: ان شاءالله
عبدالله: ومره ثانيه لي عصبت .. لاتطق
ناصر: ان شاءالله
عبدالله: من صجي ناصر .. لتطق ..
ناصر متضايق: ان شاءالله
عبدالله: كل شي ولا الطق .. وبعدين اهيا تستاهل تطقها ؟؟
ناصر يهز راسه: لاء
عبدالله: حتى لو شسوت .. المفروض ماتطقها ..
ناصر: عاد الحين صار اللي صار .. لتعور قلبي زود .. تعبت ..
عبدالله: انت كمل هالكورس .. ويبقالنا البروجكت .. وبنتخرج .. وروح لها عقب
ناصر: انزين تهقى تسامحني ؟
عبدالله: والله انا ماعرفها .. ومادري فيها .. انت ادرى
ناصر: انزين .. شاسوي ؟؟
عبدالله: روح لها قلت لك .. حاجها .. تفاهم وياها .. بس ها !! تحمل تمد يدك ..
ناصر: لالا .. توبه
عبدالله: لازم تعترف لها انك غلطان ..
ناصر: انا مب غلطان .. انا بس تهورت .. ياخي اغااااااار شسوي ؟
عبدالله يخزه: وهلمره لي جفتها بتطلب من مادري وين وابتسمت حق الكيشر بتروح تكفخها بعد ؟؟
ناصر نزل راسه: لا عاد .. انا هالحمد مب مرتااح له من أول ماسمعت طاريه ..
عبدالله ياكل: زين .. اسمعني .. هد بالك الحين .. وصل علنبي
ناصر: اللهم صلي وسلم عليه ..
عبدالله: وروح كلمها
ناصر: الحين ؟؟ ماعرف شقول لها !! خلني ارتب الحجي قبل ..
عبدالله: مايبيلها ترتيب ياخي .. روح قول لها آسف ومادري شنو .. انت ادرى في هالسوالف
ناصر سرح .. يفكر .. شممكن يقول لها .. وشيسويلها عشان ترضى .. يدري

مابترضى بسهوله ..
عبدالله جافها فرصه ان يكمل الجيز كيك .. وناصر سرحاان يفكر .. عبدالله دفع .. وناصر للحين .. يفكر ..
عبدالله يوم كمل .. أشر له بيده: هي .. نصور
ناصر توه مستوعب: ها .. شفيك ؟
عبدالله: وين رحت ؟
ناصر: ولا مكان .. ( وقف ) قوم قوم خنمشي
عبدالله قام: يالله مشينه

