الرئيسيةس .و .جبحـثالتسجيلالأعضاءالمجموعاتدخول

شاطر | 
 

 [ " قصة عشان الحب ... والي بيني وبينك " ]

اذهب الى الأسفل 
انتقل الى الصفحة : 1, 2, 3 ... 7 ... 14  الصفحة التالية
كاتب الموضوعرسالة
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: [ " قصة عشان الحب ... والي بيني وبينك " ]   الثلاثاء أغسطس 28, 2007 4:04 am

بســم الله الرحمـــن الرحيـــــــم

اليوم بانزل لكم

قصــة


عشــــان الحب


واللــي بيـنــي وبيـــنك .. !!

منقولة
من تـأليــف : بـنت الخـاجه

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الثلاثاء أغسطس 28, 2007 4:05 am

وهذي اول بارت
واذا ما عجبتكم لا تردون عشان ما أكمل


][ الجـــــــزء الأول ][


في المستشفى
الدكتوره (توها داشه) : شلونج الحين ؟
ريم ببراءة :الحمدلله
الدكتوره (تطالع السيلان): معليه جريب يكمل .. نص ساعه وخلاص
ريم ابتسمت
الدكتوره من صجها: بكتب لج الأدويه واعطيهم ابوج ..
ريم (عفست ويهه): بعد أدويه ؟؟
امها توها يايه .. حبة راس بنتها : شلونج يمه الحين ؟؟
ابوها دش وراها : ها ابوي .. تأخرنا عليج ؟
ريم ابتسمت: لا عادي
بو فيصل: شنسوي يبوج الطريج زحمه .. اشوى الحين ؟
ريم مبتسمه: الحمدلله
الدكتوره: يا بوفيصل هذي وصفة الأدويه .. عندنا صيدلية تحت
بوفيصل خذ الوصفه: مشكوره وماقصرتي
الدكتوره تطالع ريم: بس ماوصيكم .. الله الله بالأكل
ام فيصل تحاجي بنتها: سمعتي ؟؟
ريم مب عاجبها: يـمه !!
بو فيصل بدا يعصب: شنو يمه ؟؟
الدكتوره راحت يمها: مايصير تاخذين الأدويه وبطنج خالي .. لازم تاكلين .. وجبه عدله مب خرابيط
بوفيصل يتطنز: الا جان ودج ترجعين اهني بعد كيفج
ام فيصل: لا لا شترجع ؟ بتاكل ان شاء الله انا بوقف على راسها عدل
ريم تحاجي الدكتور وهي تطالع السيلان: بس لا !!
الدكتوره: تمللتي ؟ نطري بنادي السستر تعطيج أبره
ريم طلعت عينها: ابره ؟؟؟؟؟؟ شلا بعد ؟؟ لا لا مابي .. (تحاجي امها) يمممه جوفيها ؟
الدكتوره تضحك : هههههه أتغشمر ..
رن تلفون بو فيصل: هلا يبه .. لا لا اكا بنطلع بس ناخذ أغراضها ونمشي .. ماتقدر تاخذها ؟ لا ابوي مانقدر .. اخاف نتأخر عليها .. اطلع انت مر عليها .. فما الله
ام فيصل: اي وعليه نجودي بتسويلنا سالفه الحين
بوفيصل: الله يستر من لسانها
ام فيصل: لا وعليه بنتي ..
ريم:قولوا الله يعين الفيص عليها
ام فيصل: بسس عاد بس ..
الدكتوره شالت السيلان .. قبل لاتطلع: ماوصيكم عليها .. ( تحاجي ريم) ماعليج شر
ريم ابتسمت: الشر ماييج



في السياره
نجود ركبت السياره وهي عافسه ويهه
شيلتها طايره والمريول معفس والقميص رافعته ..
وفيصل كان لابس ثوب ومجفس يده وشعره موديه على وره .. شوي طويل نازل لي نص رقبته ..
فيصل يطالعها: وعليكم السلام .. الناس يسلمون قبل .. السلام لله
نجود من غير نفس: السلااااام .. استانست الحين ؟
فيصل يمشي: عوووذ بالله منج
نجود مب عاجبها: شيايبك انت؟
فيصل رفع حاجبه: صج ماتستحين على ويهج .. (وهو يطالعها) تبين تحزرين اهني لي 4 ؟
نجود تتطنز: يمه يمه خرعتني .. اقول .. لتطالعني جذي لو سمحت ..
فيصل: اقول جب مافيني شدتج
نجود رفعت حاجبها: عشتوا .. كيفي
فيصل طوّل على صوت المسجل
يات نجود وقصرّت
فرص يدها بالقوه .. وطوّل
نجود : ااااااااااااخ .. عبالك مايعور ؟
فيصل تم يغني وجن مايسمعها
نجود محتره: عبالك صوتك حلو ؟
فيصل تم حاقرها طول الطريج

** فاصل **
فيصل عمره 23 سنه .. وسيم .. جسمه عريض .. حنطي .. عيونه حلوه .. مب عوده ولا بصغيره ..
له لحيه خفيفه .. جن اماراتي حلو .. طبعه هادي .. بس اذا تنرفز مشكله
يشتغل .. اممممم
ريم عمرها 19 .. تدرس فلجامعه .. ضعيفه .. بس جسمها حلو .. حنطيه .. حلوه .. مب وايد يعني لها ملامح حلوه .. وحليوه
نجود عمرها 16 .. فلمدرسه .. ام لسانين .. محد يقدر على لسانها .. تشبه اختها ..
** فاصل **


في البيت
من وصلت حذفت شيلتها وشنطتها عند الباب وركبت حجرتها
فيصل ركب حجرته
شوي الا واصلين
بو فيصل ميود الباب: حياج ابوي
ام فيصل دشت وراها: تو مانور البيت يمه
ريم استحت: بوجودكم يمه
ام فيصل: وينهم مالهم حس ؟

بوفيصل يأشر على الشنطة: جوفي بس .. الله يهديها بس
ام فيصل: جاندرا .. في أغراض فلسياره وديهم حجرة ريم
جاندرا: زين ماما .. مايبي قدا؟
ام فيصل: نجبي الغدا ووديهم
بوفيصل ينادي: فيصل .. نجود .. تعالوا تغدوا
فيصل وهو نازل : ها .. ييتوا؟
نجود نازله وراه .. تتطنز: لا للحين ..
فيصل يخزها
نجود لمت ريم: هاا المريضه؟ وحشتيني يالصفره .. (تطالع أخوها) كيفي ( من حاجاج ؟
ريم ابتسمت : وانتي اكثر حبيبتي
فيصل يسلم على اخته: الحمدلله على السلامه
ريم حبته : يسلمك


في بيت بو راشد
اسماء لابسه شيلتها ودفتها
وراشد لابس برمودا جينز وتي شرت بيج وكان مقرع ( رقم واحد)
اسماء تصارخ : رشوووووووووووووووود
راشد: ياي ياي
اسماء عصبت: اففففففففف بنطرك فلسياره
راشد ركض وراها : اف اف اف يالحنااانه انتي .. أعتذر
اسماء ركبت السياره وركب وراها
راشد: بلعداااااااااااال سيارتي !! جذي تصفقين الباب ؟
اسماء: اللي يقول مادري شنهي عاد سيارتك ..
راشد: تتطنزين ؟ زين مني مركبج .. نزلي يالله نزلي
اسماء: راشد بليز تأخرنا !
راشد: مب ماشي الا اذا تأسفتي .. وعليه عليها سيارتي هذهيه موديتج ويايبتج ولا ابين فعينج شي ؟
اسماء تتطنز: آسفه ماقصد ..
راشد: اقول نزلي بسرعه
اسماء: راااااااااااشد !! بتذلني يعني بتذلني ؟
راشد: يالله مشينا .. مايسوى علينه هالرفيجه
اسماء تحره: كيفي
راشد: يعني ماتعرفين تتصلين لها تقولين لها الحمدلله علسلامه ؟
اسماء: لا
راشد: لازم تجابلينها ؟
اسماء: كيفي
راشد: لا اله الا الله .. من الروضه لي المدرسه .. والجامعه .. الله يستر عقب
اسماء: وه عليك يالحسود .. كيفنه
راشد: بس سكتي عورتي راسي
اسماء: الحين انت امتاك تسولف انا ماتحجيت !
تموا ساكتين لي ماوصلوا بيت بوفيصل
اسماء: شكرا
راشد: العفو .. لين كملتي اتصلي مو تنسين روحج نفس كل مره
اسماء بغباء: شكمل ؟؟
راشد: اسوم يالغبيه .. بس بس لي دشيتي بيتهم بتفهمين
اسماء: ها ؟
راشد: مشا عنها
اسماء تحاجي روحها: شيقول ذي ؟ شاكمل ؟؟! الحمدلله والشكر بس
طقت الجرس وطلعت لها جاندرا ..
دشت الا ام فيصل فلصاله بروحهه
اسماء: السلام عليكم !!
ام فيصل: هلا والله بالغاليه .. شلونج يمه ؟
اسماء راحت تسلم عليها : الحمدلله .. (مستعيله) وين ريمو ؟
ام فيصل: فوق .. روحي لها
اسماء: ان شاء الله ..
وهي راكبه فيصل توه نازل
اسماء ركبت ماسلمت ولا اهوه سلم
بطلت الباب وتصارخ : ريموووووووووووو يالخايسه
صرخت بقوه صوتها انسمع تحت ..
فيصل خافس ويهه: شفيها ذي .. صاحيه ؟
ام فيصل: كيفها يمه شفيك عليها ؟
فيصل: ختولي ..

عند ريم
ريم كانت لابسه بيجامة ناعمه ورديه فيها قطاوه ..
واسوم من دشت فصخت دفتها .. كانت لابسه توب اسود وتنوره قصيره بيضه فيها ورود سود ورافعه شعرها
ريم : وحشتيييينيي اسوم يالشاقول
اسماء: شسويييي ريمو لو مب هالخايس جان رقدت عندج فلمستشفى ..
ريم: آآيه عليج ماتقصرين .. شخبارج ؟
اسماء: ماعليج مني انتي شخبارج ؟ اشوى الحين ؟
ريم: الحمدلله بخير
اسماء: كلتي زين ؟
ريم: هههههه ياربي كلمن يسألني عن الأكل !!
اسماء: لان يالخايسه ماطيحج غيره .. لو يدري عنج احم احم .. جان ياج ركض من امريكا
ريم استحت: اقول سكتي بس ..
اسماء: صج انج خايسه
ريم: بس عاد !! شامه فيني ريحه ؟
اسماء: سكتي لوّع الله جبدج .. اي صج !! على طاري الخياس
ريم: ههههههههههه شصاير بعد ؟
اسماء عفست ويهه: جفته .. ولاعت جبدي .. وبغيت ارجع بيتنه بسبته
ريم: فصول ؟
اسماء عافسه ويهه: من غيره يعني ..
ريم: شعليج منه خليه عنج .. ليكون قلتيله شي
اسماء: يخسي الا اهوه
ريم: بس عاد بس ..
اسماء: اووووووووووووووووووو يالخايسه .. توني مستوعبه
ريم: انتي كله استيعابج بطيء !
اسماء: لا بس مساعه الخايس .. لا بنغيرها .. الغبي يقولي لين كملتي كلميني !
ريم: سو ؟
اسماء: مافهمت ! .. قلت له شاكمل ؟ وقالي دشي داخل بتفهمين خخخ
ريم: حظي انتي .. الله يعين ريلج عليج
اسماء: جب جب .. وين نجودو؟ ماجفتها !
ريم: يزعم تبي تدرس في غرفة فيصل .. بس اظنتي تجوف الحلقه .. حزتها
اسماء: لتيبين طاريه افف بلعماله تلوعين جبدي يعني ؟
ريم: من قالج تسألين ؟
اسماء: ريمو ؟
ريم: هاا !!
اسماء: مايقولون ها .. يقولون نعم
ريم: نعم الله عليج .. شفيج ؟
اسماء: زفيت رشود مساعه وعليه
ريم: متى مازفيتيه انتي ؟
اسماء: شسوي ماعندي غيره ..
ريم: الله يرحمهم حبيبتي .. ( ريم حستها بتصيح .. تبي تغير السالفه بأي طريقه) .. وي تعالي شخبار الجامعه ؟
اسماء: مالت عليج وعليها
ريم: ليش ؟
اسماء: امس وزعوا أوراق المد تيرم .. شي
ريم: هههههههههه جم يبتي ؟
اسماء: 14 .. زين لا ؟
ريم تتطنز: اي وايد زين ماشالله ..
اسماء: جب علأقل أحسن من اللي يايبين 12
ريم تضحك: انا ؟ ههههههههههههههههههههه شسوي كنت تعبانه
اسماء: بس عيل سكتي لتطنزين !!
نجود دشت عليهم ببيجامتها: ها السحّر !!
اسماء: الساحره يابتها أمج
نجود: اي ماقلتي شي غلط .. هذهيه اللي مجابلتج .. (تطالع اختها) كيفي
ريم: ويهج عاد
نجود: امشوا برا خنشرب جاي الضحى .. حلو الجو برا
ريم: الضحى الساعه خمس ؟
نجود بغباء: انا ماقلت الحين الضحى .. قلت جاي الضحى .. غبيه انتي ؟
ريم: وشنو يعني جاي الضحى ؟
نجود: اوهووووو شفيج ؟ الضحى صفة حق الجاااي ..
ريم تتطنز: اها .. صح صح
اسماء: أغبيه هههههههههههههه
نزلوا يشربون جاي فلحديقه


** فاصل **
اسماء عمرها 19 .. رفيجة ريم الروح بالروح .. بس حدها زااحفه .. مخديه .. بس شكلها حلو .. أحلى من ريم .. بيضه وشعرها أسود وقصير .. جسمها نفس ريم ودايما يتلابسون .. نفس السايز يعني
راشد عمره 23 .. يشتغل .. وايد يسولف .. يحب يرسم .. مب حلو .. بس جذااب.. يعني فيه شي يجذب ..
امهم وابوهم توفوا في حادث .. البيت خالي مافيه الا اهمه والخدامه
زين اللي راشد يشتغل يصرف عليه وعلى اخته
عمه بعد يساعدهم في مصروف البيت و معاش الخدامه
** فاصل **


امريكا
ولاية كاليفورنيا
في الشقة
كان لابس جينز فاتح .. وتي شيرت بيضه يده طويله .. مكتوب عليها FCUK .. وقاعد يتحجى فلتلفونk fine .. no no no .. I'll call u later .. bye
عبدالله .. شوي متروس .. لابس تيشيرت سودا وبرمودا بيج .. : من ذي ؟ بالدقيقه يتصل ؟
ناصر حط التلفون عالطاوله: خله عنك زين .. بترجع عيل ؟
عبدالله دمعت عينه : يدتي نصور .. !
ناصر حط يده على جتف رفيجه: الله يرحمها .. اهم شي تدعيلها
عبد الله : الله يرحمها ..
ناصر: متى طيارتك ؟
عبدالله: الفير ..
ناصر: ان شاء الله .. بوصلك انا
عبدالله: لا لا مايحتاي باخذ لي تاكسي ..
ناصر عصب: شنو مايحتاي انت بعد ؟ قلت لك بوصلك .. افا عليك بس تاخذ تكسي وانا هني؟
عبدالله: نصور المطار بعيد شتوصلني الله يهداك
ناصر معصب: عبود ؟؟؟ اسمع الحجي عاد
عبدالله: انزين انزين كيفك .. عصبي !!
ناصر: لا اله الا الله !!
عبدالله: محمد رسول الله !!
ناصر: انزين .. امش خنروح نتعشى .. وراك سفر
عبدالله: ماشتهي آآكل
ناصر: يعني بتم مب ماكل شي لي ماتوصل البحرين ؟ تدري اكل الطياره مب شي
عبدالله: يالله انزين
ناصر يضحك: عيار هالصبي !! توه مايشتهي .. اضعف شوي صاير شدبك !!
عبدالله: جب زين لتخليني أهون الحين
ناصر: أي امبلا بتهوّن .. خخخخخخ
عبدالله: نصوووووووور جب .. يعني تبي تحرني يالرشيق ؟
ناصر: لا لا افا عليك شدعوه ؟؟ بس قلت يمكن تتعلم مني يعني ..
عبدالله : مابي اتعلم شي منك .. اقول يالله خنمشي
ناصر: يالله
في المطعم .. in-n-out
ناصر يشيل الطماط
عبدالله: جان قلت لهم مايحطون لك
ناصر: نسيت .. مب مشكله
عبدالله: شخبار الوالد؟
ناصر: مساعه اتصل لي .. الحمدلله بخير
عبدالله: وين اهوه الحين؟
ناصر: لندن
عبدالله: كلمتها امك ؟
ناصر: ايي فديتها .. تصيح .. تقولي تعال لندن
عبدالله: فقيره !!
ناصر: شنسوي بعد .. اكل ونت ساكت

** فاصل **
ناصر .. عمره 22 .. وسيم .. وايد فيه شبه من ولد عمه فيصل .. عصبي .. بس قلبه طيب .. يدرس في UCLA امريكا University of California, Los Angeles ويا رفيجه .. ابوه يشتغل في سفارة لندن .. كل مره يودونه مكان ..
عبدالله .. رفيج ناصر .. دب.. حليو ..
** فاصل **


