[ " قصة عشان الحب ... والي بيني وبينك " ]

فيصل: روحي سلمي نجود وعينها علتلفزيون: دقيقه بس خل يكمل
فيصل ركب عنها فوق ..
طق الباب على ريم .. كانت تتعطر .. : حيااك
فيصل دش عليها: صح النوم
ريم متفشله: امبيه .. لا لأن
فيصل يقاطعها: مابي اعرف .. (يخزها) اهم شي بتيي ؟
ريم ماستوعبت: من ؟ وي وي اي اوكي توني فاهمه اسوم ؟
فيصل ابتسم: ومن غيرها ؟؟
ريم: ان شاءالله بتيي
فيصل: وتدري اني انا وياكم ؟
ريم فيها الضحكه: قلت لها مب الظاهر ماستوعبت ..
فيصل: احسن .. اهني استيعابها الداق يفيد ..
ريم ابتسمت: يعني ؟
فيصل: اقولج اخوها حده فااج .. عيزت وانا انطر مب حاله ذي ؟؟ جوفي ناصر .. في يوم واحد ماشالله عليه سوى كل شي !! وانا من متى انطر ؟
ريم: وي فصول .. تبيني اكلمها ؟
فيصل: شتقولين لها ؟؟
ريم: تقول حق اخوها والله في واحد خطبني ومن هالسوالف .. يبي يكلمك
فيصل: كلمته جم مره .. بس الظاهر نساي ويبيله من يحن عليه
ريم تفكر: جوف .. قول له حدك الاسبوع الياي .. انا وابوي بنييكم .. عشان يحس ويسوي كل شي بسرعه .. ولا شرايك ؟
فيصل: بكلمه اليوم .. مصخهه ..
ريم: تهقى يبي يسأل عنك يعني ؟
فيصل: ماقااال !! اصلا اهوه للحين ماكلمها !! عيزت ماحب انطر
ريم: معليه الله يكتب اللي فيه الخير لتحاتي .. ان شاءالله يكلمها اليوم .. ان شاءالله
فيصل: بعد اسوم اعرف رايها بس .. لازم نروح حق عمها
ريم: وي عمهم بعد ؟؟ مب وايد وياه اهمه
فيصل: ادري بس اسمه عمهم .. اوه تعالي ..
ريم: شصاير بعد ؟
فيصل: ينطرونج تحت .. امشي
ريم: جيف ياو ؟؟
فيصل: اي يالله امشي ..
ريم خذت تلفونها: يالله ..
نزلوا علدري ..
فيصل: كل هالكشخه عشان نصور ؟
ريم استحت: اي كشخه ؟ تتطنز ؟
فيصل ابتسم .. وريم تمت ساكته ..
نجود يوم جافتهم بسرعه راحت صوبهم: للللللللللللحظه .. بايي وياكم نطروا ..
دش فيصل الميلس ..
وريم قلبها يدق .. دشت وراه ..
ناصر من جافها فز .. راح يمها .. خذ يدها وباسها .. وريم متفشله ! ماتبي ترفع عينها وتجوفهم كلهم يجوفونها !!
وناصر مايهمه احد .. ميود يدها بالقوه وحده جريب منها: صباح الخير
ريم بحيا: بيأذن العصر ؟
ناصر بهدوء وهوه يخزها: تو مابدى صبااحي ..
ريم متفشله .. شب ويهه .. تبي تسوي شي .. تبي تقول شي .. تمت واقفه وهوه واقف جدامها
ناصر بهدوء: انتي ليش جذي؟
ريم مستغربه .. ببراءة: شفيني ؟
ناصر يخزها من فوق لي تحت: ليش جذي حلوه ؟ ماستحمل ..

ريم متفشله: شرايك نيلس ؟؟
ناصر واقف مكانه ومب راضي يهد يدها ..
ريم متفشله منهم كلهم ..بهمس: بروح اسلم عليهم مب عدلهناصر: مرتي وكيفي
ريم بهمس: شوي بس بسلم بلييز
ام ناصر حست بويه ريم قالت بتنقذها: هلا بالعرووووسه هلاريم بسرعه سحبت يدها بنعومه وراحت تسلم عليها
ام ناصر: ماشالله تبارك الرحمن شهالزين ؟
ريم مستحيه .. راحت تسلم على عمها .. وابوها بعد ..
ناصر تم متجتف ينطرها تخلص ..
يوم سلمت على ابوها سحبها تقعد يمه ..
ناصر للحين واقف يخزها ..
ريم ماتبيه يعصب .. تمت تطالعه ببراءة ..
بوفيصل: حيااك ناصر تعال ايلس شفيك واقف ؟؟
ناصر راح قعد يمها .. هوس على يدها بالقوه بهمس: لتعيدين هالحركه .. فاهمه ؟ريم تطالعه ببراءة: ان شاءالله
ناصر ميود يدها ويلعب باصابعها ..شبك يدها بيده وتم مهوس عليها بقوه ..
وريم متفشله من جرئته .. اهوه عادي بس .. جدامهم .. فشيلهنجود تبي تغير الجو: النصري مادريت ؟
ناصر التفت يطالعها: شصاير ؟
نجود تخز ريم: ويييي ماقلتيله ؟؟
ناصر يخز ريم: شصاير ابوي ؟
فيصل: انا انا بقول لك .. اليوم ينطلع عقب الغدا ..
ناصر ابتسم: زين .. وين بتروحون؟نجود نطت: مادري للحين ماقررنا ..
ناصر: زين ..
تسند ناصر علكرسي .. وخذ يده وحطها على جتف ريم وجربها صوبه ..
ريم تحس باحرااااج تحس الكل يطالعها ..
ناصر حس فيها بس سكت وماقال شي ..
شوي ودشت ام فيصل تناديهم يتغدون ..
راحو كلهم بس ناصر ميود ريم مايخليها تتحركريم راسها على جتفه .. وهوه ماخذ يدها ويحرك اصابعها ..
ريم رفعت راسها تبي تجوفه ماتقدر .. : عمري ؟
ناصر: قلبي انتي
ريم: شرايك نقوم نتغدى ..
ناصر : بقوم .. بس بشرطريم: آآمر
ناصر هدها .. وخلاها تجابله: تأكليني؟
ريم توهقت: ااكلك ؟
ناصر: اذا تبيني اتغدى .. ماباكل الا من يدج .. واذا يرضيج تخليني باليوع .. كيفج
ريم ابتلشت .. : امبلا بأكلك بس .. (بهدوء) جدامهم ؟؟
ناصر مب فاهم: شلفرق يعني جدامهم ولا وراهم ؟ريم متوهقه: عمري عاد .. شرايك نقوم نحط لنا وانيي اهني ناكل
ناصر: قصدج تأكليني ؟ اوكي ماعندي مانع .. شدعوه يعني اهني غير ؟
ريم تحس باحراج: بليز ..
ناصر قام ويود يدها: يالله
ريم تطالعه: اولشي تعال نغسل يدنا
ناصر ابتسم: انتي غسلي يدج انا مابيود شي ..
ريم: شعاد غسل يدك ..

ناصر: اي اوكي انا بأكلج .. امشي
ريم متوهقه .. امها تناديها: يمه تعالوا تغدوا شفيكم؟
ريم: كانه يمه .. بس دقيقه
عقب ماغسول يدهم .. ناصر راح .. ام فيصل عطته الصحن .. راح صوب البوفيه .. تم واقف يطالعه .. ينطر ريم تيي تحط له ..
بسرعه راحت له .. عطاها صحنه بدلع: حطيلنا .. بناكل من نفس الصحن
ريم ابتسمت: ان شاءالله ..
حطت لهم السلطه .. الفتوش .. الحمص .. والورق عنب .. خبز صاج ولبناني .. .. سمبوسه جبن .. (ريم التفت عليه): مقبلات اول وعقب نرجع ؟؟ناصر: كيفج اللي بتسوينه سويه ..
راحت ودت الصحن الميلس وخذت صحن ثاني ..
حطت فيه لزانيـا .. كبــاب .. غوزي اللحم .. "ترى انا اهني متطرقعه من اليوع "
ودت الصحن .. وناصر بس يطالعها ..
ام فيصل تجوفهه رايحه الميلس .. بس سكتت ماقالت لها شي ..
ردت مره ثانيه وهوه واقف .. : عمري شتشرب ؟؟
ناصر يفكر : لبن ..
صبت لها وله .. وراحت ..التفتت : يالله ؟
ناصر يتطنز: ماتحطين لسويت مره وحده ؟؟
ريم: لا عقب احسن .. ولا ؟
ناصر راح: انزين ..
الباقي تموا يسولفون .. واهمه راحوا الميلس .. طبعا الميلس مفتوح على غرفة الأكل مادري شسمونها .. بس اهمه لاهين ويا السوالف والأكل ..
فيصل خذ سمبوسه وحطها في صحن نجود: منقولة
نجود تخزه: عجيب !! شدراك اني ابي ؟؟
فيصل ابتسم: احس فيج انا ..
نجود: امحق احساس ..
بوناصر: من زمان عن طبااااخج .. ماشالله عليج
ام فيصل ابتسمت: عليك بلعافيه
بوفيصل مستانس: تسلم يدج يالغاليه
ام فيصل: يسلم عمرك

ناصر قعد علكرسي .. ريم دنت الطاوله يمه ..
ريم بنعومه: شتبي تاكل قبل ؟
ناصر قاعد: اي شي .. كل شي من يدج حلو .. شيلي القفشه والشوكه لوسمحتي .. ابي كلشي بيدجريم: لا مايصير !! لزانيا وفتوش ومادري شنو
ناصر ابتسم: كيفي
ريم مبتلشه .. شلون تعطيه الفتوش بيدها ؟؟ ..
ريم ببراءه: نصر طلبتك طلبتك لاتردني بس الفتوش واللزانيا خلني اكللك بالقفشه بليز بليز
ناصر يفكر : بس ..
ريم ابتسمت: آيه عليك .. اي بس (خذت القفشه وحطت له فتوش ..فيها الضحكه) يالله بطل
ناصر يزعم زعلان: ابي بيدج
ريم متوهقه: بليز يالله
ناصر بطل حلجه وتم ياكل ..
ريم خذت السمبوسه بتأكله .. عض صبعها: آآآآي .. ناصر عاد ؟ناصر يخزها: كيفي .. (خذ السمبوسه بيأكلها .. غضت صبعه .. يزعم معصب) وحده بوحده ؟
ريم ابتسمت: عشان ماتعيدها
خذت ريم الخبز وحطت فيه حمص .. وخلته ياكل .. واهوه يأكلها بعد ..

