[ " قصة عشان الحب ... والي بيني وبينك " ]

نجود: انا شدراني .. بس انتي تمي اهني .. والله
ريم: زين زين ..
نجود بطلت التلفزيون: قعدي لتحركين
ريم مب فاهمه: انزين وه !!

فلميلس ..
ناصر يخز ابوه ..
بو ناصر: والله ياخوي .. احنا يايين لك من لندن .. (يطالع ناصر) وناصر ياي من امريكا .. عشان شي واحد بس ..
بو فيصل يسمع باهتمام .. وكلهم يسمعون من صجهم
بو ناصر: احنا ياخوي يايين طالبينك فطلب ..
بوفيصل: عطيتك ياخوي .. آمرني
بوناصر: والله يايين نطلب يد بنتنا ريم ..لولدكم ناصر
طبعا اهني ناصر راحت عليه .. قلبه قام يدق .. منزل راسه مايبي يجوف ردة فعلهم
بوفيصل مستانس: هذي الساعه لمباركه ياخوي .. (يطالع ناصر) وناصر ولدنا ..
ام فيصل دمعت عينها .. مب مصدقه بنتها بتروح عنها .. !! بهالسرعه عاد ؟؟
ام ناصر كانت قاعده يمها .. صج انها تغاار منها بس .. الولد يبيها .. حطت يدها على جتف ام فيصل وابتسمت ..
ناصر للحين يخز ابوه
بو ناصر: عاد احنا مستعيلين
بوفيصل: معليه .. انا ماعندي مانع ..
فيصل مستانس: يعني تبون راي ريم ؟؟
ناصر التفت له: اكيد
بوفيصل يحاجي مرته: تسألينها ؟
ام فيصل قامت: ان شاءالله ..
ناصر مستاااااااااااانس طاير من الوناسه يبي يسمع الخبر بسرعه الحين ..
ام فيصل راحت حق ريم اللي كانت تجوف التلفزيون ويا نجود .. ولا تدري بالدنيا .. في بالها ناصر .. سرحاانه ..
ام فيصل: يمه ريم ؟
ريم سرحانه ماحست فيها
ام فيصل: ريم ؟؟
ريم توها مستوعبه .. التفتت: هلا يمه !! شصاير ؟
ام فيصل: تعالي ابيج شوي ..
نجود وقفت: يمه قعدي ولا تسوين لج سوالف .. مافي اسرار يالله قعدي
ام فيصل واقفه تحاجي ريم: قومي تعالي
نجود يودت ريم: مافي .. (تحاجي ريم) ريلي على ريلج حبيبتي مافي روحه (تحاجي امها) يمه يعني عادتني غريبه عنكم ؟؟ قولي شعندج اهني ابي اسمع
ام فيصل سحبت ريم: تعالي المطبخ
نجود مشت وراها: يمه عبالج بتطيرين يعني ؟؟ وراكم انا ..
ام فيصل يأست خلاص: تعالي شسوي فيج
نجود فيها الضحكه: جان تمينه فلصاله اتفننين تروحين المطبخ ليش ؟؟ اما انتي ..
دشت المطبخ .. ام فيصل صكت الباب .. وجابلت ريم .. ريم خايفه قلبها يدق يدق .. مب عارفه شصاير ..
ام فيصل تسندت علباب .. ونجود متجتفه تطالعهم ثنتينهم ..
ام فيصل.. تتلفت .. تطالع يمين يسار فوق تحت .. مب عارفه شلون تبتدي .. ولا شتقول .. اول مره تمر في همالموقف .. تخيلت ريم عروس .. واهي تمشي ويا ناصر .. ميوده يده .. واهوه لابس البشت .. واهي بفستانها الأبيض .. والورد في يدها .. تمت تتخيل .. وقعدت تصيح ..
ريم خافت على امها .. بسرعه راحت يمها : يمه حبيبتي شصاير ؟؟
ام فيصل مشت دموعها: تروحين عني يمه ؟
ريم مب فاهمه: وين ااروح ؟
ام فيصل يودت بيدينها راس بنتها ..ابتسمت: ناصر ..
ريم طاح قلبها: شفيه ؟؟
نجود فهمتها ويزعم تيبب: كلولولولوللللللللللللييييييييش الف الصلاة والسلام عليك ياحبيب الله محمد ..(تمت تطبل عالثلاجه) ومباركين عرس الأثنين ليلة ربيع عين وقمرة واللي جمع بين قلبين الله يبارك بعمره
ام فيصل تصفق مساييره بنتها .. مستانسه
ريم قلبها يطق يطق يطق .. ريجها نشف ..
ام فيصل: ها ؟؟ ينطرون رايج ؟
ريم استحت .. شب ويهه.. يزعم مافهمت: اي راي ؟

نجود: شكرهج تصيرين لي تغيبيتي ..
ريم يزعم مافهمت: شنو ؟ شصاير ؟؟
ام فيصل: اقول مبروك ؟؟
ريم مستحيه: كيفج
ام فيصل: يه ؟؟ انتي اللي بتعرسين ولا انا ؟؟
ريم شب ويهه: ها ؟؟ مادري ؟
نجود: غبيه !! قولي اي وخلاص !! (تحاجي امها ) يمه خلاص موافقه اصلا ماكان له داعي تسألينها
ام فيصل: شقلتي ؟؟ اذا ماتبينه قولي هذي حياتج يمه !
ريم لا اراديا: لا ابيه (تفشلت) قصدي شسمونه
نجود: بقمه .. خلاص يمه موافقه
ام فيصل دمعت عينها: مبروك حبيبتي (لمتها وقعدت تصيح)
نجود: يمه لازم تخربين علينه .. عبالج خلف ؟؟ .. بس بس لتصيحين اروح ابشرهم ؟
ام فيصل هدتها .. وتمت تطالعها: بروح لهم انا ..
دشت عليهم الميلس ..
وقفت عند الباب ..
كلمن يطالعها يبيها تتحجى ..
وهي ساكته .. وتطالع الأرض .. رفعت عينها وطالعت ريلها .. وهوه ساكت ينطرها تتحجى .. وناصر على اعصابه يبي يعرف ردها ..
ام فيصل تهز راسها .( ان لاء ) .. ردت تطالع الأرض .. بو فيصل تحبط .. وناصر يهز ريله حده يبي يسمع رايها .. كلهم ساكتين هدوء ..
ام فيصل ابتسمت: مبروك
ناصر مستانس .. خذ نفس: افففف .. مابغت ؟؟
بوفيصل مستانس
بوناصر: خلاص عيل .. توكلنا على الله ..
بوفيصل: والنعم بالله
ناصر مستانس .. راح باس راس ابوه .. وامه .. وعمه .. وهوه من صجه: يالله عمي الليله الملجه
بوفيصل مستغرب: الليله عاد ؟
ناصر: اي اي تكفى حدي مستعيل
التفت على فيصل .. مستعيل: قول له .. الليله
فيصل : كيفكم انا مالي شغل
بوفيصل: الليله عاد ؟
ناصر: اي الليله نملج .. والاسبوع الياي ولا اللي عقبه نسوي الحفله (يحاجي فيصل) شرايك ؟
فيصل: والله كيفكم .. مادري
ناصر يحاجي ابوه: يبه !! قول شي !!
بوناصر: شاقول ؟؟ (التفت على اخوه) اللي يجوفه ابوها
بوفيصل: والله .. مادري شقول لك .. فاجئتني (يحاجي مرته) انتي شرايج ؟
ام فيصل: مادري والله
ناصر: كلكم ماتدرون .. انا ادري .. خلاص اتفقنا ؟؟ نتوكل ؟؟
فيصل: على ؟
ناصر: الليله نملج .. وبعدين نحدد يوم الحفله
بوفيصل: لازم ناخذ راي العروس ..
ناصر قام: انا بروح اسألها
فيصل قعده: ايلس ايلس .. (قام بيطلع) انا بسألها ..
ناصر على اعصااابه .. يبي بسرعه كل شي يصيير مافيه شده ينطر زوود ..

ريم كانت في غرفتها .. قاعده عالدريسنج .. مجابله المنظره ..مب مصدقه .. حدها مستاااانسه .. تحس بشعور غريب تحاجي اسماء ..
ريم: والله من صجي !!
اسماء مب مصدقه: واهوه وينه الحين ؟؟
ريم: تحت ويا ابوي وامي ..
اسماء: وابوه وامه بعد ؟؟
ريم: ايي كلهم
اسماء مب مصدقه: حلفي ؟
ريم: والله شفيج ؟؟
اسماء: وبتاخذينه يعني ؟
ريم: عندج مانع ؟؟
اسماء مب عاجبتها السالفه: لا بلعكس بس .. متى الملجه ؟
ريم: شدراني .. مادري والله محد قالي ..
فيصل طق عليها الباب ..
ريم التفتت: من ؟؟

فيصل: انا فيصل
ريم: حيااك حيااك (تحاجي اسماء) شوي وكلمج ها
اسماء: اوكي انطرج .. يالله باي
فيصل دش : مشغوله ؟؟
ريم وقفت: لا لا .. حيااك افا عليك
فيصل راح قعد عالسرير .. خذ نفس : شرايج ؟
ريم خايفه: في ؟؟
فيصل: رايج في ناصر اعرفه .. بس ..
ريم مرتبكه: شصاير ؟؟
فيصل: كل خير ان شاءالله .. بس الريال مستعيل .. ويبي يملج الليله
ريم وقف قلبها: الليله !!
فيصل وقف: اذا ماتبين بروح اقوله .. كيفج انتي
ريم انصدمت مب عارفه شتقول: لا انطر .. لحظه .. يعني .. (بعلت ريجها) الليله الليله ؟؟
فيصل: لا الليله الليله .. يعني الليله تملجون والحفله مادري متى
ريم: انزين .. مادري !!
فيصل: مافي مادري .. يا اي .. يا لاء
ريم خايفه: مادري احس .. لو .. كيفكم كيفكم
فيصل: ريم قوليلي انتي شرايج ؟؟
ريم بغباء: ماعرف
فيصل بدى يعصب .. بهدوء : ريم !!
ريم: مادري انت داش علي تقولي الملجه الليله حط روحك مكاني يعني مادري شوي بس خل .. مادري مادري
فيصل بيطلع: لي دريتي قوليلي ..
طلع عنها .. ونزل الدري ..
ريم بدون شعور ركضت وراه: فيصل .. ؟
فيصل يود سور الدري والتفت عليها: نعم ؟
ريم مستحيه .. ابتسمت ..
فيصل ركب لها: مناديتني ؟
ريم مستحيه .. تطالعه: ها ؟
فيصل يخزها: تبين شي ؟؟
ريم مستحيه .. قلبه يدق يدق يدق : امم ..
فيصل يسمعها باهتمام ..
ريم مستحيه: ناصر .. اللي يقوله سووه ..
فيصل ابتسم : وانتي ماعندج راي يعني ؟
ريم منزله راسها: رايي من رايه .. (ركبت عنه بسرعه ..)
فيصل يهز راسه: مينونه ..
دش عليهم .. وكلهم كانوا ينطرونه ..
ناصر بسرعه راح له .. متوتر: هاا !! بشر ؟؟
فيصل ابتسم: تقول .. رايها من راي ناصر
بوفيصل: الله يالدنيا !! بعد ماتقول رايي من راي ابوي !! اراويها .. (بغشمره) مافي ملجه اليوم خلاص
ناصر التفت عليه: عمي اهيا تقصد
بوفيصل يقاطعه: اتغشمر .. خلاص يبه توكلنا على الله .. (يحاجي فيصل) ييبوا الملاج ..
ناصر والدنيا مب راضيه تشيله من الاناسه .. يحس روحه طاااااااااير.. يحاجي فيصل: يالله شناطر ؟؟
فيصل: لا اله الا الله .. اثقل يارياال اثقل ..
ناصر: ياخي مستاااااانس .. (يساسره) يصير اجوفها ؟؟
فيصل يخزه: لاء .. لي عقب الحفله
ناصر معصب: على كيفك ؟؟؟؟ يخي خلاص بيصير شي رسمي بعد شتبي ؟؟
فيصل ابتسم: زين زين املج قبل بعدين يصير خير ..
فيصل مستانس .. يبيلهم الخير .. بس تمنى يكون مكاان ناصر اليوم .. يبي يملج على اسماء بسرعه ..
اتصلت لها اسماء .. كانت سرحاانه مب مصدقه .. طول الوقت تتخيل .. رن مرتين وبسرعه شالته: الوو
اسماء: وينهي اللي بتتصل
ريم خايفه: اسوم لحقي علي بموت
اسماء: شصاير بعد ؟
ريم: الليله الملجه
اسماء ماستوعبت: ملجة من ؟
ريم بخوف: ملجتي
اسماء وقف قلبها: من صجج !!!!!!!! وااي ريمو بصيح ماصدق !! الليله عاد ؟ شفيه ذي مينون ؟؟ اول مره يعرس ؟؟
ريم مب فاهمه: ها ؟؟