يوم ثاني ..
ام فيصل (وهي طالعه من المطبخ .. بجلابيتها والبشار مادري المشمر ): ريم .. يمه روحي نادي اخوج خل يتغدى ويانه
ريم (حاطه ريل على ريل تقرى المجله .. لابسه بيجامه صفره فاتحه .. التوب كت ومكتوب عليه LA SENZA.. وتحت برمودا مخططه أصفر واخضر): نجودو .. سمعتي شتقولج ؟
نجود( قاعده تطالع التلفزيون .. لابسه بيجامه قصيره ورديه .. ساده بس مكتوب عليها LA SENZA ): والله قالت لج انتي .. سمعي الحجي ويالله روحي
ريم( معصبه): ويعه لسان !! يبيله قص .. قلت لج روحي يالله
نجود (ببرود): سوري .. مب رايحه .. روحي انتي .. (تطالعها) كيفي
ام فيصل (معصبه): ول عليكم !! ماطلبت منكم شي .. ماتستحون على ويهكم ولا وحده تركب تناديه ؟؟ خلكم انا بروح
ريم( تركض صوب امها): يمه .. يمه نطري .. بروح انا .. بس سكتي بنتج ام لسان
نجود ( تتحلطم): انا أم لسان ؟ بس يزعم أكبر مني تتشرط علي ..
ريم( وهي راكبه) : جب اسمعج
نجود ( بلعدال): ويعه !!
ريم: تويعج
نجود( تلتفت عليها): انتي للحين ماركبتي ؟؟
ريم: شعليج ؟
ام فيصل: يمه نجود .. حبيبتي تعالي ساعديني
نجود( تتحلطم): حبيبتي بعد قلبي .. اذا تبي مني شي كله تصبغ
ام فيصل ماسمعتها: قلبي نجودي ..
نجود: زين زين يمه كاني ..
فيصل وريم دشوا المطبخ .. كان نازل بفانيلة وصروال
فيصل: يمه شنو الغدا ؟؟؟؟
نجود: فيصل .. يعني ماتشم الريحه ؟
فيصل بهدوء: لا ..
نجود عفست ويهه : فاااااااج !!
ام فيصل: تعال يمه انجب لك
نجود تقلدها بلعدال: تعال يمه انجب لك
ريم: بس انتي ..
نجود: شنو بس ؟ مافي حقوق انسان في هالبيت ؟ يعني ينجبون له واحنا لا ؟
ام فيصل: هاتي يمه صحنج بلا حنه
نجود استانست: اي .. هذي الأم السنعه
فيصل يحاجي نجود: خاطري .. امنيتي فلحياه .. اجوفج ساكته
نجود ابتسمت: حلم بلييس فلجنه
ريم: آآآآآه !! شدعوه ؟
فيصل: الحمدلله والشكر ..
ام فيصل تحاجي ريم: ريم .. صحنج يمه
ريم: خليه يمه انا بنجب لي ..
ام فيصل: اي عشان تحطين لج هالكبير ولا تاكلين .. يالله بلا دلع هاتي صحنح
نجود: عفيه الوالده .. صادتها .. ايه .. ايه المذر
ريم: كيفي كيفي .. شحارج ؟
نجود تحاجي اخوها: حبيبي الفيص .. ممكن تصب لي عصير ؟
فيصل: اوووووه .. شصاير فلدنيا ؟ من وين ياتج الذرابه ؟
نجود تحرك رموشها .. تبطل وتصك في عينها .. ابتسمت: يالله حبيبي .. ماتدش اللقمه الا اذا كان العصير منك فديتك
فيصل ابتسم : يمه بنتج طالعه على من ؟؟ صبي لج بروحج
نجود بدت تعصب: حبيبي يالله ..
فيصل صب لها: سمي
نجود: علينا وعليك..
فيصل رفع حواجبه: توني اقول ذربه تعرف اتحجى .. حتى ماتعرفين تردين علي ؟
نجود تاكل: كيفي
ريم: مايتحجون والأكل في حلجهم .. لوعتي جبدي
نجود: جب انتي .. اتعيلثين فيني عشان ماتاكلين ؟؟ (التفتت على امها) يمه جوفيها
ام فيصل: بس عااد خلونه ناكل ..
فيصل يبي يحر اخته: يمه سمعت النجد عندها يوم مفتوح
نجود تغير السالفه: احم .. والله يا ام فيصل خوش طبخه .. تسلم يدج واااااايد ..بس وايد فيها بصل يعني هالمره لو تخلينه بدون بصل بوايد تصير أحلى ..
ام فيصل: ان شاء الله
نجود: لا يمه من صجي تسلم يدج
فيصل: الله يسلمج .. اقول متى اليوم المفتوح؟
نجود: والله يايمه العصير .. شي .. أول مره اشرب جذي
فيصل: احاجيج ؟
نجود قامت : الحمدلله .. شبعت
فيصل: متأكده؟
نجود: انسدت جبدي ..
فيصل: قوليلي متى
نجود: مافي يوم مفتوح اصلن أي يوم مفتوح ؟؟
فيصل: علينا ؟
نجود تساسره: اسكت مب جدام امي .. بذبحك
فيصل: يمـه جوفي بنتج
نجود بسرعه طلعت ..
ام فيصل: خلها عنك انا اعرف اتفاهم وياها
ريم: الحمدلله .. نعم الله عليكم
ام فيصل: بلعافيه حبيبتي .. شبعتي؟
ريم: اي الحمدلله



في المطار

ألا يارايح الديره
وصيه وصلها عني
ابيك تقول لهم مشتاق
وبلغهم سلام مني

خبرهم ظناااااني الشوق
والغربة تعذبني
نحل جسمي وقلبي ضاق
أبات دمعي يسهرني


عبدالله وهو لابس كابس مكتوب عليه LA .. قميص أسود (يحب الأسود) وجينز: تحمل في روحك
ناصر لابس نفس الكابس .. تيشيرت عادي وجينز: انت بعد .. أول ماتوصل اتصل لي ..
عبدالله: ان شاء الله .. بامشي وانت للحين ماقلت لي
ناصر تنهد: آآآه .. ماقدر ..
عبدالله: من أمس وانت تقولي (يقلده) بقولك شي خطير حده .. واخرتها ماتقدر ؟
ناصر تم يطالع رفيجه وهو ساكت ..
عبدالله: بتأخرني انت
ناصر: ......
عبدالله: تحجى
ناصر يسلم عليه: تروح وترجع بالسلامه .. لاتنسى تطمني ..
عبدالله: يه ؟
ناصر مشى عنه ..
عبدالله راح وراه : نااااااااااااااااصر !!
ناصر: روح لتأخر ..
عبدالله: يعني مب قايل ؟
ناصر: بقول بس مب الحين .. السالفه طويله ويبيلها قعده .. لي رحت البحرين بقول لك
عبدالله: وعد ؟
ناصر ابتسم: وعد ..
عبدالله: يالله عيل .. بااي
ناصر: باي

ناصر رجع شقته تعبان .. صلى الفير ورقد ..
وعبدالله تم يفكر .. شكان ناصر يبي يقول له ..

قام ناصر على رنة تلفونه .. الساعه 9 ..
ناصر وصوته ابين راقد .. بزور يتكلم : الووو ..
رقد والتلفون في اذنه
فواز يصارخ: ناصر ؟
ناصر بزور يبطل عينه: همممم
فواز: ياخي بسك نوم ..
ناصر: تعباااااااااان
فواز: اقول قم لااجيك اتلك من فراشك
ناصر: صاير شي ؟
فواز: ربع ساعه وانا عندك .. خلك جاهز
ناصر: بارقد
فواز: مافييه .. يالله تراني جاي .. مع السلامه

ناصر "في خاطره" صج متفرغ .. شعلي منه عاد .. بارقد

شوي الا يرن تلفونه
فواز: نصووووووووور ووجع !
ناصر: ويعه ؟!!
فواز: انا عارف بترجع تناام .. لكن مافيه
ناصر: يخي شفيك علي والله تعبان .. بارقد
فواز: بلا كلام فاضي .. شوي وانا عندك
ناصر: دعله
فواز: انت
ناصر: اففففففففففففففففف .. قمت قمت
فواز: هندي انا تقص علي؟
ناصر: لا سعودي
فواز: مالت عليك وعلى وجهك ..
ناصر: قلت لك قمت
فواز: مافيه ..أول اسمع صوت المويه
ناصر: مويه فعينك .. جم مره اعلمك ؟؟ ماااي مااااااااي
فواز يقلده : مووي مووي ..
ناصر قام وراح صوب المغسله .. : سمعت ؟
فواز: يالله اغسل وجهك
ناصر يغسل ويهه: حنّان
فواز: اي كذاا كويس ..
ناصر يتثاوب: اعووووذ بالله من الشيطان الرجيم
فواز: يالله خلك جاهز شوي وانا عندك
ناصر: لحظه وين بتروحون ؟
فواز: الشاطيئ
ناصر يتطنز: الشاطيء؟ بيج بعد شاطئ شنو؟
فواز: نعم ؟
ناصر: اوكي اوكي يالله باي
فواز: باي

--

يلا انتظر ردودكم

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أخت الأميره

![ أتعبتني TOP ]!avatar

انثى
عدد الرسائل : 2036
الإقامة : قلـــــ سيهاتــ ـــب
المزاج : رايقه مررررررررره
تاريخ التسجيل : 28/08/2007

مُساهمةموضوع: رد: [ " قصة عشان الحب ... والي بيني وبينك " ]   الثلاثاء أغسطس 28, 2007 11:03 am

حلوه بس وين التكمله ننظرها بسرعه
حبيتها القصه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.hussonicool.com/vb/
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الثلاثاء أغسطس 28, 2007 11:39 pm

يسلموووووووووووووووووو
اخت الاميره

والتكمله راح تكون كل يوم جزئين او ثلاثه انشاءالله

اختكى الاميره

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعــ في عين مشتاقه ـه

![ أتعبتني ذهبي ]!
avatar

عدد الرسائل : 925
تاريخ التسجيل : 18/08/2007

مُساهمةموضوع: رد: [ " قصة عشان الحب ... والي بيني وبينك " ]   الأحد سبتمبر 02, 2007 9:37 am

يسلموووووووووا القصــــه

ولاتحرمينا من جديدك مواضيـــعك

ولكي مني الف شكر وتقدير

اختك " دمعـــ في عين مشتاقه ـه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الأحد سبتمبر 02, 2007 1:15 pm

سوري على التأخير وانشاءالله اليوم احط التكمله

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:37 pm

بسم الله الرحمــن الرحيم



][
الجـــــــــزء الثانــــي ][

ريم كانت قاعده فيالحديقه .. على الدجه .. تلعب في شعرها .. لابسه تنوره قصيره جينز .. مكسره .. وتوب وردي فااتح .. ويهه ناعم .. خدها مورد .. مكحله عينها ..
وتتحجى فلتلفون
ريم : ههههههههه ماصدق
اسماء: والله من صجي
ريم تغير السالفه: اسوم تعالي بيتنهاسماء: اذا طلع اخوج بفكر ..
ريم: شعليج منه ؟ بيطلع اكيد بيطلع .. رشود وينه ؟
اسماء: راقد
ريم: معلي قوميه .. خل اييبج
اسماء: وعليه يكسر خاطري وهو راقد ..
ريم: اسوم .. جنج اتعذرين وايد ؟
اسماء: وي لا مب جذي .. بنطره لي قام بروحه بقولهريم: اي بعد باجر اجازه .. خل يطلع وانتي باتي عندي
اسماء: ريمو مايصير اخليه بروحه ..
ريم: اوهووو انتي بعد .. انزين اذا جفتيه يبي يطلع ويتأخر ولا يبي يبات برا شي .. قوليله اوكي انا بروح حق ريمو
اسماء: ان شاء الله عمتيريم: ملل اسوم
اسماء: جب انتي .. انا محد عندي الا ميريو .. ورشود راقد .. يعني مجابله اربع طوّف
ريم: اخييييه قلبي .. معليه حبيبتي الله كريم ..
اسماء: جب اقولج
ريم: تدرين بعد زين اللي بيتكم مب بعيد وايد .. لتخليني الحين اييج مشي واخذجاسماء: تسوينها ؟
ريم: ودج ؟
اسماء: اللاي .. حلفي ؟
ريم: ماعتقد امي بترضى
اسماء: جربي
ريم: بجوف جان نجود ترضى تيي وياي .. واخلي جاندرا بعد ..
اسماء استانست: اللاي .. يالله قومي بسرعه ..
ريم: اوكي ياللهاسماء: ردي علي عاد
ريم مستعيله: اكيد .. يالله باي
اسماء: باي

ريم ركبت غرفتها وحطت تلفونها عالجارج ..
وراحت حق امها
كانت تجوف التلفزيون
ريم .. ابتسامه بريئه: يمه ؟
ام فيصل: هلا يمه
ريم: شسمه .. امم
ام فيصل التفتت لها: ها شفيج بعد ؟
ريم: هذاك .. شسمه
ام فيصل: شسمه ؟ريم: يمهام فيصل: قولي شفيج
ريم: بروح حق اسوم
ام فيصل: ألحين امساعه شسمه وشسمونه .. واخرتها اسوم .. ( التفتت تجوف التلفزيون) روحي
ريم: يمه عاد نطري ..
ام فيصل: شنو بعد ؟
ريم: انا ونجود وجاندرا بنروح لها مشيام فيصل: مشي؟؟؟؟؟؟
ريم: يمه الا بيتهم جريب .. والجو اليوم حلو .. بنتمشى
ام فيصل: يمه اخاف عليكم .. اخذي سيارتي وروحي لا ؟
ريم: يمه
ام فيصل: انزين روحوا .. بس تحملوا في روحكم ..
ريم استانست : ان شاء الله (توها بتمشي .. ردت) يمه تلفونج بليزام فيصل: في الغرفة مب عندي .. هاج اخذي تلفون اخوج ناسيه تحت
خذته واتصلت حق اسوم
اسماء: الو ؟
ريم: اسووووووووم يالله باييج
اسماء: مشي ؟
ريم: ايييييييه .. يالله يالله خلج جاهزه باي
اسماء: لحظه رقم من ذي ؟ريم: ها ؟ فصول .. بايصكته وماعطتها مجالام فيصل: ورا تلفونج شفيه ؟
ريم وهي راكبه: لا يمه مافيه جارج حده منتهي ..
وبسرعه ركبت تبدل
ريم تلبس دفتها: قلتي حق جاندرا ؟
نجود متسنده علباب تنطرها: ايي قلت لها اكا طلعت براريم: اوكي يالله .. مشينه
وهمه طالعين
ريم: يالله يمه .. مع السلامه
ام فيصل: اامانة الله
ريم: اوووه تلفوني ..
نجود: مب لازم ..
ريم: لا مايصير .. سبحان الله يصيدنا شي فلطريج
نجود: من طول الطريج عاد ..
ريم: نطروني دقيقه باييبه
راحت دبيج تاخذ تلفونها
نجود: هذي ريم واجد مجنون
جاندرا واليونيفورم الأزرق: انتي مجنون واجد واجد واجد .. ريم مافي مجنون
نجود: اقول جب انتي
ريم : هه هه هه تعبت ..
نجود: لتطيحين علينه بس .. امشي اقولريم: مشينه
وهمه يتمشون .. واحد وقف سيارته يمهم .. بطل الجامه .. بصوت عذب : اوصلكم ؟
ريم خافت .. بلعدال: نجودو لتلتفتين عليه .. امشي بس
نجود بلعدال: بأدبه لج
ريم: تحملي .. سكتي بس جريب بنوصل
وهو يمشي بلعدال يمهمقام يسولف الواثق: مابي اتعبكم .. تعالوا ركبوا ويااي .. بوصلكم .. وين بتروحون ؟
نجود تساسر اختها: ارد عليه
ريم: تحملي
يوم جربوا صوب البيت .. ريم اتصلت حق اسماء: اسوم خلي الباب مبطل يالله باي
نجود: شفيج ؟
ريم: نجودوا سمعي .. سمتي جاندرا وياج
نجود: شسالفه؟
ريم: بنروح دبيج
نجود: من صجج نركض؟ انا لابسه بيجامه تحت اخاف تبين
ريم: افففف نجود ؟ من بيجوفها انتي بعد ؟ من صجي انا
نجود التفتت على جاندرا: حجيه .. احنا سوي اركض اركض الحين حق اسومجاندرا: انا تأبااااااااانه
نجود: جب وركضي ويانه
للحين يسولف: آآيه عليج انتي .. تعالي ركبي..
ريم: واحد .. اثنين .. ثلاث ..
نجود ميوده جاندرا وريم ميوده نجود ودبييييييج .. دشوا البيت وصكوا الباب وراهم
الصبي تم واقف مايدري شسالفه .. مب مستوعب.. مره وحده ضحك .. شفيهم هدوا ؟ وعليه خافوا ..
ريم : هه هه تعبت ههجاندرا: انا بموووووووووت
نجود: امبي ريمو اخاف صج تموت علينه
ريم: لا مافي موت .. صبري صبري
اسماء سمعت حسهم وطلعت لهم: شفيكم شصاير ؟ يايين ركيض ولا مشي؟
نجود: ركيض وانتي الصاجه
اسماء: ههههه اللاي يالله نرد دبيج بعدريم: ويهج .. مافيني شده ..
نجود: اسوم يبيلها ماي لتموت علينه
اسماء: انزين دشوا داخل .. تعالوا ..
نجود: يالله ريمو .. امشي ..
ريم:اوكي
دشوا شربوا لهم ماي ..
اسماء: شفيكم ؟
نجود: بس خاطرنا نركض ..
اسماء: انزين ماصار خاطركم الا وانا محد ؟ نطرتوني انزين بركض وياكم ؟؟
نجود: افا عليييييييج ولا تزعلين .. الحين فلرده بنركض
ريم: من صجج ؟