[color=#4bacc6]تموا يأكلون بعض ..
ريم خذت اللبن بتشربه .. ناصر يخزها: من قالج ابي اشرب ؟ريم تفشلت: لان .. انا ابي اشرب
ناصر ابتسم: يعني تبيني اشربج؟
ريم متفشله .. خذت القلاص بتشرب بروحهه ..ناصر يود يدها : شربيني قبل عقب بشرب
ريم متفشله .. شربته .. وعقب اهوه شربها .. مايعرف يشرب زين مالعوزها ..
ناصر: ابي لزانيا بليز
ريم خذت القفشه بتحط له
ناصر: لا بيدج
ريم متوهقه: شلون ؟؟ مايصير ؟؟
ناصر خذ شوي بيده وحطه في حلجها: جذي
ريم توهقت .. مب مشتهيه تاخذ بيدها .. تطالعها: عادي ؟؟
ناصر: لا مب عادي .. الا ضرووري ولاااااازم ولااابد .. بسرعهريم غمضت عينها تبي تاخذ بيدها مب مشتهيه ..
ناصر يزعم زعل: بس بس مابي اكل خلاص
ريم متوهقه: بليز .. عشاني بالقفشه احسن ..
ناصر: قلت لج مابي
ريم خذت القفشه وأكلته غصب
ناصر وهوه ياكل: شي بالقفشه مابي .. اكليني العيش .. بيدجريم ابتسمت: ان شاءالله ..
أكلته العيش .. وعقب اهوه أكلها ..
ريم: بس شبعت
ناصر خذ كبااب بيده: آآخر شي ..
ريم شبعانه ماتبي: بس الحمدلله
ناصر: ترديني ؟؟
ريم ابتسمت: آخر شي ؟؟
ناصر يأكلها: آخر شي ..
ريم وقفت .. ناصر: وين وين ؟
ريم: بحط لك حلاوه ..
ناصر: قعدي شوي .. عقب بنحلي مب احين..
ريم قعدت: علهواك ..
ريم وقفت مره ثانيه: تعال نغسل يدنا
ناصر قام: يالله ..
راحوا صوب المغااسل ..
ريم تغسل يدها بنعومه .. وناصر يغسل وييجوف ريم من المنظره .. خذ شوي من المااي وطشر عليها ..
ريم بسرعه غسلت يدها وخشت ويهه: ناصر لاناصر استانس .. عجبته السالفه .. تم يطشر عليها .. سبحها .. بسرعه ركضت .. راح وراها ..
بسرعه راحت صوب الطاوله اللي يتغدون عليها .. وراحت ورا ابوها ..
واهمه من السوالف للحين ماكملوا غدااهم ..
بو فيصل التفت على بنته: ها يبه شفيج ؟
ناصر دش عليهم.. وتم وااقف يخزها .. وهي خايفه
ام فيصل: شبعتوا ؟
ريم وهي خايفه من ناصر:اي يمه تسلم يدج
ناصر وهوه يخز ريم: نعم الله عليكم ماقصرتوا ..
بوفصل: بلعااافيه
ريم بسكات راحت يم فيصل .. سحبت الكرسي وقعدت ..
ناصر يزعم معصب ..تم متجتف يخزها
ريم التفتت على مرت عمها وابتسمت ..
ام ناصر: حي الله عروستنا .. عاد احنا باجر مسافرين .. حطي بالج على وليدي
ريم تطالعه بحب .. ابتسمت: افا عليج خالتي (بحيا) فعيوني[color:2ff5=#4bacc6:2ff5]

ام ناصر: تسلم عيونج
ريم: عاد ها لازم تجوفون لكم ييه جريبه..(تحاجي عمها) عمي ضروري تيون
بو ناصر: من احصل لي اجازه باييكم على طول ..
ريم: حياااك الله
بوناصر قام بيغسل يده: نعم الله عليكم
بوفيصل: بلعاافيهبوناصر التفت على مرت اخوه: تسلم يدج
ام فيصل: الله يسلمك ..
ام ناصر قامت وراه: نعم الله عليكم ماقصرتوا والله ..
ام فيصل مستانسه .. قام ريلها وقامت وراه .. نجود وفيصل بعد قاموا .. راحوا بيغسلون يدهم كلهم ..
تمت ريم قاعده ..
توها بتقوم راح لها ناصر: جم مره يغسلون يدهم ؟؟ تعالي ابيج
ريم قامت بخوف .. ناصر يودها من رقبتها .. من ورا .. وتم يهوس: اتوبين ؟ريم ببراءة: شسويت ؟ آآي بلعداال !!
ناصر وقف .. : قعدي يالله
ريم قعدت .. فيها الضحكه: شفيك ؟
ناصر يزعم معصب: ماحاجيج ماحبج مابيج خلاص لتحاجيني انزين ؟
ريم بققت عينها: من صجك ؟ لا عاد عمري انا مب قصدي بس انا كنت ابي اقول ان مو اقول ابي اروح يعني قصدي مابي شسمه اذا انت تميت شسمونه بعدينناصر يقاطعها: لحظه شتخربطين ؟ تحجي عربي لوسمحتي .. مافهمت شي
ريم متفشله: آسفه
ناصر ابتسم: احبج !! شسوي ؟؟
ريم مستحيه انربط لسانها ..
ناصر سحبها يمه: لتحركين خلج يمي .. ابيج
دشوا كلهم الميلس ..
نجود تخز ريم: الله بلخير ؟؟ شخباار السس ؟؟ريم ابتسمت: الحمدلله
ناصر يحاجي فيصل: اما خوش فلم جفناه البارحه (يحاجي ريم) ها ابوي ؟
فيصل صدق: ايي انا كل افلامي عدله .. عبالك
ريم متفشله .. تخز ناصر: جفت شي ؟
ناصر يخزها .. بهدوء: حلمت فيج
ريم متفشله .. تبي تغير السالفه: اي اقولك طقيناها رقده ولا ندري شسالفه ..
فيصل: عادي وايد اسويها ..
نجود: العزز .. عزووزي .. عزووووز
بوناصر توه مستوعب: تحاجيني ؟
نجود: لا احاجيني .. اكيد احاجيك عيل احاجي من ؟
بوناصر: هااا قولي ..
نجود راحت قعدت يمه: ركز معاي .. ولتخلي بعض الناس (تطالع فيصل) يعادونك في استيعابهم الداق ( التفتت على عمها) العم العزيز ..
بوناصر مستانس عليها: آمري
نجود ابتسمت: احبك والله العظيم .. بستشيرك في شي
بوناصر: آمري
نجود: شرايك ادرس عندك ؟؟
بوناصر يتطنز: ومن قالج عندي جامعه انا ؟؟
نجود: عمي التأثير عليك قوي .. من قال بدرس عندك يعني انت .. يعني لندن اقصدبوناصر: من صجج ؟

نجود: ايي من صجي
بوناصر: جيف انتي تخرجتي ؟
نجود: لا بس نجحت .. قصدي السنه اليايه بتخرج ..
بوناصر: انزين انا بجوف لج جامعه بس مب في لندن لندن .. يعني في منطقه ثانيه بس في uk
نجود ابتسمت: فيك الخير يالعم ماتقصرام فيصل: ماعليك منها زين .. من صجج انتي ؟؟
نجود: لا يمه اتغشمر .. اكيد من صجي بعد في هالسوالف مافيها غشمره
بوناصر: شفيها خليها تيي تدرس
ام فيصل: لا والله ؟؟
بوفيصل: خلوها تتحلم .. انا ماقدر على فراقها .. نجود هذي احلى شي فلبيت .. محد مونسني غيرهانجود تصك عيونها بسرعه وتبطلها: فديت ماي فاذر يحبني .. (تحاجي امها) لاحظتي ريلج يغازلني ؟
ام فيصل ابتسمت: عليه بلعافيه
بوفيصل يحاجي نجود: تعالي يبه قعدي يمي
نجود راحت .. وهي تمشي تخز ريم: خلج انتي ..
قعدت يم ابوها ..
وريم ميودها ناصر ومايخليها تتحرك .. تطالع ابوها ببراءة: يبه ؟؟
بوفيصل: ابوي انتي آمري ..
ريم مبوزه: وانا يبه وين رحت ؟؟
بوفيصل: عاد انتي البيت بدونج صج صج مايسوى شي .. انتي الغاليه افا عليج
فيصل: احم احم ..
بوفيصل: وانت عاد سندي في هالدنيا .. الله لا يحرمني منك
ناصر مب عاجبته السالفه: شصار الحين ؟؟ (يحاجي ريم اللي خنقتها العبره وهي تطالع ابوها) ابوي ؟؟ وين الحلاوه ؟؟
ام فيصل: يمه روحي انتي ونجود قولي حق جاندرا تساعدكم بعدريم بتقوم ناصر يودها: تمي
ريم تطالعه: شوي بس دقيقه
ناصر بزور هد يدها: بسرعه
راحت ويا نجود اييبون الحلاوه والفاكهه ..
نجود تخز ريم: ريلج ماخذ راحته
ريم قلبها يدق: حده !! احس بحرااج !!
نجود: بس تدرين فن ؟؟ زين عندج واحد جريئ جذيريم: اي فن اي بطيخ ! فشيله نجودو
نجود: ابي واحد دارس في امريكا .. يعني تعرفين ماخذ من طبايعهم ..
ريم: لا نجود عاد استحيي ماستحمل حركاته .. ماتعودت كلش كلش جدام امي وابوي وعمي !! ومرته ! وفيصل !! بووو حده احراج
نجود: بتعوديييييين .. خلج كوول سس .. يعني انتي مب مستانسه الحين ؟
ريم: بلعكس حدي احس براحه ووناسه مو طبيعيين الله لايغير علينا قولي آمين
نجود: آمين ..
ريم: امشي يالله لنتأخر عليهم
خذوا الصحون ويا جاندرا والاغراض كلهم ودوهم الصاله ..
ناصر كان ينطرها ..
قامت ام فيصل وحطت لهم من النوعين .. ووزعت عليهم ..
ريم حطت حق نااصر .. وودت له الصحن: سم
ناصر ابتسم: سم الله عدوج .. تعالي قعدي ..
ريم واقفه: ان شاءالله
ناصر: لا روحي حطيلج قبل ..
ريم امها حطت لها .. خذت الصحن وراحت قعدت يم ناصر
ناصر حاط الصحن عالطاوله وينطرها : جوفي شغلج

ريم يزعم مافهمت: شنو ؟
ناصر بهدوء وبدلع: أكليني
ريم مستحيه .. بهدوء عشان محد يسمع: استحي !!
ناصر معصب: وانتي ماعندج الا هلكلمه ؟ريم نزلت راسها عشان مايجوف عيونها اللي تلمع من لدموع ..
ناصر بسرعه خذ الصحن .. حس فيها زعلت .. قال ياكل بروحه .. توه بياكل جافها جذي ماستحمل .. بسرعه جرب القفشه صوب حلجها .. واهوه بطل حلجه :آآهريم بسرعه التفتت عليه ..
ناصر يتدلع: يالله حبوبه بطلي الكراج .. السياره تنطر . (وجن يحاجي ياهل )
ريم فيها الضحكه .. بسرعه كلت اللي عطاها ..
ناصر ابتسم: اي جذي
ريم بهدوء: ناصر كلهم يجوفونه استحي !!
ناصر: من يجوفج من ؟؟ كلهم لاهيين يسولفون .. لتلفتين عشان محد يجوفجريم مستحيه : مادري مادري
ناصر: ياربي ياهل !!
ريم تخزه: عدااال يالعود ؟؟
ناصر: عيل ؟
ريم: مب جن انا اللي مطعمتك ومأكلتك غدااك ..
ناصر يخزها: شدعوه انتي كلتيه بروحج ؟؟
ريم فيها الضحكه : بس عاد استحي
ناصر ضحك عليها: ههههههههههههههههههههه
ريم بهدوء: احبها هالضحكه !! وااي اضحك بعد اضحك
ناصر يضحك عليها : شتحبين ؟هههههههههههههههههههههههههههه
ريم مستانسه: االلاي فن حلوه ضحكتك
ناصر ميود ضحكته: اول مره تسمعيني اضحك؟؟ريم: لا .. (بحيا) بس اول مره اقوللك ..(قامت) بروح اييب الكيمرا ..
ناصر التفت على فيصل: الفيص؟
فيصل: سم
ناصر بغرور: شرايك فيني وانا معرس؟
فيصل ابتسم: برنااامج ...
بسرعه ريم ياات ميوده الكيمرا ..
بوفيصل التفت عليها: وانا اقول شفيها الريم من جافت ناصر نست التصوير ولا شسالفه ؟؟ريم: لا يبه عاد هالشي اللي مستحيل انساه .. صوره جماعيه لو سمحتوا ..
بو فيصل كان قاعد .. يمينه مرته .. ويساره اخوه .. اللي يساره مرته ..
ريم تعدل الستاند .. تحاجي نجود: حبيبتي عالأرض
نجود: لا حبيبتي بقعد على رووسهمكلهم يودوا رووسهم ..
بوناصر: وين يايه ؟
نجود تخرعه: هاهاهااااي بقعد على راسك
بوناصر: تبينه ينبط ؟؟
نجود راحت وراهم وقعدت على ظهر الكرسي .. صارت في وسط عمها وابوها ..حطت يدها عليهم ..
ريم تحاجي الشباب: علأرض لوسمحتوا .. بس خلولي مكان في وسطكم ..
فيصل وناصر قعدوا علأرض .. وخلولها مكاان ..
ريم بسرعه حطت الكيمرا علتايمر وراحت قعدت وسطهم ..: يالله 1 .. 2 .. 3
كلهم كانوا مبتسمين فلصوره .. حدها حلوه ..
نجود:ريمو ريمو بعد وحده .. تموا لتحركون .. (تحاجي ناصر) ولد العم