ريم واسماء .. طلعوا من السوبرماركت ..
اسماء: حجيه
ريم التفتت عليها: همم
اسماء: نودي الأغراض الشقة ونروح المول .. شرايج ؟
ريم: بروحنه ؟
اسماء تتحلطم: وان شاءالله تبين تستأذنين من ناصر الريم اذا ممكن نروح ولا لاء؟
ريم تضايقت: اسوم عاد !! مادري .. بروحنه ؟؟
اسماء: ايي عادي شفيج ؟؟ بنروح بنتشرى شي ..
ريم: اسوم مادري .. اهوه قايل لي مايبيني اطلع بروحي
اسماء تخزها: هذاك أول .. والأول تحول
ريم متضايقه: اسوووووووووووم ..
اسماء: جوفي .. اذا ماتبين تيين وياي تمي بروحج .. خل اييج يعطيج جم طراق علطاير
ريم يودت قلبها: بس عاد حرام عليج !! شوي شوي علي
اسماء: شسوي فيج ؟؟ يالله وصلنا .. بسرعه نركب الأغراض وننزل
ريم متردده: لازم يعني ؟
اسماء: سمعي .. اولا انا يوعانه .. بنروح نتغدى .. ثانيا .. ابي اشتري حق رشوود .. وثالثا .. انتي لازم تطلعين تغيرين جو
ريم: اذا علثالثا ماله داعي
اسماء: انزين اولا وثانيا ولاتزعلين .. بنروح غصبن عليج ها
ريم: انزين ..
ركبوا .. دشوا داخل وحطوا الأغراض .. اللي علطاوله واللي فلثلاجه ..
نزلوا .. وراحوا المول يتمشوون
ريم: عاد اسوم .. (تتلفتت) اخاف يعصب ..
اسماء: خل يعصب وانا شعلي منه ؟
ريم: اي انا اللي بحصل الطق مب انتي
اسماء: يخسي يجيسج مره ثانيه .. خلج وياي والله اراويه
ريم: انا مابيج تراوينه .. انا مابي شي يعصبه
اسماء: هي انتي .. شفيج ؟
ريم: مافيني شي!! شفيني ؟؟
اسماء: نصور ذي على اقل القليل يعصب .. شسوي فيه ؟؟ يعني مانتغدى ؟؟
ريم: امبلا انا مب قصدي .. بس اخاف
اسماء: ريم .. سمعيني ..
ريم ميودتها: اخاااف
اسماء: اوهوووو ..
ريم: بس بس اوكي خلاص .. امشي..
اسماء: وسمعي .. بقولج شي
ريم: شنو
اسماء: اخوج ماعطج التذاكر لا؟
ريم تفكر: التذاكر ؟؟ اي تذاكر ؟؟
اسماء: الظاهر الطق خلا ذاكرتج تروح عليها ..
ريم متضايقه: اي نطري خل اتذكر شفيج ؟ اي اي امبلا عطاني اياهم
اسمااء: انزين جوفي تاريخ جم ؟؟ عشان نعرف متى بنرد
ريم: احنا اصلا يومين ونخلص الكورس .. ماسمعتيه مساعه ؟
اسماء: امبلا .. ادري .. عاد جيكي التذاكر بعد
ريم: ان شاءالله .. ذكريني عاد
اسماء: اوكي معليه ..
تموا يتمشوون .. لي ماوصلوا المول ..
اسماء: اللاي .. حلو الشعور
ريم: اي ؟؟
اسماء: في امريكا .. فلموول .. بروحنا ؟؟ يعني مابنطلع الا اذا بيصكون
ريم ابتسمت: نسيتي اللي ساعه خمس مادري شنو ؟
اسماء: اي ؟؟؟
ريم: مادري مساعه يوم حمد يقول meeting
اسماء: اوهو .. انزين شعاد .. بنروح وبنرجع ..
ريم: اوكي علهوااج ..

اسماء: امشي خنروح صوب المطاعم ..
ريم: يالله .. بس ترى انا مابي شي
اسماء وقفت تخزها: ودج بطراق؟
ريم: انا ؟؟ ليش ؟؟
اسماء: بتاكلين غصبن عليج
ريم: حرام عليج ماشتهي .. !!
اسماء: مب على كيفج
ريم: انزين باكل .. بس .. مادري ..
اسماء: الموضوع غير قابل للتفاوض .. بتاكلين غصبن عليج
وصلوا صوب المطاعم .. ريم جافت المكان اللي قعدوا فيه ويا ناصر .. وقفت .. وتمت تتذكر .. شكانوا يقولون .. قلبها عورها .. تتذكر يوم يغني لها .. ويضحك وياها
اسماء جافتها واقفه بس ماستوعبت .. راحت وقعدت نفس المكان اللي ذكلمره قعدوا فيه .. ريم للحين واقفه تتذكر ..
اسماء تناديها: رييييمو .. امشي اهني
ريم راحت لها: غيري الطاوله
اسماء مب مستوعبه: ليش عاد ؟؟ حلو المكان اهني
ريم: لا مابي غيريها .. بليز
اسماء ماعطتها ويه: اقول قعدي لتطولين السالفه .. (سحبتها) قعدي
قعدت نفس المكان اللي كان ناصر قاعد فيه ..
اسماء: انا بروح اطلب لي ... شتبين ؟
ريم بدون شعور: سينابون
اسماء تخزها: غداج ؟
ريم تهز راسها: ايي
اسماء: اوكي قعدي انتي ..ٍ
راحت اسماء .. وريم تمت تتذكر .. كل كلمه قالها لها ذاك اليوم .. تتذكر شكله .. وهوه يضحك .. ابتسمت .. شحلوه وهو يضحك .. وكريه لي عصب .. تتذكره يوم وقف لها .. يوم عصبت بتقوم .. وهوه وقف مجابلها مايخليها تطوف .. وناسه .. تمت سرحانه .. تتخيله ايي ويقعد مجابلها .. ويسولف وياها.. ويضحك .. دمعت عينها .. قلبها عورها .. وين اييها ويضحك ؟؟ تتحلم ؟؟ جان بيي ايطقها .. يرفسها .. يسويها .. وقعدت تصيح تصيح ..
يات اسماء واهي شايله السينابون .. حطته علطاوله .. وجافتها تصيح .. عصبت: ريموووووو ؟؟
ريم .. خشت ويهه وقعدت تصيح .. شهقت .. التفتت لها: احبه .. والله احبه ..
اسماء معصبه .. قعدت يمها : بس حبيبتي .. لتسوين جذي .. ترى مايستاهل دموعج الغاليه .. بس عاد
ريم قطت راسها على جفتها وقعدت تصيح
اسماء: بس عااد !! .. خلاص عاد لتصيحيني ويااج .. الله كريم ريمو
ريم مشت دموعها: ليش يطقني ؟؟
اسماء: كسر في يده .. معليه انا بتفاهم وياه انتي بس سكتي .. قومي غسلي ويهج الحين ..يجوفونج الشقر يتخرعون
ريم ابتسمت: ويهج عاد
اسماء: قومي يالله عفيه عليج ..
ريم تطالع السينابون: ياربي .. كلشي يذكرني فيه
اسماء تغني: كل شي حووووولي يذكرني بشي
ريم: بس عاد !! (قامت .. راحت تغسل ويهه .. ورجعت .. قعدت)
اسماء تتحلطم: برد اكلي .. وانا قاعده انطر حضرتج تيين
ريم قعدت: آسفه
اسماء قامت: لتاكلين !! نطريني باييج الحين
ريم ابتسمت: ان شاءالله
قعدت تنطرها .. بسرعه يات ويابت اكلها وقعدت مجابلتها
اسماء: بسم الله
ريم: بسم الله ..
اسماء: ريمو لتعورين قلبج على هالسالفه بليز
ريم بهدوء: استاهل كل ذي منه ؟
اسماء: لاء اكيد لاء .. ماسويتي شي انتي .. بس اهوه ذي خبل
ريم: احاول اصدق .. احاول ابرر موقفه .. ماقدر
اسماء: معليه انتي الحين اكلي .. ويصير خير
ريم تاكل: فيني غصه
اسماء: اسم الله عليج ..
ريم: ابي امي
اسماء تتطنز: ماني قادره لأ مستحييييييييل
ريم تخزها: من صجي !!
اسماء: زين زين كلها جم يوم وانتي عند امج .. (ابتسمت) وانا عند حبيبي .. وعند رشوودي
ريم ابتسمت: آيه عليه فصول .. مكانه ابين