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:40 pm

ريم: عيد رمضان بعد .. الفطر
ناصر مب عارف شيقول .. ين : ريم .. والله العظيم مانسيتج .. لاتقطعين .. اتصليريم: ان شاء الله .. يالله مع السلامه
ناصر بوز .. : الله يسلمج
ريم عطت ابوها التلفون .. وتوها بتمشي
بوفيصل: تعالي وين ؟ ماتبين تتريقين
ريم: لا يبه شبعت
بوفيصل: شكلتي ؟
ريم: لا ولا شي .. بس مابي مابي ..
ام فيصل: مب زين تعالي اكلي
ريم: لا يمه والله مابي ..
ركبت فوق بسرعه وخذت تلفونها واتصلت حق اسوم
يرن يرن ماتشيله ..
اففف ..
ريم : الوووووووووو
اسماء .. راقده: يعني ماتخلين الواحد يرقد ؟
ريم: بسج رقااد الساعه 11 .. شوي ويأذن الظهر .. لحقي علي لحقياسماء فزت ..: شصاير ؟
ريم: اسوم بموت بموت بموت ماستحمل .. قلبييييي ..
اسماء: ريمو تحجي
ريم دمعت عينها : بصييييييييح
اسماء: ويعه تويعج قولي آمين .. تحجي
ريم: كلمته .. حاجيته .. سمعت صوته .. آآآآآآآآآآخخخاسماء: ناصر ؟؟؟؟؟؟؟؟
ريم: ايه ..
اسماء: يحمااااااااره ؟
ريم: والله العظيم ..
اسماء: وه غبره ..!! شلون ؟؟
ريم: خليت ابوي يكلمه
اسماء: والله قوية عين ..
ريم: خلاص وصلت حدي ماقدر .. شسوي ؟
اسماء: الحين بيشكون فيج !!
ريم: شيشكون ؟ ولد عمي وبسأل عنه
اسماء: حبيب القلب قصدج ..
ريم: ذبحني الشووووووووق ماستحمل
اسماء: ايا العياره .. من صجج كلمتيه ؟
ريم: والله
اسماء: طيرتي النوده ربي يطير راسج
ريم: اسم الله على راسي ..
اسماء: ابوج كوول والله
ريم: حده .. اسوووووووم كلمته ؟؟ من صجي ؟
اسماء: من صجج ؟
ريم : واي قلبي قلبي .. بيطلع الحين بيروح امريكا
اسماء: من ؟
ريم: قلبي
اسماء: غبيه ..
ريم : آآآآآآآآآآآآآآآه يا زين صوته .. اااااخ ماصدقاسماء: حدج داشه feeling
ريم: حديييييييي حدي حدي حدي .. اسوم احبه
اسماء: ادري من زمان .. شليديد ؟
ريم: كلمته
اسماء: زين مبروك ..
ريم: يالدبه ماتحسين ؟
اسماء: امبلا احس .. يا بختج
ريم: آآآآآآآه .. اسوم تدرين شيقول لي ؟اسماء : انا لله .. شيقول لج بعد ؟
ريم: قام يقول حجي خطير
اسماء: شقال ؟
ريم: يعني قبل اذا اجوفه فلعيد ولا شي .. كله من بعيد لي بعيد .. شلونج شخبارج بس
اسماء: امبيه شقال اسود الويه ؟
ريم: قال .. اللاي
اسماء: قالج اللاي ؟
ريم: لااااا نطري .. قال .( تغير ويهه). والله العظيم مانسيتج .. من زمان عنج .. انتي بخير ؟
اسماء: واااااااااي قلبي .. الظاهر ذبحه الشوق اهوه بعد
ريم: اسوووووم سأصيرو مجنونتون
اسماء: الحمدلله والشكر لله الكريمريم: ااااخ .. ماصدق .. (صرخت) اللاااااااااي
اسماء: اذني يابنت الحلال ابيها ..
ريم: ابي نصووووووور
اسماء: روحي له امريكا
ريم: جانزين .. ااااااه قلبي
اسماء: حدج منتهيه .. خذتي رقمه ؟
ريم: امبيه !! لا استحياسماء: يالبقمه جان خذتيه ؟
ريم: تهقين اخذه يعني ؟
اسماء: ايييه علأقل سألي عنه شي .. اخذي ايميله .. شي ..
ريم: اللاي .. والله تفكرين
اسماء: مايبيلها تفكير يالغبيه .. بس انتي من سمعتي صوته مادري شصادج
ريم: آآآآآآآآخ صوتهاسماء: اقول حجيه .. خلج ويا احلامج الورديه .. انا بروح بتريق ويا رشوود
ريم سرحت: ..
اسماء: بصكه فويهج الحين .. يالله باااي
ريم توها مستوعبه : جوووووف صكته !! الو ؟ يعلها ريل .. معليه

ناصر من صوب ثاني ..
ميود التلفون وللحين مب مستوعب اللي صار ..
يحاجي روحه : من صجي ؟ كلمتها ؟ سمعت صوتها ؟ وليش هالشي من زمان ماصار ؟
ااااااااااخ قلبي .. ماصدق .. وينك ياعبوووود تجوف شصار فيني ..
فديت هالصووووت وراعية الصووت ..
ابتسم .. يعني اهيا اللي قالت حق عمي يتصل وانا ليش ماتصلت ؟ يمكن كنت اخاف

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:42 pm

ان ماكلمها؟
يعني هذي حاله من عيد لي عيد ومن اجازه لي اجازه اجوفها ؟ اكلمها ؟ لا خلاص الحين بكلمها ..
اكيد عندها تلفون .. ذبحني الشوق ماستحمل .. آآآآآآيه .. بس خلاص اللي راح راح ..
تم ساعتين يحاجي روحه .. شوي ويين عليهم ..
رن تلفونه
ناصر: الوو
بو ناصر: هلا بووي .. شلونك ؟
ناصر: وايد زين .. الحمدلله .. انتوا شلونكم؟
بوناصر: الحمدلله بخير .. بس كنت بقولك ترى باجر بروح البحرين خذت اجازه الاسبوع الياي ا .. انا ومك
ناصر: البحرين ؟ ..
بوناصر: تقدر تيي ؟
ناصر: يبه انا في نص الكورس .. ماقدر كلش .. ولا انا ودييي
بوناصر: معليه كمل الكورس وعقب روح ..
ناصر عوره قلبه : ان شاءالله
بوناصر: زين تامرني على شي ؟
ناصر: سلامتك يبه
بوناصر: كل شي تمام مب قاصرك شي ولا شي ؟
ناصر: لا يبه الحمدلله .. مشكور
بوناصر: اذا في شي اتصل بي .. يالله مع السلامه
ناصر: يسلمك

ناصر تم ينطر اتصاال من رريم أو أي شي .. يبي يكلمها ..
من يرن تلفونه فز قلبه عباله اهيا ..


--
راشد كان يرسم فلميلس ..
اسماء (متخصره): رشووووووود؟
راشد (وهوه يرسم): اسمي راشد لو سمحتي .. عيب تحاجين اخوج العود بهالاسلوب
اسماء: عشتوا .. افففف انت يايب ربعك البارحه هني ؟
راشد: اي .. ليش ؟
اسماء: ريحة الميلس صبيان .. أففففف
راشد: يسلام ؟؟ وشلون ريحة البنات عيل ؟؟
اسماء: اكيد حلوه .. وخيي انتوا شمسويين ؟
راشد: شفيج انتي ؟
اسماء: اسمعني خلها اتيي تنظف وشيل قشك بليز
راشد: أعتذر .. خليني اكمل الرسمه
اسماء: حبيبي راشد يالله قووم .. ترى اخليها تدش وتعفس اغراضك كلهم
راشد: اففففففف يعني ماتخلين الواحد يتهنى في مواهبه ؟
اسماء: امحق مواهب .. بوقريع
راشد: شسوي .. الطيب ذابحني .. بطلع وأمري لله
اسماء: يسلام صرت انت الطيب وانا الشريره ؟
راشد وهوه يشيل اغراضه: انتي شريره من زمان .. مع اعتذاري
اسماء رن تلفونها: الوو
ريم: آآآآآخ
اسماء: افففف انتي جنج مللتينه ؟ صكيه صكيه عقب بتصل لج
ريم: مالت علي اللي متصلت لج .. ذلفي ولا اقولج شي مره ثانبه
اسماء: قايلت لج لتتصلين وانا معصبه .. تدرين بييج كلام حلو
ريم: وشلون بعرف انج معصبه يحظي ؟ ذلفي
اسماء: عقب بكلمج انا ويا رشود
ريم: اها قولي جذي من الصبح .. ماتبين تتحجين جدامه يعني ؟ .. مالت عليج اقول
اسماء: وعليج .. يالله باي
ريم : باي

راشد وهو طالع: اسلوبج ويا البنيه حده غلط .. جذي الأوادم يتحجون ؟ وهذي رفيجتج يزعم ؟
اسماء عافسه ويهه: وانت شدخلك ؟ (توها متذكره) رشود رشود
راشد: هااااااا
اسماء: خننطلع اليوم ..
راشد: ان شاء الله من عيوني .. وين تبيني اوديج ؟
اسماء: اي مكان .. بس ابي اطلع
راشد: ان شاء الله .. بس اكمل رسمتي ..واروح الحلاق .. واتسبح .. وابدل .. واروح المسيد .. واصلي .. واكمل ..ونطلع
اسماء: آآه آآه كل ذي ؟ لحظه الحلاق ليش ؟
راشد: بشيل ليحتي ..
اسماء تفكر: انت عندك لحيه الحين ؟ كلها جم شعره .. والله خفيفه ماتبين
راشد: عاد بروح ..
اسماء: ويا قرعتك .. جنها يحة خايسه ..لتأخرنا اقول
راشد : اانتي الحين بتكوين شيلتج ودفتج وبتتسبحين ومادري شنو .. نفس الوقت ترى .. واذا مابرزت قبلج بعد
اسماء: اوكي .. يالله

اسماء اتصلت في ريم: بقمه
ريم: بقمه انتي .. راح اخوج؟
اسماء: ايي .. شفيج ؟
ريم: رحت تحت الا اجوف الورقه اللي ابوي كاتب فيها رقمه هناك .. واطخها
اسماء: الشيطانه
ريم: عجيب .. صورتها بعد
اسماء: انتي كلشي تصورين ؟
ريم: كيفي .. شحارج ؟
اسماء: حجيه بطلع ويا الرشد ..
ريم: اللاي وين بتروحون ؟
اسماء: مادري .. بنطلع
ريم: زين تسوون ..
اسماء: نمر عليج ؟
ريم: لااااااااااا واللي يسلمج لا .. مابي .. انا بجابل النصري ..
اسماء: كرهات .. يالله زين اكلمج بعدين
ريم: اوكي .. يالله باي
اسماء: باي

نجود دشت على ريم: بنروح بيت يدتي .. يالله
ريم: اووووه .. نسيت ان اليوم يمعه ..
نجود: يالله انزين الحين ابوي وفصول بيرجعون من المسيد ..
ريم: انزين انزين .. اكا قمت

ريم سيفت الرقم في تلفونها .. ومب عارفه شتسوي ..
اهم شي سوته ان حصلت الرقم ..
في بيت يدتها طول الوقت ميوده التلفون وتكتب .. وتمحي .. تكتب .. وتمحي

وناصر طول الوقت ميود تلفونه ويتخيلها تتصل .. تطرش مسج .. أي شي ..

لين ماصار فلليل .. وريم منسدحه بترقد .. ماقدرت ترقد قبل لتسوي شي ..
قامت كتبت مسج
: Na9r .. Ana ReeM
(
وايد عليها)
وطرشته ..

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:44 pm

][ الجــــــــزء الثـــــــــــالث ][

** ريم سجلت الرقم غلط من الورقه .. وماتدري **
ناصر .. راقد التلفون في يده ..
وريم تمت تنطر .. تمت تنطر .. لي مارقدت والتلفون في يدها ..
قحصت على صوت الأذان .. وجافت التلفون .. مافي شي .. لا مسج ولا مس كول ولا شي ..
عقب ما سلمت من الصلاة ..
ريم : استغفر الله .. شدعوه عاد ؟ جذي يخليني انطر ؟ بيذلني يعني ؟ اففففف
انسدحت ولا عرفت ترقد .. تمت تحاااتي .. ليكون فيه شي .. نطرت لي مايصير الصبح واتصلت حق رفيجتها
ريم فيها الصيحه : اسوووووووم بصيح
اسماء: وعليكم السلام .. سلمي عاد سألي عني تطمني علي
ريم: آسفه .. اوكي من أول صكي برد اتصل .. باي ..
صكته
اسماء تحاجي روحها : ويييي الغبيه صدقت .. يعني الواحد مايقدر يتغشمر وياها ؟
رن تلفونها مره ثانيه
اسماء: ريمو شفيج؟
ريم: السلام عليكم ورحمة الله وبركاته
اسماء فيها الضحكه: وعليكم السلام ورحمة الله وبركاته
ريم: شخباااار ؟
اسماء: الحمدلله شلونج انتي ؟
ريم: الحمدلله ..
اسماء: اما انتي صج سهله .. بسرعه ينقص عليج ؟ حدج خدااي
ريم: عاديييي .. آآآآآآآآآآآه
اسماء: اسم الله عليج من الآآآه .. شصاير ؟
ريم: باصيح
اسماء: انتي كله بتصيحين ؟ قوليلي شفيج ؟
ريم: حاقرني ..
اسماء: حقريه .. افا عليج
ريم: من صجييييييي ..
اسماء: انزين قوليلي شصار بالضبط
ريم: طرشت له مسج ..
اسماء: شكتبتي؟
ريم: ناصر .. انا ريم
اسماء: بس ؟ وايد عليج ؟ صاج زفيتيه بعد ؟
ريم: شدعوه ؟
اسماء: يالبقمه جان كتبتي حبيبي بعد قلبي وحشتني .. انا ريم .. احبك
ريم: الله الله .. ولي زين !! زين تجرأت وطرشت له مسج بعد
اسماء: لانج ماتفكرين عدل ..
ريم: اسوم الحين انا يايه اشتكي لج تقلبين علي ؟
اسماء: شسوي فيج اذا انتي غبيه ؟
ريم: اففففففف انا غلطانه اللي اتصللج .. بااي
اسماء: تعااااااالي .. بس بس بس خلاص آسفه .. (تتطنز) عفيه عليج حبيبتي كثري من المسجات
ريم: اسوم اللي فيني كفاااااااايه ..
اسماء: ريم .. انزين يمكن ماجافه .. يمكن تلفونه مب عنده .. يمكن تلفونه استقبال .. يمكن ؟؟ اممم
ريم: ويمكن مايبي يرد علي .. !! .. الله يعلم ..
اسماء: لتظنين ظن السوء ..
ريم دمعت عينها: اوكي بس خلاص .. اكلمج بعدين
اسماء: حالتج صعبه وداشه feeling
ريم: بااي
اسماء: باي
ريم صكت تلفونها من القهر .. ونزلت حق امها ..
ام فيصل: يمه شفيه ويهج ؟
ريم سرحانه ..
ام فيصل: ريم ؟؟
ريم توها مستوعبه: ها .. اي
ام فيصل: شنو اي ؟ شفيه ويهج جذي ؟
ريم تفشلت: شفيه يمه ؟
ام فيصل: مارقدتي زين ؟
ريم: امبلا ..
نجود توها نازله : هااي
ام فيصل: هااي انتي
نجود: والله كول المذر .. وااازااب مان ؟
ام فيصل (تحاجي ريم): شفيج يمه ؟
ريم: لا بس شوي تعبانه ..
ام فيصل: اسم الله عليج من التعب .. أوديج المستشفى ؟
ريم : لا لا يمه مايحتاي .. بصير أشوى ان شاء الله
ام فيصل: لا قومي بوديج أحسن
ريم: لا لا يمه بليز مابي
ام فيصل: علهوااج ..
نجود: افففف لتقولون بتكنسلون الطلعه اليوم ؟
ريم: لا محد بيكنسلها ..
ام فيصل: اذا ريم تعبانه بنسوي لنا أي شي فلبيت
نجود: لااااا حرام عليج يمه حرام .. نبي نتغدى برا
ريم: يمه انا مب تعبانه .. بس اكا صرت زينه
نجود: هذي الأخت السنعه .. مب انتي يمه كله بتقعدينه فلبيت
ام فيصل: الله وكبر عليج ؟
بوفيصل وفيصل توهم داشين: السلام عليكم
الكل: وعليكم السلام
بوفيصل: هاا جاهزين ؟
نجود: يعييييييش الفذر ..
بوفيصل: ها ؟
فيصل: عاد قولوا وين تبون تروحون من الحين .. مو ندور فلسياره وكل واحد يقولي مادري !!
بوفيصل: ايي صج .. (توه منتبه) ريم شفيج يبه ؟
ريم: مافيني شي.. بركب ابدل .. متى بتمشون ؟
فيصل: خل تصير وحده .. بنمشي
ريم: اوكي .. ( وهي فلدري .. دار راسها .. ماقدرت تتحمل وطاحت)
ام فيصل تصارخ: يمه رييييييييم !!
راحوا لها كلهم .. وفيصل شالها
فيصل: يمه مافيها شي لتصارخين ..
بوفيصل: خنوديها المستشفى بسرعه
فيصل: انزين نوديها بالبجامه يعني ؟ يبيولها شي بسرعه .. (يحاجي نجود) بسرعه تحركي
نجود خايفه : انزين انزين
ام فيصل تصيح : يمه بنتييي ..
فيصل: يمه الله يهداج .. !!
نجود بسرعه يابت دفتها ولبسوها ..
بوفيصل: يالله
ام فيصل: نطروني بايي
فيصل: يمه مالج سالفه .. قعدي قعدي ..
ام فيصل راحت تييب دفتها وطلعوا عنها
ام فيصل تحاجي نجود : راحوا ؟
نجود : ايييييي من زمان .. وصلوا بعد
ام فيصل: قومي لبسي دفتج وخنروح لهم
نجود: يمه فيصل قالج قعدي
ام فيصل: وشعلي من فيصل ؟ ابي اجوف بنتي !! .. تبين تيين تعالي ماتبين كيفج
نجود: راسج يابس تدرين؟
ام فيصل عصبت: نجود؟
نجود: بس بس لتطالعيني جذي بليز ترى ماستحمل النظرات
ام فيصل وهي طالعه: مع السلامه
نجود: يمه نطريني بايي ويااج .. نطري نطري
ام فيصل: بسرعه


ناصر كان يحاتيها .. شفيها .. لا اتصلت ولا طرشت مسج
كل ما رن تلفونه قال ريم .. كل ما وصل له مسج قال ريم ..
رن تلفونه
ناصر: ألوووو ؟
عبد الله : نصوووووور
ناصر: هلا والله .. شلونك؟
عبدالله: الحمدلله بخير انت شلونك ؟
ناصر بلعداال : مب زين
عبدالله: افاء ؟ شفيك ؟
ناصر: ذبحتني وراحت ..
عبدالله: من ذي ؟
ناصر: حبيبتي ..
عبدالله: ليكون جين ؟ يا جين يا جنيفر
ناصر متكدر: عبوود الحق علي
عبدالله: ناصر شفيك ؟
ناصر: وين اودي شوق قلبي والوله ؟
عبدالله مستغرب: ها ؟؟ ناصر؟
ناصر: مشتااااااااااااق ومضنيني لفرااق



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:44 pm

عبدالله: اسم الله عليك ..
ناصر: وعليك
عبدالله: يا انت شارب يا انا شارب .. واحد من الاثنين .. واختار
ناصر: اختااااار اني بموت من الشوق
عبدالله: من صجك انت تتحجى ؟
ناصر: والله العظيم من صجي
عبدالله: اقول مالت عليك بس ..
ناصر: وعليك
عبدالله: ناصر !!
ناصر: نعم
عبدالله: الحين انا رفيجك ورفيجك .. وآخر من يعلم ؟
ناصر: انت أول من يعلم يالغبي
عبدالله: من متى انزين؟
ناصر: من يوم ولدوني
عبدالله: ناصر احاجيك من صجي شفيك ؟
ناصر: عبدالله .. آآآآآآآآآآآآآآآآآآآآآآآه
عبدالله: مشكل .. !!
ناصر: عبود انا احس ان فيها شي .. روح لها بيتهم طلبتك .. طمني بس
عبدالله: جيف بحرينيه ؟
ناصر: ياربي على الاستيعاب البطيء..
عبدالله : ناصر انا مب داخل مخك ولا اعرف شتفكر فيه ولا شفكرت فيه .. سالفه اول مره اسمعها
ناصر: مسامحه الشيخ
عبدالله: وبعدين اروح بيتهم من صجك انت ؟؟ شسوي في بيتهم !!
ناصر ببراءة: بس مر عليه ..
عبدالله: لحظه ناصر شوي .. (يحاجي اخوه) بايي بايي (يحاجي ناصر) الو .. بروح انا عقب بكلمك ها .. يالله مع السلامه
ناصر: اففففففف .. الله يسلمك

حذف تلفونه علسرير .. يحاجي روحه .. عصب
جذي تسوين فيني ؟ استاهل كل ذي منج ؟ شلون أوصل لج شلون ؟ آآآآآخيه قلبي ..
طقوا عليه الباب
ناصر: ها ؟
فواز: ربع ساعه ويبتدي الكلاس ..
ناصر بطل الباب: مب ياي
فواز: على كيفك اهو ؟؟ مد تيرم يالخايب
ناصر: اففففففف شدعوه درست ؟
فواز: ميخالف تعال قدمه
ناصر: انزين انطرني ببدل وباييك ..