لتلتفت ابي افصخ حق الصورهناصر بدون مايطالعها: خذي راحتج ..
نجود فصخت شيلتها ودفتها .. فلت شعرها .. وردت يودت عمها وابوها ..
ريم بسرعه عدلت الكيمرا وراحت قعدت وسطهم وحطت يدها على ناصر وفيصل ..
حدها حلوه الصوره .. ايننون كلهم .. نجود بسرعه لبست دفتها: هي هي لتطالع للحين مالبست ..
ناصر: يالله عاد
لبست شيلتها: يالله جوف
ناصر التفت عليها ,, يتطنز: قمر لا اله الا الله
نجود تخزه: تغازلني جدام مرتك ؟؟ صج امريكي عينك زايغه ..
ريم يزعم ماسمعتهم .. بسرعه رااحت بتصور ابوها وامها بروحهم .. نجود لحقتهاريم: يالله
نجود: نطري لحظه .. وين صلة القرابة فلصوره ؟؟ راونه شطارتك الفذر .. حط يدك شي
بوفيصل حط يده على مرته: يالله
نجود: تف تف تف عين الحسود فيها عود لا اله الا الله الله يحفظكم ..
ريم: يالله 1 ..2 ... 3ريم مستانسه علصوره: اللاي كيوت ..
نجود سحبتها : تعالي خنينن عمي ..
ريم راحت وياها ..
نجود: العم .. العزز .. يالله بنصورك ويا مرتك ..
بوناصر: ماشالله المعجبين زايدين هالايام
نجود: لتصدق عمرك بس ..
بوناصر كان قاعد ويا مرته: يالله
نجود: من صجك ؟ وانا اللي اقول عمي خرطي .. قصدي يعني بيسوي لنا حركااات .. توك راد من لندن .. قاعد لي جذي متصنبر ؟؟ يخي وين صلة القرابة ؟؟
بوناصر: شلون يعني ؟
نجود: حط يدك عليها شي .. واللهبوناصر حط يده على مرته .. ام ناصر: يالله الحين
نجود: بوو زين نطقتي .. (تقلدها) يالله الحين .. استانستي اجوف ؟؟ كبرتي على هالسوالف اقول
ريم طقتها بلعدال: بس اشش .. يالله 1 .. 2 .. 3 ..(تطالع الكيمرا) تيننون ماشالله عليكمفيصل يتدلع: وانا يعني مالي رب ؟
ريم: نجود حبيبتي روحي قعدي وياه بصوركم ..
راحت قعدت يمه وحطت يده عليه .. بدون ماتجوفه وعينها علكيمرا: حط حط يدك
فيصل حط يده عليها وصورتهم
ريم: لا اله الا الله ..
ناصر قام: تموا ثلاثتكم بصوركم ..
ريم قعدت في وسطهم .. فيصل يسارها ونجود يمينها .. حطت راسها على صوب وابتسامه سحريه حق الصوره ..
ناصر يصورهم: يالله
ريم بسرعه خذت منه الكيمرا تجوف الصوره: اللاي كيوت .. بس ويهي غلط
نجود: انتي متى صار ويهج صح اصلا ؟ناصر قعد ..
نجود: روحي روحي قعدي يمه بصوركم .. (خذت الكيمرا) هاتي
ريم بلعدال عشان مايسمع: لتقولين له حركات وقرابه .. بروحه يبيها من الله
نجود: زين روحي يالله بسرعه

ريم قعدت يم ناصر .. بدلع: اصير نصوّر ؟
ناصر يعدل شعره: يصير افا عليج ..
قعدت يمينه .. سحبها يمه .. وحط يده عليها ودناها صوبه .. صار راسها صوب صدره ..
نجود تخزهم: يالله ضحكوا ..
اثنينهم شقوا الحلج حق الصوره ..
نجود عقب ماصورتهم: ياحركااات ياخطيير انته ..
ناصر يخزها: عشون عيل ..
نجود بلعدال: عاد يوز لتمصخها جدام اليهال تخربهم
ناصر: محد ياهل غيرج .. بعدين انا ماسوي شي غلط ..
نجود: لا ابدا .. اي غلط اللي تسويه ؟ حشى عليك
ناصر يحاجي ريم: في شي غلط ابوي ؟
ريم بخوف: لاا افا عليكنجود تخزها: شفيج تبلعمتي يحظي ؟
ناصر: حلال علي .. مرتي وحلال علي .. كيفي .. شحارج ؟
نجود: لا بس مب جدام الناس الله يسلمك ويعافيك طال عمرك ..
ناصر: اي ناس ؟؟ شعلي من الناس انا ؟؟ ليش شسويت ؟؟ لا عيب ولا بحرام .. كيفنا انا ومرتي .. يه ؟؟نجود: بس بس كييفك كيفك .. افففف (عطتها الكيمرا ومشت عنهم )
ناصر معصب: شسويت الحين ؟
ريم ببراءة: ماسويت شي افا عليك .. تتغشمر وياك ..
ناصر مب عاجبته السالفه: اي والله حركات !! شتبي ذي ؟؟
ريم: لا ماتبي شي .. (يودت يده) بس عمري شفيك خلاص لتعصب .. افا عليك بس ..
فيصل: اكا اذن .. ياللهبوفيصل وبوناصر قاموا بيتيددون .. عشان يروحون المسيد ..
ناصر يخز ريم: يالله ابوي روحي صلي .. وانا بروح وياهم اصلي .. عقب اذا يينه بنطلع ..
ريم ابتسمت: ان شاءالله من عيوني
ناصر بهدوء: تامريني بشي ابوي ؟ريم: سلامة عمرك فديتك اهم شي سلامتك
ناصر قام: الله يسلمج حبيبتي ..
راحوا الرياييل بيصلون .. وام ناصر راحت ويا نجود تصلي ..
ريم سحبتها امها: تعاالي
ريم متفشله: هلا يمه
ام فيصل ابتسمت: بايعها الريال
ريم متفشله: شسوي ؟؟ اخاف اقول له يعصب علي !!
ام فيصل: لتقولين له شي .. خليه على راحته
ريم: بس يمه استحي وايد جريء ولا يهمه احد ..كلش مايفتكر لو من جدامه ماعليه منه!!
ام فيصل: مالج الا تسايرينه .. لتحسسينه انج متضايقه اخاف يصير جااف وياجريم ابتسمت: ان شاءالله ..
ام فيصل: يالله روحي صلي ولبسي عشان ماتأخرين عليهم ..
ريم حبت راس امها: ان شاءالله
ام فيصل: اتصلي حق اسوم عقب ماتصلين .. جوفيها وينهي لتأخركم
ريم وهي رايحه: ان شاءالله
راحت عنها بتصلي ...

اسوم ويا راشد فلمطعم ..
بيتزاريا
اسماء تاكل اللزانيا ..
وراشد بقرعته ونظارته .. ياكل بيتزا ..
اسماء: بوسنيده لتنسى توديني عقب عند ريمو ها
راشد: ان شاءالله ..

[color=#4bacc6]اسماء ابتسمت: فديت اخوي المطيع ..
راشد: اسوم اقولج شي ؟
اسماء وهي: قوول افا عليك ..
راشد شرب الكولا .. طالعها: في واحد متقدم لج .. شرايج ؟
اسماء هدت الشوكه: ها ؟
راشد: شرايج ؟؟
اسماء مبققه عينها: في من ؟
راشد يخزها: واحد ..
اسماء: لتقولي حسون افندي مادري شسمه ؟؟راشد: لا اسمه .. اسمه .. (يزعم نسى) ياربي شسمه .. يمكن انتي تعرفينه
اسماء وقف قلبه: اعرفه ؟؟؟؟؟ من ؟؟
راشد: اخو رفيجتج
اسماء طبعا ماستوعبت: اي رفيجه ؟
راشد: ماعندج الا وحده ؟؟ اوه نسيت الشبكه رايحه عليها اليوم ...
اسماء دار راسها: لحظه من أول رشود انا مافهم جذي .. لحظه .. انت فلبدايه قلت في واحد متقدم لج .. صح ؟
راشد: اي صح ..
اسماء: انزين وعقب شقلت ؟؟
راشد: اخو رفيجتج ريم
اسماء وقف قلبها: منننننننن ؟؟
راشد: فيصل اخو ريم .. تعرفينه ؟اسماء وقف قلبها: امبيه !! ماصدق !! اللاي !! ونااااااااسه .. من صجك انت ؟
راشد مستغرب: هي هي شفيج ؟؟ متخرعه ؟؟
اسماء مستحيه: انزين .. يالله شتنطر ؟
راشد: يعني موافقه ؟
اسماء تتطنز: اللي تجوفه ياخوي ..
راشد: لا ؟؟ حلفي بس ؟؟اسماء متشققه: ونااااااااااااسه رشود
راشد يخزها: شنو الوناسه فلموضوع ؟؟ لان اهوه فيصل يعني ولا لان اهوه اخو ريم ؟؟
اسماء مافهمت: شتخربط انت ؟؟ وناسه وخلاص ..
راشد: يعني موافقه ؟؟
اسماء بحيا: اي يالله
راشد: اسوم فكري .. ترى هذي زواج مب لعبهاسماء: شلعبته انت بعد ؟؟ خلاص انا رايي من رايك .. انت شرايك يعني ؟
راشد: انا ؟؟ والله ماظن تلقين احسن من فيصل .. رياال و
اسماء تقاطعه: بس بس .. قول اي ولا لاء مايحتاي تكبر الموضوع
راشد: انا موافق ماعندي مشكله .. انتي ؟اسماء تقلده: انا موافقه ماعندي مشكله
راشد: فكري زين ..
اسماء يزعم تفكر : امممممم .. اممممممممممم .. امم امم امم .. خلاص فكرت .. موافقه
راشد: زين عيل اقول حق عمي ؟
اسماء: وعمي شدخله ؟
راشد: يه ؟؟ لازم يعرف !! تخيلي موقفج يعني تنخطبين بدون ماتقولين له ؟؟ كلش مب عدلهاسماء: زين زين معليه قول له .. بس عمي كله مسافر ؟؟ وين يعطيك ويه ؟
راشد: بكلمه اليوم .. ان شاءالله .. بس ..
اسماء: بس شنو ؟
راشد يتدلع: بتم بروحي فلبيت ؟
اسماء: افا عليك شرايك تاخذ نجود وتيي عندنه ؟
راشد: لا والله ؟؟ لا مشكوره خلاص مابي شي .. !! كملي غداج يالله عشان اوديج لهم[color:fefc=#4bacc6:fefc] ..