اسماء يودت قلبها: وحشني
ريم تخزها: ليتني مكانج
اسماء: يمه منج يالحسوده .. خاويني وخاويج !! آخذ ريلج واخليج
ريم: شاخذ فيه ؟؟ اخوي اخذه ؟؟ اما انتي
اسماء: عيل شلا تقولين (تقلدها) ليتني مكانج
ريم: لان الفيص يحبج
اسماء ابتسمت: حتى ناصر يحبج
ريم: واللي يحب .. يطق ؟؟
اسماء: لا اله الا الله .. انتي للحين ؟
ريم: ولي باجر ..
اسماء تاكل: اكلي اكلي ..
ريم تمت تاكل .. معنها مب مشتهيه ..
واسماء تاكل ومستانسه .. يابت طاري الفيص .. حدها تبي ترجع بس عشاانه .. وعشان اخووها اكيد ..

ناصر راح شقة ريم .. وخلى عبدالله ينطره تحت ..
وقف عند الباب ..متردد .. يطقه .. وذا طلعت له ؟؟ شبيقول لها ؟؟ آسف ؟؟ وبعدين ؟؟ شبتسوي هال " آسف " ؟؟ انزين شاقول لها ؟؟ شلون ابرر لها الموقف ؟؟ شاقوول ؟؟
طق الباب ..
يمكن ماسمعت ؟ .. وينهي ؟؟
رد طقه مره ثانيه ..
محد رد عليه ..
طقه .. مره ثالثه .. محد رد .. بدا يعصب .. " انا لله " .. وينهي ذي ؟؟ وين راحت ؟؟ ليكون راحت وياه ؟؟؟؟؟؟؟؟؟؟؟؟؟ استغفر الله استغفر الله .. شفيني انا ؟؟ خل انزل وعقب اييها ..
نزل .. معصب .. عبدالله تحت ينطره .. سيده راح له : هاا بشر ؟ على اعصابي انا
ناصر متضايق: محد
عبدالله: زين معليه .. مابتطير .. نييها عقب
ناصر: افففف
عبدالله: شفيك ؟؟
ناصر بهدوء: ابيها !!
عبدالله: معليه اليوم مخصلين السالفه ان شاءالله
ناصر من قلب: ان شاءالله
عبدالله: لحظه بجوف فوازو وينه (رفع التفون ..) ألو
فواز: هلااا هلااا
عبدالله: وييينك؟
فواز: انا ؟؟ ويني ؟؟
عبدالله: يالغبي وينك انت ؟
فواز: فلداار
عبدالله: زين احنا تحت .. انزل يالله بنطلع
فواز: تعباااااان ابي انااام
عبدالله: انت كله تبي ترقد ؟؟
فواز: تعالوا .. اركبوا .. وناموا شوي .. وبعدين نطلع مع بعض
عبدالله: غصب نرقد ؟؟ مانبي
فواز: خلاص انتوا اطلعوا .. وبعدين اجيكم
عبدالله: كيفك .. يالله باي
فواز: بااي
ناصر: نروح المول ؟
عبدالله: اللي اهني ؟؟
ناصر: اييه
عبدالله: خنروح ال mainplace احسن
ناصر: يالله .. انت سوق عاد انا مافيني شدة
عبدالله: اوكي ..