اسماء: الليله عااااااااد ؟
ريم: الليله يعني الملجه مب الحفله
اسماء مب فاهمه: وشلفرق ؟؟
ريم: اسوم لازم تيين الحين الحين ..
اسماء: رشوود طالع !! ماعندي احد اييبني !!
ريم: باخذ السياره وبييبج
اسماء: لا العروس لازم ماتتعب حبيبتي ..(ابتسمت) خلي فصول ايي ياخذني
ريم: حلا عليج !! بلا دلع انا باييج .. يالله باي ..
اسماء: يالله بسرعه .. لتأخرين
ريم: اووكي
ريم بسرعه لبست دفتها .. وشيلتها .. ماتبي تدش عليهم تستحي .. بتجوف ناصر وامه وابوه كلهم هناك !! مافيها شدة .. اتصلت على امها ... ناسيه تلفونها فلغرفة .. مالها الا نجود .. اللي تجوف التلفزيون ..بسرعه راحت لها: نجودي حبيبتي .. ؟؟
نجود: هاتي من الآآخر .. شعندج ؟؟
ريم قعدت يمها: دريتي الليله الملجه ؟
نجود: شي طبيعي .. ماجفتيه مب قادر يوقف الريال !! يننتيه غربل الله بليسج
ريم مستحيه: اطلب منج طلب ؟
نجود جابلتها: عرووس .. لازم نلبيلج طلباتج .. آمري شتبين ؟
ريم: يعني تعرفين ان الليله الملجه .. وكل وحده تتمنى رفيجتها تكون معاها في هاليوم .. وانا
نجود تقاطعها: الزببببببده ؟؟ شتبين ؟
ريم: ابي اسوم اتيي !! واسوم ماعندها احد اييبها
نجود: لتقعدين تلفين وتدورين .. قولي شتبين !!
ريم: ابي اقول حق امي اني بروح .. بس
نجود عفست وييه : بس ؟؟؟ طح حظج اقول طح حظج
ريم: يه ؟
نجود: روحي قوليلها ماعندج لسان ولا ماعندج لسان ؟
ريم: عاد عاد استحي اروح مافيني شده والله
نجود: ان شاءالله تبيني انا اروح لها ؟
ريم ابتسمت: ومن لي غيرج ؟
نجود وقفت: عياره لوتيه وحده .. ذلفي مناك
ريم: افا !!
نجود: خايسه .. صار لج سبوع ماتحجين وكله مبوزه و تبمبعين علينه .. والحين شاقة الحلج وميودة لي " استحي " ؟؟
ريم ببراءة: مستكثره علي الوناسه نجود ؟؟
نجود مب فاهمه: يعني شنو ؟؟
ريم ببراءة: بتروحين تسألينها ولا ؟؟
نجود قامت : تيبين لي من باسكن روبنز ؟؟
ريم ابتسمت: ان شاءالله باييب لج .. انتي روحي الحين ..
نجود راحت حق امها .. دشت عليهم .. وقعدت يم امها تساسرها: مامي ريمو بتطلع
ام فيصل التفتت عليها: وين ؟
نجود: بتشرد ماتبي تملج
ام فيصل تخزها: هاا؟؟
نجود: بتييب اسوم
ام فيصل ابتسمت: قوليلها بلعدال ولتشاخط
نجود قامت: اوكي ..
ريم تنطرها: اروح ؟
نجود: روحي راحت روحج
ريم التفتت عليها: افاء؟
نجود: امي تقول لج شخطيها وبسرعه لتأخرين ..
ريم: بشري بالخير .. (وهي طالعه) بااي

ناصر مب مصدق .. عقب مااتفقوا على المهر والشبكه وكل شي ..
بو ناصر قام: يالله احنا نستأذن الحين .. نصلي العشا ونييكم
ام ناصر قامت: يالله مع السلامه
بوفيصل: ويين تو الناس؟
بو ناصر بيطلع: معليه نييكم الليله ... لازم نروح نرتاح
ام فيصل: لتأخرون عاد ننطركم
ام ناصر: ان شاءالله
وصلوهم عند الباب .. ناصر ماوده يروح .. بس ابوه لزم عليه الا يروح ..

فيصل ركب بيرتاح .. بس اتصل حق راشد .. يبي يذكره بالسالفه .. ومره وحده يقوله عن الملجه .. يعني بيصير واحد منهم وفيهم ..
راشد: الووووو هلا والله
فيصل مستانس: هلا فيك هلا هلا ..
راشد: شلووونك شخبارك ؟؟
فيصل: الحمدلله .. انت شلونك عساك بخير ؟
راشد: والله الحمدلله بخير ..
فيصل: وينك هالايام ماتمرنا ؟
راشد: والله اعذرني بس ..خبرك
فيصل: معليه بس الليله عقب صلاة العشا ضروري تيي .. ضروري
راشد: شصاير جيف ؟
فيصل: ملجة اختي ان شاءالله
راشد: لااااا ؟؟ عالبركه!!
فيصل: الله يبارك في حياتك .. انت واحد منا وفينه لازم تكون موجود
راشد: ايي صح .. عاد اسمحلي للحين ماكلمتها ..
فيصل: خذ راحتك بس لتطول ..
راشد فيه الضحكه: ان شاءالله .. وبكلم عمي بعد ان شاءالله .. واذا صار شي بخبرك
فيصل: خلاص .. على خير .. ننطرك الليله عيل ؟
راشد: اكيد ان شاءالله .. يالله مع السلامه
فيصل: الله يسلمك ..

نجود دشت عليه: بترقد ؟؟؟
فيصل منسدح: ايه برتااح شوي .. تعباان ..
نجود: باجر اجازه .. اشوله ترقد ؟؟
فيصل: تعبااااااااااان ..
نجود تخزه: الحبيبه بتيي ..
فيصل فز: حلفي ؟
نجود بخبث: عطني الفلم اللي خاشه عني .. ولا ترى احلف ماتجوفها
فيصل: اقولج مب زين حق يهال
نجود: انا مب ياهل .. تعطيني اياه الحين ؟
فيصل: كله طق وهواش اخاف عليج تصيرين دفشه
نجود متخصره: الحين تطلعه .. ولا ترى اخليها ترد بيتهم
فيصل يأشر: اخذيه فوق الديفيدي هناك
نجود خذته: شوكريا .. بس تدري .. انا مابي اجوفه .. بس نحاسه فيك ..
فيصل يخزها: صج انج
نجود تقاطعه: هاااا !! لتغلط .. ترى اردها بيتهم !!
فيصل: انزين ممكن تطلعين تخليني ارقد ؟
نجود بتطلع: تصبح على خير
فيصل : صكي البااااااب
نجود بطلته زود وخلته مشرع: مابي
فيصل يصارخ: تعاااااالي صكيه
نجود يات تصكه: اففففف حنان ..

ريم على اعصابها .. كانت قاعده فلغرفه .. تقوم وتقعد .. رايحه وراده .. مب عارفه شتسوي ..
اسماء: بس انتي دورتي راسي .. يلسي مكان واحد احسن لج
ريم متوتره: ماقدر .. اسوم ماقدر .. (جابلتها) بموت مب مصدقه .. (تنهدت) يعني .. الليله ؟؟ جذي مره وحده ؟؟
اسماء: احسن لا .. عقب هالصياح .. يصير شي يونس .. شي عجيب ..
ريم تخزها: من السبب فللي صار ؟
اسماء ابتسمت: من غيري فديتني ؟؟ نسيت عاد الحين بتيودينها علي يعني ؟
ريم: لا افا عليج
اسماء يودتها: آيه عليها العروسه .. سامحيني اذا خليتج تصيحين .. وضايقتج .. آآسفه ريمو
ريم لمتها: افا عليج اسوم .. عاد انتي لو شتسوين عاد مازعل عليج ..
اسماء لمتها بالقوه: صج بقمه .. جذي عاد بتملجين ؟؟ عاد حبيبتي ابي حفله .. ابي اهز
ريم : ايي نفس ذاك اليوم ؟؟ يوم فيصل يدش عليج ؟
اسماء هدتها وطقتها بلعدال على جتفها : ويهج يالدبه ..
ريم: مافيني شدة حفلات اسوم .. لو بسوي بس حقنا احنا فلبيت اهني
اسماء: اي احسن .. والعرس اذا بتسوين سوي
ريم: يصير خير .. تو الناس علعرس
اسماء: ماصدق .. عاد اليوم لازم تلبسين شي فستاان ناعم جذي

ريم بطلت خزانتها " الكبت " : شرايج ؟؟ شالبس يعني ؟؟ اختاريلي ؟؟
اسماء: مب شي عود .. اي شي ناعم .. قصير جذي .. اجوف سويلي عرض ازياء
ريم: انزين بلبس لج اللي شريتهم من هناك ..
اسماء: يالله .. يعني الليله بتطلعين تتعشين وياه حضرتج ؟
ريم ابتسمت: المفروض بس مادري بعد .. واي اسوم استحي !! ماصدق !!
اسماء: الفال لي ..
ريم: آمين ..
خذت فستانها وراحت تبدل .. كان قصير .. نااعم .. مافي شي .. اسود وفيه وردة حمره فلوسط..
اسماء: ايييييي هذي حلو .. الا اليوم مب حفله .. يعني بس الملجه .. لبسي ذي حلو ..
ريم: مب جن قصير ؟؟
اسماء: لا زين
ريم: البس شي غير ؟
اسماء: لا حلو حلو ..
ريم: قصير ماينفع .. ولا ؟
اسماء: امممم .. عادي من بيجوفج ؟؟ لبسي لبسي عادي ..
ريم: تهقين ؟
اسماء: نادي نجود بعد سأليها ..
ريم بطلت الباب تناديها: نجووووووود
نجود كانت تحت ..
راحت صوب الدري: نجووووود
نجود سمعتها .. راحت صوب الدري من تحت: هاا شتبين ؟؟ (توها ملاحظه) امبيه !! نطري باييج
ريم بسرعه راحت غرفتها .. نجود ركضت وياتها: امبيييييه شلابسه ؟؟
ريم مستحيه: مب حلو ؟؟
نجود: خطييييير !! وايد حلو !!
ريم: من صجج ؟
نجود: اي والله حلو ..
ريم: قصير البسون فلملجه ؟
نجود: لا بس انتي مب فلحفله .. يعني بس بتملجون يالبقمه .. عادي عادي .. حدج فن .. بعد لي فليتي الشعر ولوصتي في ويهج .. الله يعينك يا نويصر
ريم استحت: صج عاد ؟
نجود: ايي والله .. فن .. عطيني اعطيها تكويه ..
ريم: لتحرقه عاد !!
نجود: يالله بسرعه .. ترى توه مأذن المغرب
ريم: امبيه مابقى شي ؟؟
نجود: جانزين انا مكانج !!
ريم ابتسمت: الفال لج
اسماء تخزها
ريم: ولج بعد ولتطالعيني جذي
اسماء: يالله بسرعه روحي تسبحي وبدلي مابقى شي
ريم: وي نطري خل اصلي !!
اسماء: يالله ابي اجوفج وياه ..
نجود: جرجتي الكيمرا ؟
ريم: امبيه !! اي اي مجرجه .. لتخافين ..
نجود: امي تقول مابتمين من بتملجين بتطلعين وياه !! صج انج .. تمي شوي بشغل المسجل برقص
ريم: خلي الرقص لي الحفله ..
نجود: تدرين ؟؟ الشي اللي ابي اصوره وفاتني ؟؟ قولي متى
ريم: متى ؟
نجود: يوم مساعه علدري .. وانتي تجوفين ناصر .. ويهج !! اول مره اجوفه جذي
ريم طقتها بلعدال: عن الطناره يالله
اسماء مستانسه: نجود شرحيلي شلون شلون كان ؟
نجود: تعرفين الواحد اذا جاف يني شيصير فيه ؟
اسماء مب فاهمه: ماقط اجوف يني للأسف ..
نجود: تخيلي انزين تخيلي .. بالضبط هذي ويه ريمو مساعه
ريم فيها الضحكه: بس عاد .. قوموا نصلي بلا هالسالفه

ناصر توه راد من المسيد .. اتصل في عبدالله: الوو
عبدالله: هلاهلا

ناصر: بااااااااااركلي
عبدالله مب مستوعب: على ؟
ناصر: قايل لك انا املج عليها يعني املج عليها الليله
عبدالله: سويتها ؟
ناصر: الليله ان شاءالله
عبدالله: والله انك خطير
ناصر بغرور: عشوون عيل ؟ يالله انطرك تعال
عبدالله: وين ؟
ناصر: بيت العروس
عبدالله: ووين بيت العروس يحظي
ناصر: انت اركب السياره وانا بدليك عقب .. بحلق انا وبكلمك ها !! ييب وياك حمانو اخوك
عبدالله: ان شاءالله
ناصر: و ابوك بعد ..
عبدالله: ان شاءالله
ناصر: و ولد عمك مادري خالتك .. شسمه ذاك القصير ؟
عبدالله حابس الضحكه: افا عليك .. اي واحد اجوفه فلفريج بييبه لك بعد
ناصر: لا لا صج ذكرني ..شسمه ؟
عبدالله: علووي القصله
ناصر ابتسم: هذهوه .. لتنسى تييبه ؟؟
عبدالله: افا عليك .. متى عاد ؟
ناصر: يعني صلوا العشا وتعالوا
عبدالله: انزين بصلي وبتصل لك دلني
ناصر: زين
عبدالله: يالله نجوفك
ناصر: على خير ..
عبدالله: ببااي
ناصر: باي
بسرعه راح الحلااق يحلق .. مستانس ..
اول مادش ..
ناصر يسلم علهندي: ها بيا .. كيساهي ؟
الهندي: بووووتجا .. وين انته من زمان مافي جوف !!
ناصر: لاايسوي قرقر بيا .. انا اليوم في خطوبه .. سوي عرس يعني ..
الهندي يهز راسه: مبروك
ناصر: انا ماقولك عشان تقوللي مبروك .. احلق لي زين .. فاهم ؟
الهندي: بووووتجا .. ايقعد
ناصر قعد: لتشمخني !!
الهندي يهز راسه: نهي شمك بابا .. انته مافي سوي هركه هركه ..
ناصر مستانس: يالله جلدي كروو بابا .. مستعيل انا ..
الهندي: لا يسوي قرقر واازد بابا
ناصـر .. مب قادر يصدق .. حده مستاااااانس .. يحس بوناسه .. بفرحه مو طبيعيه .. متشق .. بالدقيقه يطالع ساعته .. يبي بسرعه يمر الوقت .. يبيها تكون يمه .. معاه طول الوقت .. مايبيها تبعد عنه ابد .. ولاشي يفرقهم كلش ..
ريم خايفه .. متوتره .. مرتبكه .. كل شي .. مب مصدقه ان اليوم ملجتها ؟؟ وهي الصبح كانت تتمنى تمووت ولا تمر في هالحااله .. واليوم .. تحس براحه وخوف نفس الوقت .. وناسه وحزن .. ماتدري شتسوي .. تبي الوقت يمر بسرعه .. مب قادره تصبر ..

عقب صـلاة العشـا ..
ناصر بسرعه كشخ .. صار له ساعتين عند المنظره يعدل نسفته .. من زمان ماغتر ..
يات امه تبخره .. ابوه بعد غتر وراحت تبخره .. بسرعه ركبوا سيارتهم وراحو ..
بو ناصر التفت عليه: اثقل يبوك اثقل ..
ناصر: يبه شفيك ؟؟ مستانس خلني ..

فيصل عقب مارد من المسيد غتر .. ياته امه تبخره بعد
ام فيصل: الفال لك حبيب قلبي
فيصل التفت لها: آمين ..
ام فيصل رفعت يدها: يالله تبلغني فيهم كلهم .. (تطالعه) الله يوفقكم ويسعدكم يارب
فيصل راح باس راسها: بوجودج يالغاليه .. عيل وين ريم ؟؟
ام فيصل: الحين بروح لها ..

طلعت من عنده .. دشت غرفة ريم .. كانت لابسه بيجامه .. ومجابله المنظره تحط لها ميك اب نااااعم ..
ام فيصل عند الباب تيبب: كلولولولوليييييييش
ريم مستحيه..
نجود تطالع امها: يمه صبري !! ختبدل اول وخل يملجون .. وعقب يببي
ام فيصل: خليني مستانسه
اسماء: استانسي خالتي استانسي
ام فيصل تخزها: الفال لج ..
اسماء تسوي روحها مستحيه .. حطت صبعها في حلجها وتمت تصك وتبطل في عينها: استحي
ام فيصل: وانتوا مابتحطون شي ؟
اسماء: ويي خالتي الا بيملجون وبيتطلع حضرتها .. شنحط ؟
ام فيصل: اصلا انتي حلوه مايحتاي تحطين شي ؟
ريم التفتت لها: ايي يعني انا الكريهه اللي لازم احط ؟
ام فيصل بعصبيه: انا قلت جذي ؟؟؟؟؟ انتي عاد قمرهم كلهم حبيبتي انتي
نجود: شقصدج يعني انا اللي لازم احط ؟
ام فيصل: عاد انتي شيختهم .. احلاهم كلهم
نجود: يمه ماينعرف لج والله .. بس بحط لي قلوس عشان يلمع فلصوره
ام فيصل: زين كيفكم .. انا بنزل يمكن يات مرت عمج ..
ريم كملت ميك اب .. جابتلهم .. بحيا: شرايكم ؟
اسماء: تف تف تف ماشاالله لا اله الا الله قمررررر
نجود: حدج قمر بس مب أقمر مني لعلمج
ريم ابتسمت لها: ادري .. اكييد اصلن .. (خذت فستانها) خل اروح ابدل ..

ام فيصل نزلت تحت .. تبخر المكاان ..
فيصل وبو فيصل كانوا فلميلس البراعي ..
ياهم راشد .. وخالد رفيج فيصل .. ويوسف وسلمان والربع ..
وصل ناصر .. وابوه .. دشوا لهم الميلس ..
شوي الا ياي الملاج ..
قبل لايصير اي شي .. نزلت ريم بسرعه ..
امها ومرت عمها كانوا في الميلس .. ونجود اسماء راكضين وراها ..
كانت فاله شعرها .. وحاطه ورده صغيره على صووب .. تينن ..
امها جافتها تركض بسرعه طلعت من الميلس: وه شفيج ؟
ريم وتتنفس بصعوبه من الركيض: يمه .. هه هه ..عندي شرط
ام فيصل يودت قلبها: الحيين تقولين ؟؟ وشنو شرطج يحظي ؟؟
ريم نزلت راسها: بيني وبين ناصر بس ..
ام فيصل عقدت حواجبها: عجيب ؟؟ قوليلي انا امج ..
ريم: لا يمه مب شي مهم .. بس بيني وبينه .. بليز بليز .. (رفعت تلفونها تتصل في فيصل .. فيصل تخرع يوم جاف رقمها .. بسرعه طلع وكلمها)
فيصل: الو ..
ريم: نطروا نطروا ..
فيصل مستغرب: شفيج بعد؟؟
ريم: عندي شرط
فيصل: انا لله.. حزتج ؟؟ عقب قوليله كل شروطج مب الحين
ريم: لا لا احين ..
فيصل: وشنو شرطج ؟
ريم: لا مابقولك انت .. بقول حق ناصر
فيصل: اي قوليلي عشان يكتبونه فلعقد ..
ريم: بقول له اهوه .. مابي احد يعرفه بس انا وهوه
فيصل: قوليلي انزين شفيها ؟
ريم: الفيص عفيه عطني اكلمه ..
فيصل بسرعه دش يعطي التلفون ناصر: هااك
ناصر خايف: من ؟
فيصل: يود ..
ناصر بسرعه: الو ؟
ريم دشت المطبخ : الوو
ناصر مب عارف يتحجى جدامهم وكلهم يطالعونه .. بسرعه طلع من الميلس: قلبي شفيج ابوي؟؟
ريم ببراءة: عندي شرط
ناصر : افا عليج .. ابوي انتي آآمري تدللي
ريم تتطنز: انا وايد عندي شرووط .. بس هالشرط مهم
ناصر: آمري ابوي .. تشرطي ..
ريم خذت نفس : ..... ماتطقني
ناصر انصدم من شرطها .. عوره قلبه .. تضايق .. حس بالذنب :

ريم مب عارفه شتقول: باي
ناصر: لحظه ابوي
ريم: هلا ؟
ناصر بحب: احبج .. اممم .. حبيبتي اوعدج مامد يدي عليج مره ثانيه .. اوعدج .. والله يشهد ..
ريم ابتسمت: انا مب قصدي بس
ناصر: لا من حقج ابوي .. يالله الرياييل ينطروني لاحقين عالسوالف ابوي .. زين ؟
ريم: اوكي يالله
ناصر: باي

عقب ماكتبوا العقد وملجوا ..
ريم كانت قاعده على اعصابها ويا امها ومرت عمها واختها ورفيجتها ..
شحلوها تينن بينهم .. ويا فستانها القصير .. اللي ياي من رقبتها .. والورده شحلوها تبين .. شعرها يايبته على صوب .. وامها طول الوقت تطالعها ..
نجود مب عاجبها الوضع: ابي ارقص !!
اسماء: نطري تعالي نصور وياها عقب نرقص ..
ريم كانت قاعده: احس روحي شخصيه اللي يبي يصور وياي واللي يبي شسمه .. مشكله
اسماء: انطمي .. (خذت الكيمرا منها)
ريم: بلعداال عليها بلعدااال .
اسماء تحاجي النسوان: تعالوا صوروا وياها
قاموا قعدوا .. صورة جماعيه يزعم .. تينن .. بس اسماء ناقصه ..
خذت نجود منها الكيمرا وصورتهم ..
عقب نجود صورت بروحها ويا اختها .. واسماء بروحها ويا رفيجتها ..
نجود : بس بس هنود ؟ ماشبعتوا ؟؟ فيني ردحه .. ابي ارقص
ريم فيها الضحكه: رقصي لا
اسماء: اطبل لج ؟
نجود وهي رايحه: نطروا بييب اللابتوب ..

ناصر يساسر فيصل: يالله لا ؟
فيصل التفت عليه: شتبي ؟
ناصر: ابي اجوفها !
فيصل يبي يحره: مب اليوم ..
ناصر يخزه: على كيفك ؟؟ خلاص صارت مرتي رسمي .. مالك حق تعترض ..
فيصل: انزين انطر الحين بيمشون الربع .. بيتعشون قبل.. بييبها لك اهني
ناصر شق الحلج: اي جذي تعجبني .. (يساسره) يالله ذلفهم
فيصل: انطر يارياال انطر .. الصبر زين يخي ..
ناصر يخزه: اذا صرت مكاني .. عقب قول الصبر زين
فيصل ابتسم: جريب ان شاءالله جريب
ناصر قام يحاجي عبدالله: اووي .. احاجيك
عبدالله التفت: هاا شفيك؟
ناصر: اترس الدبه وفارج
عبدالله ابتسم: ليش عاد بتم وياك شوي ..
ناصر: مافي .. ذلف اللي وياك بعد
عبدالله ابتسم: احسك مب قادر توقف نصور
ناصر: حديييي مستعيل ..
عبدالله يتطنز: تبي نمشي من الحين مب مشكله
ناصر طقه بلعدال على جتفه: لتدلع !! ايلس البيت بيتك .. بس لتطول
عبدالله: ان شاءالله
ناصر ابتسم: عبود عبود .. شرايك فيني وانا معرس
عبدالله : مايطيح
ناصر عفس ويهه: قول محتر يالحسود .. ادريبك
عبدالله: وشلا احتر ؟ انا جايف خير الحمدلله
ناصر: شقصدك ؟؟ انا اللي مب جايف خير ؟
عبدالله: لا ماقصد .. بس .. للحين ماحبيت والحمدلله
ناصر: اقولك محتر مب مصدقني ..
عبدالله: مالت عليك اقول .. ايلس شفيك واقف؟
ناصر قعد يمه: حاس فيني انت ؟
عبدالله: شفيك ؟؟
ناصر: مالت عليك من رفيج .. مب حاس فيني ؟
عبدالله: امبلا .. احسك متوتر وعلى اعصابك

ناصر ابتسم: احسني مشتااااق
عبدالله: الحمدلله والشكر بس .. في شي في بالي ..
ناصر: قول ؟
عبدالله: شلون ابوها وافق عليك اولا ؟؟ وشلون اصلا وافق تملج الليله
ناصر يعدل غترته: يبه انا شخصيه .. شفيك انت ؟ لي بغيت شي يصير يعني يصير .. افا عليك
عبدالله: يالله (يتطنز) ماتبي ايي وياك نشتري الشبكه ؟
ناصر: مشكور الله الغني عن ذوقك الداق
عبدالله: افاااااااا ؟
ناصر: اقول اسكت انا مرتب لها حجي وانت كل ساعه طيرته .. اسكت بس اسكت

راحت نجود يابت اللابتوب .. ركبت فيه سماعات الكمبيوتر .. حطته على حضنها .. وشغلت لها اغنيه " يامحمد" .. حطته علطاوله وسحبت اسوم: قومي وياي يالله
اسماء مب عاجبتها السالفه: من صجج ؟
نجود سحبتها ووقفتها وتموا يرقصون .. وريم تصفق لهم .. وام فيصل وام ناصر مستانسين عليهم ..
نجود مستانسه .. التفتت على ريم: قومي ويانه
ريم مب راضيه: من صجج ؟؟
اسماء: قووووومي يالله ..
ريم: لا لا خلوني قاعده يزعم عروس
اسماء: عروس فعينج .. قومي قومي ..
نجود: ليكون مصدقة عمرج انتي ؟؟ اي والله عروس
ريم ببراءة تطالعها .. ابتسمت وسكتت ..
اسماء: جوفي خنتعاون عليها ونقومها .. انا اعرف شتبي عشان ترقص ..
نجود: قولي يالله بسرعه بروح اشغلها
اسماء تغني: حمااام جانا مسيااان ولا سلم عليا
نجود بسرعه راحت صوب اللابتوب وحطت الاغنيه ..
وراحوا حق ريم .. نجود يد واسماء اليد الثانيه .. سحبوها غصب ..
ريم : مابي خلوني قاعده لتغصبوني
ودوها لي وسط الميلس .. ورقصوها غصب ..
ريم حدها مستحيه من مرت عمها اللي ماشالت عينها من عليها اليوم ..
بسرعه غافلتهم وقعدت: بس بس خلاص
نجود: اففف عنيده
(راحت صوب اللابتوب .. وحطت لهم" عزااااااااه " .. وتمت ترقص اهيا واسمااء ..
ردت راحت وحطت لهم " ياطبطب ودلع" )
نجود خذت الشيله وربطتها على خصرها .. وسحبت اسوم وتموا يرقصون ..
اسماء مستانسه ترقص .. وتروح صوب ريم وتهز جتفها صوبها .. وهي ميته من الضحك عليها ..
نجود تروح حق ريم وتهز لها ..
ريم مستانسه عليهم .. : آيه عليكم .. (تمت تصفق لهم)

عقب ماتعشوا الرياييل راحوا كلهم .. وبوفيصل وبوناصر طلعوا ..
مابقى الا ناصر فلميلس ينطر ريم ..
وفيصل دش البيت لهم .. بيطق الباب علميلس .. واهمه اغاني ورقص .. أستغرب !! ذلين الا مول .. ؟؟
سمع صووت اسماء: عاااااااشوا ..
ياته الضحكه .. هذي ماتيوز ؟ .. طق عليهم الباب ..
اسماء تيبست .. بسرعه قعدت عالأرض يزعم ماسوت شي .. وريم تضحك عليها: شفيج ؟
اسماء تتلفت: علأقل يجوفوني وانا قاعده .. مب اهز ؟!
ريم قامت بتجوف من يطق الباب .. بطلت الباب الا فيصل كان واقف ..
ريم ابتسمت: هلا هلا
فيصل ابتسم .. : تعالي سلمي علي
ريم بسرعه سلمت عليه
فيصل بهدوء: مبرووك
ريم مستحيه: الله يبارك في حياتك ..
فيصل : بتروحين ؟
ريم: وين ؟؟
فيصل يخزها: ينطرج
ريم قلبها يدق يدق : ها ؟؟ وين ؟؟

فيصل: فلميلس ..
ريم تتلفت: اروح يعني ؟
فيصل: كيفج اذا ماتبين بروح اقوله ماتبي ..
ريم مستحيه .. شب ويهه .. : قصدي .. الحين ؟
فيصل يتسبب: كيفج اذا تبين باجر عقب باجر مب مشكله ..
ريم نزلت راسها ..
فيصل يخزها: ولا تبين تكملين رقص ؟؟
ريم تخزه: شدراك ؟؟
فيصل: الردحه لي الشارع ..
ريم: يعني ماجفت شي ؟؟
فيصل: المينونه تهز ؟؟
ريم طقته بالعدال: يوز ترى بقوللها ..
فيصل ابتسم
ريم يودته: يالله .. الفال لكم فديتكم
فيصل ابتسم: بتمين تسولفين وذاك شوي واين علينه ؟؟ روحيله ذبحنه..
ريم مستحيه: انزين لحظه .. باخذ تلفوني وبروح
فيصل: انزين .. لبسي دفتج وروحي .. (يخزها) ناويه تطلعين له جذي ؟
ريم تفشلت
فيصل ابتسم: اتغشمر يبه .. يالله بسرعه روحي ..
ريم مستحيه وقلبها يدق مب عارفه شتسوي .. دشت داخل .. بسرعه خذت تلفونها وزرقت ..
نجود قبل لاتطلع يودتها: وين وين ؟
ريم تبي بسرعه تصرفها: دقيقه بس ..

ناصر على اعصابه .. ينطرها .. مب عارف يقعد ..
ريم طلعت .. ريلها ترتجف .. وركبها تتصافق .. مب عارفه شتسوي ..
طلعت برا .. وقفت يم الميلس .. تبي تدش .. خايفه .. تمت ميوده البااب .. مب عارفه متى تدش .. تسحتي ..
ناصر كان واقف يم الحمام " كرمكم الله " .. يبي يسمع صوت الباب .. يهز رييله .. مايحب ينطر ..
سمت بسم الله .. ودشت .. وهي منزله راسها ..
ماتبي ترفع عينها .. الباب انصك .. واهي واقفه يمه .. حدها خايفه ..
قلبها يدق يدق يدق ..
ناصر من سمع حس الباب .. فصح غترته وعقاله .. وخلى القحفيه عليه .. مشى بالعدال .. وهي كانت واقفه متيبسه ماتبي تتلفت ..
وهوه بلعدال راح وراها .. وصرخ عند اذنها: بوووووووووووووووووو
ريم قصحت قحصه: يييييييمه .. (التفتت له .. تبي تقول شي مب عارفه) ..خررررعتني ..!!
ناصر فيه الضحكه:
ريم زعلت: مابي (التفتت بتمشي .. يودت الباب .. بسرعه يه ويود يدها بدفى .. ودزها .. بحب) تخليني ؟ وانا اللي انطرج ؟
ريم تتدلع: انت تخرعني ؟
ناصر وقف جدامها وتم يطالعها .. مستانس عليها .. تم يخزها من فوق لي تحت .. نظراته تذبح .. اهي نزلت راسها ..
تم يمشي يجرب منها .. وهي تمشي على ورا تبعد .. واهوه يجرب وهي تبعد .. وكل مايجرب يمها تبعد ..
لي ماصارت الطاوله وراها خلاص ماتقدر ترد .. اهوه جرب منها .. لي ماصارت تحس بانفاسه .. منزل عينه يطالعها .. ميت ..
صار جريب منها وايد .. وهي قلبها يدق يدق مستحيه ماتدري شتسوي .. رفع يده .. يود رقبتها .. ويحرك صبعه على خدها ..
مستانس عليها شحلوها صايره .. حدها ناعمه ..اهي حدها مستحيه .. منزله عينها .. وهوه يخزه .. يود يدها بيده الثانيه ..
وهوس على يدها بالقوه .. وريم قلبها يدق يدق ريجها نشف .. شبك يده بيدها النااعمه ..هدوء فلمكاان .. محد راضي يقول شي ..
بس دقات القلب تنسمع ..
ناصر ذايب فلغرام يجوفها .. وهي خايفه ومنزله راسها ومستحيه ..
ناصر بصووته العذب: طالعيني
ريم بتردد .. رفعت عينها بنعمونه وتمت تطالعه ..
ناصر تم يجرب منها .. لي ماصارت يبهته لاصقه في يبهتها .. وراس خشمه على راس خشمها ..
وهي منزله عينها وتتنفس بسرعه .. وقلبها يدق يدق يدق ..
ناصر حط يدينه ورا خصرها .. وهي منزله يدها .. قام شال يدينها وحطهم ورا رقبته ..
وتموا واقفين .. وريم تحس بحراارة جسمه .. وهوه شلون يخزها .. وهي مب قادره توقف ..

ريم مستيحه ماتقدر اتم جذي .. تبي تتحجى مب عارفه ..
ناصر مب مصدق ان حبيبة قلبه خلاص صارت بين يده .. همس في اذنها: احبج
ريم خلاص خقت ماتستحمل حركاته ..
ناصر .. رفع يده وحضنها بحب .. رقبتها عند رقبته " لابسه كعب واصلة له شوي .. اهوه منزل روحه بعد " .
ناصر ساكت ... وهي الحيا ذابحها ..
في خاطره " ضمني خل الضرر بينـك وبينـي
الضرر من ضمتك شئ اضطراري "

ناصر .. بهدوء: حبيبتي ؟
ريم .. بحيا: هلا
ناصر هدها ويود ويهه .. : شخاطرج فيه ؟
ريم مستيحه: شنو يعني ؟
ناصر تم يمسح على شعرها : مادري .. انتي قوليلي
ريم بحيا: انت شخاطرك ؟
ناصر: انا سألت قبل !!
ريم تتدلع: معليه انت قول
ناصر استسلم: خاطري .. (ابتسم) خاطري انتم جذي طول عمرنا ولاحد يفرقنا ..
ريم ابتسمت .. نزلت عينها
ناصر معصب: ليش ماتطالعيني ؟؟
ريم بحيا: ها ؟ اطالعك انا
ناصر: لا ماتطالعيني .. كله منزله راسج ؟؟
ريم مستحيه مب عارفه شتقول له: انا ؟؟ لا بس ..
ناصر معصب: شتطالعين فلأرض ؟؟
ريم خايفه .. ببراءة: ماطالع شي ..
ناصر رفع صوته: جوفيني .. ابي اجوفج .. ابي اجوف عينج .. لتنزلينها !!
ريم هدت ناصر ومشت عنه ..
ناصر تم واقف: احاجيج انا !!
ريم التفتت عليه وعينها تلمع .. من أولها بيصارخ ؟؟ ..
ناصر رفع صوته: اي ليش ماتجوفيني !!
ريم .. بلعت ريجها .. ببراءة: استحي !!
ناصر سكت .. بس يبي يبرر موقفه: تستحين مني ؟؟ خلاص انا صرت ريلج شتستحين بعد ؟
ريم تمت واقفه .. شوي وتصيح ..
ناصر بسرعه راح ولمها بحنان: آآسف حبيبتي آآسف ..
ريم نزلت دمعتها غصبا عليها .. بللت ثوبه .. وصار الكحل فيه
ناصر مسح دموعها بيده .. وتم يطالع ثوبه .. بهددووء: جذي تلعوزينه؟
ريم توها ملاحظه: وي !! (يودت يده وسحبته عند المغسله بسرعه .. خذت الفوطه وحطت فيها المااي وتمت تمشه بسرعه .. اهوه مب هامه الثوب .. اهم شي تكون جريب منه .. ماتلعوز وايد بس خط صغير .. بسرعه طار)
ريم ببراءة: سوري عمري ماكان قصدي
ناصر يخزها: شقلتي ؟؟
ريم تفشلت: ماقلت شي ..
ناصر سحبها .. وراحوا قعدوا .. وخلاها تقعد يمه .. ونزل قعد على ركبه فلأرض .. ويود يدها وتم يطالعها بحب .. وهي منزله عينها ..
كل ماتنزل عينها يهوس على يدها عشان تطالعه .. وهي الحيا ذابحها ..
تم ميود يدها ..
طلع من مخباه بوكس مخمل .. بطله .. كانو الدبل داخله .. يطالعها بنص عين .. خذ يدها ولبسها الدبله .. وباسها .. وعطاها يده عشان تلبسه .. استحت ولبسته بسرعه ..
ناصر بهدوء: ادري لازم اخليهم لي الحفله .. بس ماقدر اصبر .. (يود يدها وتم يطالعها) مبروك حبيبتي ..
ريم ابتسمت .. بحيا: الله يبارك في حياتك ..
ناصر عاجبته القعده علأرض ..
ريم ساكته ..
ناصر يخزها .. يجوفها شلون صايره حلوه .. والفستان وايد ناعم وحلو عليها .. تم يطالعها ..
عقب شوي .. : اقول ابوي ؟
ريم رفعت عينها: هلا
ناصر وقف : قومي خنطلع ..
ريم مستانسه: دقيقه بروح اييب دفتي ..