اسماء مستانسه تاكل: اللاي فن ..
راشد: مستانسه اسوم ؟
اسماء: حديييييييييييييي
راشد يخزها: تذكرين يوم كنتي مسافره؟ قلت لج واحد خطبج قلتي توج صغيره تبين تدرسين ؟
اسماء: انت الله يهداك تقول حسن سعيد مادري من ..
راشد: يعني انتي موافقه لان اهوه فيصل ؟ ولا لان تبين تعرسين ؟؟
اسماء بحيا: لان اخو ريمو
راشد: الله يعينج ياام فيصل .. محد كاسر خاطري غيرها.. انتي وريم ونجود يميع ؟؟ الله يعينها من قلب ..
اسماء: احنا من قبل يميع ..
راشد: بس قبل كنتي رفيجتهم .. والحين ان شاءالله بتصيرين مرت اخوهم .. جنتهم مادري شيقولوناسماء: اي بعد خبرك البرستيج مشكله
راشد: شدخل انتي بعد ؟
اسماء: اووه راشد شعرفك عاد ؟ اكل ونت ساكت ..
راشد: يه ؟؟
اسماء رن تلفونها .. كانت ريم .. عقب ماصلت اتصلت لها ..
اسماء: هلااااااا العروس
ريم مستانسه: هلا هلا هلا فيج هلا والله .. وينج انتي ؟اسماء: انا الحين الله يسلمج قاعده اتغدى .. شوي وكمل
ريم: عليج بلعافيه .. شتاكلين ؟
اسماء: لزااانيا
ريم مستغربه: يه ؟؟ انا اليوم كلت لزانيا!!
اسماء: عاد انتي سبالو لازم تقلدين
ريم: يه ؟ يالله بسرعه كملي غداج وتعالي لتأخريناسماء: اوكي انتي تسولفين تضيعين وقت .. صكيه يالله خليني آكل ..
ريم: انزين انزين يالله .. لتأخرين ها
اسماء: انتي اللي تأخريني ترى
ريم: اوكي يالله باي
اسماء: باااي

ريم نزلت تحت .. كانوا توهم رادين من المسيد ..
بوناصر خذ مرته وراحوا بيتهم يرتاحون .. باجر الصبح وراهم سفر .. يبون يرتبون اغراضهم وعقب بيطلعون بيشترون " حلوى ورهش ومتاي وسمبوسه حلوه " حق ربعهم اللي هنااك ..
فيصل كان ويا ناصر بس فلميلس .. يشربون جااي ..
ريم دشت عليهم: هلوو
ناصر التفت عليها: هلا حبيبتي .. تعالي قعدي
ريم راحت قعدت يمه ..
فيصل: عيل وينهي ؟؟
ريم: للحين تتغدى ..
فيصل ابتسم: معليه شورانه .. خليها على راحتها لتزعجينها .. مب مستعيلين احنا .. ولا شرايج ؟ريم ابتسمت: اي اكيد حق حبيبة القلب ماعندك مشكله .. لو انا متأخره سويت لي عرس
فيصل بهدوء: لا افا عليج .. عيل خل اروح ابدل انا .. (راح عنهم ) ..
ناصر يطالع ريم: شراااايج ؟
ريم: في ؟
ناصر: اممم .. اذا طلعنا .. بنروح نشتري الشبكه ..
ريم بحيا: كيفك
ناصر: اي بعد شنو .. لي متى ؟
ريم: لا اوكي ماقلت شي .. اليوم اليوم
ناصر ابتسم: حبيبتي والله .. (يجوف القلب) ماكنت اتوقع بتمين لابسته ..

ريم مستغربه: ليش يعني ؟؟
ناصر: يعني .. من يوم كنا هناك .. وللحين ..
ريم يودته: تبيني افصخه ؟
ناصر يود يدها: تحملي !! لتفصخينه .. خليه عليج .. انا يوم خذته ماكان لي هناك .. الحين وانتي لابسته احس مافي احلى منه .. اينن
ريم تتدلع: شقصدك ؟
ناصر: فاهمتني .. يعني انتي اللي محليته ..
ريم مستحيه .. ناصر يود يدها يجوف الدبله: ابوي ؟؟ توعديني بشي ؟
ريم تطالعه: آآمر
ناصر: وعد .. لو شيصير .. لو شنو .. مانفصخها .. لو شنو ..
ريم ابتسمت: اسم الله علينه ان شاءالله مايصير شي ..
ناصر: وانا ماقلت ابي يصير شي .. بس اقولج لو شنو ..
ريم: لو شنو .. مابفصخها
ناصر يقلدها: لو شنو .. مابفصخها ..
ريم ابتسمت ..
ناصر بحب: احبج ..

حمد من رجع البحرين واهوه يحوس في اوراق الجامعه اللي عنده .. يبي يطلع رقمها بأي طريقه .. لاعت جبده ..
ماحصل شي .. بسرعه اتصل في نايف: الووووو
نايف: هلا
حمد: انت فوين ؟
نايف: انا منسدح .. تعباان
حمد: اسمعني .. دقيقتين وانا عندكنايف: يخي برقد
حمد: مالي شغل .. باييك .. يالله باي
نايف: اي شصاير ؟
حمد: ولا شي يالله باي
بسرعه حمد ركب السياره وراح حق نايف .. دخله اخوه .. راح بسرعه غرفة نايف وبطل الليت : قوم بسك رقاد
نايف: يخي تعباااان والطريج طويل !! شفيك انت ماتحس ؟؟حمد: في شي ابي اعرفه الحين .. طلع لي كل اوراق الجامعه اللي عندك
نايف: شنو عااد ؟؟ قوول يمكن اعرف
حمد: لا لا طلع لي اياهم بسرعه
نايف بكسل قاااام من السرير .. وداه صوب المكتبه .. وطلع له الأوراق: هذي اللي عندي
حمد قام يدور بينون .. تذكر ان نايف ماخذ ارقام اللي بيسافرون كلهم .. قعد يدور يدور .. ويدري اذا قال حق نايف شيبي مابيعطيه اللي يبيه ..
نايف رد انسدح .. : اذا كملت صك الليت والباب وراك
حمد ولا جنه يسمعه .. حذف الأوراق كلهم .. لمح ورقه فيها اارقام بسرعه يودها .. قعد يدور اسم ريم .. مايجوفه .. داير راسه .. بسرعه مره ثانيه قعد يدور ..
وجاف رقمها .. صرخ: يييييييس .. (هوس يده وطق الطاوله) يس .. بسرعه جفس الورقه في مخباه بيطلع ..
نايف: تعال !! شخذت ؟
حمد صك الليت: ولا شي .. كمل رقاادك ..
حمد مستااااااااانس ويحس خلاص .. يود اول الحبل .. بقى يسحبه بس
راح البيت .. قعد يفكر شبيسوي الحين بالضبط ؟؟
مافي الا يتصل .. يزعم يبارك لها ..

ريم كانت قاعده ويا نااصر .. رن تلفونها .. طبعا رقم غريب .. ماتعرفه ..
ريم تراوي ناصر: تعرف هالرقم ؟
ناصر: ردي يمكن رفيجتج ولا احد ..

ريم بسرعه ردت: الو ؟
حمد من سمع صوتها خق: فدييت هالألوو والله
ريم مستغربه: نعم ؟؟ من معاي ؟؟حمد: افا ماعرفتتيني ؟ انا حمد
ريم وهي تطالع ناصر بخوف .. مب عارفه تتحجى
حمد: بس حبيت ابارك لج علخطوبه .. وابيج تتأكدين ان بهالحركه انتي حطمتي قلبي .. مع السلامه
ريم مستغربه .. وناصر يخزها : من؟
ريم ماتبي تجذب عليه .. بخوف: حمد ..
ناصر عصب: حمد؟؟؟؟؟ شيبي ؟؟؟؟؟ وشعرفه في رقمج ؟؟ اجوف عطيني خل أأدبه لج عطيني
ريم خايفه: ناصر هد اعصابك ماصار شي
ناصر خذ التلفون منها واتصل ..
حمد استانس يوم جاف رقمها: هلا والله وغلا بـ
ناصر حده معصب .. يقاطعه: خييييييييير ؟؟ شتبي ؟؟حمد انصدم: بل !! انت اللي شتبي ؟؟
ناصر: والله .. ان جفت رقمك مره ثانيه فلتلفونها تعرف شبسوي فيك ؟
حمد: لتيلس تهدد !! انا كنت ببارك لها بس ..
ناصر: وانت شعليك ؟؟ شيخصك منا ؟؟ الله الغني عنك .. مابي اسمع حسك ساااااااامع؟حمد بخبث: بتسمع اللي يسرك جريب
ناصر معصب .. صك التلفون في ويهه ..
ريم بنعومه يودت يده: بس خلاص لتعصب ماعليك منه ..
ناصر خذ نفس .. يطالعها: شيبي ذي؟
ريم ببراءة: والله مادري
ناصر بصراخ: والله ياريم ان جفت رقمه عندج تعرفين شبسوي فيج ؟؟
ريم دمعت عينها .. بلعت ريجها: والله نـا
ناصر يقاطعها: بسسس .. بس سكتي .. يعني مايرتاحون الا اذا خربوا مزاجي
ريم نزلت راسها ..
ناصر سكت ..
ريم بهدوء: والله انا مايخصني مالي شغل .. (نزلت دمعتها غصب) اهو مادري شيبي انا ماسويت شي ..
ناصر يودها .. خلاها تجابله .. يود ويهه: حبيبتي .. (مش دموعها بابهاامه ) لتصيحين .. دموعج غاليه حبيبتي .. بس .. تعرفيني اغار .. وتعرفيني اكرهه .. مابيه يجرب يمج .. وانتي لتسكتين بعد .. اذا اتصل قوليلي .. وانا اتفاهم وياه
ريم ابتسمت: ان شاءالله
ناصر يحاول يبتسم: تدرين شخاطري ؟
ريم: شنو ؟
ناصر: اذبحه ..
ريم بققت عينها: ها ؟
ناصر: محد خلاني اميد يدي عليج غيره .. حماار
ريم : عمري خلاص ماظن يتصل بعد .. واذا اتصل بقوللك
ناصر: قوليلي .. لتخافين ..
ريم: بس انا مايخصني !
ناصر: لا مايخصج ..
رن تلفوها .. بسرعه ناصر جاف الرقم .. كانت اسوم .. ناصر عطاها التلفون: ردي
ريم: الوواسماء: يعني اخيس ؟؟ لا اخيس ؟؟ لا قولي تبيني اخيس ؟
ريم : وصلتي ؟؟
اسماء: صارلي ساعه انا فلشمس ..
ريم: زين حياج !! دقيقه ببطل لج الباب ..
اسماء: يالله طلعوا بعد شتنطرون ؟؟ مب داشه امشوا يالله