حمد قاعد يفكر .. شلون يخليها تجابله تحبه وتنسى ناصر .. يبي اي شي يسويه مب عارف .. حده يحتر اذا جافهم ويا بعض .. والحين الجو مناسب له انه يخليها تميل له .. بما انها معصبه عليه .. كان قاعد ويا الصبيان: سمعوني .. شوي وتصير خمس .. كلهم بيتيمعون الحين .. بس ابيكم تسونلي شي
عبدالعزيز: شنو؟
حمد: ريم .. تعرفونها؟
نايف:شفيها؟
حمد: اي شي تقوله .. حبطوها من الزين .. خلوها اتحسف انها تكلمت
نايف مستغرب: ليش عاد؟
حمد: طلبتكم ..

عبدالعزيز: ان شاءالله ..
نايف: بس ممكن نعرف ليش ؟
حمد: بدون ليش .. انتوا سوو اللي اقوللكم عليه .. وبس ..
عبدالعزيز: ان شاءالله
حمد يحاجي عبدالعزيز: خبر الباقي عاد
عبدالعزيز: اوكي ..
حمد: يالله يمعو الباقي وخنروح جدام الجامعه ..
نايف: اوكي ..

ريم واسماء كانوا يتمشون فلمول ..
اسماء تجوف الساعه: وييي ..
ريم: شفيج؟
اسماء: خمس الا عشر ؟؟ يمدينا نروح ؟
ريم: ويي صج .. اي اي عادي ..
اسماء: زين بنرجع ها
ريم: ان شاءالله بنرجع .. يالله خنروح
اسماء: يالله
طلعوا من المول .. يتمشون ..
صارت الساعه خمس .. وهمه على سعتهم ..
اسماء: عادي نتأخر لا؟
ريم: تبيني اركض ؟؟
اسماء: لا لا عادي .. امشي بس

وصلوا .. وجافوهم متيمعين عند الجامعه ..
حمد من جافها راح لها ركيض .. ابتسم: هلا والله
ريم من غير نفس: هلا
حمد: يالله تعالوا ..
نايف: بسم الله .. ابتدي ؟
حمد: يالله
نايف: بما ان .. مابقى شي علكورس .. ويخلص .. كلها جم يوم .. قلنا كل يوم .. عقب الكلاس .. بنروح مكان .. الجامعه كلها يعني .. بس نبي رايكم فالاماكن .. (يحاجي حمد ) عطهم ..
حمد وزع عليهم بروشورات ..
نايف يكمل: بتجوفون الأماكن هني .. وايد اماكن حلوه بس مايمدينا نروحهم كلهم .. فـ من رايي نسوي تصويت .. والأماكن اللي تحصل تصويت أكثر .. نروحها .. بس قبل بنجوف رايكم
حمد: كل واحد يقوللي مكانين الحين .. نبتدي بالبنات .. (التفت على ريم) ريم ..
ريم ابتلشت .. كلهم يطالعونها .. ينطرونها تتكلم .. وهي مب عارفه شتقول: ها ؟ انا ؟ لا لا انا عقب
حمد مصمم: يالله ريم .. قولي
ريم تجوف البروشورات: مادري كلهم
حمد: اختاري اثنين بسرعه
ريم: اوه .. ماعرف .. اممم .. مادري كيفكم
نايف: يالله عاد .. قولي
ريم: انزين .. كلهم حلوين .. انا اقول .. ديزني لاند .. والknott's و يونيفيرسال ستوديو .. وكيفكم
عبدالعزيز: انا اعترض
نايف: على ؟
عبدالعزيز يحاجي ريم: شهالأماكن الله يهداج ؟؟ يهال احنا تودينه ديزني ؟؟ ولا النوتس؟؟ ينيتي انتي ؟
ريم استغربت: آسـ
عبدالعزيز يقاطعها: من صجج انتي ؟؟
خليفه: صج انج يعني .. انتوا مابديتوا الا برايها ؟
اسماء مستغربه: شفيكم انتوا ؟؟ اذا ماتبون رايها ليش سألتوها قبل ؟
حمد يخزها .. وسااااكت
عبدالعزيز: لا بس تخيلي شكبرنا نروح ديزني .. شنو ؟؟ وين قاعدين ؟؟ شفيج انتي ؟؟
ريم مستغربه ومتفشله مب عارفه ترد عليه ولا تقول له شي ..
نايف تذكر كلام حمد: بس اوكي خلاص .. ريم شكرا على رايج بس الظاهر ماعجبهم ..
ريم تفشلت .. شوي وتصيح .. يودت روحها
حمد : ممكن تخلوني اتحجى ؟؟
نايف التفت عليه: قول
حمد ابتسم: احلى ثلاث اماكن قالتهم ريم ..
ريم استغربت: ها ؟
حمد: انا من رايي .. نلغي التصويت .. ونروح هالأماكن