في المستشفى
بو فيصل: ابي اعرف هلبنت شسالفتها ؟ تعاند يعني ؟
فيصل.. ثووب وشعره على ورا .. واللحيه الخفيفه ..والهدوء العجيب : لا يبه مب سالفة عناد ..
ام فيصل: قولهم يعطونها شي حق يفتح شهيتها ..
فيصل يحاجي نجود: انتي تاكلين أكلها اكيد ..
نجود: ول عليك يالحسود .. اهيا ماتاكل انا شلي خص ؟
فيصل: دبه واتدلع ..
نجود: يمه جوفيه ؟ انا دبه الحين ؟
فيصل: لا اسم الله عليج .. رشيقه ..
نجود: تدري انت طالعت لك دبه ؟؟ جوف شكبرها !!
فيصل يجيس دبته : سلمها وكبرها يارب (يطالع اخته) محتره ؟
نجود: من صجي ترى كريهه .. ويع
فيصل: اصلن البارحه سجلت فلجم .. لين راحت بايي احرج .. صبري
نجود: روح الجم .. انا جسمي مايحتاي جم ولا شي ..
فيصل: عدااااااااااال .. مادري من !!
نجود تطلع لسانها : كيفي
فيصل: دبه وتدّلع ..
ام فيصل: بس عااد الحين بتقحص .. خلوها راقده ..
نجود: يبه الله يهداك ..
بوفيصل: شنو بعد ؟
نجود: يعني تدري ريمو تحب تصور .. جان يبت الكيمرا .. جان الحين بتصور السيلان والأبره وحركات
بوفيصل: وليش مايبتيها انتي ؟
نجود: نسيت .. وسبحانه اللي ماينسى
بوفيصل: عيل انا بعد نسيت ..
نجود: نسااااااااااي هالفذر
بوفيصل: طالع عليج ..
نجود: يبه اما خوش طلعة ها ؟ جوف المرضى .. الدكاتره .. الأدويه .. شي .. شم شم ريحة المستشفى .. الله
فيصل: تتطنزين ويا ويهج ؟
بو فيصل: أحسن لنا من هالمجمعات والمطاعم
نجود تحوس في تلفونها .. : الووووو أسوم لحقي .. ريمو فلمستشفى .. فيها أمراض العصر الحديث
ام فيصل طقتها : بس انتي . .اسم الله عليها
نجود تكمل : لا لتيين .. (تطالع فيصل) في ناس مايشتهونج اهني ..
ام فيصل: قوليلها مايحتاي تكلف على روحها .. مافيها شي ان شاء الله
نجود: تقولج امي واللي يسلمج تعالي .. ضروري تيين .. ريم ماتبيج الا انتي
ام فيصل تطالع السقف: الله وكبر
نجود: قلت لج لاتيين .. وه ؟ بكلمج انا اذا قامت .. والله بكلمج .. هاج هاج امي
ام فيصل: هلا اسمه .. الله يسلمج حبيبتي مافيها شي .. الشر ماييج .. ان شاء الله .. مع السلامه
عطت بنتها التلفون : هالمره لتألفين ها
نجود تطالع فيصل وفيصل يطالعها
نجود: وااي معجب .. أوقع لك اهني ؟ اي اي افا عليك..
فيصل: الحمدلله والشكر
نجود: يااااااااااي .. (تمثل) .. ورد ؟ يااي ماستحمل .. ياااااااااي
فيصل: قلبي ويهج بسرعه
نجود: which page ??
فيصل: عوار راس انتي .. اباعرف شلون ربعج مستحملينج فلمدرسه

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:45 pm

نجود: اصلن المدرسه بدوني ولا شي ..
فيصل: اي اي صح .. أكيد ..
رن تلفون بو فيصل: الو .. هلاااااااا هلا والله .. عاش من سمع هالصوت
نجود تنقز امها: يمه هذي اللبنانيه اللي ماخذها ابوي عليج
بو فيصل: الله يسلمك ويعافيك ..
نجود: جوفي العيار .. يزعم ريال .. آآه منك آآه
بو فيصل: انت فلبحرين ؟ لا لا لازم اييك .. الله يهداك ماقلت لي من قبل
نجود: آآآه منه الوالد مادري شيبي اسويلها بعد .. يزعم مفاجأة .. كرهات
بوفيصل: ان شاء الله .. تو مانورت البحرين والله .. الله يسلمك .. لا خلاص تتعشى عندنا
نجود: يالاهويييي ..! ياخرااااااااابي !! ياكبرها عند ربي .. يمه !! بييبها بيتنا ..!!
بوفيصل: معليه بكلمك عقب .. مع السلامه
نجود تأشر حق امها : جفتي شلون ؟ الرياييل مامنهم أمان
بوفيصل: هذي اخوي ياي البحرين ..
ام فيصل: وصلوا ؟ ماشالله .. انا عبالي الاسبوع الياي بيون
بوفيصل: اي .. عاد لازم ايون بيتنه انعشيهم
ام فيصل: اي ان شاء الله .. بس خل تطلع ريم بالسلامه وصير خير .. جان خليتني اكلم ام ناصر؟
نجود: يمه !! من صجج عاد ؟ والله سهله الوالده ينقص عليها
فيصل: خرااااااب بيوت انتي ..
نجود: تحاجيني اخوي ؟
فيصل: لا ولا شي ..
نجود: عباالي ...
ريم بطلت عينها .. مستغربه .. بزور تتحجى: انا وين؟
ام فيصل بسرعه راحت لها: الحمدلله على السلامه حبيبتي
بوفيصل: ماعليج شر يبه
ريم: شسالفه ؟
نجود تحاجي فيصل: اشاربه اختك ؟
الدكتور توه داش: إزيك يا أمر ؟
ريم ابتسمت له : مادري
نجود: حدها منتهيه ..
ريم: ليش انزين ؟
نجود: يبه .. يمه .. خلوني انا اتفاهم وياها .. اعرف حق حالات التحشش انا .. بليز (تحاجيها) ريم
ام فيصل: أسم الله على بنتي
ريم: هلا ..
نجود: شخبار ؟
ريم: اوكي .. انتي شلونج ؟
نجود تغني: اوكي اوكي اوكي .. ماي دارلنج اوكي .. ايفري ثنق اوكي ..
ريم تضحك : صاحيه انتي ؟
نجود: لا من قال ؟
ريم: راسي
الدكتور: ومالو ؟
ريم: مادري بس احس انه ثقيل ..
نجود: مكثره تدردع انتي ؟
ريم تحاجي الدكتور: ابي اروح البيت ..
الدكتور: لآآ مايصلحش .. دنتي قسمك محتاق اشياء كتيره
نجود: بدينه بالتفلسف عاد
فيصل: نجود من فضلج خليه يتكلم .. (يحاجي الدكتور ) تعال معاي تعال ..
طلعوا فيصل والدكتور
ريم تحاجي امها : يمه مابي اتم اهني .. بروح البيت
بوفيصل: لو انتي تسمعين الحجي وتاكلين عدل ..
نجود: ايوا الوالد .. (تحاجي اختها) احسن عشان تتأدبين وتاكلين عدل
ريم: وين تلفوني ؟
نجود: بوووو تلفونج ماسكت امساعه .. مسجات واتصالات على كيف كيفج
ريم صدقت: حلفي ؟؟ اجوف وينه ؟؟
نجود: صدقتي عاد ؟؟ اصلن تلفونج امبند .. فلبيت مايبته ..
ريم: يالله خنروح البيت
فيصل توه داش: ريم
ريم: هلا
فيصل: اذا مابتاكلين عدل مابيطلعونج من اهني
ريم: لاااااااا واللي يسلمك لا .. باكل باكل .. بس باطلع بليز
فيصل: يبون يخلونج تحت المراقبه عشان مايصير فيج شي
ريم: لا لا لا لا .. باكل بليز .. وينه الدكتور توها بتقوم .. هوست على يدها عشان تقون عليها ونست ان فيها ابره ) آآآآآآآآآآخ
ام فيصل: يمه شفيج ؟
ريم تجيس يدها صوب الابره وشوي تصيح : لا مافيني شي .. ابي اطلع
نجود: يبه بيأذن العصر ولا تغدينه .. كله منك
بوفيصل: انا شدخلني ؟
فيصل: خلوني انا وياها وانتوا روحوا تغدوا وتعالوا
ام فيصل: لا يمه روح انت وياهم انا بتم وياها
فيصل: لا يمه روحي .. انا بتم
ام فيصل: لا فديتك انا بتم
فيصل: ها !! يمه شفيج ؟ انا بتم قلت لج .. روحي
ام فيصل: انت اللي شفيك ؟ خلني بتم ويا بنتي
فيصل: وانا بتم ويا اختي .. يه ؟
نجود تتطنز : طقها بعد ؟
ريم: فيصل.. يمه .. روحوا انا برقد مالكم سالفه تقعدون
نجود رن تلفونها: هلا اسوم .. حلفي عاد ؟ قلت لج لاتيين صج عنيده .. يالله انزين بطلع لج انا .. بدليج انزين وه .. باي
ريم: اسوم ؟
نجود: المنقذه .. بروح ادخل اسوم انا وباييكم ..( وهي طالعه) ولا تعالوا السياره لتأخروني يوعانه
ريم: بس روحوا كلكم وانا بيلس ويا اسوم
ام فيصل: لا يمه بتم
فيصل: انا لله .. يمه ؟
ام فيصل: انزين انزين ..
بو فيصل: ابوي اي شي تبينه اتصلي .. بنتغدى وبنييج ..
ريم: بلعافيه



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:45 pm

فيصل راح يم اخته .. حط يده على راسه .. ويده الثانيه يود يدها : ماعليج شر
ريم ابتسمت : تعال بحبك ..
فيصل جندس لها وحبته ..
فيصل: الدكتور قايل لازم تاكلين شي .. شخاطرج فيه ؟
ريم: ماخاطري فشي ..
فيصل: مايصير .. يالله قولي ..
ريم: اممممم .. اللي بتاكلونه
فيصل: قولي يالله ..
ريم: اي شي ..
فيصل: بييب لج اي شي .. وان ماكلتي هال أي شي بتكفخين ها ..
ريم ابتسمت : ان شاء الله
فيصل: يالله مشينه .. مع السلامه
طلعوا ودشت اسماء .. بسرعه راحت لمت رفيجتها : وااااااااي ريمو .. (التفتت وراها تبي تتأكد.. بلعدال ) كله منه
ريم متضايقة: تلفوني فلبيت
اسماء: يعني عندج أمل اتصل ؟ سواد ويهه .. خليه عنج .. شلونج الحين؟
ريم: الحمدلله
اسماء: سواد ويهج انتي بعد .. ورا ماتاكلين ؟
ريم: .........
اسماء: ماعليج شر يالدبه .. تكسرين الخاطر
ريم: الشر ماييج حبيبتي .. ماستحمل .. احس شي ناقصني
اسماء: انا لله
ريم: احس مابي شي في هالدنيا غيره .. اسوم .. (دمعت عينها) أحبه
اسماء ابتسمت: أقول مالت على الحظ .. ابي جذي
ريم: ابي ناصر ..
اسماء: لتحنين .. لي رحتي البيت اتصلي ..
ريم: الله .. من صجج ؟ تبين فيصل يجوف رقمه فلبيل ويذبحني ؟
اسماء: طرشيله مسج عيل
ريم: المسج ماينفع ..
اسماء: قطي روحج فلبحر عيل
ريم: احسن شي ..
اسماء: باجر جامعه .. بتيين ؟
ريم: اي لازم ايي .. ان شاء الله
اسماء: ان شاء الله .. في سكولر شب مادري شسالفته .. قلت حق عوشو تسجل اسامينه
ريم: مال شنو عاد ؟
اسماء: مادري .. مب خسرانين شي .. اهيا تقول فن فرصه ومادري شنو .. قلت لها سجلي
ريم: عاد سألتي الله يهداج
اسماء: مردنه بنعرف .. باجر اذا رحت الجامعه بسأل ..
ريم: ان شاء الله .. بس قولي حق رشود خل يروح شغله وانا بمر عليج ..
اسماء: بتاخذين سيارة امج يعني ؟
ريم: اي بعد شسوي .. فصول وابوي مايقدرون يودوني .. وامي مب لازم تطلع الصبح
اسماء: مسكينه ..
ريم: خلاص تعودت امي كله اخذ سيارتها .. خل تحن على ابوي يشتريلها وحده
اسماء: تحملي يقصون عليج .. خل يعطونج انتي اليديده
ريم: لاااااااا عادي .. اهم شي سياره
اسماء: يالله .. الحمدلله
ريم: الحمدلله ..
اسماء: ماستحمل اجوفج جذي .. تكسرين الخاطر .. ويهج حده مصوفر
ريم: كريهه ؟
اسماء: حدج
ريم: حلفي اسوم ؟
اسماء: حتى وانتي مريضه شحلوج يالخايسه ..
ريم: ردينه على سالفة الخياس ؟
اسماء: ههههه ..
السستر ياتهم: شلونج الحين ؟
ريم: الحمدلله .. ابي اطلع ..
االسستر: ان شاء الله بس الحين توه مكمل السيلان .. لازم نحط لج واحد ثاني بعد
ريم: آآآآآآآه .. مابي !!
السستر: لازم .. مب على كيفج
ريم: ومتى بيكمل ؟
السستر: يبيله 3 ساعات
ريم قمضت عينها :ماستحمل
اسماء: معليه ريمو بتم وياج انا
ريم: مب سالفة اتمين وياي .. ابي اروح البيت
اسماء: تراهنين محد متصل ولا مطرش مسج ؟
ريم خذت نفس: لتحبطيني ..

فيصل وامه وابوه واخته توهم مكملين غدا
فلسياره
فيصل: يبه .. بقطكم البيت وبروح أوديلها الغدا
بوفيصل: لا يبه بنيي وياك
فيصل: يبه !! نسيت عمي بيينا ؟ وانتوا ماسويتوله شي !!
ام فيصل: ويي صج !! ورانه طبااخ !
نجود: اوكي انا بيي وياك
فيصل: لا ساعدي امي ..
نجود: في شي اسمه جاندرا .. بتساعدها
فيصل بدا يعصب: قلت لج ساعدي امي
نجود تتأفف: انزييييييين ..
وصلوا البيت
بوفيصل: بكلمها انا .. بس انت طمني عليها
ام فيصل: ماعندها تلفون .. لي وصلت خلنا نكلمها
فيصل: ان شاء الله يمه .. يالله مع السلامه
ام فيصل: أمانة الله
بوفيصل: الله يحفظك
نجود رقعت الباب: باااااااي
شخطها فيصل ورااح لها .. وكانت أسوم عندها سوالف وضحك ولا جنهم في مستشفى
ماكان يبي يدش لان مايبي يجوف أسماء .. لكن مايقدر .. لازم يدش
فيصل: احم ..
اسماء كانت تضحك .. من سمعت حسه سكتت ..
ريم: هلا فيصل .. حياك
فيصل وهو يحط الجيس علطاوله: غداج
ريم: نعم الله عليك ..
فيصل: بلعافيه.. اكليه عاد ..
ريم: ان شاء الله
فيصل اتصل حق امه وعطاها التلفون : هاج كلمي امي
ريم: هلا يمه .. لا أوكي .. توها يايتني مارضت .. قالت على الساعه 7 يمكن .. ان شاء الله .. الشر ماييج .. الله يسلمج ..
عطت اخوها التلفون
فيصل: سبع انا عندج .. ( وهوه طالع) مع السلامه
ريم: الله يسلمك .. (تحاجي اسماء) ولا جنج موجوده !!
اسماء: شلون يعني ؟
ريم: يعني مالج حس . .!!
اسماء: شتبيني اسويه ؟؟ اركض المه واقوله وحشتني مثلن ؟
ريم: بل بل بل .. شوي شوي .. شقلت انا ؟
اسماء راحت تييب غداها: اقول اكلي وانتي ساكته
ريم: ان شاء الله عمتي .. بسملله ؟
اسماء: بلعافيه .. شبعانه .. اصلن حتى لو يوعانه .. هالآدمي سد نفسي
ريم: بس عاااااااد انا اخته ..
اسماء: وذا ؟
ريم: ماحب جذي يعني .. اففففف
اسماء: انتي شتحبين؟
ريم مستحيه: ناصر
اسماء تبي تحرها: ويي شدعوه اهوه يحبج عاد ؟
ريم بوزت: لتقولين جذي حرام عليج
اسماء: جب اتغشمر .. إلا مول ؟ ماتدوقلين انتي ؟
ريم تاكل: هأ
رن تلفون اسماء: الوو .. الحين ؟ لااا تو الناس انطر .. لا بليز .. لا لا لا لا لا لا .. لا بتم وياها بروحه .. لااااااااا .. عاد عاد .. لا مابي .. لا .. اوكي باي
ريم: شفيج ؟ جم مره قلتي لا ؟
اسماء: والله للأسف ماعديتهم ..
ريم: شصاير؟
اسماء: رشود يقولي بايي باخذج الحين لان عقب ماقدر
ريم: انزين عادي انا بتم اذا تبين روحي
اسماء: طرده يعني ؟ عناد بتم
ريم: انزين تمي بخلي فصول يوديج بيتكم عقب
اسماء: مابيييييييييييي .. هذي اللي قاصر
ريم: وعليه ماسوالج شي ؟
اسماء: كيفي .. اصلن رشود قالي ست ونص باييج حدج .. شسوي ؟
ريم: شعاد انزين .. عبالي بييج الحين ..