ريم: زين دشي انتي
اسماء: لا لا مابي .. امشي بسرعه
ريم: كاني يايه ..
اسماء: يالله باي
ريم قامت تلبس دفتها وشيلتها .. التفتت على ناصر: يالله ؟
ناصر: يالله
ريم تنادي فيصل: الفيييييص ؟؟ نجووووووود ؟؟
فيصل يصارخ: دقييييقه
نجود نزلت وهي تلبس الشيله: وصلت الشيخه ؟
ريم: ايي توها ..
فيصل توه نازل: يالله مشينه ..
طلعوا بسرعه .. ريم بطلت الباب .. كانت اسماء واقفه يم السياره .. سلمت على نجود وريم ..
يوم راشد جافها بطل الدريشه: مبرووك
ريم مستانسه: الله يبارك في حياتك
راشد يحاجي اسوم: يالله انا بامشي
اسماء التفتت عليه: اوكي باي
راشد راح عنهم ..
فيصل طلّع السياره .. وناصر راح وياه .. ركب يمه ..
راح يمهم .. ركبت ريم .. ووراها نجود .. وعقب اسماء ..
فيصل التفت عليها يوم دشت: حي الله من يه
اسماء بحيا: الله يحييك
فيصل بهدوء: شلونج ؟
اسماء مستحيه: انا ؟ انا زينه انت شلونك ؟
فيصل ابتسم: زين .. وينج من زمان ؟
نجود قاعده تطل في ويه اسوم وويه فيصل .. وفيها الضحكه ..
ناصر كان ملتفت على ريم ..
اسماء مستحيه: انا اهني .. انت وينك ؟
فيصل يقلدها: انا اهني .. انتي وينج ؟
نجود تخزهم اثنينهم: هي انتوا ؟ وين قاعدين ؟؟ (طقت فيصل على جتفه) هي هي يالله مشينه
فيصل التفت بيسوق ..
وناصر عدل قعدته ..
اسماء معصبه .. تحاجي نجود: انتي هي شلا جذي حسوده ؟ خلينه نسولف ؟
نجود: ياسلام عليج تبين تسولفين. . وعقب (تأشر على ريم) ذي بتسولف وياه (تأشر على ناصر) وانا اسولف ويا روحي ؟؟
اسماء: يييييييه ؟؟ وانا شدخلني تخربين علي ؟
فيصل يطالع اسماء من المنظره اللي جدامه ويسوق ..
واسماء ماتدري وقاعده تتحلطم ويا نجود ..
ريم طلت على اسماء: شخبارج ؟
اسماء ابتسمت .. سحبتها تساسرها .. ونجود في وسطهم
اسماء طقت نجود على راسها: لتسمعين
اسماء تساسرها: ليفوتج خطبوني
ريم تساسرها: حلفي ؟؟؟؟؟؟؟
نجود تبي تخرب: سمعت سمعت .. اقول ؟؟
اسماء تطالعها بترجي: لاااااا تحملي بليز بليز .. شرايج تروحين هناك وتخلين ريمو يمي ؟
نجود تجتفت : مب قايمه .. انا وحده مب متحركه ..
اسماء: اففففف حسوده
ريم بلعدال: حلفي عاد ؟
اسماء مستانسه: والله من صجي ..
ريم: واخيييييييييرا ؟؟ عيزنا ننطر !!
اسماء: اقولج !! انا عيزت انطره بعد .. بس تعرفين رشود والبرود الزايد اللي فيه..

ريم تخزها: ماطلع نفسج .. مايحكه بطنه
اسماء: حده لاااااااااااااااا .. مادري شلون شكله ذي بعد
نجود قاعده وقاطه اذنها ..
اسماء: انزين عاد اقولج .. قالي بينطر عمي الظاهر مسافر .. وبيحدد وياه موعد .. وبعدين عاد تعرفين انتي مايحتاي اكمل
ريم مستانسه: بشرج الله بلخييييير من متى وانا انطر .. اللاي وناسه
اسماء: بس جب الحين انتي قوليلي شسويتي ؟
ريم ببراءة: ولا شي !!
نجود: انا بقولج شسوت .. (تخز ريم) اقول ؟
ريم ببراءة: ماسويت شي !!
نجود تساسر اسماء: سوت بلاوي
اسماء مستانسه: حلفيييييييي؟ يالله عاد ماستحمل حكة البطن قوليلي شصار ؟
نجود بخبث: عيب ماتصلح السوالف حق يهال
اسماء: يااااااااااكبرها عند ربي !!! (تحاجي ريم) انتي شمسويه ؟
ريم : ماسويت شي !! ماعليج منها ..
نجود: عقب انا بقوللج اللي جفته لتخافين
اسماء تساسر ريم: علمي فصول عاد .. خبرج يعني
ريم تقاطعها: بس انتي .. اشش ليسمعون ..
اسماء: اففففف ..
فيصل التفت عليهم: الحين وين تبون تروحون ؟
نجود: خنروح السينما
فيصل: كيفكم ..
نجود: اي انا اقول نروح السينما .. عقب ندور .. عقب نروح نقعد في كوفي شوي .. عقب .. مادري جذي ..
فيصل: يعني نروح السيف الحين ؟
نجود: اي اي يالله .. ترى الباقي ماعندهم مشكله انت روح وماعليك ..
فيصل: ان شاءالله ..

بوفيصل كان منسدح .. يحس بتعب .. صعوبه فلتنفس .. وألم في صدره .. ويحس نبضاات قلبه تتسارع .. مب عارف شفيه ..
وام فيصل خايفه عليه .. تحس فيه شي ..
كانت قاعده عالكرسي المخمل اللي يهتز نسيت اسمه ..
وعينها عليه ..
وهوه يزعم راقد .. وهي خايفه عليه .. طول الوقت تطالعه .. ماتقدر ترقد واهوه جذي .. تحس فيه تعبان بس اهوه مب راضي يقول لها شي ..

حمد راح بيتهم .. كانت خالته وبناته يايينه .. بنت خالته دايما تتلصق فيه وهوه مايعطيها ويه ..
دش عليهم .. من غير نفس: السلام عليكم
الكل: وعليكم السلام
سلم على خالته ومشى بيركب فوق ..التفت على بنت خالته شيخه : تعالي ابيج
شيخه استانست .. بسرعه راحت وراه .. صج كانت مستانسه .. بس مستغربه لان حمد مايعطيها ويه ..
حمد دش غرفته .. دشت وراه
حمد من غير نفس: صكي الباب ..
صكت الباب ووقفت يمه: شفيك ؟؟
حمد: كان قاعد عالسرير: تعالي قعدي ..
شيخه مستغربه .. راحت قعدت يمه: شصاير ؟
حمد: ابيج تسوين لي شي ..
شيخه: آمر .. شتبي ؟
حمد: سمعيني .. عاد لتخربين علي .. سامعه ؟
شيخه: اي انت قول شتبي ..

حمد: عطيني تلفونج ..
شيخه عطته: شتبي فيه ؟
حمد سجل لها رقم ريم : جوفي هالرقم .. ابيج تصيرين رفيجتها ..
شيخه مب فاهمه: ومن ذي ؟
حمد: وحده .. اسمها ريم ..
شيخه: وشلا اصير رفيجتها ؟؟ ناقصه ربع انا ؟؟
حمد: انتي ماعليج .. انتي فيها وسولفي
شيخه: واذا سألتني من انا ؟؟ شاقول لها ؟؟
حمد: قوليلها انا رفيجتج يوم كنا فلعدادي .. بتصدق
شيخه: بيي هالكثر هذي سهله ؟ انزين واذا صرت رفيجتها وبعدين ؟
حمد: انتي صيري اوكي وياها .. ابيج كل دقيقه تتصلين فيها ..
شيخه: اي شاقول لها ؟
حمد: قوليلها .. مادري انتي تعرفين بعد مايحتاي اعلمج !!
شيخه بخبث: والمقابل ؟
حمد ابتسم: افا عليج .. اللي تبينه
شيخه: انت تعرف شابي ..
حمد ابتسم: اصير خير .. اذا صار اللي في بالي.. بسويلج اللي تبين
شيخه مستانسه: تعجبني .. انزين ومتى اكلمها ؟
حمد: كلميها الحين .. جدامي ..
شيخه خذت تلفونها: انزين لحظه
ريم كانت فلسياره .. توهم بينزلون المجمع .. رن تلفونها ..
طبعا الرقم غريب ماعرفته ..
ناصر بسرعه خزها ..
ريم راحت له: رقم ماعرفه !!
ناصر خذ منها التلفون: ييبي .. (رد بسرعه) الو ؟
شيخه ابتلشت .. : الوو ؟
ناصر: نعم ؟
شيخه: اممم ممكن اكلم ريم ؟؟
ناصر: من اقول لها ؟
شيخه: رفيجتها ..
ناصر عطاها التلفون: هااج
ريم ماتدري من: الو ؟
شيخه: الوو هلا والله ..
ريم ماعرفتها: اهلين هلا فيج ..
شيخه: عرفتيني ؟
ريم متفشله: من ؟
شيخه: انا شيخو ..
ريم: اي شيخه ؟
شيخه: شيخو اللي وياج فلعدادي ..
ريم ماعرفتها بس ماتبي تفشلها: ايييي هلا هلا .. شلونج ؟
شيخه: الحمدلله بخير .. بزور حصلت رقمج ماتم احد ماتصلت له
ريم مب فاهمه
شيخه: اهم شي شلونج ؟
ريم: الحمدلله انتي شلونج ؟
شيخه: الحمدلله ..
ريم مب عارفتها .. وشيخه متوهقه ..
شيخه تبي تصرفها: شكلج مشغوله ؟
ريم: لا لا عادي
شيخه: معليه اخليج الحين .. عقب بكلمج
ريم: اوكي معليه
شيخه: يالله باي
ريم: باي
ناصر يخزها: من ذي ؟
ريم رفعت جتفها: مادري ..!! تقول رفيجتي .. عاد .. يمكن انا ناسيتها
اسماء راحت يمها: من ذي ؟

ريم: تعرفين وحده .. ويانه فلعدادي تقول .. اسمها شيخه ؟
اسماء: يا كثر الشيخات اللي عندنا ! مادري عاد انا الثنوي ومب حافظتهم ..
ريم: شدراني ..
ناصر راح يمها وحط يده عليها : تعالي ماعليج منها
ريم حطت يدها ورا ظهره ومشت وياه ..
اسماء سحبت نجود : جوفيهم !! ينوا ذلين ؟؟
نجود: ويي ماجفتي شي عيل ..
فيصل راح ورا اسماء : اسومتي ؟
اسماء التفتت .. بحيا: هلا
فيصل: امشي نختار الفلم اللي بندشه ..
اسماء ماستوعبت: ها ؟
نجود: اوهووو .. امشي وانتي ساكته بس ..
فيصل ابتسم: بسألج .. ماقالج اخوج شي ؟؟ ترى مصخها
اسماء ماستوعبت: شيقول يعني ؟؟
فيصل: اسوم ركزي معاي شوي .. راشد .. قالج شي عني ؟
اسماء: لاااااا حشا عليه ماقال شي !! ليش انت شمسوي ؟
فيصل توهق .. نجود التفتت عليه: انت مالقيت الا تسولف ويا ذي ؟؟ عقب باجر تعال جود استوعبت ..
اسماء طقتها بلعدال على جتفها : انتي يوزي ..
فيصل ابتسم: بعدين برد اسألج يمكن فهمتي شي ..
ريم وناصر كانوا مجدمين صوب السينما ..
راحوا وراهم .. ناصر اهوه اللي اختار الفلم .. قطعوا التذاكر .. شرولهم بوبكوورن .. ناجوز .. سلاش .. بيبسي .. ودشوا القاعه ..
ريم .. يسارها ناصر .. ويمينها اسوم .. يم اسوم نجود .. واخر شي فيصل .. ناصر كان قاط راسه على جتف ريم وميود يدها ..
والباقي ياكلون .. ويجوفون الفلم ..