عبدالعزيز: من صجك انت ؟؟ يهال احنا؟
حمد: يعني واصل لي امريكا وماتروح ديزني ؟؟ وبعدين وايد كبار يروحون !! جوف البروشور .. في كاليفورنيا ادفنجر .. فيه وايد العاب لنا
عبدالعزيز: من صجك انت توينا نلعب
حمد: وليش لاء ؟؟ والنوتس احلى الألعااب فيها .. ويونيفيرسال ستوديو ..لازم نروح هوليوود ونراويكم سوالف الأفلام ..
عبدالعزيز: يييييه شلا مناديينه بعد ؟
نايف ابتسم: خلاص انا رايي من راي حمد ..
حمد: اللي اهوه راي ريم
ريم مستغربه: من صجكم؟
حمد ابتسم: اكيد من صجنا .. خلاص انا ونايف نكتب لكم الجدول ونعطيكم اياه ..
نايف: خلاص تقدرون تروحون .. وباجر بنييب لكم الجداول .. شكرا
اسماء: بس ؟ نمشي ؟؟
نايف: ايي خلاص
ريم مشت .. ويا رفيجتها .. سحبتها اسماء: شهالحركه ؟
ريم مب فاهمه: اي حركه ؟
اسماء: شيبي ذي ؟
حمد بسرعه راح لهم .. يناادي: ريم
ريم التفتت: نعم ؟
حمد: لحظه شوي..
اسماء معصبه: شتبي انت ؟
حمد يطالع ريم .. ابتسم
ريم مب فاهمه ..
اسماء: مستعيلين احنا بنمشي .. تبي شي ؟
حمد: نجوفكم باجر ؟
اسماء: ان شاءالله ..
ريم مشت .. واسماء لحقتها: هيي احاجيج
ريم وقفت: شفيج ؟
اسماء: نروح المول ؟
ريم: كيفج !!
اسماء: نروح شورانه ؟
ريم: يالله امشي ..
اسماء توها مستوعبه: لحظه صج نسيت
ريم: شنو ؟
اسماء: شعنده ذي ؟
ريم: من ؟
اسماء: حمادوو
ريم يزعم ماتدري: شفيه؟
اسماء: شمعنى خلاج تقولين اول وحده ؟ وشمعنى مشى على رايج ؟
ريم مستغربه: انا شدراني فيه ؟
اسماء: يزعم حليو ؟؟
ريم: شدخل ؟
اسماء: الله يستر منه بس .. امشي امشي مالت عليه
ريم: اي صج شمعنى انا ؟
اسماء: شمعنى شنو ؟
ريم: مداج نسيتي ؟؟ شمعنى اللي قلته صار اوكي ومادري شنو ؟
اسماء: الحين توني اسألج .. انا شدراني ؟
ريم: سخيفه حركته .. اراويه انا
اسماء: ويي عاد انتي .. حجي .. كله حجي .. خاطري تسوين اللي تقولينه بس مــــــــره .. مافي أمل
ريم: شدعوه ؟؟
اسماء: انزين .. الحين انا من صجي بتشرى
ريم: انا بعد
اسماء: فيج شده ؟ مادري ليش احسج تعبانه
ريم: شوي .. عادي
اسماء: ايي اذا تعبتي قولي عشان نرد
ريم: اوكي مو مشكله ..