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:46 pm


تموا يسولفون لي مايه راشد وخذ اخته .. وتمت ريم بروحه .. تنطر فيصل اييها
شالوا السيلان عنها .. لبست شيلتها ودفتها وتمت تنطره ..
سبع الا ربع الا اهوه عندها
فيصل: تأخرت عليج؟
ريم: لا لا ..
فيصل يودها: يالله مشينه

وصلوا البيت الا عمهم ومرت عمهم هناك ..
كلهم كانوا متيمعين فلميلس ..
دشت عليهم ريم .. كان شكلها ابين تعباان .. ويهه خااق .. مصووفر ..
راحت سلمت على عمها ومرت عمها ..
ام ناصر: تعالي يمه قعدي يمي .. سلامتج ماعليج شر
ريم: الشر ماييج ..
بوناصر: عاد ناصر قالي من تتيمعون اتصل لي بسلم عليهم كلهم
بوفيصل: الله يسلمه
بوناصر يتصل .. يتصل .. ناصر كان راقد .. بس سمعه وشاله : ألو
بوناصر: هلا ابوي شلونك؟
ناصر بزور يتحجى: زين
بوناصر: كاني في بيت عمك
ناصر فز من فراشه: هاااااااااا ؟ احلف ؟ عطني عطني ريم
بوناصر: نعم ؟
ناصر حس ان قال شي غلط: عطني عمي بسلم عليه
بوناصر: ان شاء الله (يعطي التلفون بوفيصل)
بوفيصل: هلا ناصر يبه شلونك؟
ناصر: الحمدلله .. شلونكم انتوا ؟
بوفيصل: الحمدلله .. هذحنه ويا ريم
ناصر فز قلبه: شفيها ؟
بوفيصل: توها داشه البيت
ناصر مب فاهم: ها ؟
بوفيصل: كانت فلمستشفى ..
ناصر: افاااااااء ؟ وينهي بكلمها
ام فيصل تحاجي ريلها: ليش قلت له الله يهداك
بوفيصل يعطي التلفون بنته: بعد سألني شخباري قلت له .. (يحاجي ريم) كلميه
ريم متشققه: الووووو
ناصر متدوده: ريم انتي بخير ؟ سلامات شصاير ؟
ريم: ماصار شي .. بس ابوي يبالغ .. انته شلونك ؟
ناصر: ريم انتي بخير ؟ شتحسين فيه شيعورج ؟
ريم ابتسمت .. ماتعرف تتحجى والعيون كلها عليها: كل شي تمام
فيصل: بسج انتي عطيني بسلم عليه
ريم تحبطت: فيصل بيكلمك لحظه (عطت اخوها التلفون)
ناصر تحبط: هلااا الفيص
فيصل: هلااااااااااااااوالله .. شلونك ولد عمي ؟
ناصر: اذا انتوا بخير انا بخير
فيصل: كلنا بخير الله يسلمك .. شعلومك؟
ناصر: والله الحمدلله تمام
فيصل: مالك ييه البحرين؟
ناصر: ان شاء الله جريب
فيصل: خبرني قبل
ناصر: ان شاء الله
فيصل: يالله عيل مع السلامه
ناصر: الله يسلمك

ام فيصل: ورا ماخليتني اكلمه
فيصل: يمه ؟
ريم استانست .. صج ان عبالها حاقرها .. بس عالأقل كلمته وتطمنت عليه ..
المشكله ماكانت بروحهه وماقدرت تسأله عن المسج .. ولا عرفت تتحجى اصلن
تمت سرحانه .. بس محد لاحظها
ريم: انا استأذن
ام ناصر: وين يمه تو الناس؟
ريم: لا بس بروح ارتاح ..
ام ناصر: ارتاحي حبيبتي ماعليج شر ..
ام فيصل: بناديج علعشا ان شاء الله
ريم: يمه مـا ..
ام فيصل قطعتها: مافي .. بتاكلين
ريم: ان شاء الله ..
ركبت فوق ..

عقب ماتعشوا وراحوا .. فيصل كان متملل .. ومافيه شده يطلع ويا ربعه
طلع برا .. رفع ثوبه وقعد عالدجه .. تم يحوس في تلفونه .. جاف رقم غريب ( رقم اسماء .. مره اتصلت لها ريم من تلفونه) .. ماكان يعرف رقم من
اسماء حزتها كانت منسدحه تجوف فلم .. بروحهه
فيصل اتصل .. تم يرن يرن يرن .. ماسمعته كانت مشتطه ..
رد اتصل ..
شالته : ألو ؟
فيصل استغرب .. : هلا
اسماء: اهلين .. من ؟
فيصل: رقمج في تلفوني .. !!
اسماء عصبت: احلف بس ؟؟ ( صكته في ويهه)
فيصل استغرب .. رقم بنيه في تلفونه .. من ذي ؟
رد اتصل
فيصل بهدوء: لتصكينه في ويهي
اسماء تفشلت: خير ؟
فيصل: من انتي ؟
اسماء: انا من ؟ انته اللي من ؟
فيصل: انا ؟ انتي من ؟
اسماء: يه ؟ انت اللي متصل الحين .. تبي احد؟
فيصل: لا
اسماء: عيل شلا متصل؟
فيصل: مادري
اسماء: انت شارب شي ؟
فيصل: لا
اسماء: وي ؟ الحمدلله والشكر
فيصل: الحمدلله والشكر
اسماء: شكلك متملل وتبي تسولف
فيصل: بالضبط
اسماء: انا مو مستعده اسولف وياك
فيصل سكت
اسماء: مع السلامه (صكته في ويهه)

فيصل بدا يعصب .. شلا تصكه في ويهي ؟
رد اتصل
اسماء: وبعدين وياك ؟
فيصل: قلت لج لتصكينه في ويهي
اسماء متفشله: آسفه
فيصل: اي .. جذي
اسماء: لا والله ؟
فيصل: شفيج الحين معصبه ؟
اسماء: انت شتبي ؟
فيصل: مابي شي .. ابي اعرف شياب رقمج عندي
اسماء: لتقعد تألف .. شكلك متملل وتطقق ارقام من عندك
فيصل: ماتبين تصدقيني كيفج
اسماء: انزين مابي اصكه في ويهك .. بس بصكه
فيصل: شلا ؟
اسماء: شنو شلا ؟ مب عدله اكلمك .. يالله مع السلامه
فيصل: الله يسلمج ..

صكته .. وهوه تم يفكر .. عجبته .. استانس عليها .. صوتها .. اسلوبها .. كلشي حلو
مادري من الملل ولا صج عجبته .. بس للأسف مايدري ان اهيا اسماء .. وهي ماتدري ان اهوه فيصل
اسماء ماعطت السالفه اهتمام .. تمت تتحلطم : اففف خرب علي الفلم ..

عقب نص ساعه ركب بيرقد ..
اتصل لها
اهيا كانت منسدحه بترقد
فيصل: الو
اسماء: اوهوو
فيصل بهدوء: لتصكينه .. بس كنت بقولج تصبحين على خير .. ( آآيه عالبراءة)
اسماء استحت : وانته من هله ..
فيصل: مع السلامه
اسماء: يسلمك ..



_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:47 pm

اسماء ماقدرت ترقد .. تمت تفكر فيه .. شيبي ذي ؟
فيصل مستغرب .. في شي يشده بس مايدري شنو .. معنى لا جافها ولا شي

ريم من صوب ثاني ماقدرت ترقد ..تمت تحاجي روحها : يعني يتحجى ولا جن مسوي شي .. ولا جن حاقرني
اففف .. ابي اكلمه .. لا اله الا الله .. ليش يسوي فيني جذي ؟ آآآآآآآآآآآه

ناصر تم يحاتيها .. شفيها فلمستشفى .. شصاير لها .. شلونها الحين ؟ شخبارها ؟ شتحس فيه .. أشوى ولا ؟
وليش ماتتصل .. علأقل تعطيني رقمها انا اتصل .. انزين ايميل .. أي شي .. ابيـــــــــــــها ..

فيصل ماقدر يرقد .. تم يتذكر كل كلمه قالتها له ..
يوم أذن الفير .. اتصل لها
اسماء كانت راقده .. شالته وماجافت الرقم
صوتها كان يضحك .. راقده !! : الو
فيصل ابتسم : راقده ؟
اسماء تخرعت: من؟
فيصل: آآسف جان قعدتج .. بس قومي صلي .. أذن
اسماء فيها الضحكه: يزاك الله خير
فيصل: لحظه
اسماء: هممم
فيصل: لا بس .. مع السلامه
اسماء: الله يسلمك

قام يصلي .. وعقب ماصلى .. نطر شوي واتصل
اسماء: انا لله
فيصل: تمللتي مني ؟ آسف
اسماء: لا مب عن .. بس مب عدله .. تدري هالمره مب شايلته
فيصل: لاا لاا .. مابتصل .. بس ممكن اطلب طلب ؟
اسماء: طلب ؟ شتبي ؟
فيصل: باجر دواام .. وانا مارقدت اليوم
اسماء: So ?
فيصل: اصير تقعديني الساعه 7 ؟
اسماء في خاطرها اشتغل عندك ؟
فيصل: اذا مايصير قولي .. بس اذا جفت الألارم بصكه وبرد ارقد .. بس اذا جفت رقمج غير
اسماء مستغربه .. من وين طلع لها هالآدمي : ان شاء الله
فيصل: يعني بتقوميني ؟
اسماء: ان شاء الله
فيصل ابتسم : شكرا ..
اسماء: عفوا .. بااي
فيصل: باي

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:51 pm

][ الجــــــــزء الرابع ][



ريم في السياره تنطر أسماء ..
اسماء توها طالعه من البيت .. دشت السياره
ريم: جان ماييتي بعد .. يالله مانبي نتأخر
اسماء بذرابة: مسامحه الشيخه .. بس شسوي
ريم: الله .. من وين طالعه الشمس اليوم ؟
اسماء: ها ؟
ريم: شعندج صايره ذربه ..؟ شهالأدب ؟
اسماء: انا ؟ الله وكبر لتقعدين تألفين من عندج
ريم: اسوم شفيج ؟
اسماء: مافيني شي .. بس
ريم: متأكده ؟؟ الساعه جم قمتي ؟
اسماء: سبع
ريم: اوووووووه .. من وقت !! شعندج ؟
اسماء: ماعندي .. قحصت بس .. (تغير السالفه) شخبار البارحه ؟
ريم مستانسه: كلمته !!
اسماء: حلفي ؟ واخيرا؟
ريم: عمي اتصل وبعدين كلمته
اسماء: سواد ويهج .. جدامهم كلهم؟
ريم: عادي شفيج
اسماء: وقلتيله شلا حاقرني ؟ريم: لاااااا ماعرفت اتحجى .. بس سكت .. ماحاجيه .. للحين حاقرني .. افف يعني ماكلف على عمره يرد يتصل ولا يطرش مره ثانيه
اسماء: ومستانسه انج كلمتيه ؟ لو انا منج ماكلمته .. ولا اسأل عنه ..
ريم: ماقدرت أيود روحي ..
اسماء: يودي روحج هالمره .. شقالج انزين ؟
ريم استحت : انتي بخير ؟ سلامتج شصاير ؟ شتحسين فيه ؟
اسماء : هههههههههه مالت عليه
ريم: لا عاد .. مارضى
اسماء: انزين انزين .. مالت عليج وعليه ولا تزعلين
ريم: يه ؟


ناصر كان عاللابتوت .. يكلم عبدالله

لو كل غالـي جابـه الله لغاليـه /// ماشفـت لك مخلـوق تبكي عيونـه says:
عبووووووووود
المشكله لاصرت في قمة الشوق .. واللي تحبه مايراعي شعورك says:
هلاااااا
لو كل غالـي جابـه الله لغاليـه /// ماشفـت لك مخلـوق تبكي عيونـه says:
ابيك تطلع لي رقمها بأي طريقه .. =(
المشكله لاصرت في قمة الشوق .. واللي تحبه مايراعي شعورك says:
يعني شلون أطلعه ويا ويهك ؟
لو كل غالـي جابـه الله لغاليـه /// ماشفـت لك مخلـوق تبكي عيونـه says:
مالي شغل !!
لو كل غالـي جابـه الله لغاليـه /// ماشفـت لك مخلـوق تبكي عيونـه says:
أبيه =(
المشكله لاصرت في قمة الشوق .. واللي تحبه مايراعي شعورك says:
حالتك صعبه يخوك
لو كل غالـي جابـه الله لغاليـه /// ماشفـت لك مخلـوق تبكي عيونـه says:
تتطنز ويا ويهك ؟ :@
المشكله لاصرت في قمة الشوق .. واللي تحبه مايراعي شعورك says:
لاااااااااااااااااااااااااااا لا لا .. اتغشمر ويااام
المشكله لاصرت في قمة الشوق .. واللي تحبه مايراعي شعورك says:
ويااك **
لو كل غالـي جابـه الله لغاليـه /// ماشفـت لك مخلـوق تبكي عيونـه says:
ايميلها عالأقل .. =(
المشكله لاصرت في قمة الشوق .. واللي تحبه مايراعي شعورك says:
ان شاء الله من عيوني
لو كل غالـي جابـه الله لغاليـه /// ماشفـت لك مخلـوق تبكي عيونـه Says:
احلف عاد ؟
المشكله لاصرت في قمة الشوق .. واللي تحبه مايراعي شعورك Says:
بحاااول .. تعرق رقم بيتهم ؟
لو كل غالـي جابـه الله لغاليـه /// ماشفـت لك مخلـوق تبكي عيونـه says:
لااااء ماعرف شي .. اللي اعرفه اني ابيها (a)
المشكله لاصرت في قمة الشوق .. واللي تحبه مايراعي شعورك says:
يالحنان الرناان.. اصبر علي شوي !! .. جم تعطيني ؟ (6)
لو كل غالـي جابـه الله لغاليـه /// ماشفـت لك مخلـوق تبكي عيونـه says:
اللي تبي (h)
المشكله لاصرت في قمة الشوق .. واللي تحبه مايراعي شعورك says:
هاهاااي .. بس خلاص اصلن جم يوم وانا عندك .. بس انطر الحجز
لو كل غالـي جابـه الله لغاليـه /// ماشفـت لك مخلـوق تبكي عيونـه says:
ماتيي بدونهاالمشكله لاصرت في قمة الشوق .. واللي تحبه مايراعي شعورك says:
نعم ظ؟
لو كل غالـي جابـه الله لغاليـه /// ماشفـت لك مخلـوق تبكي عيونـه says:
قصدي ييب رقمها ايميلها اي شي بعدين تعال .. فاهم ؟ :@
المشكله لاصرت في قمة الشوق .. واللي تحبه مايراعي شعورك says:
اصير خير .. يالله بقوم انا .. اكلمك بعدين ان شاء اللهلو كل غالـي جابـه الله لغاليـه /// ماشفـت لك مخلـوق تبكي عيونـه says:
وين وين تو الناس ؟
المشكله لاصرت في قمة الشوق .. واللي تحبه مايراعي شعورك says:
برووووووووح يالله بااااااااي

طلع عبدالله اوف لاين .. وتم ناصر بروحه .. افف وينج انتي ؟

اسماء وريم توهم طالعين من الكلاس .. وهمه يتمشون
اسماء: حده متفرغ ..
ريم: شدراني فيه .. مافيني شدة أسويه
اسماء: اففففف ..
ريم: اللاااااااااي جوفي الطير !!
اسماء: آآيه عليه اينن
ريم تحوس في شنطتها تطلع الكيمرااسماء: يالله بسرعه ليطييييير
ريم: اوكي اوكي .. ( بطلت الكيمرا وقعدت تصوره) كيوووووووووت حده حده كيوت
اسماء: بلعدال انتي لايطيير ..
ريم: اوكي اوكي ..
اسماء: بسج
ريم: بعد وحده .. اينن !
اسماء: بس اوكي .. تعالي راويني .. (خذت الكيمرا) يحليييييييله .. طرشيها لي اليومريم مستانسه: ان شاء الله
اسماء قعدت تفرر فلكيمرا وتجوف الصور .. جافت رقم ناصر .. ابتسمت
ريم: اينناسماء: جوفي الرقم شزينه
ريم: هاا !! وي هههههههه
اسماء: اتصلي فيه لا
ريم: لاااااااا ماقدر .. جم مره اقولج ماقدراسماء : انزين عطيني بطق له رنه
ريم: لا لا لا مابي
اسماء: عطيني يزعم بالغلط
ريم: هأ
اسماء: قلت لج عطيني .. (خذت منها التلفون بالقوه) هلمره سمعي الحجي
ريم: اسوم لا .. استحي
اسماء: شنو اللي استحي ويا ويهج .. خليني انا بتصلريم: انزين مسيف الرقم لتطقينه
اسماء: مابي .. (وقامت تطق الأرقام اللي فلصوره)
ريم: لتسوين لي سوالف .. قلبي يدق يدق يدق
اسماء: انزين كلميه شفيج .. ( سوت له مسكول وصكته)
ريم خايفه: رن ؟
اسماء ابتسمت: اييه
ريم: امبيييييه
اسماء: شفيج ؟ عادي .. انتي امحيه رقمه ؟ مب مسيف
ريم: امحي رقمج ولا امحيه
اسماء: ول علييييييييييج
ريم: شلون مو مسيف ؟ متأكده ؟


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:52 pm

اسماء: والله ماطلع لي اسم ولا شي ..
ريم خذت التلفون : لحظه بجوف (قعدت تجوف .. وتقرا الرقمين وتجوف الفرق) ماااااااااااصدقاسماء: غبيه .. شمسويه ؟
ريم تفشلت: الرقم اللي مسيفته انا غلط
اسماء: ماستحمل الغباااااااااااء الزايد اللي فيج .. مالت عليج عيل
ريم: وعليه ظلمته اقول حقرني حقرني ..
اسماء: ماااااااااااالت عليج اقول
ريم: اللااااااااااااااااااي يعني ماحقرني ؟اسماء: جب جب جب
ريم: مساعه الصبح شزينج لبقه .. شياج الحين ؟
اسماء: عيل احد يسوي سواتج ؟
ريم: ماسويت شي .. بالغلط ..