بسـم الله الرحمـن الرحيــم

][ الجــزء الرابع والعشـرون ][

فلسينما ..
ناصر رقد على جتف ريم .. تسمعه يتنفس .. بس حليو مايشاخر
وهي مشتطه تجوف الفلم .. حده عاجبها
نجود كل ساعه سألت اسوم: شسالفه ؟
واسماء تألف عليها .. وريم تسكتهم : اشششششش
نجود عناد ترد تسألها: الحين ذي شسالفتها بالظبط ؟؟
ريم بترجي .. تساسر اسوم : بس عااد نبي نجوف !!
اسوم التفتت على نجود: مادري مادري .. سألي فصول
فيصل حده مستن .. داش feeling ويا الفلم ..
نجود خافت تسأله يسبحها بالبيبسي
تمت ساكته .. وتجوف .. تحاول تفهم ..
عقب ماكمل الفلم .. قاموا الأوادم .. نجود سيده التفتت على اسوم: شلا كمل الحين ؟

اسماء: بس عاد انتي حطي النهايه من عندج
نجود: شقالولج ؟ يوم حاولت افهم كمل ؟؟
اسماء: شسوي يعني انا شسوي ؟
نجود: بايخ بايخ بايخ حده فااااااااااااشل
فيصل: بلعكس !! وايد عجبتني قصته !! صج ماعندج ذوق ! (التفت على اسوم) ولا شرايج ؟
اسماء مستانسه: عجيييييييييب حده
ريم ابتلشت وياه .. راقد ولايدري بالدنيا .. بهمس: عمري قوم .. عمري؟
فيصل التفت عليه .. جافه راقد .. وريم ساكته مب عارفه شتسوي ..تخاف تتحرك ويقحص ويعصب عليها ..
فيصل صرخ: نااااااااصر
ناصر تخرع وقحص بسرعه: هاها شصاير ؟؟
ريم يودت ضحكتها ..
فيصل ضحك: هههههههههههههههههه قوم يالله كلهم طلعوا ..
ناصر يحاجي ريم: خوش فلم ها ؟
ريم ميوده الضحكه: حده ..
ناصر بهدوء وهو يعرك عيونه: متى رقدت ؟
ريم ابتسمت: من بدايته
ناصر قام: معليه ندشه مره ثانيه مب مشكله ..
ريم قامت وقفت .. بهمس: عمري تعبان ؟
ناصر يدزها عشان تمشي: لالا .. بس مادري جتفج مريح ..
ريم ميوده الضحكه: اي زين ..
طلعوا من القاعه ..
فيصل التفت عليهم: هاا .. وين تبون تروحون ؟
ناصر يتمقط: والله خوش رقده .. ها الريم ؟
ريم ابتسمت: رقاد العاافيه ..خنصلي المغرب
نجود: وعقب خنروح نيلس تحت في ستاربكس..
ناصر: انتوا روحوا .. احنا بنروح صوب المجوهرات
فيصل: خلاص .. بينه تلفون عيل ..
ناصر: صار ..
عقب ماصلوا المغرب ..
فيصل واسوم ونجود راحوا ستاربكس ..
وناصر وريم تمو يتمشوون .. ناصر مايعرف يمشي بدون مايحط يده على جفتها ..
ناصر: دقيقه باروح ابطل رقمي
ريم: يالله ..
ناصر راح شغل رقمه البحريني .. عقب ماطلع .. اتصل حق ريم .. كان ميوده في يده .. مايبيها تدري ان اهوه ..
ريم جافت رقم غريب: يه ؟؟ شسالفتهم اليوم ؟؟ (راوته ) تعرف ذي الرقم ؟؟
ناصر يزعم مايدري: لاااا ماعرفه .. بس خوش رقم ها ؟
ريم: ايي حده عجيب !!
ناصر: ردي جوفي من ..
ريم ردت: الو ؟؟ .. الو ؟؟ .. يه !! الووو ؟؟
ناصرر ميود التلفون في يده ..
ريم صكته ..
ناصر يزعم معصب: من ؟
ريم بخوف: شدراني اقول الو الو محد يرد !!
ناصر معصب: عطيني انا بتكلم !!
ريم: لا ماله داعي يمكن غلطانين ولا شي .. اذا اتصلوا مره ثانيه بقوللك ..
ناصر التفت عليها: ابوي تمي اهني شوي بروح اسلم علريال واييج .. لتحركين سامعه؟
ريم ببراءة: ان شاءالله ..
ناصر راح بعيد عنها .. واختفى فلزحمه .. طلع كلينكس من مخباه وحطه علتلفون .. يبي يجوفها شتسوي .. اتصل لها ..
ريم جافت الرقم ... بتردد.. شالته : الو ؟
ناصر يحاول يغير صوته عشان ماتعرفه: هلا وغلا
ريم بخوف: من ؟
ناصر: افاااااا .. نسيتيني ؟
ريم مستغربه .. : الظاهر غلطان اخوي ..
رقعته في ويهه .. رد اتصل .. في خاطرها" حزتك نصور تروح تسلم يعني؟؟ "
ناصر خذ له فره وراح لها من وراها .. وهي كانت واقفه مكانها ماتحركت فقيره.. رد اتصل .. مااشالته .. رد اتصل مره ثانيه ..

بخوف شالته: الوو ؟
ناصر راح من وراها .. لمها بيده وطل في ويهه بهدوء: احبج
ريم قحصت والتلفون في يدها: يمممممممممه خرعتني !! (ياتها الضحكه) يعلللللك ان شاءالله خرعتني هههههههههههههه
ناصر يضحك عليها: ههههههههههههههههههههههههههههههه شفيج ؟؟ ماعرفتي صوتي ؟؟
ريم تجوف التلفون في يده: يعللللللك يانصور ههههههههههههههههههههههههههههههه
ناصر: ههههههههههههههههههههه شحلوج وانتي خايفه .. متصروعه حدج
ريم توها مستوعبه .. يودت يده ومشت: جدام الناس تخرعني ؟
ناصر: انا كنت بصرخ بس خفت عليج يوقف قلبج ولا شي ..
ريم تتدلع: لا والله؟
ناصر يقلدها: أي والله ..ابوي شرايج في رقمي ؟
ريم تجوف تلفونها : اينن !! انطر خل اسيفه
ناصر ابتسم: يالله ابوي خننزل .. انا بختار لج الشبكه سامعه ؟
ريم ابتسمت: اي افا عليك ..
ناصر يود يدها ونزلوا علدري ..
راحوا محلاات الذهب .. ريم قالت بتسكت .. تخليه اهوه يختار على ذوقه مابتتحجى ..
واخيرا دش خاطره طقم .. وايد حلو .. كله المااس .. يبرق .. .. حده نااعم.. يناسبها ..
ناصر مستانس: يوم جفته تذكرتج
ريم مستانسه: يعني ؟
ناصر: قولي الصج .. عجبج ؟
ريم مستانسه:واااااااايد حلو !! بين عليه !! حده حده حلو !!
ناصر: خلاص ناخذه .. (يود يدها) عليج بلعافيه حبيبتي
ريم بحيا: الله يعافيك ..
خذوا الشبكه .. وتم ناصر ميودها ..
ريم بدلع: اطلب منك طلب ؟؟
ناصر: عيوني لج حبيبتي آمري .
ريم: ابي اشتري شي .. بس بليز بليز لتقول شي بليز ها
ناصر:يعني شنو لتقول شي مافهمت ؟
ريم سحبته: انت تعال وياي بس بليز ولا كلمه .. بس اذا انا سمحت لك ..
دشت المحل .. خلته يوقف .. وراحت اهيا تدور تدور .. حدها احتاارت مب عارفه شتشتري .. وايد اشيا حلوه .. .. لي مادش خاطرها بوكس .. فيه قلم .. وكبك .. ( Cufflinks) من Dior .. حدهم راقيين .. التفتت عليه تناديه ..
راح لها : آمري
راوته اياهم: شرايك ؟
ناصر ابتسم: حلوين .. بس حق من ؟
ريم تخزه: من سمح لك تتحجى الحين ؟ قلت لك رايك ؟
ناصر ابتسم: وايد حلوين .. كشخه ..
ريم: بس روح خلاص كملت مهمتك .. روح اوقف هناك بسرعه
ناصر ابتسم .. هز راسه وراح ..
رحت دفعت .. وهي تدفع التفتت حق العطورات .. قالت مره وحده بتجوف له عطر .. قعدت تدور .. ياتها اللي تشتغل .. شممتها جم واحد .. وايد عجبوها !! ماعرفت شتاخذ !! .. اكثر اثنين عجبوها شرتهم ..
واحد كان من Dunhill
والعطر الثاني كان من Giorgio Armani
خذتهم .. وراحت له: يالله مشينه
ناصر يمشي وراها ولا يقول شي . راحت العالي .. دشت المحل .. التفتت عليه: انطر لتيي ..
دشت وقعدت تدور صوب البوكه .. (Wallets) .. من Gucci .. حده راقي وحلو .. ماترددت سيده شرته ..
طلعت وهي ساكته .. وهوه تملل ماتخليه يدش .. توقفه عند البااب .. ردت السيف ..
يمعت الأجياس في يدها ..
ناصر يخزها: انتي اشاريه ؟؟
ريم تتدلع: أغراض
ناصر: اجوف راويني اشريتي ؟
ريم: شريت هدايا حق امي وابوي ونجود وفيصل .. خبرك يعني بمناسبة الخطوبه
ناصر يتدلع: وانا ماذكرتيني بشي ؟
ريم ابتسمت: لاء
ناصر مستغرب: بل !!

[color=#4bacc6]ريم بحب[color:a02d=#4bacc6:a02d] : مانسيتك عشان اذكرك .. (بهدوء راحت يمه وعطته الأجياس) ان شاءالله يعجبك شي منهم ..
ناصر مستغرب: شنو ذي ؟
ريم تتطنز: قنبله ..
ناصر يتطنز .. حطهم علأرض وزعم بيشرد: شيل عليييها
ريم وقفت: هييييي ! ناصر ؟
ناصر رد لها: بسرعه شردي لتنفجر !
ريم: اوو ناصر عاد !!
ناصر خذاهم من على الأرض: حق من انزين ؟
ريم يزعم زعلت ..: مابي
ناصر: يه ؟؟ سألتج انا الحين حق من ؟
ريم سكتت .. ومشت عنه
ناصر بسرعه راح يمها: بلا دلع زايد يالله ! بس حبيبتي شلا مكلفه على روحج ؟؟ ماله داعي يعني ؟
ريم تخزه: نعم ؟؟ ماحب هالحجي والله ..! ناصر ؟؟
ناصر ابتسم: حقي يعني متأكده ؟
ريم تطالع فوق ..
ناصر: دليعه !! بس انزين خلاص .. !! تعالي خل اجوف اشيايبت لي حبيبتي فديتها
ريم مبوزه ..
ناصر سحبها : امشي قعدي خل اجوف شنو
ريم: خلهم لي البيت احسن
ناصر: ابي اجوف انا الحين !!
ريم: لا عمري خلهم للبيت احسن ..
ناصر يود يدها وباسها: مشكوره حبيبتي ..
ريم استحت..
ناصر يخزها: لتقولين لي ناس ماناس !! بزعل ترى !!
ريم بحيا: كيفك عمري كيفك .. سو اللي تبيه
ناصر: عادي اشقلج الحين واركض فيج ..تبين ؟
ريم تطالعه وتترجى: بليز لااااا ..
ناصر ابتسم: كيفج ..
رن تلفون ريم .. كان فيصل ..
ريم: هلا الفيص
فيصل: هلا الريم .. ماخلصتوا ؟
ريم تطالع ناصر: ها ؟؟ بعد شوي
فيصل يخز اسماء: اخذوا راحتكم ..
ريم ابتسمت: انتوا للحين في ستاربكس ؟
فيصل يخز اسماء: ولي باجر ..
ريم ابتسمت: عساك مستانس ؟؟
فيصل وللحين عينه على اسوم: حدييي
ريم: زين اخليك .. اذا هاي شسمه
فيصل: اوكي .. يالله باي
ريم: باي