ناصر ويا عبدالله .. عيزوا وهمه يدورون ..
ناصر متملل: يخي امش نرجع
عبدالله: الحين فواز بيي انطر
ناصر: افف مالي خلق .. من صجك بتدش السينما؟
عبدالله: لا اتغشمر .. اكيد من صجي !! اما انت ..
ناصر: شرايك اروح انا الحين وعقب انت ارجع ويا فوازو
عبدالله: لا الشيخ .. آسف
ناصر: اففففف

عبدالله: تأفف لي باجر .. بتم وياي .. مافي روحه
ناصر: انزين انزين .. بس عقب السينما نرجع عاد
عبدالله: بنروح نتعشى قبل
ناصر: هذي اللي ذابحك انت .. اهم شي العشى
عبدالله ابتسم: كيفي علي بلعافيه .. انت شحارك الحين ؟
ناصر التفت عليه: ولا شي ولا شي .. اففففففف

فيصل فلميلس .. ويا الشباب .. ينطر راشد اييهم
كان سرحاان ..
خالد: الفيص
فيصل التفت عليه: سم
خالد: وين وصلت ؟
فيصل ابستم: اهني .. مارحت مكان ..
راشد دش عليهم: السلام عليكم
فيصل من جافه بسرعه قام يسلم عليه: عليكم السلام هلا هلا
راشد يسلم عليه: شخباار؟
فيصل: الحمدلله بخير .. حياك حياك
راشد : الله يحييك
راح يسلم علشباب .. وقعد يم فيصل ..
فيصل مستنانس: شلونك ؟
راشد: الحمدلله ... انتوا شلونكم؟
فيصل: الحمدلله بخير
راشد: تأخرت ادري .. زحمه الطريج شسوي
فيصل: لا افا عليك ..
خالد: مابغيت تمرنا ياخي ..
راشد: والله شسوي ..
طقت جاندرا الباب .. طلع لها فيصل وياب العشا .. قام خالد يساعده ..فرشوا السفره .. حطوا العشا علأرض ..
خالد: يالله شباب سموا
فيصل: يالله بوسنيده
راشد قام وقعد علأرض يم فيصل..
كل واحد قام يحط له الأكل ..
خالد: عاد طباخ ام فيصل شي ثاني
فيصل ابتسم: اكيييد
خالد ياكل: سلم عليها وقول لها تسلم يدج ..
فيصل: الله يسلمك .. ان شاءالله يبلغ ..
راشد ياكل: عيل بتمون الليله تجوفون المباراه؟
فيصل: اكييد .. ننطرها احنا
خالد: عاد راشد تم ويانه
فيصل: ايي اكيد بيتم ..
راشد ابتسم: ان شاءالله
فيصل لسانه يحكه يبي يقول له شي .. مب عارف .. نطر يكمل أكله ..
راشد قام: نعم الله عليكم
فيصل: بلعاافيه
راشد كان واقف جدام التلفزيون يبي يتحجى .. يوسف صرخ عليه: وخرر عااد
راشد توه مستوعب: اووه .. مسامحه الشيخ
سلمان: عاد مب جذي يصرخون علأوادم الله يهداك
يوسف: ماااجوف
سلمان ياكل: اكل اكل
فيصل قام يغسل يده .. وراح حق راشد: ابيك شوي
راشد مستغرب: شصاير؟
فيصل بهدوء: تعال شوي ..
طلعوا برا الميلس ..
راشد مستغرب: فيصل فيك شي؟
فيصل: لا لا لتحاتي .. مافيني شي .. بس كنت .. بقولك .. امم
راشد يسمعه باهتمام: كمل اسمعك
فيصل: والله مادري شلون ابتدي
راشد: قول افا عليك قول
فيصل يبي يتذكر شقالت له اخته نسى .. تم يطالعه .. وراشد يطالعه: شفيك ؟
فيصل: بقول .. واللي فيها فيها
راشد: قوول افا عليك
فيصل خذ نفس: جوف .. انت تدري ان اسماء رفيجة ريم ..
راشد من سمع طاري اسماء فز قلبه
فيصل يكمل: عاد .. يعني مادري بس .. اووهوو .. اسمعني .. انا ابي اخطب اختك اسماء