ناصر طلع له no number .. وماعرف من اللي متصل

اسماء: طرشي له مسج ياللهريم: ماعرف شقول؟
اسماء: اباعرف انتي شتعرفين أصلا؟
ريم بغباء: ها ؟
اسماء: ريمووووووو ؟
ريم: شفيج؟
اسماء: طرشيله مسج
ريم: شااااااااااكتب ؟
اسماء تتطنز: أحبك
ريم: من صجي عاااد
اسماء: قوليله انا ريم .. وخلاص
ريم: مب الحين
اسماء: شفيج ريمو .. تخديتي ؟
ريم: ها ؟
اسماء بدت تعصب: رييييييم ؟
ريم: ها؟
اسماء: كتبيله مسج لتبطين جبدي
ريم: انزين انزين .. اكا ( قعدت تكتب ..) شاكتب
اسماء: اي شي اي شيريم كتبت نفس ذاك المسج(مصممة الاخت) .. وطرشته ..: ريجي نشف
اسماء: اييب لج ماي ؟
ريم: لا .. قلبي يدق
اسماء: انا لله
ريم: اسوم وصل !!
اسماء: اي اكيد بيوصل عيل شنو ..
ريم: اسوم اسوم اسوم .. ( رن تلفونها) امبيييييه يرن !! (عطتها التلفون) هاج هاجاسماء: شسوي فيه ؟ ردي يالغبيه
ريم: اخااف .. مابي مابي
اسماء شالته وحطته في اذنه
ناصر: الوو ؟
ريم خايفه: هلا
ناصر مستانس: ريم؟
ريم متفشله: هلا
ناصر مب مصدق: هذي انتي ؟
ريم مب عارفه شتقول: ايه
ناصر متشقق .. بهدوء: هلا والله .. هلا بالغاليه هلاريم مستحيه: هلا فيك ..
ناصر: شلونج ابوي ؟
ريم مشت عن اسماء: الحمدلله .. انت شلونك؟
ناصر: واخيرا ؟؟
ريم استحت
ناصر: فديتج والله .. والله العظيم احبج
ريم استحت .. ساكته
ناصر: احبببببببببببببببببببببج
ريم راحت عليهاناصر: الووووووووو ؟ انتي وياي ؟؟
ريم: اي .. وياك
ناصر: رقمج ابوي ؟
ريم: ايه ..
ناصر: عادي اتصل لج اي وقت؟
ريم: لااااااااااا
ناصر: مايخصني ابوي .. كل يوم بكلمج
ريم: ناصر ؟
ناصر: قللللللب ناصر انتي ..
ريم شب ويهه : ماقدر كل يوم .. اذا قدرت بقوللك
ناصر: انا بتصل.. قدرتي تردين ردي .. ماقدرتي طرشيلي مسج
ريم: لا
ناصر: وراج عنيده ؟
ريم: انا ؟ لا بس ..
ناصر: بس شنو ؟
ريم: اذا اوكي انا بقولك تتصل
ناصر بدا يعصب: اوكي اوكيريم: يالله بروح انا .. اكلمك بعدين
ناصر: لااااااااااا .. خلج وياي شوي .. ماحصلت اكلمج
ريم: ماقدر .. بكلمك بعدين
ناصر: اكيد ؟
ريم: ان شاء الله
ناصر: ريم ؟
ريم: هلا
ناصر: احبج
ريم استحت: مع السلامه
ناصر: الله يسلمج ..

راحت حق اسماء وويهه حمر
اسماء: امبيه .. شقالج سواد ويهه؟
ريم: ماقال شي ..
اسماء: متأكده ماقال شي ؟
ريم تغير السالفه: امشي خندش داخل
اسماء: لا ؟
رن تلفون أسماء .. ويهه انصفق
ريم : ايواااااااااا صدتج .. من ؟اسماء: ها ؟؟ لا ولا شي .. ( صكته وصكت تلفونها) احم .. شسمه
ريم: شسمه ؟
اسماء: لا بس كنت بقول ذاك الـ
ريم تقطعها: حلفي بس حلفي ..؟ شفيج تدودهتي ؟
اسماء تفشلت: انا ؟ متى ؟
ريم زعلت: الحين انا كل شي اقوللج .. اي شي يصير اقولج .. وانتي كل شي من وراي ؟ كل شي بالخش ؟
اسماء: لا ريمو لتفهمين السالفه غلط
ريم: انا فاهمتها صح ..
اسماء: انتي الا مول ؟ سيده بتزعلين ؟
ريم: أسمه ( ماتحب ينادونها اسمه .. بس اهيا عشان تحرها) مب سالفة ازعل
اسماء معصبه: أولن لتقولين أسمه .. اسمي أسماء ..
ريم: اسوم ماتبين تقولين كيفج .. انا الغبيه اللي اقول لج كل شي
اسماء: ريمو شفيج ؟ عطيني فرصه اتحجى
ريم: شعقبه ؟
اسماء: ياربي بسرعه تزعل هالبنت .. الله يعين نصور عليج
ريم سكتت ..
اسماء: تعالي بقولج السالفه انزين .. واحد متصل لي بالغلط .. وبسريم: حلفي بس ؟
اسماء فيها الضحكه: لا يعني شسمه .. قالي اقومه سبع .. وقومتهريم: نعم ؟ تقومينه ؟ مشتغلتلي ألارم انتي ؟
اسماء: مسكين ماعنده احد يقومه
ريم: اهاااااا ... انا بعد اقول جذي .. زين زين
اسماء: ريمو انا بروحي مادري شسالفهريم خزتها:تبين اصدقج ؟
اسماء: اكييد
ريم : انزين بطلي تلفونج .. واذا اتصل حاجيه جدامي
اسماء: حلفي عاد ؟ ذلفي يالله
ريم: ابي اعرف شسالفه
اسماء: اذا صار اي شي بكلمج
ريم: شفيها انزين اذا كلمتيه الحين ؟
اسماء: اوكي اوكي اوكي .. لتحنين .. (بطلت تلفونها ..وغيرت السالفه) شخبار امج؟ريم: الحمدلله زينه ..
شوي الا ران تلفونها
اسماء قلبها قام يدق .. : ريمو مادري ليش قلبي يدق
ريم: ردي


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:53 pm

اسماء قلبها يدق .. : الو ؟
فيصل بهدووء: هلا والله
اسماء: خير ؟؟
فيصل بهدوء: الخير بويهج
اسماء يزعم معصبه: نعم؟
فيصل: آسف .. بس كنت بقولج مشكورهاسماء: على ؟
فيصل: يعني .. قومتيني الصبح .. شكرا
اسماء: عفوا
فيصل يبي يسولف بس مب عارف شيقول: انتي بخير ؟
اسماء: الحمدلله ..
فيصل ابتسم: انا بعد بخير ..
اسماء فيها الضحكه في خاطرها من حاجاك : انزين فيه شي ؟؟
فيصل: اممم .. اصير بعدين أكلمج ؟اسماء: لا مايصيرفيصل: لا سمعيني .. بقولج شي
اسماء موتها احد يقول لها بقولج شي .. : شنو ؟
فيصل: لا مب الحين .. ماقدر الحين .. سالفه طويله (يقص عليها)
اسماء: انزين عادي قولها الحين
فيصل: لا والله من صجي .. عقب عقب بكلمج وبقولج .. صار ؟اسماء: لا الحين
فيصل: قلت لج عقب
اسماء معصبه: قلت لك الحين
فيصل استانس: عقب
اسماء: يه ؟ اقولك الحين
فيصل: تعالي طقيني بعد ؟
اسماء: تصدق يبيلك ؟؟
فيصل: آآيه عليج والله
اسماء بققت عينها : نعم ؟؟؟؟؟؟؟؟؟؟؟فيصل: اوو .. آسف .. والله لا لا مب قصدي شي ..
اسماء: باي (صكته في ويهه)

ريم: ياعيني ياعيني
اسماء: في إيه ؟
ريم: لأ .. مافيش حاقا ياخجي .. ماتبوصيليش كده
اسماء ميوده قلبها: شو هيدي يؤبرني ..
ريم : بعد ؟؟ مشكله .. شقالج ؟
اسماء: جن يعرف ان ماستحمل احد يقولي بقولج شي بس عقب .. مت مت ولا رضى يقولريم : تلاقينه عيار بس يبي يتصل
اسماء: مادري والله فيه .. بس .. عجبني
ريم: حلفي عاد ؟
اسماء: والله من صجي ..
ريم: يوم وليله ؟؟
اسماء: لاا .. ليله ويوم هههه ..
ريم وصلها مسج من ناصر:
"
دام القدر محكوم بأوقات وظروف .. لازاد فيني الشوق وشلون أشوفك؟"
ريم: آآآآآآآآآآآآآآآآآه .. بيذحني هالصبي .. اسوم .. اذا مت ترى من سبته
اسماء: ادري ..
ريم: لا؟ بعد ماتقول اسم الله عليج .. ذلفي بس خل نلحق علكلاس .. امشي
اسماء: يالله

ناصر كان وايد مستانس .. نفسيته تغيرت .. بس في قلبه حجي وايد ومب عارف شلون يقوله
كان فلجامعه UCLA
فواز: يالكديييييييييييش انت
ناصر: انت
فواز: مابغينا نخلص مد تيرمز؟
ناصر: اقولك عاد !!
فواز: كلمت عبدالله ؟ناصر: ايه يسلم عليكم .. قالي باجر بيمشي من البحرين ..
فواز: لا ؟؟ اجل بالسلامه ان شاء الله
ناصر: الله يسلمك
فواز: ناصر .. فيه فلم نازل يقولون مكسر الدنيا
ناصر: شفلمه ؟
فواز: والله مدري وشسمه .. ودك نروح الليله؟ناصر: اوكي والله ماعندي مشكله ..
فواز: أجل خلك جاهز ..
ناصر: ان شاء الله .. بس قول لي قبل ..
(
وصل له مسج من ريم :
الناس تبكي من غلا الحي إذا مات
وأنا تنحدر دمعتي من غلا حي ما أشوفه)
ناصر تكدر .. اتصل لها .. ماردت عليه كانت ويا امها ..
طرشت له مسج : ( I can't talk 2 u r8 now .. SORRY)
فواز: وش فيه وجهك انقلب أزرق؟
ناصر يتغيبه: أزرق مره وحده ؟
فواز: مدري عنك .. خير وشفيها الرساله ؟
ناصر: ان شاء الله خير .. يالله عيل انا بمشي الحين .. هذي ولبي بعد .. أبي ارقد تعبانفواز: وانت دايما تعبان ؟
ناصر: اسم الله علي .. وعليه علي ..
فواز: وعليه .. أجل نشوفك الليله
ناصر: على خير .. يالله مع السلامه
فواز: الله يسلمك ..

فيصل توه داش البيت ..
ريم ونجود وامهم كانوا فلصاله .. يجوفون حلقه
فيصل: السلام عليكم
الكل: وعليكم السلام ورحمة الله وبركاته ..
الموقف اللي فلحلقة كان مؤثر .. كله صياااح وصراخ .. كانوا حدهم مشتطين ..
فيصل يجوف اشكالهم ويضحكريم كانت حدها مندمجه .. ودموعها تنزل ولا تدري عنها ..
فيصل راح وياب لها كلينكس .. خذته بدون ماتجوفه .. عينها فلتلفزيون
فيصل بلعدال: حالتكم صعبه
يوم حطوا دعايه وقف جدامهم عشان يعطونه ويه
ام فيصل: زر يمه .. نبي نجوففيصل: دعايه يمه ..
نجود: وخر عااااااااااد
فيصل: مابي
ريم للحين مندمجه ..
فيصل صرخ في ويهه وقحصت

ريم: يمه شفييييييييييك ؟ خرعتني !! شصاير؟
فيصل: اباعرف شلا تجوفون حلقات ومسلسلات وتعورون قلوبكم ؟
نجود: وانت شحارك الحين ؟
فيصل يطالع ريم: ماحب اجوفكم تصيحون .. ضحكوا .. جوفو فلم يضحك شي ..
نجود: فيصل اكا بتبتدي .. قووووووم
فيصل: الحمدلله والشكر لله الكريم .. انا اركب غرفتي احسن لي
ركب عنهم واهمه ولا معبرينه .. بالهم فلحلقهاتصل حق اسماء .. كانت تجوف الحلقه بعد
رن تلفونه وردت وبالها فلحلقهاسماء: الو
فيصل: الووو
اسماء سكتت تجوف الحلقه ..
فيصل سمع صوت التلفزيون ..
فيصل: شصوته ؟
اسماء: حلقه فلتلفزيون
فيصل: اها .. يالله عيل مع السلامهاسماء: الله يسلمك
صكته وهي مندمجه ولا تدري شقال ولا اهيا شقالت ..
(
اموت واعرف شكانوا يجوفون )
عقب ماكملت الحلقه توها مستوعبه انه اتصل
..
واهو كان قايل لها ان بيقول لها شي ...
كانت متردده ماتدري تتصل او لا ..
اخر شي اتصلت
فز قلبه .. : الوووو
اسماء: هلا
فيصل: هلا فيج هلا والله .. كملت ؟
اسماء تفشلت: شنهي ؟ الحلقه ؟؟
فيصل: اي ؟؟
اسماء: ايي توها
فيصل: تفرغتيلي الحين يعني ؟
اسماء: نعم ؟؟؟؟؟؟؟؟ اجوف الثقه زايده هالايام ؟؟فيصل: شدعوى ؟


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:54 pm



اسماء: شكنت بتقول مساعه ؟
فيصل: انا ؟ مادري ؟ متى ؟
اسماء: مادري انت قلت لي بقولج شي عقب
فيصل يتغيبه: انا قلت ؟؟ شنو الشي ؟
اسماء: ماعرفه ..
فيصل يواصل غباءه: لا يعني مثل شنو .. وضحيلي اكثر
اسماء: وانا شدراااااااااااني قاعده في مخك ولا في مخك ؟
فيصل: في قلبي يمكن
اسماء استحت: نعم ؟
فيصل: شفيج الحين عصبتي ؟
اسماء: مافيني شي .. يالله قول
فيصل: شاقول؟
اسماء: اللي كنت بتقوله مساعه
فيصل: نسيت .. اذا تذكرت بقولج
اسماء: بلا سخافه يالله قول
فيصل: صدقيني نسيت .. باجر باجر
اسماء: لا والله ؟
فيصل: اي والله ..
اسماء: اففففففف كيفك كيفك يالله باي
فيصل: لحظه بقولج شي ..
اسماء: قول
فيصل: تصبحين على خير ..
اسماء: وانت من هله ..
صك التلفون واهوه مستانس .. يحس شي يجذبه لها بس مايدري شنو .. معنى اهمه اللي مايدانون بعض
عقب نص ساعه من التفكير في ست الحسن والدلال الشيخه أسماء .. طرش لها مسج :
(
أدري سلامي جاك في حزة النوم .. آآسف .. ولكن مالطريـــــاك حزه)
اسماء استغربت .. بس مستانسه ومب عارفه شتسوي .. من صجه ذي ؟!
ماردت عليه .. وحاولت ترقد .. ورقدت ..

ريم عقب ماكملت الحلقه ركبت فوق
كانت تعبانه .. قطت راسها ورقدت .. والتلفون كان يمها ..
وناصر كان يتصل واهيا راقده .. ماسمعته ..
يوم رن الألارم حق الصلاه قحصت .. وجافت جم مسدكوول من ناصر ..
توها بتقوم بتصلي الا يرن تلفونها بعد
ريم .. وصوتها يخرع .. ابين كانت راقده: ألووو
ناصر: حبيبتي انتي ليش جذي؟
ريم: ها ؟
ناصر: يعني بزور اسمع صوتج ؟؟ هذي سوات تسوينها فيني .. هب حاله ذي
ريم دايخه: متى
ناصر: اابوي شاربه شي ؟
ريم: يمكن
ناصر: ابوي فيج شي ؟
ريم دايخه .. غمضت عينها ورقدت .. تم يسمعها وهي تتنفس
ناصر: رريم .. ؟
ريم قحصت: هلاا ..
ناصر: ابوي شفيج ؟
ريم: انا صليت الفير؟
ناصر يتغيبه: جن لا
ريم: جفتني ؟
ناصر: لا
ريم: عيل خل اقوم اصلي .. بعدين بكلمك
ناصر: ريم عاد لتسوين فيني جذي .. اذا اتصلت ردي بليز
ريم: بصلي .. نتفاهم عقب .. بااي
ناصر: بااي
تم يقول في خاطره اشكره راقده ولا تدري شسالفه
صلت .. وتمت تستغفر وانسدحت عالسياده ورقدت .. وتلفونها يرن يرن ولا تدري عنه
عقب طرش لها مسج( يــاللي عيونك بالكــرى نومها طاب .. وانا عيــوني نومهــا بالغصــايب ) ..
ولا تدري عن تلفونها

اسماء رن الألارم وصكته ولا قامت تصلي ..
اتصل لها فيصل .. وجن حاس
اسماء سيده شالته: الوو
فيصل: حي الله هالصووت
اسماء: ها؟
فيصل: صليتي ؟
اسماء: أذن جيف؟
فيصل: اي من زمان .. يالله قومي صلي ..
اسماء: ان شاء الله ..
فيصل: ...
اسماء: شكرا
فيصل: على؟
اسماء: ولا شي باي
فيصل: يه؟ .. قولي شفيج؟ شكرا على شنو
اسماء: لتتغيبه من فضلك .. الحين انت مقومني اصلي .. شكرتك .. فيها شي ؟
فيصل ابتسم: كل يوم بقومج عيل
اسماء: لا مشكور
فيصل: مب على كيفج .. يالله باي
اسماء: وي ؟؟ بااي..