فيصل يحاجي اسوم: اقول ؟
اسماء بحيا: قوول
فيصل يطالع نجود: شرايج حبيبتي تخلينه بروحنه شوي ؟
نجود تخزه: قااااااعده على جبدك مب متحركه ..على قلبك .. وبعدين مايصير اخليكم بروحكم مايجوز الله مايرضى
فيصل: جدام الناس مابنسوي شي غلط
نجود: لاتحاول تقنعني .. على جبدك .. وفكنه من نظرات الوله ذي ..
فيصل يزعم مافهم: نظرات شنو ؟
نجود: مادري عنك !! اسأل روحك !! شدعوه ماجايف خير ؟؟ اول مره تجوفها يعني اول مره ؟؟ اول مره ولا اول مره ؟؟
اسوم متفشله: بس عاد !! وه !!
فيصل خذ نفس: اقول ؟
اسماء: قووول ..
نجود: وياكثر ماتقول
فيصل: الليله بكلمج ..
اسماء وقف قلبها: شنو !!
فيصل: بتصل لج يعني !! خلاص صرتي خطيبتي .. ولا للحين ماقالج اخوج ؟
اسماء بحيا: امبلا قالي ..
فيصل: بس خلاص .. بتصل .. مب حاله ذي !!
نجود تقلده: مب حاله ذي !! ماقدر اعيش بدون ما اسمع صوتج حبيبتي ..حياتي انتي

فيصل يخزهنا: انتي من حاجاج ؟
نجود: كيفي !! وه ؟
فيصل خذ تلفونه .. وقعد يحوس فيه .. اسماء تتدلع: فيصل ؟
فيصل فز قلبه: عيونه !
نجود: الله واكبر علييييييكم !!
فيصل ولا جن يسمعها: آآمري
اسماء بحيا: لا بس .. جذي
فيصل: اذا فيج شي قولي !!
اسماء: لا لا بس جذي ..
فيصل: اكيد ؟؟
اسماء: اكيييد ..
نجود تتلفت .. جافت بوصلوح !! بسرعه خشت ويهه: اسوم اسوم خشي علي وقفي وقفي جدامي امبيه مابيه يجوفي
فيصل مستغرب: شفيج ؟؟ من ؟؟
نجود بخوف: بوصلوووح اهني مابيها يجوفني
فيصل: شتخربطين ؟؟ (توه متذكر) اووه ذيج البويه ؟
نجود قامت وعطت منيره ظهرها عشان ماتجوفها ..
فيصل: هلكثر مسوية لج رعب ؟
نجود: اشش لتطالعونها اخاف اتيي .. سوو روحكم ماتعرفونها ها
فيصل يخزها: تبين اروح لها اادبها لج ؟؟
نجود غطت ويهه بالشيله: تحمل .. مافيني شدتها كلش
فيصل: لا بقوم لها
نجود يودت يده: بليز لا .. خلها ..
اسماء: بس انزين راحت !!
نجود: حلفي ؟؟ اخاف ترجع !!
اسماء: لا محد راحت ..
فيصل : شلا تخافين منها انزين ؟؟ هالكثر تخرع ؟
نجود: اخييييي ويع ويع ويع ماستحملها تلوّع جبدي ..
فيصل: وايد عندكم فلمدرسه هلون ؟
نجود: افففففف .. بسرعه يتكاثرون ..
فيصل مستغرب: نعم؟
نجود: يعني بسرعة انتشروا عندنا .. تقول فايروس ؟
فيصل يحاجي اسوم: وين تبين نروح الحين ؟
اسوم تطالع ساعتها: بيأذن لعشا الحين ..
فيصل يجوف الساعه: اي دقيقتين ويأذن .. نروح المصلى يالله ..
اسوم تحاجي نجود: يالله قومي
فيصل: اتصلي حق الريم قوليلها تيينا صوب المسيد
اسماء: ان شاءالله ..
عقب ماصلوا العشــا ..
طلعت ريم صوب المنظرة تعدل شيلتها ..
ياتها اسوم: سلخيييير يا أمر
ريم ابتسمت: عدله شيلتي ؟
اسوم: اي اوكي ..
ريم تخزها: قالج الفيص شي ؟
نجود توها طالعه تلبس نعالتها " كرمكم الله": فضحنا !! تقولين متخرع ؟؟ ماجايف خيير ؟؟
ريم مستانسه: حلفي ؟؟؟؟؟؟؟ حسافه فاتني
نجود: طافج نص عمرج .. نظرات عجيبه غريبه .. فصول صاير ويهه جن .. جن ..
اسوم: شحلوه ذبحني .. شلخني علآآخر ..
ريم ابتسمت: يالله بسرعه ملجوا ختيين بيتنه .. ونااااااااااسه
نجود تتطنز: شدعوه اهيا مسكته الحين ؟؟
ريم: يالله نطلع ليسوون لنا سالفه .. امشوا ..
كانوا فيصل وناصر .. وهوه شايل الاغراض شكثرهم في يده .. ينطرونهم عند المصلى ..
طلعوا لهم ..
فيصل يخز نجود: تراويح ؟
نجود طلعت لسانها: شحارك ؟
فيصل: زين الحين امشوا بنروح الرتز .. عازمكم على تريدر فكس اليوم .. (Trader vic's)
ريم ابتسمت: اللاي .. خاطري
ناصر يود ريم: يالله مشينه عيل ..
تموا يتمشون شوي فلمجمع .. عقب راحوا الرتز .. يتعشون هناك ..
ماكانوا يوااعه وايد .. كثروا علغدا .. بس تعشوا .. وتموا يسولفون لي الساعه 11 ..

اسوم تجوف ساعتها: امبيه !! جوف الساعه ؟؟
ريم: ولا حسيت بالوقت !!
ناصر: خبرج الاوقات الحلوه تمر بسرعة ..
فيصل يحاجي اسماء: صااج ..
اسوم التفتت على ريم: خل اروح البيت ليفضحني رشود
فيصل: تلاقينه طالع ولا يدري شسالفه
اسوم: معليه بس مايصير اتأخر لي هالحزه ..
ناصر دفع البيل: مشينه ؟
ريم قامت: يالله ..

حمد مب مشتهي يطلع ولا يسوي شي ..
اللي في باله يبي يسويه يعني يسويه .
اتصل في بنت خالته : الوو
شيخه كانت منسدحه بترقد: هلا
حمد: بترقدين؟
شيخه: في شي ؟
حمد: قومي ابيج فسالفه
شيخه بكسل: خلها باجر ابي ارقد
حمد: انا ماقدر ارقد قبل لاسوي شي ..
شيخه تتثاوب: عوذ بالله من الشيطان .. شتبي ؟
حمد: اتصلي فيها
شيخه تجوف ساعتها: هالحزه ؟؟
حمد معصب: شفيها يعني ؟
شيخه: وشتبيني اقول لها ؟
حمد: صيحي .. ابيج تصيحين
شيخه عبالها يتطنز: ههههههههههه يالله مناك .. من صجي انا
حمد معصب: انا اللي من صجي ..ابيج تصيحين .. واذا تكلمت تسكتين ..
شيخه: شقالولك ؟ مكينه ؟
حمد بعصبيه: قومي الحين اتصلي لها .. ولا تدرين .. سوي ثري لاين واتصلي لها ..
شيخه: وياك ؟
حمد: اي وياي عيل ويا من !
شيخه: وليش يعني ؟
حمد: قعدي علكمبيوتر ..
شيخه تتطنز: اخاف ينكسر
حمد: بكسر راسج عليه الحين !! انا من صجي مب حزتج !
شيخه: اي شتبيني اسوي ؟
حمد: سمعي .. دشي المسنجر .. بس مابيها تسمع صوته كلش .. سامعه ؟
شيخه: وبعدين ؟
حمد: انا بدش .. وبقولج شتقولين .. وانتي تحجي
شيخه: وليش انت ماتقول لها وتفكني ؟
حمد يصارخ: شييييييخه !!
شيخه: انزين انزين لتصارخ !! باجر الصبح اووكي؟
حمد: لااااااااا الحين !!
شيخه تتثاوب: حمد حرام عليك
حمد معصب: لتطولين السالفه بسرعه اتصلي ..
شيخه: انزين .. ادخلها علخط يعني ؟
حمد: بسرعه
شيخه: زين زين ..

ريم كانت توها داشه البيت .. فيصل ونجود جدموا ..
ريم التفتت على ناصر: دقيقه عمري ابدل واييك ..
ناصر: بدش الميلس انا .. لتأخرين !!
ريم ابتسمت: ان شاءالله ..
وهي داشه رن تلفونها ..
ريم: الو ؟
شيخه: هلا هلا والله
ريم ابتسمت: هلا فيج ..
شيخه كان صوتها ابين تبي ترقد .. بس ريم خافت ان فيها شي .. متصله هالحزه !!
ريم بخوف: انتي بخير؟
حمد بسرعه كتب لها " قوليلها لا .. سوي روحج تصيحين "..
شيخه سكتت طبعا تقرا ..وريم بخوف: الو ؟؟ شيخه ؟؟ انتي بخير ؟؟
شيخه تغير صوتها: لااا

ريم خافت: اسم الله عليج شفيج ؟؟ شصاير ؟؟
حمد بسرعه كتب لها" قوليلها لحقي علي بموت"
شيخه تسكت شوي تقرا عقب تكلمها .. وري خايفه: الووو ؟؟
شيخه: لحقي عليي بموت
ريم: اي قوليلي شفيج !! شصاير؟
حمد بسرعه كتب لها " تهاوشت ويا خطيبي وهوه الحين زعلان علي"
شيخه تقرا: تهاوشت ويا خطيبي ..
ريم: افا !!
شيخه: اهوه الحين زعلاان علي ..
ريم تفكر: امممم .. اهوه شصار بالضبط ؟ ماله داعي اعرف بس .. عادي يعني ؟
شيخه: ايي عادي افا عليج لو مب عادي جان ماتصلت لج
حمد بسرعه كتب لها" شفيج انتي غبيه ؟؟؟؟؟؟؟ لتقولين شي غير ..
شيخه تقرا: شفيج انتي (توها مستوعبه) قصدي انتي
ريم تقاطعها: شفييج قوليلي
حمد: قوليلها ابي اعرف شلون اراضيه ..
شيخه تغير صوتها: مب عارفه شلون اخليه يرضى علي
حمد: افففففف لتغيرين الصيغه بذبحج !!
ريم بسرعه: عادي افا عليج تسامحي منه .. قوليله احبك ..
حمد: قوليلها شلون؟
شيخه: شلون يعني ؟
ريم: اممم .. يعني بهدوء تنحل المشاكل .. انا مابي اعرف شصار بالضبط بس ابيج تروحين له بهدوء .. تتفاهمين وياه
حمد: قوليلها شقول له بالضبط ؟
شيخه: يعني شقول له بالضبط ؟؟
ريم: امممم .. قوليله احبك ..
شيخه: شلون؟
ريم تغير صوتها: احبك .. جذي
شيخه ابتسمت
حمد يسمع صوتها .. دااخ
شيخه: وبعد شقول له
ريم: يعني انتي لازم تتسامحين منه .. حتى لو اهوه الغلطان بس انتي تسامحي .. عشان اهوه يتسامح بعد
شيخه: شقول له بالضبط ؟
ريم: قوليله .. (بنعومه) معليه حبيبي آسفه .. سامحني ..
شيخه: انزين وذا مارضى؟
حمد" لتحجيين على كيفج :@
ريم: اممممم .. لا ان شاءالله يرضى .. بهدوء كل شي ينحل .. برريله موقفج .. واذا كلش كلش قوليله .. حقك علي حبيبي.. خلاص ان شاءالله هالشي مايتكرر مره ثانيه
حمد" واذا قال بيطلقني ؟
شيخه بققت عينها: هااااا ؟
ريم بالها قالت شي غلط: اممم
شيخه: انزين واذا حده معصب وقال بيفصخ الخطوبه ؟
ريم: لا لا لتفاولين تفائلي وماعليج .. ان شاءالله خير .. انتي بس تسامحي منه ..
شيخه: زين اذا قالي شقول له ؟
ريم: قوليله انج ماتقدرين تعيشين بدونه .. ورضاه عليج شي ضروري
شيخه: اي شلون ؟
ريم خذت نفس: والله ماقدر على زعلك .. حياتي ماتسوى شي بدونك .. انا احبك .. وابيك تكون وياي .. وابيك تكون راضي علي ... لتخليني بروحي .. ومن هالحجي
شيخه: ويي ريم انا ماعرف .. نطري انا قاعده اكتب عشان مانسى
ريم ياتها الضحكه: هه انزين ولا انا ماعرف
شيخه: امبلا تعرفين .. يالله قولي عشان اكتب
ريم: انتي شتبين توصلين له بالضبط؟
شيخه: يعني .. ابي اقول له اني احبه ومب مستعده اعيش بدونه .. نفس اللي قلتيه يعني
ريم: اكا تعرفين !! قوليله .. (بنعومه) مستحيل اعيش بدونك .. ماعليك من احد .. اهم شي اكون انا ويااك .. وآسفه اذا غلطت سامحني (متفشله) ترى انا قاعده اخربط عليج ولا اعرف شي .. والكلام اللي يطلع من القلب احسن .. يعني لتكتبين شي بس عرفي انتي شتقولين له ..
حمد ساكت يسمع ..
وشيخه: يعني تهقين ماكتب ؟
ريم: اي مب حلو تروحين تقولين له شي جنج حافظته وتسمعين .. خلي

الكلام يطلع من قلبج ..
شيخه: انتي شتصير لج فوزيه الدريع ؟
ريم ابتسمت: عمة ابوي هههههههههههههههههه
شيخه: مادري ريم آسفه اني متصلة لج هالحزه .. بس حدي متوهقه .. ومالقيت احد اتصل له غيرج
ريم: وي لا افا عليج اخذي راحتج .. اهم شي انتي لتضايقين .. وكل شي بالهدوء ينحل ..
شيخه ابتسمت: مشكوره
ريم: افا عليج حاضرين
شيخه: يالله عيل اخليج انا
حمد" لاااااااااا نطري !
ريم: اوكي معليه .. واي شي تبينه اتصلي لي .. بس سوري امساعه اخربط عليج لان .. هالمواقف احلى كلام يكون فيها اللي يطلع من القلب
شيخه: صااجه .. بس علأقل عرفت شقول .. يالله ريم تصبحين على خير
ريم: وانتي من هله حبيبتي ..
حمد: نطريييييييييييييييييييييييييييي
شيخه: بيباي
ريم: باي ..
صكته ريم ..
وطبعا حمد كان مسجل كل المكالمه .. وشيخه بع صكته ونست ان حمد علخط .. رد اتصل لها وشالته: هااا
حمد معصب: غبيه .. والله غبيه
شيخه: الحين زين مني انا متصلة لها.. معنى مادري انت شتبي بالضبط .. قاعده اخربط عليها واهي تخربط علي .. جذي زين يعني ؟ فشلتني !!
حمد: جب جب .. سمعيني ..
شيخه: هااااااااا شتبي بعد !!
حمد: بس خمدي واذا ابي شي بتصل .. ردي
شيخه: يصير خير .. يالله باي
حمد: باي
ريم كانت مصدقتها .. ماتحب تشك في احد وتظن فيه شي مب زين ..
بسرعه بدلت .. رفعت شعرها .. خذت تلفونها والكيمرا ونزلت حق ناصر ..
كان قاعد يلعب بلي ستيشن .. عيز وهو ينطرها ..
ريم ببراءة دشت الميلس:آسفه
ناصر بدون مايطالعها: جان ماييتي بعد ؟
ريم: سوري بس رفيجتي اتصلت وتمت تسولف شوي ..
ناصر يخزها: هالحزه؟
ريم راحت قعدت عالكرسي: اي تبيني اساعدها فشي .. ماعليك .. شخاطرك فيه؟
ناصر: شبعاااااااان وبطني متروس ماشتهي شي
ريم: زين علأقل شي تشربه ؟
ناصر: لا ابوي مابي شي .. مشكوره
ريم طلعت كيمرتها من الcase .. رفعتها وصوّرته وهوه يلعب ..
ناصر مشتط وهوه يلعب .. عاقد حيااته .. ومصغر عيونه .. حده داش feeling .. وهي تصوّر فيه مستانسه ..
سجل قول وصرخ: ياسلاااااااااااااااااام علي .. الكره تحبني
ريم مستانسه عليه ..
ناصر صك اللعبه وجابلها: ها حبيبتي .. شرايج تعطيني ربع ساعه اودي الاغراض بيتنه .. وابدل واييج ..
ريم ابتسمت: اللي اريحك
ناصر قام: معليه مابتأخر .. بس مب عدله اخليهم فلسياره .. بشيلهم الحين بحطهم .. وبييب لج الشبكه
ريم: لا لا خلها عندك .. يوم الحفله ييبها
ناصر: ومتى الحفله ؟
ريم بغباء: شدراني ؟
ناصر ابتسم: باجر سألي امج .. متى يبون الحفله بالضبط
ريم: ان شاءالله
ناصر راح يمها .. يود يدها: قومي دشي داخل الحين .. واذا ييت بتصل لج ..
قامت ريم: عاد .. لتأخر
ناصر برومانسيه: وانا اقدر؟ (يود راسها وباسها على يبهتها) يالله حبيبتي
ريم مستحيه .. تمت ساكته
ناصر يخزها .. سحبها وياه .. طلعوا من الميلس .. وقفوا يم الباب ..
ناصر التفت عليها: اذا رقدتي ياويلج
ريم ابتسمت: لا بنطرك

ناصر مشى: يالله ابوي .. بااي
ريم: الله يحفظك ..
طلع ناصر عنها .. دشت ريم البيت .. توها بتركب الدري الا امها طالعه من غرفتها ..
ريم التفتت عليها : يمه ؟؟ (بسرعه نزلت) فيج شي ؟
ام فيصل وصوتها مخنوق وعيونها تلمع: لا لا .. مافيني شي .. بس بروح اييب حق ابوج مااي ..
ريم بخوف: ابوي فيه شي ؟؟
ام فيصل وحابسه دمعتها: ابوج عنيد وراسه يابس مادري شسوي فيه ..
ريم خافت: يمه ابوي فيه شي ؟
ام فيصل مشت عنها .. ريم بسرعه راحت حق ابوها .. دشت عليه .. كان منسدح .. من جافها ناداها: تعالي يبه
ريم راحت قعدت يمه .. طلت في ويهه: يبه شفيك ؟
بوفيصل يكح: كح كح .. مافيني شي يبه .. شفيني ؟
ريم حطت يدها على جتفه: قولي شفيك ..
بوفيصل .. يرتاح حق ريم .. يقول لها كل شي .. : تعباان يبوج .. تعباان .. احس بضيق في صدري .. قلبي يعورني .. يدق بسرعه .. راسي مصدع .. من اقوم يدور راسي ..
ريم بخوف: اسم الله عليك .. قوم خل اوديك المستشفى يالله
بوفيصل: لا يبوج .. خليني اهني مرتاح .. في بيتي .. مابي اموت اهناك
ريم وقف قلبها وخنقتها العبره: يبه !! (تحس بغصه .. بلعت ريجها) يبه طلبتك .. لتردني ..
بوفيصل: اذا يومي بموت .. بدون مستشفى
ريم يودته ونزلت دمعتها: عسى عمرك طويل يبه لتقول هلحجي .. (صاحت) عشاني قوم
بوفيصل: مالي سالفه اروح
ريم خايفه: يبه قوم .. علأقل يجوفون شفيك .. قوم ..
بوفيصل يهز راسه .. ويكح ..
ريم وقفت: الحين تقوم .. مالي شغل
بوفيصل: خليني جذي مرتاح
ريم: يبه ترى ازعل عليك !! قوم يالله عشان خاطري ..
ام فيصل توها داشه .. ريم التفتت عليها: يمه !! ليش ماقلتيلي ان ابوي تعبان ؟ دقيقه بييب دفتي وبنوديه المستشفى
بوفيصل: هلحزه ؟ لا يبوج من اصبح افلح .. باجرالصبح
ريم تقاطعه: يبه !! مالي شغل .. (قبل لا تطلع التفتت عليها) دقيقه بس ..
ام فيصل حابسه دموعها: ماعليك شر يالغالي ..
بوفيصل يحاول يقوم .. يحس بدوره في راسه .. يودها بقوه .. ام فيصل يودته وساعدته عشان يقوم يوقف ..
بسرعه ريم خذت تلفونها ولبست دفتها وشيلتها ونزلت لهم: يالله . (تحاجي امها) يمه انتي قعدي ماله داعي تيين ..
ام فيصل بسرعه لبست شيلتها: لا حبيبتي انا لازم ايي
ريم: يمه ارتاحي
ام فيصل نزلت دمعتها: وشلون ارتااح وريلي تعبان ؟؟
ريم معورها قلبها .. يودت ابوها .. وخلته يمشي ويروح صوب السياره .. ركبته ورا ويا امها .. انسدح على حضنها .. واهي تمسح على شعره ودموعها تنزل في ويهه ..
وريم تسوق ويدها ترتجف .. خايفه على ابوها .. ودموعها تنزل.. كل دقيقه التفتت عليه تجوفه ..
ماقالوا حق فيصل ونجود خلوهم راقدين ..
وصلوا المستشفى .. راحوا صوب الطوارئ بسرعه نزلت ريم .. نادتهم ايون ياخذون ابوها .. كان تعباان مايقدر يمشي .. حطوه علويل جير .. وبسرعه ركضوا فيه داخل عند الدكتور .. ومارضوا يدخلون ريم وامها .. ريم خايفه .. ناصر اتصل فيها .. : الحب وينج ؟
ريم وصوتها ابين مخنووق .. : نااصر !!
ناصر خاف عليها: ريم شفيج ؟
ريم تصيح: ابووي
ناصر: ابوج ؟ شفيه ؟ حبيبتي لتصيحين عورتي قلبي قوليلي شصاير؟
ريم ناصر: حبيبتي لتخافين .. ماعليه شر ان شاءالله .. انتي بس هدي .. فيصل وياكم ؟
تصيح: مادري ناصر مادري .. ابوي تعبان ويبته المستشفى
ناصر: حبيبتي لتصيحين .. مافيه شي ان شاءالله .. الحين انا بييكم دقيقه بس ..
ريم تصيح: ناصر انا خايفه
ريم خذت نفس: لا محد ..ماقلت له .. ما يدري
ناصر: دقيقه بس .. مسافة الطريج وانا عندكم .. يالله باي