راشد وقف .. استغرب .. لحظه من صجه ؟؟ .. تم ساكت
فيصل يطالع ويهه شلون تقلب .. تم ساكت ..
راشد مب مصدق: لحظه من أول عيد شقلت ؟
فيصل مستغرب: ها ؟؟
راشد: شقلت لحظه شقلت ؟؟
فيصل: ماقلت شي .. قلت ابي اطلب يد اسماء لي
راشد: لاء .. آسف
فيصل مستغرب: ليش عاد ؟
راشد: بس ماصار نصيب وخلاص
فيصل وقف قلبه: راشد شفيك ؟
راشد ابتسم: من صجك انت ؟؟ مالقيت الا هالخبله ؟؟
فيصل ابتسم: شفيها انزين ؟ احد يقول عن اخته خبله ؟
راشد: عاد اسماء؟؟؟ بروحها مسافره .. وبعد لي ردت بتاخذها ؟؟ وانا ؟؟
فيصل: وانت شنو ؟
راشد: يعني اتم فلبيت بروحي ؟
فيصل: معليه نعطيك جاندرا ولا تزعل
راشد ابتسم: تبي الصراحه ؟
فيصل: اكيد
راشد: مابتلقى احسن منك .. تستاهل والله
فيصل استانس: ماتقصر يالشيخ
راشد: يعني انا ماعندي مانع .. اذا يات بنسألها
فيصل: كلها جم يوم واهيا فلبحرين
راشد: بس بعد في شي
فيصل: خير ؟
راشد: لازم ناخذ راي عمي .. خبرك
فيصل: اي اي اكيد افا عليك
خالد طلع لهم ميود تلفون فيصل: يخي ذبحنا تلفونك
فيصل التفت: شفيك ؟
خالد: مات واهوه يرن
فيصل راح خذ تلفونه.. كان يرن .. نجود متصله .. مسميها " Um Lsanain " ..
خالد عطاه التلفون ودش الميلس .. وراشد للحين ينطره ..
بسرعه رد عليه: الو
نجود تصارخ: فصووووووووول
فيصل : ها ها شفيج ؟
نجود: غلط غلط غلط .. كل اللي قلته غلط .. انت شفيك ؟؟ مفهي ؟
فيصل مستغرب: وانتي شدراج ؟
نجود: كنت قاعده فلبلكون وسمعتك .. عاد مب كل شي ينسمع انتوا تساسرون عمركم شلون اسمع يعني قولي شلون ؟؟
فيصل: انزين تبين شي الحين ؟
نجود: اي انطر .. قلت له ؟
فيصل: اي اي .. بعدين بكلمج عاد
نجود: عن يوووووومك .. مداك ؟
فيصل: شوي وكلمج يالله باي
نجود: ول عليك .. جوف لمعلوماتك الثمينه بس .. اذا مانفذت كل كلمه قلتها لك ترى السالفه مابتصير
فيصل: فال الله ولا فالج .. يالله باي
نجود: بااي
فيصل بسرعه راح حق راشد: مسامحه
راشد ابتسم: لا عادي ..
فيصل: خلاص حدد لنا يوم ويا عمك .. وان شاءالله خير
راشد: أي بس ننطرها ترجع احسن وارد عليك انا
فيصل مستانس: صار .. يالله حيااك
راشد: يحييك
دشوا الميلس حق الشباب .. ينطرون المباراه

نجود راحت حق امها .. كانت منسدحه بترقد
نجود بلعدااال: يمه .. مامي .. ماميتو .. ماذر ..
ام فيصل التفتت عليها: ها يمه شفيج ؟ تعالي
نجود راحت قعدت يمها .. ابتسمت .. : يمه رقدتي ؟
ام فيصل: لا لا قاعده .. تعالي
نجود: يمه .. النتايج الاحد
ام فيصل ابتسمت: الله يستر
نجود: يمه شنو بتعطيني هدية نجاحي ؟
ام فيصل: واثقه بتنجحين ؟
نجود: وه يمه ليش تفاولين انتي ؟؟ ان شاءالله بنجح