_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 3:57 pm

][ الحـــــــــزء الخــــــــــامس ][

الصبح ..
ماوعت الا وهي على السياده .. قامت بسرعه تبدل وراها جامعه ..
جافت تلفونها .. شكثر مسكولات .. كله ناصر
قرت المسج .. عورها قلبها ..
قامت تبي تكتب له مسج مب عارفه .. واخيرا كتبت :
(
انا لا قلت لك غالي تأكد انك الغاليانا لي قلب لا منه عشق سلم مفاتيحه )

كان العصر عند ناصر ..
وصل له المسج وحده استانس .. قام يصارخ : ياناااااااااااااااااس ياعااااااااالم تعشقني !!
كان في وول مارت (سوبر ماركت) يشتريله اغراض حق الشقه
ناصر يحاجي روحه: فديت قلبج يالغلا .. والله احبج ( اتصل لها)
ريم كانت تبدل .. ومن سمعته ركضت الا انصك .. يودت تلفونها نطرته يرن .. مارن .. خلته علجااج ونزلت تحت تتريق ..
ام فيصل: صبحج الله بلخير يمه
ريم: بالنوور يمه ..
ام فيصل: امشي تريقي ويااي ..
ريم: يالله

عيز ناصر وهوه يتصل .. تلفونها فووق واهيا تحت .. ولا عرف يكمل باقي اغراضه .. تم واقفه ينطرها ترد عليه


فيصل قاام بروحه .. من قااام خذ تلفونه واتصل لها
اسماء كانت قاعده تتريق ويا راشد ..
رن تلفونها وقلبها كان يدق .. شالته ويزعم ماتدري من .. كانت خايفه لان وياها رااشد
اسماء: الو؟
فيصل: قمتي ؟
اسماء: من ؟
فيصل: اقول قمتي؟
اسماء ابتلشت: لا اخوي النمره غلط ..
فيصل فهمها ..: مسامحه الشيخه
اسماء: لا عادي ..

راشد: من ؟
اسماء: واحد يبي عبدالله ..
راشد يغير السالفه: اسوم اذا تبين اي شي قوليلي ..
اسماء: افا عليك .. ماتقصر يالشيخراشد: الله يسلمج ..
اسماء: كلمت عمي ؟؟ من زمان عنه
راشد: اي امس كنت ويااه .. سلم عليج
اسماء: الله يسلمه .. ولا يسأل ولا شي .. كلش
راشد: بعد .. ويا اشغاله .. معذور
اسماء: انزين راشد ابي اروح حق ريمو العصر ..
راشد: ان شاء الله بوديج .. اهيا بتمر عليج الحين؟
اسماء: أيي هذاني انطرها
راشد: اوكي صار.. يالله انا بامشي .. (وهو طالع) تحملي فروحج
اسماء: الله يحفظك

فيصل تفشل .. ماكان يبي يحرجها
اتصلت له بتزفه
اسماء: وبعديييييين وياك انت ؟
فيصل: بلعدال بلعدال .. ماحب لصراخ راسي يعورني
اسماء: وانا شعلي منك يعورك راسك ولا مايعورك ؟
فيصل: شفيج الحين هاده علي ؟
اسماء: فشلتني ويا اخوي ماعرفت اتحجى جدامه
فيصل: انزين انا ماكنت ادري انج ويا اخوج ..
اسماء: الحين قلت لك .. دريت ؟
فيصل: اي ..
اسماء: مابي اجوف رقمك في تلفوني مره ثانيه .. سامع ؟
فيصل: اخر كلام ؟
اسماء: ايييييي .. بليز مابي انحرج ويا اخوي ..
فيصل: ان شاء الله .. مع السلامه ( صك التلفون)
اسماء وقفت وماتدري شقالت ..
فيصل ماكان من قلبه .. بس كان يبيها تعرف أو تحس بوجوده عالأقل ..

ناصر خلاص عصب ..
ريم نست تلفونها وطلعت
واهوه عيز يتصل فيها وهي ماترد
ناصر بسرعه يعصب .. واذا عصب مشكله .. يقط حجي مايدري عنه
يحاجي روحه : خل تتصل .. ولا ارد عليها .. اراويها .. جافتني ميت عليها بتذلني ؟

ريم وصلت عند بيت اسماء .. قعدت تحوس في شنطتها تدور التلفون ..
ريم طقت راسها : اففففففف شلون جذي ؟ نسيته ؟ الحين لازم انزل اناديها حضرتها ..
وقفت ونزلت .. طقت الجرس
طلعت لها اسماء: شعندج الا نازله ؟
ريم: لا بس نسيت تلفوني .. شلونج ؟
اسماء: الحمدلله بخير .. وانتي ؟
ريم : الحمدللهفلطريج ..
ريم : االحين تلاقين ناصر عيز يتصل ..
اسماء: انوااااااااع الثقه
ريم: لا من صجي .. تعالي .. شخباره ؟
اسماء: من ؟
ريم: مادري شسمه
اسماء: ولا نا ماعرف اسمه
ريم: مابي اعرف اسمه .. اقولج شخباره
اسماء: زفيته فقير ..
ريم: حتى ذي ماسلم منج ؟
اسماء: تتطنزين ؟ لا ريمو اتصل وانا عند رشود .. تفشلت ماعرف شقول ..
ريم: ياسلام عليج ..

ناصر كان ويا ربعه في ستار بكس ..
كان سرحان ومايفكر الا في ريم .. ريم وبس ..
فواز: ياهوووووووووه .. وين وصلت؟
سعود: البحرين اكيد
ناصر متدوده: ها ؟ لا اهني وياكم
سعود: امبلا .. اخاف الا بسناصر بيغير السالفه: ماقلت لي سعود متى عرس اخوك
فواز: دليل قاااااااااطع منتب معنا من الصبح
ناصر تفشل: ها؟
سعود: قلت مساعه كل شي .. بس انت مب ويانه
ناصر: اسموحلي بس راسي داير
فواز: سعودو ويا وجهك .. قم جيب لي شاهي
سعود: اشتغل عندك ؟ قوم بروحك
فواز: قم ويا وجهك ذا الحلي
سعود: ويهي حلي ؟؟ انت جفت ويهك قبل لاتيي فلمنظره؟
فواز: لا تصدق نسيت؟
سعود: لا ؟
فواز: احلى من وجهك ذا .. تقولناصر يقاطعه: بس عاد .. شفيكم يهال انتوا ؟
وليد توه ياي: هااااااااي قاايز .. واازااب؟
ناصر: وينك ياخي تأخرت ؟
وليد: شسوي الطريق مره زحمه
ناصر مب مشتهي يسوي شي .. عيز وهوه يحوس في تلفونه .. ينطرها تتصل تطرش مسج اي شي .. وهي حاقرته
سعود: ناصر فيك شي ؟
ناصر: لا لا .. مافيني شي .. انته فيك شي ؟
سعود: انا اسألك
ناصر: قلت لك مافيني شي .. انا بامشي تعبان .. اجوفكم باجر ان شاء الله
وليد : وين وين تو الناس .. ؟
ناصر: والله تعبان ..
سعود: سلامتك
ناصر: الله يسلمك .. يالله فمان الله
فواز: الله معك
سعو ووليد: باااي
ناصر: باي


نجود فلمدرسه
فلبرييك
عايشه ياتها ركيض: نجودو نجودو
نجود: ها ها شفيج ؟
عايشه: لتفوتج معلمه فاطمه شلابسه اليوم ..
نجود استانست: حلفييييييييي ؟ اللاي .. امشي امشي خنجوف
عايشه: بسرعه
تموا يطلون عليها من فوق
نجود: هاهاهاهاي كااااااااااااااك ماصدق .. ليلاحقونها البقر بس ..
عايشه : ههههههه اخيي .. كلش ماعندها ذوق
نجود: خلج من الذوق .. جوفي الألواان انتي .. ياعيني يالاخضرررررر
عايشه: لاحظي الأناقه .. حتى دلاقها اخضر
نجود: هههههههههههههه يعلج عووش .. ضحكتيني
مريم: انتوا بس ؟ كله تتطنزون؟
نجود: لتقولين لي عاجبج يا ام الذوق؟
مريم: لا مب عن .. بس اهيا يمكن عاجبها .. شعليكم منها ؟
نجود: فلحقيقه والواقع .. انا بشتكي عليها
عايشه تسايرها: والسبب؟
نجود رفعت يد قميصها: والله انا نفسيتني تنسد حق الدراسه اذا اجوف ثيابها
عايشه: نفس الشعور .. خلاص نشتكي
نجود: والله انج فاهمتنيطق الجرس
نجود رافعها راسها: اففففففففف ماصدق !! شعلينه الحين؟


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 4:01 pm

عايشه: من غيرها ؟
نجود: واي ماستحمل .. اسمحولي شباب باطلع انا
عايشه: وين على الله
نجود: بقول لها مريضه .. امشوا خندش الحين
دشوا الصف .. وقطت راسها علطاوله
دشت المعلمه .. سلمت وقعدت
ونجود حاقرتها ولا جن المعلمه دشت .. يزعم تعبانه
المعلمه راحت صوبها: عسى ماشر؟ شفيها الشيخه نجود
نجود بزور تبطل عينها: آآه .. تعباانه
المعلمه صدقت: ماعليج شر .. ارتاحي ..
نجود: معلمه لمسيني .. حاره ؟
المعلمه تسايرها: شوي ..
نجود: يمكن حراره داخليه .. بس حدي تعبااااااانه
المعلمه: تبين تروحين حق الممرضه ؟
نجود تسوي روحها ماتبي: لا كله واحد
المعلمه: لا شكلج تعبانه .. (تحاجي عايشه) تروحين وياها ؟
عايشه فزت: اي اي اكيد .. يالله النِجِد ..
نجود تسوي روحها بالزور تقوم .. : يالله
طلعوا من الصف .. شوي بس بعدوا .. شلحوا مراييلهم ودبيييييييج الكفتيريا
نجود: هه هه هه تعبببت !!
عايشه: عيل انا شنو ؟ خلاص أيست
نجود: وناسه
عايشه: انزين خنمر عليها اخاف تسألها عقب
نجود: لي جريب تكمل الحصه بنروح .. طلعي البته طلعيها
عايشه تطلع البته: توزعين ؟
نجود: وزعي وزعي..
تموا يلعبون ولا عليهم من الحصه ,,

ناصر رجع الشقه وهوه للحين ينطرها ..
لاعت جبده
دش خذاله شور ..
وريم توها يايه البيت تأخرت .. بسرعه ركيض حق تلفونها .. وجافت شكثر مسكولات ..
سيده طرشت له مسج
(SORRY)
طلع ناصر من الحمام (كرمكم الله) وجاف المسج .. سيده اتصل .. معنه قايل مب متصل
ردت عليه
ناصر حده معصب: لا لتردين .. واللي يسلمج لتردين .. شلا بعد ؟ شلا راده ؟ ابي اعرف شلا
ريم بققت عينها .. تمت ساكته
ناصر رفع صوته: توج متفرغه ؟ توج تذكريني يعني ؟
ريم بهدوء: ناصر انا
ناصر يقاطعها: لتطلعين لي اعذار .. حفظتها خلاص .. شبتقولين بعد ؟ تبين تذليني انتي؟
ريم مستغربه: شاذلك الله يهداك .. خلني اتكلم
ناصر: اجوف قولي ..
ريم بهدوء: بقولك .. بس مادري جان بتصدقني ولا لا .. بس بليز اسمعني
ناصر: قولي
ريم: نسيت تلفوني فلبيت ورحت الجامعه والله العظيم .. ومافي اعظم من الله احلف به
ناصر يحاول يصدق: حلفي ؟
ريم ببراءة: والله
ناصر يبرر موقفه: وانا شلي خص ..؟ تنسين تلفونج وانا اتوهق ؟ ماتقولين في واحد يحاتيج ؟ ميت يبي يسمع صوتج؟
ريم: آسفه .. بس بعد انت ظلمتني
ناصر بهدوء: آآآآسف .. والله آآسف
ريم ياتها الصيحه .. وتمت تصيح .. وهوه يسمع صياحها
ناصر: حبيبتي تصيحين ؟ الوو .. ؟؟ ريم قلبي .. حاجيني
ريم وهي تصيح: هلا
ناصر عوره قلبه: لتصيحين ابوي .. والله آسف .. بس كنت احاتيج .. شسوي ؟
ريم: لتسوي شي .. يالله باي
ناصر: رييييييييم .. لا حبيبتي لا .. نطري شوي .. بقولج
ريم: نعم؟
ناصر: احبج
ريم استحت
ناصر: ماتصكينه الا وانتي راضيه علي .. يعني انا اللي زعلان منج والحين انتي اللي زعلتي
ريم تتدلع: تزعل علي يعني ؟
ناصر: لا عاد بليز لا.. ماستحمل هالدلع انا .. حدي اروح فيها
ريم ياتها الضحكه : ههههههه
ناصر: آآآآآآيه على هالضحكه .. ترى حدي اتخسبق .. اتدوده .. يوزي عني
ريم ماتستحمل: ههههههههههههههههههههههههههههههههههههههههههه
ناصر من صجه: ابوي شوي شوي علي .. مب هلون عاد
ريم: ناصر شفيك ؟ هههههه
ناصر: حبيبتي ؟
ريم: هلا
ناصر: تعرفين روحج انج حبيبتي يعني ؟؟ حدج واثقه
ريم انصدمت: ها ؟
ناصر: هههههههههه آآيه عليج .. راضيه علي؟
ريم: اكيد ..
ناصر: احبج
ريم مستحيه: انته بخير؟
ناصر: لااااااا حلفي بس ؟؟ توج تسألين يعني ؟؟
ريم: انت الله يهداك ماعطيتني فرصه اتكلم
ناصر: تهمج اخباري؟
ريم مستحيه: اكيد
ناصر: اذا انتي ابخير انا بخير ..
ريم في خاطرها انا اللي ماستحمل وبروح فيها مب انت
ناصر: ابوي ؟
ريم: هلا
ناصر: لتعيدين هالحركه مره ثانيه .. عشان خاطري ..
ريم: ان شاء الله .. وانت لتعصب علي جذي ماستحمل
ناصر: عاد قلنا حساسه عاد مب جذي .. ماقلت شي انا سيده تصيحين؟
ريم: شسوي ؟
ناصر: ابي اجوفج
ريم: ها ؟
ناصر: من صجي .. انطر هالكورس يخلص بسرعه عشان ايي
ريم استحت: ان شاء الله جريب
ناصر: تبين تجوفيني يعني؟
ريم راحت عليها: بس عاااااااد ماستحمل
ناصر ابتسم: اووه .. انتي بعد ماتستحملين ؟
ريم ميوده قلبها: حدي لا استطيع
ناصر: هههههه آآيه عليج ..
ريم: معليه ناصر رفيجتي بتييني الحين .. بنزل لها
ناصر: ايه .. من لقا ااحبابه نسى اصحابه


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 4:01 pm

ريم: افا عليك ؟ شهالحجي؟ تبيني ازعل؟
ناصر: لا واللي يسلمج .. بس خلاص حبيبتي روحي لها .. بس كلميني عقب .. طلبتج
ريم: ان شاء الله من عيوني .. يالله مع السلامه
ناصر: لحظه ريمو ..
ريم: هلا
ناصر: احبج
ريم ويهه صار احمر: مع السلامه
ريم بشيلتها ودفتها مامداها تبدل .. بسرعه دشت تتسبح وتبدل ..
اسماء وصلت البيت ..
عيزت تتصل حق ريم ماتشيل ..
اتصلت حق نجود : الوو
اسماء: هاااااااي
نجود: هلا هلا
اسماء: وين اختج؟
نجود: مادري عنها ..
اسماء: انا برا .. مت من الحر .. تعالي دخليني
نجود: يعني ماعندج ريول تدشين فيها .. درعمي يبه محد فيه
اسماء: لا لا استحي .. انتي تحت؟
نجود: اي .. بس مافيني شده اييج
اسماء: بليز نجوودو تعالي
نجود: انزين يالحنانه .. شحلوج لي ترجيتي .. مالت على هالويه .. كاني يايه
طلعت لها نجود بالبيجامه
نجود: حياااج
اسماء: الله يحييج .. في احد فلصاله ؟
نجود : الا فصوول منسدح..
اسماء: اوهو ..
نجود: ماعليج .. دشي وانتي ساكته عشان مايحس فيج .. ركبي لها فوق .. انا بروح المطبخ
اسماء دشت بلعدال .. تحنقلت من الدفه وطاحت .. قحص فيصل وجاف وحده طايحه .. عباله امه
راح لها ركيض .. يوم جافها اسماء ماقدر يرد .. مب عدله عليه .. كانت تكسر الخاطر
فيصل: عطيني يدج
اسماء متفشله: لا مايحتاي .. (عفست ويهه من العوار) بقوم بروحي
فيصل: لتدلعين .. عطيني يدج
اسماء: مابي قلت لك ..
فيصل: تعورتي ؟
اسماء: افففففففف وانته شعليك ؟ تعورت ماتعورت .؟؟
فيصل: انا غلطان .. مالت عليج وعلى هالويه
اسماء عصبت.. بالزور قامت: وعليك
فيصل: بلعدال لتدبقين مره ثانيه
اسماء يودت روحها .. ماتبي ترد عليه .. ركبت فوق وريم كانت تبدل
طقت عليها الباب
ريم: دقييييييييييقه
اسماء: بسرعه يالشاقول
ريم ركيض تبطل الباب: آآسفه حبيبتي
اسماء معصبه: جب لتحاجيني
ريم: شصاير؟
اسماء فيها الصيحه: بس
ريم: اسوم ؟ صاير شي ؟؟ رشود فيه شي ؟؟
اسماء صاحت: اكرهه .. تعرفين يعني شنو اكرهه ؟
ريم: من ؟
اسماء وهي تصيح: اخوووووووج من غيره
ريم: الحين تصيحين عشان هالسالفه ؟ بس حبيبتي سكتي عشان افهم شسالفه .. قومي غسلي ويهج يالله
اسماء: مابي ..
ريم: قومي قلت لج غسلي ويهج
راحت اسماء تغسل ويهه ..