ناصر: يالله بسرعه لتأخرين ..
بسرعه ريم راحت دشت البيت ..
سمعت صوت الأغاني .. ردحه فلميلس !! .. نجود واسماء للحين يردحون وامها ومرت عمها يتعشون ..
بسرعه ركبت فوق خذت دفتها وشيلتها .. لبستهم .. وراحت له بسكات عشان محد يفضحها ..
دشت عليه كان قاعد يلبس غترته .. التفت عليها: شرايج فيني ؟
ريم ابتسمت: معرس لااله الا الله
ناصر بغرور: عيل انا شنو ؟
ريم مستحيه: معرس
ناصر يخزها: ومنهي عروستي ؟
ريم بحيا: ناصر عاااد !!
ناصر راح يمها: مشينه ؟
ريم: يالله ..
جدم .. بطل لها الباب .. : حيااج ابوي ..
ريم قعدت: الله يحييك ..
راح بسرعه قعد .. التفت عليها: زين رضيتي تقعدين يمي .. قبل " يقلدها" استحي بقعد ورا
ريم بحيا: الحين غير ..
ناصر يطالعها بنص عين: وشنو الغير فلموضوع ؟
ريم رفعت يدها تراويه الدبله .. ناصر ابتسم: حبيبتي والله ..وين تبين نروح ؟؟
ريم ابتلشت: ها ؟؟ مادري كيفك
ناصر يبي ايود روحه مايعصب: لا قولي وين تبين تروحين ؟
ريم ماتبيه يعصب: عمري اي مكان يعجبك
ناصر: والله من زمان عن البحرين .. انتي قوليلي وين في مكان حلو ؟؟
ريم ابتلشت: كل مكان حلو وياك
ناصر يخزها: ابوي عاد قولي وين ؟
ريم متوهقه: كيفك عمري اللي تبي
ناصر بدى يعصب: بوديج ماكدونالدز الحين !!
ريم سكتت ..
ناصر التفت عليها: بتحجين ولا شلون ؟
ريم تطالعه ببراءة: ناصر ؟ لتعصب علي عاد !!
ناصر بهدوء: حبيبتي انتي تخلين الواحد يعصب الله يهداج !! تحجي قولي وين تبين ؟؟
ريم: في مطعم فلرتز ..
ناصر ابتسم: اي جذي .. قولي من البدايه مو تخليني احن !!
ريم تتدلع: بس انت مب على اي شي تعصب !!
ناصر: زين يالسنستف .. مسامحه
ريم تتدلع: من صجي !
ناصر يود يدها: آسف .. وحقج علي حبيبتي ..سامحتيني ؟
ريم تهز راسها ان " اي " ..
ناصر يتطنز: لااااااء ؟ ماسامحتيني ؟؟ زين (يطالعها بنص عين) اغنيلج ترضين ؟
ريم استانست: اي بليز اللاي وناسه عااااااااد بليييييز
ناصر يتطنز: بووو هالكثر صوتي حلو ؟
ريم ابتسمت: يالله عاد !!
ناصر ابتسم: قوليلي .. اي اغنيه ؟
ريم: اممممممممم .. اي شي .. كيفك
ناصر رفع صوته: ردينه على كيفك ؟؟ كرهت الكلمه ريم !!
ريم ببراءة: آسفه انزين خلاص ماصار شي ..
ناصر حس بالذنب .. يود يدها: حبيبتي آسف بس ..
ريم ابتسمت: لا خذ راحتك ..
ناصر: اغني ولا هونتي ؟
ريم تطالعها: غن يالله !!
ناصر .. وصوته العذب .. :
عيونك آخر امالي وليلي اطول من اليم
كيف القى كلام عزب بيوصف دافي احساسي
عشقتك قبل ما شوفك وشفتك صرت كلي حلم
ابي رمشك يغطيني وابيك اقرب من انفاسي
ريم تطالعه مستانسه ..
ناصر يغني وجنه يسألها: سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي ؟؟
ريم تهز راسها ان اي .. واهي مبتسمه
ناصر يكمل : انا من كثر ما احبك ابيك كثر رمل اليم

وابيك فوق الناس وابي ماينحني راسي
ريم تصفق له: اللاااااااي وناسه وناسه بعد ابي
ناصر يخزها: لأ .. بس خلاص .. كل يوم اغنيه .. بس صج بسألج .. تحبي فيني حتى الظلم ؟
ريم تخزه: انت ظالم ؟؟
ناصر: قصدي تحبيني بحلوي وبمري ؟؟
ريم ابتسمت: اكيييييييييد افا عليك
ناصر: يعني تدرين .. انا شوي عصبي
ريم بلعدال: اي شوي
ناصر ابتسم: وايد ولا تزعلين .. بس .. مب بيدي ..
ريم: ادري افا عليك ..
ناصر: انزين .. so ??
ريم بحيا: يعني شسمه ..
ناصر: ناصر عبدالعزيز .. (يخزها) قولي ؟؟
ريم خذت نفس: احبك .. كلك .. بكل مافيك .. بحلوك .. وبمرك .. وبزينك .. وبعيبك ..
ناصر مستانس : يعني تقصدين فيني عيوب ها ؟
ريم التفتت عليه ببراءة: انا ؟ لا ماقلت جذي مب قصدي انا انت قلت انت ان انا
ناصر يقاطعها : بس فهمتها ! شفيج ؟
ريم تفشلت: لا ولا شي ..
تمت ساكته .. وهو ساكت ..
وصلوا المطعم اللي فلرتز ..
قعدوا .. مجابلين بعض .. وميودين يد بعض ..
ريم قلبها يدق في يدها
ناصر: ابوي ؟
ريم تطالعه ببراءة: هلا !
ناصر ابتسم: ولا شي .. بس طالعيني ..
ريم تمت تطالعه ..
ناصر: اقول لج شي ؟؟
ريم: اكيد ..
ناصر: ماتزعلين ؟
ريم: لا لا مابزعل
ناصر يتدلع: لا بس مب قايل ادري بتزعلين
ريم باصرار: لا لا امبلا قول مابزعل صدقني مابزعل قول
ناصر ابتسم: شاقول ؟
ريم: مادري انت توك تقول بقولج شي بس لتزعلين مادري شنو
ناصر : انا ؟؟ متى ؟؟
ريم تخزه: ناصر ؟؟
ناصر: اتحلمين انتي ؟؟
ريم: توك قايل !!
ناصر: لا ينيتي ! الظاهر تخديتي .. خبرج يعني .. (ابتسم بغرور) اللي يجوفني يفهي
ريم تخزه .. سكتت ..
ناصر: اقولج شي ؟
ريم: مابي مابي لتقول
ناصر: انا لله .. انتي شفيج ؟؟ ملاحظه انج تزعلين بسرعه ؟
ريم ببراءة: الله وكبر .. !!
ناصر: زين ابوي يالله جوفي المنيو ..
ريم تجوف المنيو ومبوزه ..
ناصر يود حنجها: ضحكي وبلا دلع
ريم فيها الضحكه .. قامت تتلفت: ناصر !! يجوفونه الناس الحين شيقولون ؟؟
ناصر بثقه: خل يجوفون .. شعلي منهم ؟؟( يغني) وشعلياا من الناس وشعلى الناس مني ؟؟
ريم بحيا: اقول اقرا المنيو احسن لك
ناصر: شاقرا فيه ؟
ريم: اووه قصدي جوف شتبي تاكل
ناصر بحب: باكلج
ريم استحت: اوووووه ناصر عاد !!
ناصر بحب: عيون ناصر انتي .. قلبه وحياته انتي .. آمري
ريم شب ويهه: احنا مب فلبيت !!
ناصر بدا يعصب: انا لله !! ردينه ؟
ريم بهدوء: عمري لو في امريكا معليه سو اللي بتسوي بس اهني العيون كلها علينه !! مب عن شي (ابتسمت) اخاف يحسدونه

ناصر سكت شوي ..
ريم : عمري والله ماقصد شي !
ناصر يزعم زعل: بس سكتي لتحاجيني
ريم بحب: عمري !!
ناصر ماستحمل .. : فديتج انتي .. يالله قولي شتبين تاكلين ولي رجعنا البيت نتفاهم
ريم ابتسمت: اوكي .. (شقت الحلج) نصور انت تحس ؟
ناصر يزعم مافهم: بشنو ؟
ريم: بالوناسه ؟؟
ناصر: اففففففففف من قلب !! ترى شوي واين عليج الحين !! حدي ميود روحي !!
ريم ابتسمت: زين جوف المنيو يالله ..
ناصر: شاجوف فيه ؟
ريم: لحووووول !! ناصر ؟؟
ناصر: زين زين .. يالله

نجود واسماء .. عيزوا واهمه يرقصون ..
ام فيصل وام ناصر هدوهم وراحوا الصاله يجوفون التلفزيون ..
واهمه عيزوا من الردحه
نجود قطت روحها علكرسي: آآآآآآآآآآآآآآه حدي ماعبّر !!
اسماء انسدحت علأرض: افففف .. تكسرت ..
نجود: بعد اغنيه ؟؟
اسماء بترجي: لا واللي يسلمج لااااااا ماقدر .. لتشغلين ترى ماقدر اسمع ومارقص فيوزي احسن لج تعبت
نجود ابتسمت بخبث: اشغل ؟؟
اسماء: لاااااااااا عفيه نجودو لاا بليز
نجود: انزين عيل شرايج ؟؟
اسماء: في ؟؟
نجود: فصول وعليه شكله متملل .. خناديه ييلس ويانه شوي ؟؟
اسماء: متأكده ماطلع ؟؟
نجود: يالبقمه انا شدراني امتاني وياج !!
اسماء: انتي تقولين بتنادينه ؟ ناديه ماعندي مشكله ..
نجود: الثقه الزايده .. تدرين ؟؟ احسكم ماتطيحون على بعض !!
اسماء: جب جب .. محد خذ رايج ..
نجود: من صجي !! يعني انتي خريش واهوه رزه وهادي ..
اسماء قامت من الأرض: من هادي ؟؟
نجود: اخوي !
اسماء بغباء: عندج اخو اسمه هادي ؟؟
نجود تسايرها: اي ماتدرين ؟؟
اسماء مب مستوعبه: حلفي ؟؟؟ راويني راويني اياه يمكن اهون عن فصول
نجود قامت لها: صج انج مب ويه حب .. مااااااااااالت عليج وعلى اللي بياخذج اقول
اسماء: عليه اهوه انا لاء ..
نجود: امشي خنشرب ماي ريجي نشف .. تعالي !! الا وين ريمو ؟
اسماء: اكيد طلعت الحين
نجود: امشي خنتصل فيها نتسبب شوي ..
اسماء خذت تلفونها واتصلت .. يرن يرن .. تلفونها كانت ناسيته فلميلس ..
اسماء : اففففففف ماتشيل البقمه .. الله لنا .. ان جابلت نصور وين تعطينه ويه بالله عليج ؟؟
نجود: مالت عليها وعلى نصور فوقها .. امشي امشي ..

حمد كان ويا نايف يجهزون اغراضهم حق السفر ..
حمد يطالع نايف: هلي كلهم مسافرين !! تدري .. خل اتصل في فيصل .. جان يقدر ايي ياخذني من المطار
نايف: رد وياي انا اخوي بييني !!
حمد: لا لا انت بيتكم وين !! خل اروح ويا فيصل .. (ابتسم بخبث )
نايف يخزه: قول تبي تاخذ اخبارها مب عارف شلون ..
حمد خذ التلفون واتصل .. ولا عبر كلام نايف ..
فيصل كان في ميلس رفيجه .. جاف رقم من برع .. بسرعه طلع يرد .. : الو
حمد: هلااااااا الفيص
فيصل مب عارف من .. : هلا هلا

حمد: قول ماعرفتني ؟؟
فيصل مب متأكد: حمد ؟
حمد: عليك نوور .. شخبااار ؟
فيصل: والله الحمدلله .. للحين مارجعتوا ؟
حمد: لا والله للحين
فيصل: كنت اتصل فيك مساعه ابيك تيي ملجة اختي ..! اقول شفيه تلفونه مبند
حمد وقف قلبه: ملجة من ؟
فيصل ببرود: ريم اختي .. يالله معليه ان شاءالله تيي العرس
حمد وقف قلبه من مصدق!! ريم !!!!! متى ؟؟ بهالسرعه ؟؟ وليش ؟؟ تم ساكت ..
فيصل: الوو ؟
حمد مب عارف شيقول: هلا هلا
فيصل: عيل متى بتيون؟
حمد من غير نفس: اليوم بنمشي ..
فيصل: زين بالسلامه .. عيل بييك انا المطار
حمد مايبي: لااااااااا مشكور قايل لهم ايوني
فيصل: لا مايصير
حمد: لا والله حلفت
فيصل: يعني اكيد عندك احد ؟
حمد: أي افا عليك .. يالله عيل اخليك سلم علربع بس قلت بسلم عليك
فيصل: ماقصرت يالشيخ الله يسلمك .. نجوفك على خير
حمد: ان شاءالله .. يالله فمالله
فيصل: فمان الكريم ..

حمد مب مصدق ان ريم راحت منه بالسهوله ..
نايف حس فيه .. : شفيك ؟
حمد متضايق: ولا شي ولا شي
نايف: تحجى !! مب انت متصل تقوله اييك ؟؟ ليش ماقلت له
حمد معصب: بس كيفي
نايف: يه ؟؟ شفيك الحين انت ؟؟
حمد معصب: نااااااااايف واللي يسلمك خلني .. مالي خلقك .. ولافيني شدتك .. أذلف
نايف مستغرب: شتبي انت ؟؟ ول ول
حمد معصب: اففففففففف بس اسكت من فضلك ..
تم يفكر .. لا مستحيل تروح مني بهالسهوله وياخذها هالناصر ذي .. مستحيل .. يا انا .. يا محد ..
ناصر لاء .. يعني لاء .. انا لهم .. انا اراوييهم .. معليه .. ماكون حمد ان مافرقت بينهم .. انا اموت من الحره واهوه متهني وياها ؟؟؟
وشلون هذي تسامحه بعد اللي سواه فيها ؟؟ مابين بعينها اللي وداها المستشفى وحط بالها عليها ؟؟ لكن مب ويه احد يحبها .. اراويها اهيا وهوه ..

ناصر وريم .. عقب ماكملوا اكل .. راحوا صوب السياره ..
بطل لها الباب: حياااااااااج ابوي ..
ريم ركبت: الله يحييك ...
ناصر بسرعه راح ركب: وين تبين نروح الحين ؟
ريم تجوف الساعه : عمري الساعه 12 وعشر !!
ناصر يخزها: وذا ؟؟ تعبتي يعني ؟
ريم: لااااااا مب عن والله مب عن بس .. قصدي .. (ابتسمت) مافي مكان امبطل هالحزه
ناصر: عبالي تقصدين شي ثاني .. ولا جان نزلتج من السياره ومشيت عنج
ريم ببراءة: اهون عليك تخليني بروحي ؟؟
ناصر يخزها: من صجج يعني ؟؟ اتغشمر يبه والله اتغشمر
ريم ابتسمت: عباالي بعد .. زين شرايك تغنيلي !!
ناصر: توني ماكل !!
ريم: شكلت الله يهداك ؟ كل ماااكلك عضيت صبعي ؟؟
ناصر: اي من قالج انا ابي آكل الأكل ؟؟ قلت لج مساعه باكلج
ريم بحيا: يالله غنلي
ناصر: شاغنيلج ؟؟ آمري ؟؟
ريم: كيفك عمري
ناصر طق السكان بقوة بيده .. : ردينه على كيفك ؟؟
ريم: اوه آسفه بس بس لتعصب خلاص

!!
ناصر ابتسم: خلاص بغني على كيفي ولا تزعلين .. بغنيلج اغنيه احبها ..
ريم: يالله
ناصر ابتسم: I can be your hero baby
ريم ابتسمت: اللاي
ناصر يغني: I can kiss away the pain
ريم استحت .. ناصر يكمل : And I will stand by you forever
ريم رفعت يدها: آآمين
ناصر يطالعها بنظراااات : You can take my breath away
ريم: بس بس خلاص ماستحمل خلاص
ناصر: يه ؟؟ ماتبين اغنيلج؟؟
ريم: امبلا بس عقب عقب ..
ناصر: كييفج .. يحصل لج اغنيلج ابلاش ؟
ريم: يه ؟؟
ناصر: اي يعني انا خبرج البوماتي ماياخذونها الا الناس ال
ريم تقاطعه: بس فهمت
ناصر: لا ؟ زين زين .. اقدر فيج هالشعور
ريم مب فاهمه: اي شعور ؟
ناصر: يعني .. تفهمينها وهي طايره
ريم: لا ؟؟ احلف بس ؟؟
يوم وقفتهم الاشاره ..
ناصر تم يصفق: يااانوااااااااخذ اخذوني معاااكم هييييلا هيييلا
ريم: انا عندي سؤال
ناصر: آمري
ريم: انت دارس في امريكا وكل اغاني اهني تعرفهم ..
ناصر: عاد هذي قديمه الله يهداج !!
ريم: حتى اليداد تعرفهم ..
ناصر: اذا تبين احول لج الموجه حاضرين ..
ريم: لا خلك صوبنه
ناصر: ترى اذا غنيت اسباني مشكله
ريم: اسباني ؟
ناصر: اسباني لاتيني فرنسي ايطالي .. امريكي اكيد .. اللي تبين
ريم: انت قايل لي بسجل لج ولا سجلت ولا شي ..

وصلوا البيت .. بطلت الباب بتنزل التفت عليها: نطري !! صكيه بسرعه
بسرعه راح صوب الباب وبطله لها وابتسم
ريم نزلت من السياره مستيحه ..
راح وراها بسرعه: تعالي
ريم: هلا ؟
ناصر يود يدها: الحين امشي ..
ريم نست مفتاحها ! ماتبي تطق الجرس الوقت متأخر .. اتصلت حق فيصل..
ريم: الوو
فيصل: هلا هلا
ريم متفشله: الفيص .. انت فلبيت؟
فيصل: اي توني داش غرفتي
ريم: اذا ماعليك امر اصير تبطل لي الباب؟ ناسيه مفتاحي
فيصل ابتسم .. يجوف الساعه: من اولها ؟؟ زين الحين ياي ..يالله باي
ريم التفت على ناصر: واي فشيله
ناصر: انتي كل شي عندج فشيله ؟؟
ريم: لا بس مادري استحي
ناصر: ونتي كله بتستحين؟
ريم: يه ؟
فيصل بسرعه ياهم .. ناصر كان ميود يدها ..
فيصل بهدوء: حياكم
اثنينهم: الله يحييك
فيصل ابتسم: عسى مستانسين؟
ريم ابتسمت .. تطالع ناصر .. ناصر ابتسم: حدنه
فيصل: زين الله يديم الوناسه عليكم
اثنينهم: آمين
فيصل: يالله تصبحون على خير
اثنينهم : وانت من هله
ركب فيصل عنهم ..

ناصر يبي يجوفها شتسوي .. : يالله حبيبتي انا بامشي
ريم يودت يده: ويييين ؟؟ تو الناس !!
ناصر: اي تو الناس !! الحين بتصير وحده
ريم: اي معليه .. تم شوي بعد .. الميلس مبطل جن امش نيلس هناك
ناصر: لا حبيبتي بروح
ريم ببراءة تطالعه: بليز
ناصر استسلم: اوكي يالله .. شوي بس وبروح
ريم: شعايلك ؟؟
ناصر: ولا شي .. بس مابيج تتمللين ..
ريم: افا شهالحجي ؟؟
ناصر يود يدها: تبيني يعني؟
ريم بحيا: اكيد
ناصر مشى وياها صوب الميلس .. دشوا داخل ..
ناصر: شرايج ؟
ريم: شنو ؟
ناصر: نلعب بلي ستيشن ؟؟
ريم متفشله: ترى ماعرف العب !!
ناصر: معليه بعلمج ..
ريم: يالله انزين .. بس عمري بروح ابدل .. وبايي
ناصر: لا خلج وياي الحين .. اذا رحت روحي بدلي ..
ريم : اوكي ..
فصخت دفتها ... وقعدت علأرض يمه .. شغل البلي ستيشن ..
ريم متوهقه: كره ؟؟
ناصر مستانس: احسن شي ..
ريم: وي ناصر ..
ناصر: يالله اي فريق تبين ؟
ريم ابتسمت: برشلونه
ناصر يخزها: توج ماتعرفين فلكره .. والحين برشلونه؟
ريم: شدراني ابي برشلونه وخلاص
ناصر: انزين عيل انا شاخذ ؟
ريم: مادري كيفك .. انا شعرفني ؟
ناصر يتدلع: مانجستر .. معنه ماحبهم ابي برشلونه
ريم: وي افا عليك اخذهم شدعوه ميته عليهم ؟
ناصر: لا بس خل اراويج اللعب اهني .. يالله
ريم: اي واحد يشوت ؟
ناصر يقص عليها: انتي بس طقي اللي يعجبج وبيشوت اهوه
ناصر لعب عليها لعبه .. سجل عليها 3 اقوال .. ومستانس
ناصر : ياسلاااااااااااااااام علي
ريم زعلت .. طقت ستارت: بس مابي العب .. تقص علي ..
ناصر: افاء ؟؟ افاء ؟؟ ردي طقي ستاارت وانا اراويج فيهم
ريم طقت ستارت: في من ؟؟
ناصر: نطري عاد انتي ..
تمت تطقق فلرموت ولا تعرف شلون تلعب .. قام سجل على روحه 4 اقوال وخلاها تفوز .. وهي كل قول يسجله تستانس: اللاااااااااااااااااااااي وناسه
عقب ماكملت المباراه ناصر التفت عليها: فوزتج بعد شتبين ؟
ريم مستانسه: حلو الشعور ..
ناصر ابتسم: يالله .. نلعب بعد ؟
ريم: تقص علي ؟ لا لا بس خنسولف ..
ناصر: تبين نجوف فلم ؟؟ والله محد مستانس الا ربع اخوج .. (يحوس فلأفلام) خوش افلام عنده
ريم: ايي كله اخليه اييب لي
ناصر: ها .. نجوف فلم؟
ريم: يالله شورانه
ناصر حط لها فلم .. وقعدها علكرسي .. وانسدح وحط راسه على حضنها ..
تموا يجوفون الفلم .. وناصر من التعب رقد .. وريم قطت راسها على جتفها ورقدت .. والفلم مادري من يجوفه ..

حمد فلطيــاره قاعد يخطط حق شي يفرق بينهم .. مب عاجبته سالفة انها ملجت عليه ..
اهوه كان حده مستانس يوم جافه طقها .. قال اكيد مابتسامحه .. بس انصدم من فيصل بسالفة الملجه ..
ماقدر يرقد طول الوقت يفكر شبيسوي .. أهم شي يبعد ناصر عن طريجه عشان يحلى له الجو .. بس شلون ؟؟ مادري

بســـم الله الرحمن الرحيــــــــــم

][ الجــــــــزء الثــــالث والعشـــرون ][

ريم .. رن ألارم تلفونها عشان تصلي الفير ..
كانت حاطته علطاوله .. قحصت بسرعه .. جافت ناصر حاط الموسده على حضنها وراقد ولا يدري بالدنيا .. شكله يكسر الخاطر .. فانيلا وصروال وكشه ..
قامت بلعداال .. شالت الموسده وبسرعه قامت وردتها علكرسي .. صكت الالارم ..
راحت حق ناصر .. طقته بنعومه على جتفه .. بهدوء: ناصر .. ناصر عمري قوم .. ناصر ؟؟
ناصر بزور يتحجى: هممممممم
ريم: قوم صل .. يالله قوم .. ناصر؟
ناصر بزور يبطل عينه .. يوم جافها ابتسم: احبج
ريم بحيا: يالله قوم صل ..
ناصر يتمقط بكسـل .. وهوه يتثاوب: اذن ؟
ريم: ايي يالله قوم
ناصر مد لها يده: سحبيني
ريم يودت يده تسحبها بنعومه كلش ماتحرك ..
ناصر يخزها: جذي يسحبون ؟؟ سحبي بقوه
ريم ببراءة: اخاف اجلعها لك
ناصر يضحك بستخفاف: هههه مابغيتي الا انتي تجلعينها .. (سحبها بالقوه وطاحت يمه على ركبها)
ريم ماتعورت وايد .. على خفيف .. بسرعه سحبت يدها منه وقامت .. خذت تلفونها ودفتها وشيلتها بتروح
ناصر قعد: تعالي وين ؟
ريم بدون ماتطالعه: بروح اصلي ..
ناصر بسرعه قام .. وكشته قايمه : p .. : صلي وتعالي ..
ريم طلعت .. ناصر حس انها زعلت عليه يوم سحبها .. بس كان يتغشمر .. بسرعه راح تيدد .. فرش السياده وصلى الفير ..
ريم دشت البيت بسكــات .. بلعدال عشان محد يحس فيها ..

ركبت بسرعه غرفتها .. دشت تبدل للحين بثيابها !! .. وتسحبت مره وحده .. وطلعت تصلي ..
تذكرت ناصر وعليه راقد بدون لحاااف وبدون شي ..
خذت له كولت وشرشف وموسده عدله .. وماترس .. وراحت له الميلس .. بلبيجامه .. وشعرها مبلول .. فالته ..
دشت الميلس .. ظلاام .. بطلت الليت .. جافته راقد علسياده !! .. بسرعه فرشت له عشان يرقد .. وراحت تقومه .. : نااصر ؟؟
ناصر بزور يبطل عينه : همم
ريم يودت يده: قوم ارقد اهني ..
ناصر بدون شعور قام وانسدح .. لحفته .. وصكت الليت .. وطلعت عنه .. دشت بيتهم .. شربت مااي .. وعقب ركبت فوق غرفتها عشان ترقد ..

فلطيــاره .. حمد عيز وهوه يفكر .. شلون ياخذ رقمها ؟؟ وشنو لازم يسوي بالضبط ؟؟
ممكن ياخذه من أوراق الجامعه .. بس اذا اتصل لها .. شبيقول ؟؟
لازم يسوي شي خطير يمحي ثقة ناصر فيها .. ويهدها .. ويخليها له .. عشان يحلى له الجو .. ويسوي اللي يسويه ..
نايف كان قاعد يمه .. ..
حمد مهوس على يده .. طق الكرسي بقوه

نايف التفت عليه ..: شفيك ؟
حمد بعصبيه: دار راسي .. ابي اسوي شي مب عارف شلون ..
نايف على نياته: اي قولي وانا اساعدك
حمد ابتسم: لا انت في هالسوالف ماتنفع .. خلني انا اعرف شلون اتصرف..
نايف: توك تقول مب عارف شتسوي ؟
حمد: معليه .. خلني اطبخ السالفه في مخي ..
نايف: خوفي تحترق ويتم لك الوري .. شبتسوي حزتها ؟؟
حمد باستهزاء: بأكلك اياه ..
نايف: اي خلني اساعدك .. يمكن افيدك
حمد: لا شكرا .. بس اسكت عشان ماتوش افكارينايف: والله مادري شناوي عليه .. الله يستر
حمد ابتسم: خير ان شاءالله .. خير
نايف يود يده: اذا ناوي خير .. الله يسهل لك امورك ..
حمد حسها نغزه .. بس سكت ومارد عليه ..

يوم ثاني الصبح .. قامت نجود الصبح .. نزلت حق امها
ام فيصل: صباح الخييير
نجود حبت امها: صباح الورد ياوردة حياتي انتي
ام فيصل تخزها: شعندج ؟
نجود: يمه هذي انتي .. اذا غازلتج قلتي شعندج .. توبه ولا اغازلجام فيصل فيها الضحكه: شتغازلين فيني الله يهداج ؟
نجود: يمه انتي ليش ماتتقبلين النصيحه؟
ام فيصل مب فاهمه: اي نصيحه؟؟
نجود: اي ليش تقولين لي شعندج ؟ انا كنت ابي اقولج ان بنطلع نتغدى اليوم .. صح ؟ام فيصل: باجر ان شاءالله بنطلع .. اليوم عمج ومرت عمج بيون يتغدون عندنهنجود: وليش مانطلع كلنا نتغدى ؟
ام فيصل: باجر ان شاءالله
نجود: طبختووا ولا للحين ؟
ام فيصل: ايي طبخنا من الصبح انا هذاااني فلمطبخ ماقعدت ..توني يايه شوي برتاح وبرد ادش
نجود بيأس قعدت علأرض: افففففف
ام فيصل: وين تبين تروحين ؟نجود التفتت عليها: يمه ملل ابي اطلع .. اي مكان ..
ام فيصل: ماقالت ريم تبي تطلعج؟نجود: ريمو ؟؟ ويييي يمه الحين اذا جابلت نصور وين تعطينه ويه ؟؟ام فيصل: انزين طلعوا كلكم لا؟؟
نجود: اذا يه نصور بقول له ..
ام فيصل: انتي وريم وناصر وفيصل .. نادوا اسوم بعد
نجود: والله فكره ؟؟ حده برناامج !! بس احنا بنطلع وانتوا تغدوا
ام فيصل: لا حبيبتي تغدوا وعقب طلعوا ..
نجود: ريمو للحين راقده ؟؟؟؟
فيصل توه نازل: صباح الخير
ام فيصل: صباح النوور هلا هلا بحبيب قلبي هلانجود تخزها: شعندج؟
ام فيصل مافهمت: شعندي ؟
نجود: اي ليش تغازلينه ؟؟ هاتي من الآآخر يالله شتبين ؟
فيصل راح باس راس امه: شلوونج يمه؟
ام فيصل: بخييير ياويه الخير .. عساك مرتاح ؟
فيصل: الحمدلله .. (يحاجي نجود) شعندج تعورين راس امي من الصبح ؟نجود تطالع الساعه: اي صبح انت بعد ؟
ام فيصل قامت: تعالوا تريقوا احسن لكم

فيصل ونجود راحوا وراها ..
فيصل قعد: عيل وين ريم ؟
نجود: فاااااخه ..
فيصل ابتسم: سهرانه الاخت .. حدها مكيفه
ام فيصل ابتسمت: خلوها تستانس حبيبتي (صبت لهم الجاي)
نجود رفست فيصل من تحت الطاوله: دريت ؟؟
فيصل يحط له جبن فلبقصم : شنو ؟نجود: يااااااااه فاتك الفصلي .. شي اقولك حد امه عجيب
فيصل: شصاير عاد ؟
نجود بخبث: أليوم (تطالع امها) عقب ما انتغدى .. وناكل طباخ امي اللذيذفيصل يسمعها: اي ؟
نجود: بنطلع .. هييييييي اللاي وناسه بنطلع
فيصل مب فاهم: طلعي من ميودج ؟
نجود: يالبقم قول من بيطلع ؟
فيصل متملل: من ؟
نجود: انا .. طبعا شيختكم لازم اول وحده .. ريم وريلها .. (تخزه) وفيصل ومرتهفيصل وقف قلبه: هااااا ؟؟ من من ؟؟
نجود تنقز امها بلعدال: يمه واللي يسلمج جوفي ويه بسرعه ليفوتج
ام فيصل ابتسمت
فيصل مب فاهم: لحظه عيدي شقلتي ترى ماسمعت
نجود تخزه: من قال ها .. سمع
فيصل مب مستوعب: انتي شقلتي بالضبط ؟نجود وهي تاكل: اللي على راسه بطحه
فيصل مب فاهم : شدخل ؟ قولي عاد
نجود: قلت يا بعد عمري ان اليوم بنطلع .. كلنافيصل: من كلنا ؟
نجود: انا وانت .. وريم .. وناصر .. (وهي تخزه) واسومفيصل طاح قلبه: من صجج ؟نجود: لي قامت ريمو اخليها تتصل فيها تجوفها ..
فيصل متحبط: يعني في أمل ماتيي ؟
نجود: اصبر ختقوم ريم ..
فيصل: انزين انتي كلميها ليش ريم ؟
نجود: وه !! فيصل شفيك ؟؟
ام فيصل قاعده تسمعه .. : تبي انا اكلمها ؟فيصل تفشل: ها ؟ لا بس مايحتاي .. (قام) يالله خل اروح اتسبح حق الصلاة ..
راح عنهم فيصل .. نجود التفتت على امها: لازم تحرج الصبي لاااااااازم ..
ام فيصل: وي انا ماقلت له شي .. !! (قامت عنها) خل اجوف ابوج شفيه للحين ماقام ..
راحت ام فيصل حق ريلها ..
بوفيصل كان منسدح .. يقرا الجريده ..
ام فيصل راحت قعدت يمه: سعود ؟؟
بوفيصل هد الجريده وجابلها: آآمري
ام فيصل تحاتي .. : فيك شي ؟؟
بوفيصل يود يدها: ليش ؟؟
ام فيصل: مادري احسك تعبان ؟بوفيصل ابتسم: محد يحس فيني غيرج ..
ام فيصل يودت قلبها: يعني تعبان ؟؟
بوفيصل: شوي .. لتحاتين مافيني شي ..
ام فيصل تدودهت: انزين نوديك المستشفى شي ؟
بوفيصل: لا لا اي مستشفى الله يهداج ؟ مافيني شي بس ارهااق .. ويروحام فيصل: لا عاد قوم بوديك المستشفى احسن لك ..

[color=#4bacc6]
بوفيصل: لا لا مابي .. مافيني شي اصلا ..
ام فيصل بخوف: انزين شيعورك ؟ شتحس فيه ؟
بوفيصل قام: مافيني شي .. فيصل قام ؟
ام فيصل: اي توه راكب ..
بوفيصل: زين عيل خل اتسبح انا ..
ام فيصل قامت: انطر بييب لك عصيرك .. دقيقه
راحت ام فيصل بسرعه المطبخ وصبت له العصير اللي سوته له .. بسرعه ودت له اياه ..
جافته قاعد وميود قلبه وعافس ويهه .. طاح منها العصير .. انكت وانكسر القلاص .. صرخت: سعووود !!
بوفيصل تخرع يوم جافها .. التفت عليها ويزعم مافيه شي: آمنه شفيج ؟؟ام فيصل خافت على ريلها بسرعه راحت له: سعود ؟؟ شفيك قولي شفيك ؟؟ لتخش علي شفيك ؟؟
بوفيصل: انا لله .. قلنالج مافيني شي ..
نجود سمعت الصرخه وبسرعه راحت غرفة امها : يمه شفيكم ؟؟ام فيصل دمعت عينها يودت يد ريلها: قولي شفيك
بوفيصل يغير السالفه: هلا هلا بالغاليه حبيبة ابوها تعالي بسلم عليجنجود مب فاهمه شسالفه ؟ قبل لاتمشي امها صرخت: لااااا لتدوسين هني !!
نجود حاوطت القلاص .. وراحت تسلم على ابوها: هاي دادي ..
بوفيصل قعدها يمه: هلا فيج
نجود طلت على امها: شفيج تصارخين ؟؟ وشلا كسرتي القلاص ؟؟ شهالحركات يمه ؟؟ام فيصل بخوف: مادري ..
بوفيصل يود يد بنته: ماعليج امج كله بتخاف وكله بتحاتي ..
نجود تساير ابوها: اففف من قلب .. حدها جنها ريموبوفيصل: اي والله ريم وايد ماخذه من امج .. (بلعدال) كل الاشيا المب زينهنجود بلعدال: اففففف من قلب
بوفيصل: بس خذت الملامح الحلوه .. وانتي بعد ..
نجود ابتسمت: انزين والطبع ؟
بوفيصل: ريم امج .. وانتي عمج
نجود مستانسه: عزوز ماغيره ؟؟
بوفيصل: عيب عيب عاد .. عمج ذي
نجود: وييييي عادي .. وانت ؟
بوفيصل: فيصل طلع علي ..
ام فيصل تسمعهم وساكته ..
بوفيصل: الا وينهي اختج ؟نجود: راقده فلعسل ..
بوفيصل: لا ؟ زين نادي جاندرا ختخم اللي انكسر .. لتدوسين هانجود قامت بسرعه .. وتمت تناقز عشان ماتدوس عالزجاج " الجزاز : p "
ام فيصل بهدوء: سعود فيك شي ؟؟
بوفيصل: عاد انتي وايد تبالغين !! الحين انا خاطري فلعصير .. زين جذي؟ام فيصل ابتسمت: دقيقه بس ..
بوفيصل: مو تكسرينه بعد ؟ام فيصل قامت: ان شاءالله

جاندرا عقب مانظفت مكان العصير .. وشالت اللي تكسر ..
راحت الميلس تبي ترتب ..
جافت الشيخ ناصر مخمد : p
تخرعت ..
[color:1cf1=#4bacc6:1cf1]ناصر من سمع حسها قحص: بسم الله ! انتي من وين طالعه ؟؟

جاندرا: انتا شنو سوي في ماجليس ؟ناصر قام .. يجوف الساعه: بووو !! صاجه .. شسوي فلميلس ؟؟جاندرا: يالله روه بيت مال انته .
ناصر: مدام ريم قامت ؟؟
جاندرا: لاا مافي قوم .. هدا في نوم ..
ناصر: زين عيل انا بروح بيتنه .. (خذ ثوبه وغترته واغراضه .. وطلع من الميلس .. لبس نعالته : p .. وركب السياره .. وشخطها بيتهم .. )
جاندرا تمت ترتب الميلس ..
ام فيصل عطت ريلها الغتره .. عشان يروح المسيد .. وللحين تحاتيه ..
ام فيصل بهدوء: سعوود اذا فيك شي قوللي ..
بوفيصل ابتسم: من عيوني .. يالله فماالله ...

نجود ركبت فوق .. دشت على ريم راقده ..
بطلت الستاير " البردات : p " .. ووقفت عالسرير .. تمت تناااقز وتنااطر ..
ريم بسرعه قحصت: يمه بسم الله !! شفيج ؟؟ صاير شي ؟
نجود تناقز: هي هي هي هي ونااااااااااااااااسه اللاي حده فننننن حده برناااااااامج حده وناااااااااسه حده كووووووووول
ريم شالت للحاف وقامت .. تعرك ويهه .. تجوف الساعه : بوو !! أذن ؟؟نجود قعدت عالسرير وقطت روحها: وااااااااااااي تعبت .. (تطالعها) هاا ؟ شقلتي ؟؟ريم: اقول اذن ؟؟
نجود: بوووووو من زمان .. لا لا توه الحين مأذن .. اكا فصول يغتر بيطلع .. مادري يمكن طلعريم بسرعه راحت غسلت ويهه .. وبتنزل حق ناصر ..
نجود: تعالي هي احاجيج وين رايحه ؟؟
ريم: دقيقه بس ..
توها بتطلع الا جاندرا داشه .. ريم: ناصر اهني ؟
جاندرا: لا كلاس روهيت
نجود راكضه وراها: هيييييي احاجيج ؟ريم متحبطه .. بيأس: متى راح ؟
جاندرا: مايأرف .. (مشت عنها)
نجود وصلت يمها: تعاااااااالي بقوللج
ريم: شصاير؟
نجود سحبتها: امشي قعدي ..
ريم وناصر في بالها: آآمري
نجود ابتسمت: اليوووووم كلهم بيون يتغدون .. يعني كشخي يالعروسريم: حلفي ؟؟
نجود: اي والله .. وسمعيني ..(تشوت : p) وعقب الغدا فيصل عازمكم على طلعه ..
ريم: عازمنا ؟ من احنا ؟
نجود: المعاريس .. انتي ونصوورج
ريم ابتسمت: حلفي ؟؟
نجود: اجذب يعني ؟؟ اذا يه سأليه .. بس شرط علي .. مايطلع الا واسوم تكون موجوده " الله وكبر عليييييج !! : p "
ريم: اسوم ؟؟ مادري (قامت) امشي بتصل لها تلفوني فوق ..
نجود: اي يالله ..
ركبت ريم ونجود وراها ..

ريم خذت التلفون واتصلت ..
اسماء: هااااااااا انتي !!
ريم: هلا هلا
اسماء: شخباااار ؟
ريم مستانسه: وناااااااسه ..

اسماء: حلفي؟؟ شصار شصار ؟؟
ريم: اذا ييتي بقوللج
اسماء: أليوم ؟؟
ريم: شعندج ؟
اسماء: مادري قايله اذا رجع رشود بقوله يطلعنيريم: بتغدون يعني ؟
اسماء: اي ابي اطلع وياه !
ريم: زين طلعي تغدي وعقب خل يقطج بيتنه .. بنطلع
اسماء: وه !! وناصر ؟؟
ريم: ويانه
اسماء: حلفي ؟ وناسه
ريم بهدوء: ونجود وفيصل بعد .. كلنا بنطلع
اسماء طبعا ماستوعبت: حلفييييييييييي ؟ اللاي وناسه .. بس جني مالي سالفه؟؟ يعني نصوور ؟؟ريم تدري عنها ماستوعبت: لا لا عادي .. افا عليج
اسماء: اوكي عيل بنطلع احنا واذا شسمه شسمونه
ريم: اوكي خلاص ..
اسماء: وتقولين لي شصار البارحه بالتفصيل ها ؟
ريم بحيا: زين انتي تعالي الحين
اسماء: يالله عيل بااايريم: باي

نجود: ها ؟ بتيي ؟
ريم: ان شاءالله
نجود: يا فرحة فصول ..
ريم تبي تتصل في ناصر .. بس ماتعرف رقمه البحريني .. والبارحه قال لها انه مقطوع ولازم يروح لهم ويرد يشغله .. اففف .. شلون اعرف اخبارك الحين !!
ريم بهدوء: امشي نصلي ..
راحوا يصلون الظهر ..

نزلت ريم حق امها بسرعه لان ماجافتها اليوم ..
ام فيصل كانت في غرفتها .. قاعده عالسياده وتقرا سورة الكهف ..
ريم ابتسمت .. تذكرت بتروح تقراها اهيا بعد .. بسرعه ركبت ماحست فيها امها .. تمت تقراها اهيا ونجود ..
عقب ماكملت .. نزلت بسرعه حق امها ..
كانت قاعده عالسرير .. وسرحانه
ريم راحت باست راسها .. ام فيصل توها مستوعبه: حبيبتي .. شلونج ؟ريم حست في امها متضايقه: يمه شفيج ؟
ام فيصل وحابسه دموعها .. ابتسمت بالغصب: مافيني شي .. تعالي قعدي يمي قوليلي شخبارج ؟ريم وهي خايفه على امها: يمه !! فيج شي ؟؟ صاير شي ؟؟ام فيصل خذت نفس: لاااا مافيني شي .. (تبي تألف لها شي ) كنت اتخيلج وانتي عرووسريم تحاول تصدق .. ابتسمت
ام فيصل: قوليلي شخبار ناصر ؟؟
ريم بهدوء: يمه حده جريئ !!
ام فيصل ابتسمت: عادي يمه كل الرياييل جذي ..
ريم: مادري بس احس ناصر غير ؟!
ام فيصل: مرتاحه وياه ؟
ريم بحيا: الحمدلله .. حليو
ام فيصل: الله يهنيج حبيبتي ..
ريم ابتسمت: صج يقولون فصولي عازمنا اليوم ؟
ام فيصل بققت عينها: الله واكبر ؟ هذي اكيد نجود شلخت عليج ؟ريم تحبطت: حلفي عاد ؟ وانا قلت حق اسوم بنطلع ومادري شنو

ام فيصل ابتسمت: لا بتطلعون ان شاءالله بس نجود اهيا اللي تبي تطلع وقطتها على فيصل ..
ريم مستغربه: ام شليخه ! وانا بسرعه اصدقها ؟؟
ام فيصل: عاد مو تقولين لها اني قلت لج !! بتسويلنا عرس فلبيت مافيني شده
ريم ابتسمت: ان شاءالله ..
ام فيصل: عيل تعالي خنرتب الطاوله الحين بيون اهل المعرس
ريم بحيا: يالله ..

عقب مارتبت الطاوله ركبت فوق تبدل .. مب عارفة شتلبس ..
نجود دشت عليها
ريم بسرعه جافتها بترجي: نجود لحقي
نجود: هاا شفيج ؟
ريم: مادري شالبس !! دار راسي ؟
نجود: وي اي شي ؟؟ لازم تكشخين بعد ؟
ريم: اي اكيد !!
نجود: اي يبه شعليج .. ابوج وخوج وعمج وريلج .. مافي الا انا بتحجب عن نصوور
نجود قعدت تدور لها ثياااب .. واخيــرا اختاروا فستــان قصير تركواز .. وفيه حزام بني متين شوي .. ناعــم وبسيط .. بس حلو ..
فلت شعرها .. وحطت لها ميك اب خفيف وناعم .. طبعا القلب اللي عطاها ناصر لازم يكون عليها .. والدبله في يدها ..
لبست كعب بني .. حده ناعم .. ماعرف اشرحه : p بس اللي فيه سيـر وعلى الريل .. : p بس لفه وحده خخخ
المهم

نجود بسرعه لبست شيلتها ونزلت ..
تمت تنطرهم فلصـاله ..
وام فيصل كانت تبخر الميلس ..
شوي الا داشين كلهم يميع ..
ام فيصل راحت تسلم عليهم .. : هلا هلا حي الله من يه
ام ناصر: الله يحييج .. شلونكم ؟
ام فيصل: الله يعافيج انتي شلونج ؟
ام ناصر: الحمدلله بخير الله يسلمج ..
ام فيصل : بوناصر شخبارك ؟
بوناصر: طيب طاب حالج ..
بوفيصل: حياااكم
دشوا الميلس ..
ناصر من دش وهوه يتلفت يبي يجوف ريم .. كان لابس جينز CK .. وتي شيرت Energie
يطالع امها .. عاد اهيا فهمتها .. ابتسمت: شلون معرسنا؟؟
ناصر مبوز: مب زين
ام فيصل: افاا يذا العلم !! ليش عاد ؟
ناصر بابتسامه سحريه : p: اجوفها اصير بخير ..
فيصل يخزه: لا بسك .. البارحه ماشبعت ؟
ناصر: يه ؟؟ وانت شعليك ؟؟ وايد يحسدوني لااله الا الله (التفت على مرت عمه) بخريني انا وبنتج ليصيدنه شي
ام فيصل: وي اسم الله عليكم ..
ام ناصر: عيل وينهي العروس ؟
ام فيصل قامت: الحين اناديها ..
فيصل قام: خلج يمه انا بروح لها ..
طلع فيصل عنهم .. جاف نجود فلصاله: انتي هني ؟
نجود تتطنز: لا هناك