ام فيصل: اي ان شاءالله .. نجحي وانا اعطيج اللي تبين
نجود ابتسمت: فديتج يالغاليه .. اممممم ابي ابي .. يمه يعني تقريبن شنو ؟
ام فيصل تتطنز: تبين اعرسج ؟؟
نجود استانست: حلفي ؟؟ حلفي يمه حلفي ؟؟ قولي والله ؟؟ بتعرسيني ؟؟؟؟؟؟
ام فيصل : ههههههههه صدقتي ؟؟ لا حبيبتي كملي دراستج قبل .. بقالج توجيهي .. وجامعه
نجود: يمه توجيهي وافكر اكمله .. الا جامعه بعد ؟؟ اسمحيلي
ام فيصل: وشفيها الجامعه ؟
نجود ميوده ويهه: يمه جوفيني .. هذي ويه وحده تدرس بالجامعه ؟
ام فيصل: ايي شفيها ؟
نجود يودت يد امها: يمه حبيبتي فهميني .. انا وتوجيهي اشك اني بتخرج بسلام .. الا تبيني ادرس بعد ؟
ام فيصل: اي بتدرسين ..
نجود: يمه عاد
ام فيصل: حبيبتي مستقبلج .. الحين الواحد ماتفيده غير شهادته
نجود: لا يمه انا عندي ام وابو واخو واخت وريل وعيال كلهم بيفيدوني
ام فيصل: عاد الريال بعد يبي وحده دارسه
نجود: لا يمه شنو .. شله في دراستي ؟؟ ليكون بدرسه ؟؟
ام فيصل: حبيبتي .. لازم تدرسين
نجود: يمه بالله عليج يعني شادرس ؟؟
ام فيصل: مادري عاد لي تخرجتي يحلها الف حلال
نجود: اذا تبيني ادرس .. ملزمه يعني .. حدج حدج بدج .. بادرس برا
ام فيصل: وه !! وانا ؟؟ تهديني ؟؟
نجود: يمه عاد اذا اهني مابدرس .. هناك بدرس غصبن علي
ام فيصل: اخاف الا بس بتدرسين .. تقصين علي ؟؟
نجود: يمه عاد !!
ام فيصل: انزين ماقدر انا تروحين وتخليني
نجود: تعالي وياي
ام فيصل: وبووج ؟؟ وختج ؟؟ وخووج ؟
نجود: يمه عاد .. حددي موقفج ؟؟ يا انا يا الباقي
ام فيصل: يه ؟ لا حبيبتي ابيكم كلكم انا ..
نجود: يمه عاد كيفج ..
ام فيصل: انزين وين تبين تروحين ؟
نجود: يعني .. لندن .. امريكا .. استراليا .. نيوزيلاندا اممم كلش كلش الشارجه .. دبي .. مادري يمه بفكر
ام فيصل: مادري يمه مادري ..
نجود: يمه انتي فكري فلموضوع .. وانا بفكر بعد .. وبنجوف
ام فيصل: انا من رايي تدرسين اهني واتمين ويا امج وابوج احسن لج
نجود: يمه مستقبلي
ام فيصل: توج بتقعدين فلبيت .. الحين صار مستقبلج ؟؟
نجود: يمه عقب اييج ارطن اهني ..
ام فيصل: تعلمي اهني .. لا لتروحين مكان تمي فلبحرين احسن لج
نجود وقفت: مام يو نوت قود .. حدج
ام فيصل ابتسمت: يصير خير عاد .. بنجوف شبيصير لي عقب
نجود: يمه شكلج فيج النوده ومب عارفه شتقولين .. اخليج ترقدين وباجر نتفاهم
ام فيصل: كيفج انزين
نجود باست امها على راسها: يالله يمه تصبحين على خير
ام فيصل: وانتي من هله حبيبتي

طلعت نجود من امها .. جافت فيصل توه داش البيت ..
فيصل: ها انتي
نجود: هااا انته .. تعال تعال .. شلا تحاجيني جذي مساعه ؟
فيصل: نجود انا ويا ربعي مب متفرغ لج
نجود متخصره: حجي يديد !!
فيصل ركب عنها: بعدين بعدين
نجود تناديه: هيييي .. للحين لصبيان هني ؟
فيصل: اي اي ..
نجود: اففففف ...
(راحت قعدت فلصاله .. بطلت لها التلفزيون .. حطت ريل على ريل .. وقعدت تفرر .. نزل فيصل بسرعه وطلع لهم .. قعدت تجوف التلفزيون بروحهه .. شوي الا ابوها داش البيت .. التفتت عليه تجوفه .. )
بو فيصل: السلام عليكم
نجود: وعليكم السلام هلا هلا
بو فيصل راح قعد يمها: شلونج يبه ؟
نجود ابتسمت: الحمدلله زينه ..
بوفيصل: تعشيتي ؟