ريم: يالله قوليلي شفيج
اسماء: دفتي طويله (رفعت يدها تدّعي) حسبي الله عليك يالهندي
ريم: اي هندي ؟ شدخل؟
اسماء: مال لدفاااف .. خو دست عليها وطحت .. وياني اخوج .. يقولي عطيني يدج
ريم ابتسمت: وااااااااااااااااااي قلبي
اسماء: شتبين انتي ؟ سمعيني خل اكمل
ريم: قولي
اسماء: قلت له مابي ومادري شنو ..ومادري شنو صار بالضبط المهم زفيته .. وقالي انا غلطان اللي يايج ومالت عليج ومادري شنو
ريم: خداي يخديج انتي وهوه .. ياللوسه جان عطيتيه يدج ؟؟ والله يصير فلم هندي عجيب .. اللاي حده فن
اسماء: جب أي فلم هندي انتي بعد؟
ريم: اللاي جانزين انا جذي
اسماء: من صجج ؟
ريم مستانسه: ايي خاطري اطيح بعدين يشيلني ومادري شنو .. وناسه ..
اسماء: اقول جب انتي وحلامج اللي نفس ويهج
ريم: انزين انزين .. كل مره تيين بيتنه لازم تسوين لج سالفه
اسماء: مب انا .. اخوج
ريم: اخوي شزينه .. زين منه ياي بيساعدج
اسماء: خلي مساعداته له .. مابي منه شي
ريم: الحمدلله والشكر .. يالله انزين خنبتدي فلبروجكت
وصل مسج حق ريم
(..Reem 7Bebty Can I have your e-mail address plz ?? a7bbbbbbbch =*)
ابتسمت
اسماء: شفييييييج يحظي ؟
ريم مستحيه: نصوور
اسماء تقلدها: نصوور
ريم: لحظه بس بطرش له ايميلي ..
اسماء: بعد ؟؟ تطورات ..سمعيني الحين اذا بنسوي سيرج لتبطلين المسنجر
ريم: شلا؟
اسماء: اي عشان تجابليننه ولا بنسوي شي ..
ريم: لا بخليه اوف لاين ..
اسماء: لا مافي .. ولا اوف لاين ولا بزي .. مسامحه
ريم: انزين انزين ..
نجود دشت عليهم: شباااااب ..
ريم: هلا
نجود وهي تاكل موز: شخبار؟
اسماء: تعالي تعالي ساعدينه وبسج أكل
نجود: شتبون .. آمروا
ريم: خليها عنج .. يالله خندور
نجود تحاجي اسماء: جوفيها ؟ يعني ابدا ماتشجع القدرات اللي اتمتع فيها
اسماء: خير ؟؟
نجود: بس بس ولا شي ..
ريم سرحت
اسماء: نجودو .. نجودي حبيبتي
نجود: عياره .. شتبين؟


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 4:03 pm

اسماء: ريجي ناشف .. تيبين لي ماي ؟ بليز
نجود تطالع فوق وتحت ويمين ويسار : افكر فلموضوع
اسماء: حدي ريجي ناشف .. اذا اخوج محد بنزل انا بييب لي
نجود :لا لا افا عليج شدعوه ؟ احنا الداشين وانتي الطالعه افا عليج بس
اسماء مب مستوعبه: ها ؟
نجود: شعرفج فلأمثال انتي ؟
اسماء: لا بس اذا ماخاب ظني مقلوب ؟
نجود: شمقلوبه انتي بعد ؟ تبين ماي ؟؟ ( وهي طالعه) قالت مقلوب قالت ..
فيصل كان تحت
ماعطته ويه راحت خذت جق ماي بارد وثلج وقلاصات .. وركبت
وهي عالدري فيصل توه جايفها: نجوود أبي
نجود (وهي راكبه) : في فلمطبخ
فيصل : يالدبه ريجي ناشف
نجود (التفتت له): كسرت خاطري وعليه ..
فيصل: من صجي احاجيج
نجود تفكر: ماخبر نشفة الريج تعادي
فيصل: ها ؟ شنهي نشفة الريج بعد ؟
نجود توضح: يعني اذا الواحد ريجه ناشف
فيصل: ليش من ناشف ريجه بعد؟
نجود: محد محد .. تبي ماي تعال اخذ .. ولا روح المطبخ .. بعد لي الخمس وبمشي
فيصل: روحي بس روحي .. باروح اييب لي انا
نجود: واحد .. اثنين
فيصل: قلت لج روحي
نجود: ثلاثه .. اربعه
فيصل: يه؟
نجود: بغششك .. أربع وربع .. أربع ونص .. بسرعه ؟
فيصل ركب وصب له ماي وهوه نازل: شكرا
نجود: مايترس عينك الاالتراب
فيصل مب فاهم: شدخل ؟
نجود: شفهمك انت ؟دشت عليهم
اسماء بسرعه راحت تشرب .. شربت 3 قلاصات : ماصدق !! بطني انترس ماي وللحين ريجي ناشف
نجود: افففف .. هذي أعراض مرض خطير
اسماء صدقت: حلفي؟
نجود: ايي .. قايل الدكتور اذا 3 قلاصات وانترس بطنج ومافي فايده ! خلاص هذي المرض وصل حده
ريم: 3 قلاصات لازم ؟
نجود من صجها: 3 قلاصات ..
اسماء: اسم الله علي اسم الله علي تف تف تف .. لاتفاولين!
نجود: كيفج .. ترى تزيد الأعراض .. يعني باجر تشربين 6 ومافي فايده
ريم: نجود بس لتخرعين لبنيه .. ترى تصدقج
أسماء: تولي زين اصدقها .. لواستها الزايده بس ..
تموا يشتغلون على البروجكت
وفيصل مايشتهي يسوي شي .. عينه علتلفون .. ومايبي يتصل .. وينطرها تتصل ..
قام ركب يبدل عشان المباراه
واهوه طالع طلت عليه نجود من البلكون .. طلت عليه من فوق
نجود: وشلون كلاااااااهم ؟
فيصل يضحك
نجود مصممه: وشلون كلاااااااااااااهم؟
فيصل يسايرها: الذيــب كلاهم
نجود: عفيه ..

اسماء تمت تتصل حق اخوها مايشيل ..
تتصل لي ماينقطع .. وترد تتصل .. ويرن يرن لي ماينقطع .. وترد تتصل
وهذي سالفتها
تمت من صلاة المغرب لي صلاة العشا
واهي ميوده التلفون وهذي حالتها
ريم: بس عااد .. شفيج ؟ يمكن ناسيه
اسماء خايف: لا .. أكيد صار في شي ..
ريم: انزين ورا تفاولين عليه انتي ؟ لا مافيه الا الخير .. يمكن ناسيه فلسياره ولا شي ..
اسماء ميوده التلفون وتتصل
ريم: حبيبتي خلي التلفون .. هدياسماء: شلا مايرد علي ؟
ريم: اي قلت لج يمكن طايح منه .. ناسيه .. سايلنت مايسمعه
اسماء مدمعه عينها: ريمو صارلي اكثر من ساعتين اتصل
ريم مب عارفه شتقول: انزين يعني لتخلين الأفكار المب زينه تييج .. حطي شي زين في بالج
اسماء وقفت: ماقدر
ريم يودتها: قعدي قعدي
اسماء تمت تدور .. رايحه وراده .. والتلفون في يدها
ريم : لا اله الا الله
اسماء متوتره: يااااااااااااااااااربي .. يارب يكون بخير
ريم: آآمين ..
اسماء تمت تصيح .. وريم ماتستحمل تجوف احد يصيح جدامها .. تموا يصيحون ثنتينهم
دشت عليهم نجود.. طقت يدها: وه ؟ شفيكم؟
محد رد عليها
نجود: بسم الله شصاير؟
رن تلفونها .. الا راشد
بسرعه ردت عليه قامت تصارخ : رشوووووووووووود !!
راشد: هلاا
اسماء مب مصدقه .. تمت تصيح
راشد خايف: اسومتي شفيج ؟
اسماء تصيح
راشد: شفيييييييييييج ؟
اسماء: انته بخير؟
راشد مستغرب: الحمدلله.. شفيج ؟
اسماء: احاتيك
راشد: متأكده؟
اسماء: اي والله
راشد: انتي في وين؟
اسماء: عند ريمو
راشد: ريمو مهاوشتج ؟ طقتج ؟ سوت لج شي ؟؟ كاني دقيقتين وانا عندكم
اسماء مب مستوعبه: اوكي
راشد: باي

ريم تضحك: اقول ماااااااااااالت على ويهج يالشاقول
اسماء تضحك وتمش دموعها: اكا بيي
ريم: ارتحتي الحين ؟ كلمتيه ؟ برد قلبج؟
اسماء: لا .. خل اجوفه قبل
نجود مب فاهمه شسالفه: الحين تصيحون وتضحكون مره وحده ليش؟ ممكن افهم؟
اسماء: اقول انتي بطلي الدريشه وطيري أحسن لج
نجود: غبيه اسوم

راشد عباله فيها شي .. كان حده مسرع


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 4:04 pm

سوى حادث وتقلبت فيه السياره ومات .. ويوم درت اسماء ماتت .. ويوم درت ريمو ماتت .. مات ناصر يوم درا .. وكل اللي في القصه ماتوا .. حتى آنه .. اقص عليكم هيي
امبلا اهوه كان حده مسرع .. المهم

راشد اتصل: اسوم انتي بخير؟
اسماء: اي
راشد: يالله انا انطرج عند الباب
اسماء: اوكي

سلمت عليهم ووصلوها عند الباب
ريم: لتأخريني الصبح
اسماء: ان شاء الله .. يالله نجوفكم
ريم: على خير..
اسماء وهي طالعه: بااااي

ركبت السياره
راشد خايف: شسوو فيج؟
اسماء بغباء: من ؟
راشد: ليش كنتي تصيحين ؟؟ تدرين بغيت أدعم الحين ؟ خفت انهم طاردينج ولا مسوين لج شي
اسماء مب مستوعبه: ليش يطردوني؟
راشد: افففففف انتي بعد .. اسماء .. ركزي معاي .. ليش كنتي تصيحين؟
اسماء: احاتيك
راشد: شتحاتين فيني؟
اسماء: حرام عليك عيزت اتصل بك ولا تشيل !!
راشد: ماتدرين مباراة محرق اليوم ؟ فلمباراه وتلفوني سايلنت وماسمعته .. اعتذر
اسماء: سوينه فلم هندي مساعه
راشد: انتي على أي شي تصيحين ؟ اي والله احاتيك .. ياهل انا تحاتيني؟
اسماء: اوو عاد راشد شفيك الحين؟
راشد: خرعتيني
اسماء: انت اللي خرعتني الله يهداك
راشد: بس خلاص يبه اعتذر ..
مره وحده ضحكت: اوه ههههههههه توني مستوعبه
راشد: توه واصل المسج ؟؟ زين ماتأخر اليوم .. الشبكه جيده
اسماء: تتطنز؟
راشد: أسوم يوعان اتصلي في ميريو ختسويلي عشى .. تعشيني انتي ؟
اسماء: اي الحمدلله

ردت البيت .. وركبت غرفتها تبدل .. تعودت ان فيصل يقول لها تصبحين على خير ..
واليوم صااخ ..
ماعرفت شتسوي ..
ولا قدرت تيود روحها
طرشت له مسج
(
تصبح على خير)
فيصل كان توه داش البيت .. جاف المسج وابتسم .. ماكان متخيل انها بتطرش له .. بس قال مابرد عليها .. خل تشتاق لي
راح حق اخته يسولف وياها قبل لاترقد
ريم: وشخبار الشغل؟
فيصل: هذهوه ماتغير ..
ريم: الحمدلله ..
فيصل: وانتي شخبار الدراسه؟
ريم: اوكي تمااام
فيصل: يقولون مسويين سكولار شب مادري شنو .. اجوف واحد من الشباب يسولف
ريم: وي ذكرتني .. رفيجتي سجلت اسمي ولا رحت اسأل شسالفتها
فيصل: زين .. وين بيسفرونكم عاد ؟
ريم: والله مادري قلت باسأل
فيصل: زين ..
ريم: جنك تبي تقول شي ؟
فيصل .. تم يفكر .. اقول لها ولا لا .. : لا مافيني شي ..
ريم: متأكد ؟
فيصل: متأكد .. ريم؟
ريم: هلا
فيصل: ماراويتيني آخر ابداعاتج فلتصوير
ريم استحت: ياسلام؟
فيصل: عطيني الكيمرا خل اجوف
ريم توها بتعطيه .. تذكرت رقم فيصل..: اوه لحظه بمحي شي
فيصل يبي يجوف: شنو؟
ريم: لا لا لتجوف .. رفيجتي مب متحجبه
فيصل صدق ..محت الصوره وعطته الكيمرا .. قعد يجوف الصور ..: واااو .. حلوين
ريم مستانسه: عيونك الحلوه
فيصل: كل شي تمام ؟ محتاجه شي ؟؟ ناقصج شي ؟
ريم: فديتك كل شي تمام .. لتحاتي
فيصل: اهتمي في صحتج .. ترى الدلع مايفيد
ريم: أي دلع ؟
فيصل: مادري عنج !! .. اكلي زين .. سامعه ؟
ريم ابتسمت: ان شاء الله
فيصل: عيل وين نجود ؟ كل ليله تسهر عندج؟
ريم: راحت غرفتها ترقد .. تقول تعبانه
فيصل: بروح اجوفها .. يالله تبين شي ؟
ريم: مشكور .. سلامتك والله
فيصل: تصبحين على خير
ريم: وانت من هله

راح حق نجود .. كانت منسدحه تجوف ليالينا
فيصل: رقدتي؟
نجود: انته شرايك؟
فيصل راح قعد يمها: شخبار الدراسه؟
نجود: فيصل حبيبي لازم تقثني قبل النوم وبعد النوم وفي الأثناء؟
فيصل: اسأل .. شفيها؟
نجود: الدراسه ومالت على الدراسه .. يخي انا بقعد فلبيت بس خل اكمل الثنوي ..
فيصل: والجامعه؟
نجود: خل الجامعه لهلها .. انا بعرس وبقعد اجابل عيالي وريلي احسن لي ..
فيصل: لا ؟
نجود: اي .. عيل تبيني اقط عيالي علخدامه ؟
فيصل: بووووو حدج واثقه .. ومن ذي اللي بياخذج؟
نجود نست روحها: هذاني أدور فلمجله ..
فيصل: نعم شقلتي ؟نجود: لا اقول شسمه ذاك شسمونه .. اووووووه الفيص عندي ؟ شلونك؟
فيصل: شقلتي اقول؟
نجود تضيع السالفه: أما خوش بنات فلمجله .. فصول ليفوتونك .. قطع قطع
فيصل: عن هالخرابيط .. قومي رقدي احسن لج باجر وراج مدرسه
نجود: شوي وبرقد
فيصل قام: يالله تبين شي ؟


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأميره
مشرفة القسم العام
المشرف المميز لهذا الإسبوع
مشرفة القسم العام  المشرف المميز لهذا الإسبوع
avatar

انثى
عدد الرسائل : 3067
المزاج : عال
تاريخ التسجيل : 25/08/2007

مُساهمةموضوع: رد: [ " قصة عشان الحب ... والي بيني وبينك " ]   الإثنين سبتمبر 03, 2007 4:04 pm

نجود: امممم .. بفكر
فيصل: في شي ؟
نجود: لا لا بس .. سلامتك
فيصل: الله يسلمج ..

طلع فيصل من عندها .. وراح غرفته يرقد
انسدح يفكر في اسماء .. وتم يتخيل شكلها .. تخيلها تتصل فيه .. تسولف .. ويسمع صوتها
واسماء متضايقه لان مارد عليها
تمت تفكر .. تتصل ولا ماتتصل .. لا مب عدله .. ماقط روحي على واحد مايبيني
ماقدرت ترقد
ونطرت لي مايأذن يودت التلفون
تتصل وتصكه قبل لايرن
يوم خلاص ماقدرت تتسحمل اتصلت .. واللي فيها فيها
فيصل كان راقد .. جاف رقمها فز .. بس قال بيثقل شوي
فيصل: الو
اسماء: هلا
فيصل يتدلع: من ؟
اسماء تفشلت: ها ؟ لا بالغلط
فيصل يضحك: تعاااااااااالي ..
اسماء تتدلع: خير؟
فيصل: لا بس ولا شي ..
اسماء: ها ؟
فيصل يتدلع: شفيج ؟ شلا متصله
اسماء عصبت: قلت لك بالغلط
فيصل يتدلع: علييينه ؟
اسماء تفشلت: اوهوو .. يعني شتبيني اسويلك عشان تصدقني
فيصل: ولا شي ..
اسماء: اوكي كيفك يالله باي
فيصل: تعالي عاد .. شفيج عصبتي ؟
اسماء: ماعصبت .. ومايخصك زين ؟ يالله باي
فيصل: افا .. شوي شوي علي
اسماء: بس مابي اجوف رقمك عندي فاهم؟
فيصل ببراءة: انا ماتصلت .. انتي اتصتلي
اسماء: غلطااااااااانه
فيصل: افا عليج بس .. اتغشمر .. ماتشدين غشمره ؟
اسماء: لااا
فيصل: خلاص أتوب .. ماتغشمر كلش
اسماء: مايخصني فيك تتغشمر ماتتغشمر .. بس خلاص مابي اكلمك
فيصل: اشك تقدرين
اسماء استحت: اقولك الثقه زايده هالايام ماتصدقني
فيصل: انا قلبي دليلي
اسماء: عشتو .. خل اقوم اصلي احسن لي
فيصل: بصلي وبتصل لج .. ممكن؟
اسماء: لاااااااااء .. بصك تلفوني ..
فيصل: اشك تقدرين
اسماء: انا لله .. اقول ؟ مع السلامه
فيصل فيه الضحكه: الله يسلمج


_________________



كم هو رائع أن أكون معكم هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
[ " قصة عشان الحب ... والي بيني وبينك " ]
الرجوع الى أعلى الصفحة 
صفحة 1 من اصل 14انتقل الى الصفحة : 1, 2, 3 ... 7 ... 14  الصفحة التالية
 مواضيع مماثلة
-
» "اجمل جواب حب وغرام من القلب"!!! ايه رايكو ؟
» من بين "ثنايا الروح وحنايا الأضلع"
» "مــــوضـوع حـــزين جــدا"
» " عز الله اخطا من مسميك رجّال"!!!
» بعد واقعة "كامب نو" الشهيرة .. لاعب برشلونة يحترف "التمثيل المسرحي" بدلأ من الكرة

صلاحيات هذا المنتدى:لاتستطيع الرد على المواضيع في هذا المنتدى
![ منتديـات أتعبتـني ]! :: ®؛°¨°؛®][ أقسـام أتعبتـني الأدبية ][®؛°¨°؛® :: ![ أتعبتـني القصص والروآيات ]!-
انتقل الى: