[ " قصة عشان الحب ... والي بيني وبينك " ]

نجود: اي يبه من زمان
بوفيصل: عيل وين امج ؟
نجود: امي تحلم
بوفيصل: شتحلم ؟
نجود: فلحقيقه والواقع مالحقت الا على يوم كانت بتركب الطياره .. بس عقب طلعت عنها
بوفيصل: ماشالله .. ماتدرين وين بتروح ؟
نجود تفكر: يتراوالي زمبابوي
بوفيصل: ماشالله .. عاد ليش بتروح ؟؟
نجود: مايندرى ..
بوفيصل قام: عيل انا بروح وياها
نجود: يبه ركبت الطياره وطارت ماتنطرك .. ايلس ايلس
بو فيصل ابتسم: اخذ الطيااره الثانيه ولا يهمج .. يالله تصبحين على خير
نجود: وانت من هله

ناصر كان توه راجع من المول .. بسرعه راح شقة ريم .. طق عليهم الباب .. ريم كانت راقده .. تعبانه .. واسماء كانت تجوف التلفزيون .. سمعت حس الباب قامت ..
اسماء: من ؟
ناصر: انا
اسماء تتغيبه: ومن انته ؟
ناصر: عاد بطلي يالله
اسماء: انطر
راحت لبست شيلتها ويات .. بطلت الباب .. ميودته عشان مايدش: نعم ؟
ناصر وابين ويهه تعبان: ممكن اكلم ريم ؟
اسماء تخزه: شتبي فيها ؟
ناصر: بقول لها شي ..
اسماء: ريم راقده
ناصر: حلفي ؟
اسماء: اجذب يعني اجذب ؟؟ والله راقده شفيك ؟؟
ناصر: ابيها ضروري قعديها ..
اسماء: آسفه .. تعبانه
ناصر متضايق: اسم الله عليها
اسماء تخزه: احلف بس ؟
ناصر: انزين متى اقدر اكلمها يعني ؟
اسماء تفكر: مادري والله
ناصر متضايق: عاد جوفيها يمكن للحين مارقدت .. ضروري ابي اكلمها
اسماء: شتبي تقول لها ؟
ناصر: عاد .. بيني وبينها
اسماء: عشتوا .. بتم وايد اهني يعني ؟
ناصر: ماقدر ارقد قبل لااكلمها .. بليز
اسماء: آسفه .. مايهياني قلبي اجوفها راقده وقومها عشانك
ناصر متوهق: افف انزين باجر الصبح بايي .. اوكي ؟
اسماء: يصير خير
ناصر: عاد انتي لتيبسين راسها .. يعني انتي ماتدرين اهيا شسوت عشان (سكت .. مايبي يقول لها عن سالفة المسج .. بسرعه غير السالفه) والله من صجي ابي اكلمها
اسماء طبعا ماستوعبت: انزين انزين .. باجر تعال ويصير خير
ناصر: اوكي خلاص .. باجر ها .. زين سلمي عليها وقوليلها ناصر يه ويبي يكلمج بس انتي راقده
اسماء: يصير خير
ناصر: يالله good night
اسماء: وانته من اهله (صكت الباب) اففففف حنان
قعدت بتجوف التلفزيون ..
وناصر متضايق مب عارف يسوي شي .. والكلام اللي يبي يقوله مايصلح فلتلفون .. يعني لازم فيس تو فيس ..
بسرعه راح شقته .. اتصل لها .. كان تلفونها فلصاله .. جافته اسماء ونطرته ينقطع عشان تصك تلفونها ..
رد اتصل .. جافه مصكوك .. تكدر .. يبي يكلمها مايقدر يتم جذي .. يحس .. حياته ناقصه .. ماله معنى بدونها .. ماتسوى شي بدونها .. يبيها .. يبي كل شي يرجع نفس قبل ..يدري انه غلطان بس .. المسامح كريم .. يبيها تسامحه .. يبي يكلمها .. مب عارف شيسوي ..
رن تلفونه .. كانت امه ..
ام ناصر تصيح
ناصر خايف: الوو .. يمه !! يمه شفيج ؟؟
ام ناصر تصيح: ابووك
ناصر خايف: شفييه ؟؟؟

ام ناصر تصيح: فلمستشفى
ناصر: اي قوليلي شفيه بالضبط ؟؟ شصاير؟؟
ام ناصر تصيح: مادري مادري .. يمه تعااال
ناصر: ان شاءالله يمه بايي بس .. خل احصل حجز واييكم .. بس انتي قوليلي شفيه
ام ناصر تصيح : يمه تعاااال .. لازم تيي لازم
ناصر: اوكي يمه اوكي .. عاد انتي لتصيحين .. الحين بروح احجز .. يمه طمنيني
ام ناصر تصيح: انطرك يمه
ناصر خاف على ابوه .. بروحه من زمان عنه .. والحين فلمسشفى ؟؟ انزين شفيه ؟؟ شصاير؟؟ وليش امي ماقالت لي ؟؟ بسرعه لبس ثيابه ونزل يحجز له على أول طياره لي لندن .. حصل له حجز الساعه 7 الصبح .. وهذي ولبه يروح يجهز اغراضه وبسرعه يروح حق ابوه ..
اتصل حق عبدالله واهوه فلطريج يقول له : الوو
عبدالله شوي ويرقد: هممم
ناصر: اسمعني .. انا بروح لندن
عبدالله فز: ها ؟؟ اي لندن انت بعد ؟ شفيك ناصر حلمان ؟
ناصر: افف عبدالله مب فاضي لك .. ابوي ابوي مادري شفيه .. بروح له
عبدالله: بسيكل ولا بطراد ؟؟
ناصر: عبود من صجي .. حجزت لي انا الساعه 7 تطير الطياره
عبدالله يجوف سااعته: اي سبع ؟
ناصر: ألصبح بعد اي سبع ؟
عبدالله: ومتى بتطير طيارتك ؟؟
ناصر: عبدالله شفيك ؟؟ قلت لك سبع
عبدالله: انزين ومتى بتروح المطار ؟؟
ناصر: يمكن 4 ولا ثلاث ونص .. اخاف زحمه ولا شي ..
عبدالله: اي زحمه الفير الله يهداك ؟
ناصر: افففففف شدراني عاد بطلع من وقت ..
عبدالله: انزين انت فوين الحين ؟
ناصر: فلطريج راد الشقة
عبدالله: زين انا بوديك
ناصر: لا مشكور انا كنت بس بخبرك .. خبر الشبااب عاد
عبدالله: ان شاءالله .. بس بوديك انا
ناصر: لا يبه مايحتاي
عبدالله: قلت لك بوديك ولاتطول السالفه
ناصر: يصير خير
عبدالله: بوديك انا
ناصر: اوكي خلاص انا شوي ويااايك .. يالله باي
عبدالله: بااي

ناصر يحاتي ابوه .. ولازم يروح له .. الظاهر حالته حاله .. ان شاءالله يقوم بالسلامه .. بسرعه راح شقته يحط له جم شي حق السفر .. حتى مايمديه يرتاح شوي يحااتي ابوه .. اتصل في امه مره ثانيه: الوو
ام ناصر تصيح: يمه ناااصر الحق علي
ناصر خايف: يمه قوليلي بالضبط شصار ؟
ام ناصر ماتقدر تتحجى من لصياح: تعال
ناصر: ان شاءالله بايي بس يمه تحجي ..قوليلي شصار
ام ناصر تصيح: انت تعااال ..
ناصر: يمه !! تحجي !!
ام ناصر تصيح
ناصر: زين زين خلاص مب مشكله .. يالله باي
انسدح شوي قبل لا يروح المطار .. ميود تلفونه .. يبي يتصل حق ريم .. مايبي يسافر واهيا للحين شايله في خاطرها عليه .. بس مايقدر مايسافر ويخلي امه وابوه .. لازم ايروح يجوف شسالفه ويطمن عليه ..
ماقدر يرقد .. ولا دقيقه .. بسرعه قااام وطلع ورقه وقلم .. قال بيكتب شي حق ريم .. علأقل تقرااه .. وعقب يتفاهم وياها فلتلفون .. علأقل يحل السالفه ..كتب لها

"
ريــم .. حبيبتي ..
آسف ..
سامحيني ..
مادري شاقوللج .. بس ..
" اذا الغيــره اهي عيبي .. ترى كلن له عيــوبه " .. والله اغـــار .. بس احبج .. والله احبج .. اموت فيج .. سامحيني .. المسامح كريم .. آسف ..
ابوي تعبان لازم اروح له .. بسافر .. بس اول مااوصل ابي اجوفج متصلة لي .. انطرج .. بسافر وانا عندي امل انج بتسامحيني وبتتصلين لي .. انطرج حبيبتي ..

اتصليلي وبعدين نتفاهم .. وبقولج اللي في قلبي ..
ييتج البارحه وكنتي راقده .. كنت بكلمج .. بس ..
وتوها امي مكلمتني .. لازم اسافر ..
آسف ..

احبج .. "

جفس الورقه وحطاها في ظرف .. يود الظرف .. ورفع راسه: يارب تسامحني ..
راح بينسدح له نص ساعه قبل لااييه عبدالله ويروح المطار .. تم يفكر في ريم .. مايهياه قلبه يروح قبل مايكلمها .. ولا يسمع صوتها .. تلفونها صاكته .. والحين اهيا راقده .. لا اله الا الله .. شسوي ؟؟ استغفر الله بس مب حزته االوالد بعد .. !! .. يالله ان شاءالله خير .. الله يكتب اللي فيه الخير .. شوي الا عبدالله طاق عليه الباب .. بسرعه فز ناصر وقام بطل له الباب: حيااك
عبدالله: هاا .. شخبار ابوك؟
ناصر: والله مادري .. امي مب راضيه اتحجى
عبدالله: لا ان شاء الله مافيه شي لتحاتي .. جهزت اغراضك وكلشيك ؟؟
ناصر: شغراضه ؟ كلها جم تيشيرت وجينز .. ان شاءالله مابطوّل ..
عبدالله: اي وانت تدري ان الفاينل لسبوع اليااي
ناصر: اي اي لتحاتي .. ان شاءالله برجع بسرعه
عبدالله: زين يالله .. مشينه ؟
ناصر: بس بمر شوي
عبدالله يقاطعه: عند القلب؟؟
ناصر ابتسم: فاهمني العبد ..
عبدالله: مب راقده ؟؟
ناصر: امبلا .. بس بحط لها شي ..
عبدالله: آيه علرومانسي..
ناصر ابتسم: شعرفك ؟
عبدالله: يالله زين
ناصر: يالله ..

راحوا بسرعه شقة ريم .. ركب ناصر .. طق الباب .. للحين عنده أمل يجوفها قبل لايروح .. محد رد عليه .. حط الظرف تحت الباب .. ووقف شوي .. يتخيلها تيي تشيل الظرف وتقراه .. ابتسم .. بسرعه نزل عشان مايتأخر ..

فلمطـار ..
LAX
عبدالله: تروح وترجع بالسلامه .. لتنسى تطمنا علوالد
ناصر يسلم عليه: افا عليك .. لتوصي
عبدالله: ماعليه شر ان شاءالله
ناصر: بس ابي تسألي واحد من القرووب .. متى بيسافرون ؟
عبدالله: أي قروب ؟ قصدك اللي من البحرين؟
ناصر: اي
عبدالله: ان شاءالله بسأل .. عاد انت لتطول وراك امتحانات
ناصر: ان شاءالله .. يالله مع السلامه
عبدالله: الله يسلمك ..

ناصر مشى عنه .. ماكان وده يروح بس شيسوي ؟؟ ابوه .. لازم يروح .. وحط امل ان ريم بتقرى الرساله وبتسامحه ..
طول الوقت يحاتي ابوه .. ان شاءالله مافيه شي .. صوت امه وهي تصيح للحين يرن في اذنه .. خايف صار فيه شي ولا شي ..

اسماء قامت الصبح قبل ريم ..
تسبحت ووبدلت .. وقومت رفيجتها ..
اسماء: يالله قومي بسج رقاد
ريم بزور تبطل عينها: الحين الحين ..
اسماء: بروح اجهز الريوق انا ..
ريم: اوكي بتسبح واييج ..
اسماء قاعده تنطر ريم .. وتفكر في ناصر .. له داعي اقول لها عنه ولا مايحتاي ؟؟ ويه لا مب لازم تعرف .. خله يولي .. خذت التلفون واتصلت حق راشد ..
اسماء: الوووووو
راشد مستانس: هلاهلا .. هلا بالغاليه
اسماء مستانسه: هلا فيك هلا هلا .. شلونك ؟
راشد: الحمدلله .. انتي شلونج ؟
اسماء: والله .. الحمدلله بخير ..
راشد: عندي لج خبر بمليون
اسماء مستانسه: قووول

راشد: لا اول شي تعالي .. يالله متى بتين ؟
اسماء: وي نسيت قايله بجيك التذاكر .. يعني احنا اليوم آخر يوم فلكلاس .. باجر وعقب باجر ويك اند .. بجوف حجزنا مادري نسيت
راشد: يالله بسرعه عاد .. قوليلي متى بالضبط .. وعطيني رقم الرحله
اسماء: اي ان شاءالله .. يالله قولي شنو الخبر
راشد: ليش بطنج يحكج ؟
اسماء: اوو رشود يالله عااد .. تحجى
راشد: في واحد خطبج مني البارحه
اسماء مستانسه: احححححححلف ؟
راشد: بل شفيج !! متخرعه ؟
اسماء: من من ؟
راشد يبي يقص عليها ..: واحد اسمه حسن سعيد
اسماء وقف قلبها: من من من ؟؟ حسن سعيد ؟؟ من ذي؟
راشد: واحد من الربع
اسماء تضايقت: رشود تدري ان مابي اعرس الحين .. وراي جامعه ومادري شنو
راشد: معليه عرسي وجابلي ريلج.. مب أول وحده تنخطب وهي فلجامعه ..
اسماء متضايقه: عاد لو واحد عدل قلنا .. حسون افندي ؟
راشد مستغرب: تعرفينه انتي ؟
اسماء: ولا ابي اعرفه
راشد: زين الريال ينطر ارد عليه .. شقول له ؟
اسماء: قول له تبي تكمل دراستها .. واقلب ويهك
راشد: اخاف تعنسين وتطيحين فجبدي .. وافقي
اسماء: احلف احلف ؟؟ يالله منااك قال حسوون قال .. مابي
راشد: متأكده؟
اسماء: اي متأكده
راشد: انزين كيفج .. لتقولين ماقلتي عقب !!
اسماء: وي راشد غصب السالفه ؟؟ مابيه
راشد: انزين يبيلي امريكيه ويااج !!
اسماء: لا والله ؟؟ خراطه السالفه
راشد: يعني انا مالي رب ؟؟
اسماء: لا فديتك لي رجعت بخطب لك .. لتحاتي
راشد: زين .. بنجوف .. انزين خلاص يعني ماتبينه ؟
اسماء: مابيه
راشد: كلش ؟
اسماء: كلش
راشد: علهوااج .. لتنسين تقولين لي عن رقم الرحله ..
اسماء: ان شاءالله .. عاد انت طرش لي مسج ذكرني شي ..
راشد : اوكي معليه .. يالله مع السلامه
اسماء: الله يسلمك ..
صكته ونادت رفيجتها: ريمووووووووو لحقي
ريم كانت تبدل: دقيييييييقه
اسماء: لحقي لحقي لحقي
بسرعه بدلت وياتها: ها ها شفيج ؟
اسماء مستانسه: خطبوني
ريم مستانسه: حلفي ؟؟؟؟؟؟ فصوول ؟
اسماء تفكر: اي فصول انتي بعد؟؟ لا لا .. واحد اسمه حسن
ريم مستغربه: ومستانسه انتي ؟
اسماء: اي يعني يحصل لي ؟؟ يقولج كبتن وعنده طيارتين
ريم مستغربه: وشلج فيه ؟؟
اسماء: عيل شلي في اخوج؟
ريم مستغربه: من صجج انتي ؟
اسماء فيها الضحكه: اي من صجي .. يحصل لي واحد مثله يخطبني؟
ريم راحت قعدت يمها: انتي صاحيه ؟
اسماء: لا مينونه
ريم: اشوى اعترفتي
اسماء معصبه: واخوج هالبقم ذي متى بيخطبني ؟
ريم ابتسمت: ماتبين الطيار؟
اسماء معصبه: لا شابي فيه ؟؟ ابي اخوج انا متى بيكلم رشود ان شاءالله
ريم: اذا كلمته اليوم بسأله
اسماء استحت .. تصك عيونها بسرعه وتبطلهم: وااي .. استحي
ريم تخزه: مايطيح
اسماء: افففففف انتي بعد .. سكتي من فضلج .. تعالي زحري زحير في جبدج قولي امين
ريم: اسم الله علي
اسماء توها متذكره: هيي .. التذاكر
ريم: شفيهم ؟

اسماء: ماجيكتي اي يوم ؟؟
ريم بسرعه قامت: اوه نسيت .. الحين الحين ..
بسرعه راحت غرفتها .. بطلت الشنطه وطلعت التذاكر .. تجوف اي يوم .. واسماء تنطرها فلمطبخ .. بسرعه ياتها ريم ميوده التذاكر: اسوم لحقي
اسماء مب فاهمه شسالفه: شفيج ؟
ريم تتطنز: طارت الطياره
اسماء صدقت: حلفي عاد ؟
ريم: لا لا .. نطري .. مكتوب الأثنين .. تاريخ 11
اسماء: يالبقمه اليوم اليمعه !! يعني عقب باجر ؟؟؟؟
ريم مب مصدقه: لاا اللي عقبه !!
اسماء: آآآآآآآآآآه !! من صجهم ؟؟
ريم: شدراني !!
اسماء: وانا ماشريت اللي ابيه .. اي حزه ؟؟
ريم: سبع وربع الصبح !!
اسماء: آآآآآآآآآآآآه !! من صجهم !!
ريم مستانسه: اللاي بنرجع البحرين
اسماء مب مستوعبه: نطري نبي نشتري ماكملنا
ريم: معليه عندنا وقت.. اللاي بنرجع ( تذكرت ناصر) لا مابي ارجع مابي
اسماء مب مستوعبه: ليش ؟ توج مستانسه
ريم: لا عاد .. شسمه .. ولا ولا شي ولا شي .. امشي يالله لنتأخر
اسماء: مب ماكله ؟؟
ريم : لا لا ماشتهي ..
اسماء قامت: يالله زين
ريم: نطري بلبس شيلتي وبييب تلفوني .. نزلي نزلي باييج
اسماء: اوكي انطرج
اسماء توها بتبطل الباب داست على الظرف .. بسرعه شالته .. مكتوب عليه " من ناصر الريم .. احبج .. " .. يوم قرته بسرعه جفسته ودخلته في شنطتها .. ياتها ريم وهي تلبس الشيله: ها مانزلتي ؟
اسماء متوهقه: ها ؟ لا لا انطرج احسن
ريم: يالله زين مشينا ..
اسماء سكتت ولا قالت لها شي عن الظرف ..
نزلوا .. دشوا الجامعه ..
حمد كان واقف .. من جافهم بسرعه راح لهم ..
ريم في خاطرها " افف شيبي ذي " ..
حمد ابتسم: صباح الخير
اسماء معصبه: شتبي ؟
حمد تضايق: انتي شتبين ؟ من حاجاج ابي اعرف من كلمج ؟؟ كله رازه روحج وبس ؟
اسماء معصبه: هي هي .. انت هي .. تأدب احسن لك
حمد: ولي زين ( التفت على ريم) ترى عقب الكلاس بنروح ديزني .. اليوم آخر يوم تدرين ؟
ريم ابتسمت بالغصب: اي
حمد: زين بنروح بسرعه عشان يمدينه .. فـ لتأخرون بليز
ريم: ان شاءالله ..
اسماء سحبتها: امشي زييييين .. والله
ريم يودت يدها: آي آي بلعدال .. شفيج ؟؟
اسماء: يختي مادانيه ..
ريم: شعليج منه شدعوه انا اللي ميته عليه !! ترى مايستاهل تحرين قلبج عليه .. تركيه عنج .. وبعدين كلها يومين وحنا رادين .. فاستانسي في هاليومين .. (متضايقه) معني مب مستانسه كلش
اسماء: جوف ذي البقمه بعد !! هي انتي شفيج ؟؟
ريم: ولا شي .. يالله امشي لنتأخر
اسماء: يالله زين يالله ..

عبدالله دش الجامعه .. كان يدور احد من الجامعه يسأله .. جاف نايف يتمشى .. مايعرفه بس راح بيسأله
عبدالله: لو سمحت
نايف التفت عليه: هلا
عبدالله بسرعه راح له: سوري بس كنت بسألك .. انت اللي من البحرين ؟؟
نايف مستغرب: ااي
عبدالله: متى بتسافرون؟
نايف: بالضبط بالضبط ؟
عبدالله: اي
نايف: اليمعه الياي
عبدالله ابتسم: اوكي تمام
نايف مستغرب: فيه شي ؟

عبدالله: لا لا بس كنت بسأل .. ثانكس
نايف: حاضرين ..
عبدالله جاف الساعه .. المفروض طارت الطياره ..

ناصر فلطياره .. ضايق خلقه .. يحاتي ابوه .. يخاف ان فيه شي وامه مب راضيه تقوله .. الطريج طويل .. يبيله علأقل 15 ساعه عشان يوصل مطار هيثرو .. طول الطريج يفكر .. داير راسه .. متملل بروحه مب عارف شيسوي .. يمه كان واحد امريكي .. التفت عليه يبي يسولف وياه .. ذاك كان يقرا كتاب من صجه .. وناصر حده متضايق .. قام صك لكتاب والتفت على ناصر وابتسم: Hi
ناصر ابتسم له: Hi
الامريكي: how are you doing today ?
ناصر متكدر .. : I'm fine , thanks
الامريكي: I hope you are
ناصر ابتسم: and you ??
الامريكي : I'm doing good , thanks
ناصر ابتسم ..
الامريكي: So .. are you studing in LA?
ناصر: yes I am
الامريكي: good , where are you from?
ناصر: Bahrain
الأمريكي عفس ويهه: Bahrain ?? and where is Bahrain ??
ناصر: do you know Formula one ??
الأمريكي ابتسم: yeah yeah I know bahrain, I have just remembered
ناصر ابتسم
الأمريكي: I'm from LA .. and I'm going to organize a conference in London
ناصر: Oh !! that's great !!
الامريكي: yeah it is ..so .. are you going back to bahrain ?
ناصر: No no .. I'm going to visit my father in London
الامريكي: ooh .. I see
ناصر ابتسم ..
الامريكي: So, how do you like California?
ناصر: It's great. I love everything there
الامريكي: Great !! .. so .. what's your name?
ناصر: nasser ..and you ?
الامريكي: I'm justin
ناصر ابتسم ..
الامريكي يأشر على كتابه : It's an interesting book to read ..
ناصر يطالعه: Oh .. I have already read it
الامريكي: really ?? It's interesting , isn't it ?
ناصر: yeah it is absolutely inreseting .. I really enjoy reading it
الامريكي ابتسم: Do you like to read books?
ناصر: yes I do
الامريكي: I love reading
ناصر ابتسم له .. الامريكي جابل كتابه وتم يقرا .. وناصر طاقة جبده .. الامريكي لاحظ .. طلع له كتاب من شنطته وعطاه اياه يقراه .. ناصر استانس .. تم يقرا .. يضيع وقت ..

عقب ماطلعوا من الكلاس .. كملوا .. آخر يوم ..
ريم متضايقه: اففففف بسرعه مر الوقت اهني مامداه يخلص !! ابي بعد ابي
اسماء: ذلفي زين .. خلنرجع البحرين
ريم تتلفت .. يمكن تجوف ناصر شي .. محد ! ..
اسماء مستانسه: اللاي بنروح ديزني
ريم: اهم شي بصوّر هناك .. اسوم اذا جفتي ناصر قوليلي
اسماء معصبه .. : شلج فيه؟
ريم تخزه: بليز
اسماء تذكرت الرساله .. بس ماقالت لها شي ..
حمد بسرعه يناديهم .. يصارخ: يالله لنتأخر ..
ريم: وي وي يالله امشي
اسماء: يالله ..
كانوا مجهزين لهم بااص عود .. ركبوا فيه كلهم ..
الكل مستانس .. الا ريم ..
ريم كانت قاعده يم اسماء .. وحمد ونايف جدامهم .. كل ساعه التفت عليها .. ريم حدها متضايقه: اففف

اسماء التفتت عليها: شفيج ؟
ريم: ها ؟؟ لا ولا شي ..
اسماء: زين .. لتنسين تقولين حق الفيص ايينا المطار
ريم : تخيلي بنسافر بروحنا ؟
اسماء: حلفي ؟
ريم: اي مساعه سمعتهم اهمه بيتمون اهني لي اليمعه .. واحنا الاثنين بنسافر
اسماء: ثلاثا اربعا خميس يمعه ..4 ايام زود ؟
ريم: معليه اهم شي نرجع
اسماء: انزين .. بروحنا من صجج ؟
ريم: قدها قدها ان شاءالله ..
اسماء: وبنشيل لشناااط بروحنا ؟
ريم: اي حبيبتي .. الحين يات فايدة فصوول فديته
اسماء: بوو عاد احنا شكثر اغراض وشثقل !!
ريم: بس لتنشتري زود خلاص ..
اسماء: ويهج عاد ..
ريم: كيفج انتي اللي بتكسرين عقب
اسماء: معليه .. اهم شي اكمل اغراضي ..
ريم: معليه انزين ..

في ديزني ..
california adventure park
ريم مستانسه .. طول الوقت تصور .. في خاطرها حلاته ايي ويا ناصر اهني .. آيه عليه وحشني .. حدي مشتاقة له ..
اسماء: اللااااااااااي حده فن المكان
حمد يه صوبهم: ريم ريم
ريم التفتت عليه: هلا
حمد: امشي كلنا بنلعب ذيج اللعبه
ريم تتلفت: أي ؟
حمد يأشر: جوفي ذيج العماره اللي مكتوب عليها Hollywood tower hotel ?
ريم: ايي يالله
ريم مشت وراهم .. واسماء سحبتها: هي اخاف انا .. شنو ذي؟
ريم: شدراني انتي امشي وبس
اسماء: ويهج عاد .. والله ان طلعت شي يخرع بتولين
ريم: والله مادري انا ..
اسماء سمعت صوتهم يصارخون خافت: يمه هذي صوتهم ؟
ريم تقص عليها :لأا اظن لعبه غير .. انتي امشي ..
حمد يسمعهم .. ابتسم .. التفت وراهم: بسرعه عاد
ريم: يالله هذانه ..
دشوا ينطرون دورهم .. واسماء: والله ريمو تدرين ان طلعت اللعبه تخرع شسوي فيج ؟
ريم تأشر عليهال: جوفيهم شكبير وبيركبون ! شفيج عادي ؟؟
اسماء: عاد ذلين سحّر .. انا شعلي ؟ اخااف ..
ريم: انزين امشي الحين خنجوف شسالفه الحين ..
ركبوا .. يزعم elevator .. يطيح مره وحده .. يعني يطيح القلب فلبطن .. ويرد يركب ويطيح من فوق لي تحت .. ونااااااااسه
ريم طول الوقت تضحك ميته من الضحك ومستاااااااااانسه: اللاي فن فن
اسماء متيبسه وميوده ريم وبزور تتكلم: صبري اراويج .. والله صبري
ريم ولا جنها تسمعها تصارخ: اللااااااااااااي
اسماء متيبسه حدها وميوده بالقوه خايفه: يمممممممممه
كملت اللعبه .. وريم مستانسه .. اسماء سيده بزختها: يحمااااااااره .. قلبي وقف ..
ريم مستانسه: حدها فن .. نبي نركبها بعد
اسماء: ويهج عاد .. ركبي بروحج
ريم: اسوم من صجج ؟؟ والله فن
اسماء: ذلفي ذلفي ..
حمد يناديهم: تعالوا جوفوا الصوووره
اسماء شكلها مأساااااه متيبسه ومغمضه وعافسه ويهه .. وريم تبين تضحك وحلجها مبطل
ريم: اللاي باخذها
اسماء متخضره: حلفي ؟؟ عشان تراوين اخوج ؟
ريم تخزها: والله فن .. ذكرى شفيج
اسماء: اخذيها .. من زين ويهج عاد !!
ريم: عادي .. شفيج ؟؟ ذكرى
اسماء: يالله
ريم خذت الصوره .. وحمد خذاها بعد بس لان صورة ريم فيها ..

وتمت تتمشى .. ونااااااااسه المكاان حدها مستانسه .. بس مب كثر ماهيا متضايقه على ناصر .. كل ماتستانس .. تتذكر ناصر وتتضايق .. بسرعه تغير السالفه وتتلفت وتجوف المكاان ..
حمد التفت عليهم .. يطالع الخريطه: هذي هذي فن
ريم طلعت الخريطه: هذي بعيد عاد ..
حمد: معليه نروح شورانه .. انتوا بس حركوا بسرعه
اسماء: اذا تخرع بتولون
حمد: لا لا هذي الا تقعدين مثل السباحه جذي .. وتدور فلمااي بس ..
اسماء: احلف؟
نايف: ماتخرع صدقيني
ريم: يالله ..
نايف: بس ريم .. كيمرتج دخليها .. لان في احتمال تتبلل ..
ريم بسرعه دخلت الكيمرا: اوكي ..
ركبوا كلهم مع بعض .. حمد مجابل ريم .. واسماء يمها ..
ميوده حدها بلقوه وخايفه: تدرين ريمو لو صار شي بقطج فلماي
ريم تضحك: ههههههه بسحبج وياي عاد
اسماء معصبه: افففف والله نروح العاب ديزني احسن ..
حمد: نروح لها بعدين افا عليج
قامت السباحه مادري شسمها تتحرك في الماي .. وريم تضحك مستانسه .. وحمد طول الوقت يخزها ويضحك .. واسماء متيبسه: يمــــه
قامت تتحرك بقوه وتنزل بقوه والماي يصب عليهم وريم تصارخ: ييييمه تبللت
اسماء معصبه: يعللللللللج ياريمو ريل .. اراويج
ريم تضحك: وانا شدراني عاد !!
اسماء: صبري صبري .. اراويج
طلعوا من اللعبه وحدهم متبللين من الماي .. ريم تعدل ثيابها .. بسرعه طلعت الكيمرا تجيكها .. جافت اسماء شلون معصبه ومتبلله بسرعه صورتها
اسماء: انتي وراج هلون ؟
ريم: شلون ؟
اسماء: هلون !!
ريم: وناسه شفيج
اسماء راحت حق حمد: بس حمد انت روح واحنا بنلعب بروحنا
حمد مستغرب: ليش عاد ؟ امشوا ويانه !!
اسماء: لا لا عادي بنلعب بروحنا
نايف: كيفهم خلهم على راحتهم .. امش
حمد: بس
نايف: امش
راحوا نايف وحمد .. وريم ابتسمت : اسوم شكلج وناسه
اسماء معصبه: امشي امشي .. خنلعب شي مال يهال .. مو تبرعصيني ..
ريم: حلااااااته .. والله احب جذي شي حلو
اسماء: والله غريبه انتي !!
ريم: والله حلو الشعور اسوم
اسماء: انا قلبي بيطلع !! ماتخافين ؟
ريم: امبلا .. بس حلو
اسماء: اكا حمامات " كركم الله " خل اروح اعدل شيلتي
ريم: يالله
عقب تموا يتمشون .. ريم شرت لها تي شيرت ذكرى مكتوب عليه ديزني .. واسوم خذت نفسها بعد ..
جافت ميدليات حلوه شرت حق ناصر وفيصل ونجود .. واسماء خذت حق راشد بعد .. وناسه
جافوا الألعاب الناريه .. وصورتهم ريم .. وخلت اسماء تصورها بعد .. عقب راحوا الدون تون مال دزني .. وتعشوا ..

ناصر للحين فلطياره .. كمل لكتاب .. لاعت جبده .. تملل .. يحاتي ابوه .. ويبي يرجع بسرعه ينطر رد ريم ..ينطرها تتصل له.. وتسامحه .. قاعد يتخيل .. شلون بتكون ردة فعلها اذا قرت رسالته .. وبالدقيقه يطالع ساعته يبي يوصل بسرعه ويسمع صوتها .. حده مشتااااااااااااااااااااااق .. وحده متضااايق ..

يعطيك ربي العافيه ع هذا المجهود

ولاتحرمينا من جديدك

ولك مني ألف تحيه وسلام

ليله بكى فيها القمر

بسم الله الرحمن الرحيم

][ الجـــزء العشـــرون ][

" عشرون ولا عشرين ؟ "

رجعوا البنات الشقة ..
اسماء حطت أغراضها اللي شرتهم فلشنطه .. بطلت شنطتها وحطت الرساله في احد أجيااس ديزني ..
يات رييم .. : لا اسوم حطي اغراضي في شنطتي احسن .. مره وحده
اسماء: انزين كله واحد شفيج ؟
ريم بسرعه خذت الجيس " اللي فيها الرساله" وحطتها في شنطتها : مره وحده بعد شلا ..
اسماء خذت ثيابها: زين اانا بروح اتسبح
ريم: يالله انا بعد بروح الحين ..
اسماء تذكرت الرساله .. توها بترجع بتقول لها شي عنها .. هونت .. دشت تتسبح ..
ريم .. عقب ماطلعت من السبوح .. طلعت فلبلكون شوي .. في بالها ناصر .. وينه ماله حس ولا خبر .. شدعوه ؟؟ حتى ماكلف على عمره يمر علي يتأسف .. ولو حتى يتصل .. شدعوه عاد ؟؟ حدي ابي اكلمه .. مشتاقة له .. بس خل ايي وبسامحه .. اصلا انا مسامحته من زمان بس خل ايي .. ما تعودت اكون بدونه .. بس خل اجوفه .. خل اسمع صوته علأقل .. وينه !! .. لا اله الا الله .. !! ان شاءالله يكون بخير ..
اسماء بسرعه ياتها: دشي دشي بسرعه
ريم متضايقه: شوي بس ..
اسماء سحبتها: امشي اقوللج .. ماتعبتي اليوم ؟
ريم: امبلا حدي
اسماء: انزين امشي نرقد .. باجر قالوا بنروح يونيفيرستي مادري شسمه
ريم ابتسمت: يونيفيرسال ستوديو .. اي باجر .. من الصبح يقولون ؟
اسماء: يقولون .. امشي خنرقد عشان نرتااح ..
ريم: يالله امشي ..

نجود قامت الصبح .. بسرعه نزلت تحت .. امها كانت تقرا الجريده: ييييييمه
ام فيصل التفتت عليها: هلا يمه
نجود راحت قعدت يمها: صبحج الله بلخيير
ام فيصل: صبحج الله بلنووور
نجود: يمه يالله تأخرنا
ام فيصل: تو الناااس ابوج اصلا طالع من الصبح
نجود: خاين العشره .. شيطلعه ؟؟
ام فيصل: عنده اشغاال شدراني
نجود: لا اله الا الله .. حتى السبت عنده شغل ؟؟
ام فيصل: انزين انتي شعايلج ؟
نجود: يمه اخاف باجر تجوفون النتيجه وتهونون .. بعدين ماافي طلعه كلش .. فـ ابي اطلع اليوم استاااااانس
ام فيصل: اخوج قام ؟؟
نجود: يمه شفيج اييج يمين تين لي يسار ؟ قعدي مكان واحد ..
ام فيصل مب فاهمه: شنو ؟
نجود: شدخل اخوي فلسالفه ؟
ام فيصل: اسألج انا .. قام ؟
فيصل توه نازل .. يتثاوب: صباح الخير
نجود: بوو جوف ويهه .. تقولين رغيف
فيصل ابتسم: كيفي عاجبني
نجود: يالله فصول بسرعه قوم بنطلع
فيصل يجوف الساعه: من الحين ؟؟ نطري خل ااذن الظهر علأقل
نجود: انزيين يعني ماتقدر تصلي هناك ؟
فيصل: لا بنصلي فلمسيد وبنمشي .. شعايلج ؟
نجود: بس ابي اطلع .. ابوي بعد مسوي روحه مول .. (التفتت على امها) يالله يمه اتصلي فيه قوليله خل يرجع .. ولا تدرين .. احنا خنجدم واهوه ايينه هناك
ام فيصل: لا حبيبتي بنطلع يميع .. بيي الحين لتخافين .. انتي روحي لبسي الحين
نجود قامت: ايي عاد موتأخرون بليز
ام فيصل: ان شاءالله
فيصل: يمه مافي ريوق ؟
ام فيصل قامت: امبلا امش يالله تريق ..
فيصل قام: يالله ..

ناصر .. توه واصل لندن .. من نزلت الطياره سيده بطل تلفونه .. يبي يجوف جان ريم متصلة له ولا لاء .. ابد .. بس عبدالله مطرش له مسج يقول له ترى اهمه بيمشون اليمعه .. ابتسم .. يعني يمديه يروح لهم .. اتصل حق امه ..
ام ناصر: الوو
ناصر: هلا يمه
ام ناصر مستانسه: هلا هلا والله .. شلونك؟
ناصر: الحمدلله
ام ناصر: ترى توهم مرخصين ابوك احنا فلبيت الحين
ناصر مستانس : لا ؟؟ زين زين .. بس اوكي انا باخذ لي تكسي واييكم
ام ناصر: لا انطر بطرش لك احد اييك
ناصر: لا يمه بدبر عمري انا .. يالله باي
ام ناصر: باي

ناصر .. مستانس ان ابوه رخصوه .. في نفس الوقت متضايق .. يعني طاق درب .. على ولا شي !! مرخصينه ومافيه شي ؟؟ عيل جان تميت انا !! 15 ساععه فلطياره .. اخرتها .. فلبيت ؟؟ انزين احسن انه فلبيت انا مابيه يمرض زود .. بس .. ليش ييت عيل ؟؟ اففف .. جاف له تكسي .. وراح البيت ..
ابوه كان منسدح .. وامه كانت قاعده يمه ..
ناصر من دش البيت بسرعه راح لهم .. من زمان ماجافهم ..
ام ناصر بسرعه راحت له وسلمت عليه ..
ناصر مستانس : شلونج يمه؟
ام ناصر دمعت عينها: ولهانه عليك ..
ناصر راح يسلم على ابوه: سلامااات بوناصر .. ماعليك شر
بوناصر ابتسم: لو ادري جان من زمان مرضت عشان اجوفك
ناصر ابتسم: سلامتك والله .. شهالحجي؟
بوناصر: ماكان له داعي تيي الله يهداها امك كبرت الموضوع
ناصر: لا لازم اتطمن عليك بنفسي .. افا عليك .. شخبارك الحين ان شاءالله احسن ؟
بوناصر: الحمدلله انت شلونك؟
ناصر ابين التعب عليه: الحمدلله
ام ناصر حست فيه: يمه فيك شي؟
ناصر: لالا بس خبرج يمه الطريج ..
ام ناصر: مارقدت امي ؟؟
ناصر: عادي يمه شفيج ..
ام ناصر يودته مستانسه: فديتك من زمااااااان ماجفتك
ناصر ابتسم: زين لا .. عشان تشتاقين لي
ام ناصر: يه ؟؟ بس يالله خلص وتعال ويانه
ناصر مستغرب: وين ايي ؟
ام ناصر: اهني .. لندن
ناصر: يمه من صجج ؟؟
ام ناصر: وليش لاء؟
ناصر: يمه بروح البحرين انا ..
ام ناصر: وحنا ؟
ناصر: يمه ماكان اتفاقنا ايي اهني .. انا قايل لكم بكمل دراستي وبرد البحرين اشتغل ..
ام ناصر: بس امي ابيك ويانه
ناصر: بييكم ان شاءالله .. انتوا بعد تعالوا .. بس ايي اهني !! اسمحولي
ام ناصر: ناصر امي شكلك وايد تعبان
ناصر ابتسم: مب حلو ؟
ام ناصر: ولدي شلون مب حلو يعني ؟؟ قوم ارتااح الحين
ناصر قام .. سلم على ابوه: سلامتك يبه
بوناصر: الله يسلمك ..
راح ناصر بيرقد .. راحت وياه امه ..
ام ناصر: ماتبي اييب لك شي تاكله يمه ؟
ناصر انسدح: لا لا .. تعبان بارقد ..
ام ناصر تخزه: جذي الحب يسوي ؟
ناصر فز قلبه: ها !!
ام ناصر ابتسمت : ولا شي .. ارقد .. (وهي طالعه) تصبح على خير
ناصر: وانتي من هله ..

ناصر متضااايق .. طول الوقت التلفون في يده .. ينطرها تتصل .. اكره شي النطره .. اففف .. من حط راسه رقد .. حده تعبان ..

يوم ثاني ..
ريم متضاايقه .. كله تتخيله يتصل فيها .. اييها الشقة .. اي شي .. اهم شي تجوفه !! ..

قامت بسرعه بدلت عشان ماتتأخر عن الترب .. وقامت اسمااء بعد ..
مب مشتهيه تاكل شي .. تبي ناصر ..
مب مشتهيه تطلع بس تدري اسماء مابتخليها ..

في يونيفيرسال ستوديو ..
اذا تبي تنسى تيود كيمرتها وتصـوّر ..
وناسه كان كلهم مستانسين .. وحمد كله ايي يمها ويسولف .. واهي مب ماعطته ويه ..
دشوا شريك .. 4 - د .. وايد حلو ..
وفي شو نفس الفير فاكتور .. لاعت جبدهم وطلعوا
عقب تموا يتمشوون ..
ريم كانت تتمشى ويا اسماء ..
ريم متضايقه: حلو المكان .. بس مب حلو الوضع
اسماء طبعا ماستوعبت: شلون يعني وضحيلي اكثر لوسمحتي
ريم خذت نفس: يعني .. لو انا الحين ويا ناصر .. بستانس اكثر..
اسماء تخزها: اي ناصر انتي بعد ؟ صج ماعندج سالفه !!
ريم تطالعها: اسوم شفيج ؟؟ انتي تدرين اني احبه .. ولا ؟
اسماء: تحبينه ذاك اول .. عقب ماطقج حبيبتي مافي حب
ريم تخزها: على كيفج ؟ قلبي ولا قلبج ؟؟
اسماء: لو يحبج .. وينه ؟؟ جان يه تسامح منج لا ؟؟
ريم متضايقه: الغايب عذره معاه .. اهم شي انا ابيه .. لو يذبحني ابيه .. لو ياخذ السجين جدام عيني ويقجها في قلبي .. بعد احبه وابيه
اسماء بققت عينها: مينونه الحمدلله والشكر .. من صجج انتي ؟
ريم دمعت عينها: اسوم انا احس .. عايشه وميته ..
اسماء: عايشه رفيجة نجود شدخلها فلموضوع ؟
ريم تخزها:اسوم عاد !! من صجي انا .. قلبي يعورني .. تعودت اجوفه كل يوم .. اسولف وياه كل يوم .. مب حلو اليوم يمر بدونه كلش مب حلو .. لو ودي اتصلت له .. بس مايصير !! اتصل له ؟؟ يعني جني انا اللي اتسامح واهوه الغلطان !!
اسماء: ايواااااااا وصلنا خير .. قلتيلها .. غلطان .. والغلطان لازم يتسامح ..
ريم: انا بس اجوفه .. يعني احط عيني بعينه .. بسامحه
اسماء: لانج غبيه ومينونه
ريم: معليه
اسماء: لانج بقمه
ريم: معليه
اسماء: لانج ماتفكرين وقلبج اسود
ريم: قلبي مب اسود حرام عليج !!
اسماء: ليش ؟؟ جايفته ؟؟
ريم: عطيني شي يدل ان قلبي اسود
اسماء: قلبج اسود حبيبتي لانج تحبين هاللي مايتسمى ذي الطويل
ريم: احبه .. والحب مب بكيفي ..
اسماء: والطق اللي طقااج !! والترفس !! والمستشفى !! والتعب !!
ريم نزلت راسها: كلشي يهون .. الا فرقاااه
اسماء: ريمو لتصيرين ضعيفه جذي .. حسسيه بقيمتج .. لتبينين له انج ميته عليه هلون
ريم دمعت عينها: غيري الموضوع ماستحمل
اسماء: انزين انزين
حمد ياهم ينافخ: هه هه هه انتوا وينكم ؟
اسماء: شتبي انت بعد ؟
حمد: في لعبه انما ايه .. ضروري تيون .. ركبتها وابي اركبها مره ثانيه
اسماء: اذا تخرع بدوس فبطنك
حمد: لا لا .. عجيبه (يحاجي ريم) يالله امشوا
ريم مالها خلق: لا مب لازم
حمد: والله بتحسفين واصله لي هني وماتركبينها
ثنتين .. يم بعض.. امشوا لازم ننزل من اهني عشان نروح
اسماء: توها وحده !! صاروا ثنتين .. شوي شوي بيصيرون عشر
حمد مستغرب: اذا ماتبون تلعبون شلا يايين ؟
اسماء: يالله يالله يينه ..
راحت ريم وياهم معنها مالها خلق كلش ..
ركبوا لعبه جراسيك بارك .. مره وحده تنزل فلمااي .. وناااااااااااااسه طاح قلبهم ..
اسماء من طلعت طقت ريم : قلبي قلبي قلبي .. حدي متيبسه
ريم مستانسه: هههههههههههه ريم: لا مابي
حمد: اهمه بس فن
حمد: يالله امشوا في لعبه فن بعد .. بسرعه
راحوا ويااه
ولعبوا ذا مامي .. " المومياء" .. حدها عجيبه .. استانست ريم عليها

اسماء: عن يووووووومها .. سريعه
ريم: وناسه .. حده مب حلو الوضع
اسماء ماستوعبت: اي ؟؟
ريم : بس بس خلاص ..
نايف راح لهم: عسى مستانسين ؟
ريم ابتسمت: الحمدلله
نايف: يالله اذا تبون اتعشون .. الدنيا بدت تظلم شوي ..
ريم: كيفكم اناا مابي
اسماء: يالله يالله خنتعشى يوعانه انا
راحوا المطعم .. ريم طلبت لها بيبسي .. وقعدت تشرب ..
اسماء خذت عشاها وراحت قعدت يمها: انتي هيي ! بقمه ؟
ريم تشرب البيبسي: شلا ؟
اسماء: هذي عشاج ؟؟ ماكلتي شي اليوم تدرين ؟
ريم ابتسمت: عادي .. مب مشكله
اسماء: آبو بطنج !!
حمد شايل أكله .. راح صوبهم: امشوا ويانه لا ؟
اسماء تاكل: لا لا اوكي
حمد يطالع ريم: وين اكلج ؟
اسماء: رجيم رجيم
حمد مبقق عينه: تبين تختفين ؟؟
ريم تشرب البيبسي ولا بماعطته ويه ..
اسماء تبي تحره: ماعليك الحب ومايسوي
ريم تخزها .. حمد تضايق ومشا عنهم ..
ريم: انتي شفيج ؟ سكتي عنه بس خيولي
اسماء: خله ليصدق عمره زود .. اكلي اكلي مادري شربي وانتي ساكته
ريم تطالعها: لا اله الا الله
اسماء تاكل: معجبه ؟؟
ريم: اسوم .. اليوم لي ردينه خنرتب اغراضنا
اسماء: عندنا باجر بعد !!
ريم: ماسمعتيهم ؟؟ من الصبح يبونا نطلع مادري متى بنرد .. وعقب باجر الطياره من الصبح !!
اسماء: اليوم مافيني شده ريمو شرايج ترتبين عني ؟
ريم ابتسمت: افا عليج مب مشكله
اسماء: كفو .. كفو يا اخت ريلي
ريم: يه ؟ الحين هديتي رفيجتي ويودتي اخت ريلي
اسماء: ايي اهني البرستيج شعرفج !
ريم: شدخل ؟؟
رجعوا البنات الشفة ..
اسماء من ردت رقدت ..
وريم تمت ترتب الأغرااض .. تعبت .. ماقدرت اتم زود .. بس غصبت روحها الا تكمل الاغراض كلهم عشان مايصير كل شي حزة الحزة .. بس رتبتهم وافتكت .. اتصلت حق فيصل تسلم عليه ..
فيصل كان فلشغل: الوو
ريم: هلاااا فيصل !!
فيصل حس بصوتها: ريم شفيج ؟
ريم تحاول مابين عليها التعب: مافيني شي شفيك !! شلونك الفيص؟
فيصل: انا الحمدلله بخير .. انتي شلونج ؟
ريم: الحمدلله بخير ..
فيصل: أكيد ؟
ريم: اي الحمدلله .. بخير .. شلونكم كلكم ؟
فيصل: كلنا بخير .. شلون اسومتي ؟
ريم: الحمدلله بخير
فيصل: وينهي مالها حس ؟
ريم: راقده ..
فيصل: وانتي ليش مارقدتي
ريم: قلت بكلمك قبل لا ارقد واتطمن عليك وبعد شسمونه
فيصل: شفيج ؟
ريم: باجر احنا بنطلع ويا الجامعه بنروح ثيم بارك بنلعب
فيصل: عاد ادريبج انتي ذبحتج الالعاب الخطره
ريم: وناسه
فيصل: اي عاد بلعدال على اسومتي .. اخاف على قلبها
ريم: افا الفيص .. يعني انا ماتخاف على قلبي ؟
فيصل: عاد .. انتي تحبين هالسوالف ..
ريم: زين زين معليه .. ترى عقب باجر من الصبح احنا بنمشي ..

فيصل: خلاص انا اييكم المطار ان شاءالله .. بتقول حق اخوها بعد ؟ريم: ايي لازم
فيصل ماعجبه الموضوع: لا ريمو .. ختصخ عن السالفه وتفاجئه أحسن
ريم: يعني تروح بيتهم جذي ؟
فيصل: ايي اانا اوصلها
ريم: انت تبي تسوي مفاجأه حق اخوها ولا تبي تاخذ راحتك يالشيخ ؟
فيصل ابتسم: عاد ريمو فهميها .. انتي بعد لتقولين حق امي
ريم: بعد !
فيصل: اي لتقولين حق احد خلاص .. صخي
ريم: زين .. معليه
فيصل: زين عيل اخليج انا روحي رقدي ارتاحي .. ولاتأخرون فلبارك وايد عشان يمديكم ترقدون وترتاحون
ريم: ان شاءالله
فيصل: يالله مع السلامه
ريم: سلم عليهم كلهم فصوول
فيصل: الله يسلمج ..
ريم: يالله باي
فيصل: بيباي ..

ريم من التعب حطت راسها ورقدت ..

نجود دشت البيت بصراخها: يييييييييمه لحقييييييييي .. ياناااااااااس .. ياعااااااااالم .. ياهووووو .. لحقوا علي
ام فيصل بسرعه طلعت لها من المطبخ: شصااااااير ؟ خرعتيني
نجود ميوده الشهاده وتسوي روحها تصيح .. : يمه رسبت لتطقيني
ام فيصل وقف قلبها: حلفي ؟
نجود بسرعه راحت لها تضحك: اقص علييييييييييييج .. ناجحه مع مرتبة الشرف
ام فيصل دار راسها: حلفي ؟؟؟؟؟
نجود تراويها الشهاده: جوووووووفي .. اهني الشطااره .. تعلمي
ام فيصل تجوف الشهاده .. ابتسمت .. لمت بنتها: مبروك حبيبتي .. يارب اجوفج متخرجه من الجامعه
نجود: من الجامعه الامريكيه قصدج ؟
ام فيصل: عاد اللي اهوه ..
نجود: يمه فاتج صار الطق مساعه
ام فيصل: وه اشوله ؟؟
نجود: اقولج متهاوشين على رقمي .. كلهم يبون يشترونه .. وانا مارضيت ابيع خبرج يمه رقمي ملكي حده سبيشل ..
ام فيصل مب فاهمه: أي رقم ؟
نجود: يمه مجموعي شفيج ؟ 77.7 !! بالمووووت احد يقدر يحصله .. عبالج سهله اانا ؟
ام فيصل ابتسمت: غربل الله بليسج ..
نجود: جفتي شلون حظي حلو ؟؟ حتى بالمجموع !! يعني يمه شتسوين اذا بنتج دايما انيقه ؟؟
ام فيصل: بشرتي ابوج ؟
نجود تهز راسها: لاء
ام فيصل: اتصلي فيه قوليله
نجود: تهقين بيستانس ؟
ام فيصل: انتي؟ اهم شي ناجحه ..
نجود: زين يمه برزي هديتج ( رفعت تلفونها بتتصل ..) الووو
بو فيصل: السلام عليكم
نجود: وعليكم السلااااااام ياهلا ويامرحبا بالغاااالي
بوفيصل: هلا فيج هلا هلا .. شلونج يبه ؟
نجود: انا زييينه .. انت شلونك ؟؟ زين ؟
بوفيصل: الحمدلله
نجود: يبه مادريت ؟
بوفيصل: شصاير بعد ؟
نجود: ماتدري ؟؟؟؟ من صجك ماتدري ؟؟ بو يبه حدك قديم
بوفيصل: شصار عاد ؟
نجود: احلف ماتدري ؟!
بوفيصل: امبلا ادري
نجود: بس اوكي يالله باي
بوفيصل: باي
نجود: تعاااااااااااااااااال .. تبيها من الله تصكه ها !!
بوفيصل: بعد انتي تقولين باي !!

مشكوره اختي على القصه الروعه
ننتظر الباقي

مشكوره على المرور الرائع
والله لايحرمنا منك يالغاليه

الأميره

وين التكمله ننتظرك

ولا يهمك قريب احطها

ويسلموووووووووووووووو على المرور

نجود: يبه من صجي اتحجى .. ماتدري ؟
بوفيصل بدى يعصب: بتقولين ولا اصكه ؟
نجود: ويه بسم الله لتعصب !!
بوفيصل: قولي
نجود بهدوء: نجحت
بوفيصل: لا !! لا لا !! شلون جذي ؟؟؟؟؟
نجود مستانسه: بعد !! بنتك خطيره ..
بوفيصل: جم يبتي عاد ؟ عسى امتياز ؟
نجود: مع مرتبة الشرف .. بس جيد
بوفيصل: افااااااااااا .. ليش ماطلعتي علي !! انا
نجود تقاطعه: كله الأول .. حفظناها .. يبه ليش يعني انا كله يراودني هالسؤال حزة لرقاد .. كل ابهات ربعي الأوائل ماشالله .. حتى امهاتهم .. كله افكر يبه من طلع الثاني ؟؟
بوفيصل ابتسم: علعموم مبروووك النجااح .. شتبين هديه ؟
نجود: اممممممممم امم امم امم .. يبه .. انا كتبت شابي ولي ييت بعطيك لورقه
بوفيصل: بعد !! مشكله
نجود: خراطه عبالك ؟
بوفيصل: زين ابوي اخليج انا عندي اجتمااع عقب شوي
نجود: ايي ناقشوا السؤال اللي قلته لك
بو فيصل: ان شاءالله .. يالله مع السلامه
نجود: يسللمك

نجود مستانسه: من بقى مابشرته !!
ام فيصل: فيصل قلتيله
نجود: اووووه صج .. دقيقه خل اتصلله ( رفعت التلفون تتصل) الوو
فيصل كان فلشغل: هلاأ
نجود: هلا بالطش والرش
فيصل: شصاير فلدنيا
نجود: خبرك يعني احنا الناجحين اذا نجحنا مشكله .. ولا اذا يبنا مجموع خده خطير مثل 77.7 يعني ..
فيصل: يييييا !! زين زين .. مبروووووك .. انا كنت اشك انج بتنجحين اصلا
نجود: عن الغلط عاد حدك يعني
فيصل: زين مبروووك
نجود: الله يبارك في حياتك وايامك ولياليك
فيصل مستانس: شي شي .. كشخه النجد
نجود: احم .. عاد خبرك اذا الواحد نجح . يتمنى الناس اللي يحبونه .. انهم يقدمون له الهداايه السنعه .. وترى مايرقدون الليل ينطرون الهدايه بس
فيصل: الزبببببببده
نجود: فلثلاجه .. والثلاجه باقوها من زمان
فيصل: ماتبين شي يعني ؟
نجود: الحين انا شلا متصله يعني ؟؟ امبلا شلون مابي
فيصل: آآمري يالناجحه
نجود: امممم .. شرايك .. تشتريلي .. اممممممم
فيصل: قولي شخاطرج فيه ؟
نجود بلعدال عشان امها ماتسمع: بيني وبينك .. معرس
فيصل مستغرب: هاااااا ؟
نجود: احم .. قصدي .. ولاشي ولاشي اقول انت اذا ييت البيت بنتفاهم فلموضوع يالله باي
فيصل: باي

نجود التفتت على امها: من بقى ؟
ام فيصل: حبيبة قلبي
نجود: اووه يمه عاد هذي الحين حدها داشه feeling ويا الامريكان
ام فيصل: راقده الحين لا؟
نجود: شدراني يمه قاعده وياها انا ؟؟ تجوفيني توني راده من المدرسه .. اما انتي
ام فيصل: ويي !! يعني الحين عندهم الفير .. لازم بترقد .. اما انتي
نجود: ويي ! يمكن قامت تصلي !! أما انتي
ام فيصل: وي !! يمكن للحين ماأذن عندهم !! أما انتي
نجود: وي !! اما انتي
ام فيصل: اما انتي
نجود: يمه يمه لتشيرين علينه .. شغدانه اليوم؟

ام فيصل: في قاعته

نجود: دياي ؟
ام فيصل: لحم
نجود: ياحبج حق للحوم يمه .. مب زين ترى كله كالسيوم
ام فيصل مستغربه: كاليسوم يالناجحه فللحم ؟
نجود: يمه شفيج !! (مشت عنها) أما انتي

ناصر .. اتصل في عبدالله من قام ..
عبدالله كان عنده الصبح وللحين منسدح مب راضي يقوم .. من جاف رقم ناصر بسرعه قام: الوووو
ناصر متضايق: هلا العبد
عبدالله: هلا فيك هلا والله .. شلونك وشلون الوالد ؟
ناصر: الحمدلله بخير ..
عبدالله: للحين فلمستشفى ؟
ناصر: لا رخصوه الحمدلله
عبدالله: الحمدلله ..
ناصر متكدر: عبود
عبدالله حس فيه: شفيك ؟
ناصر: ابيها
عبدالله: تلحق عليها .. اهيا ان شاءالله اليمعه مسافره
ناصر: اي مايصير انا اطق هالطريج وارده نفس اليوم ... تعب والله
عبدالله: اي صج .. علأقل تم لي الاربعا عندهم
ناصر: لا بس لي الثلاثا يتراوالي زين
عبدالله: انت جوف الحجز .. وشنو يناسبك
ناصر: اي ان شاءالله عقب بروح .. عبود
عبدالله: هلا
ناصر: يخي سو فيني خير .. مر عليها .. طمني عليها .. تعباان والله
عبدالله ابتسم: الظهر بروح ان شاءالله
ناصر: ماتقصر والله ..
عبدالله: عاد انت لتصير جذي بعد ..
ناصر: لو ودي .. جان اتصل .. بس .. ماعرف شقول لها .. يعني الكلام فلتلفون غير .. بعدين اهيا قرت الرساله .. لو بتسامحني جان اتصلت ولا طرشت مسج .. اي شي
عبدالله: عاد .. شتقول بعد .. انت اللي سويته مب شوي
ناصر: بس عاااااااااااد
عبدالله: انزين انزين ..
ناصر: يالله انا بروح حق ابوي
عبدالله: زين اذا حصلت لك حجز ولا شي خبرني ..
ناصر: ان شاءالله
عبدالله: يالله .. سلم علوالد ووالوالده
ناصر: ان شاءالله يبلغ .. انت بعد سلم علشبااب
عبدالله: يبلغ .. يالله مع السلامه
ناصر: الله يسلمك ..

راح ناصر حق امه .. كانت ويا ابووه
ناصر سلم عليهم: صباح الخير ..
ام ناصر: هلا يمه صباح النور .. الحين بيأذن العصر
ناصر سلم على ابوه: اشوى؟
بو ناصر: ايي الحمدلله مافيني شي .. ان شاءالله باجر بداوم
ناصر: وليش تداوم؟؟ خلك ارتاح جم يوم
بوناصر: لا لا مرتااح الحمدلله ..
ناصر يطالع امه: يوعان
ام ناصر فزت ..حطت يدها على قلبها: وليدي يوعاان ؟؟ وعليه علييك شخاطرك فيه ؟
ناصر ابتسم .. يفكر: امممممم .. أي شي .. يوعان
ام ناصر: تبي نطلع نتغدى ؟
ناصر يطالع ابوه: وبوي ؟
بوناصر: ماعليكم مني .. انا الحين بارقد .. وبعدين مايصير انت تنحكر ..
ناصر يطالع امه: تغديتي انتي ؟
ام ناصر: من زمااااااان
ناصر: زين عيل تمي ويا ابوي .. واانا بروح اتغدى

ام ناصر: لا يمه بيي وياك
ناصر: زين عيل نطريني بس ابدل ..
ناصر بسرعه بدل .. لبس تي شيرت CK
وجينز diesel
نظاره chanel
ونزل حق امه: مشينه ؟
ام ناصر تعدل شيلتها: يالله
ناصر راح حق ابوه: يبه .. تامرنا على شي ؟
بوناصر: سلامتك ..
ناصر: الله يسلمك .. اذا في شي اتصل
بوناصر: ان شاءالله
ام ناصر: يالله مع السلامه
بوناصر: يسلمج ..

في Friday's
ناصر ياكل ال جاك دانييل ستيك .. يوعااان مسكين ..
وامه طلبت لها سينادنكرز لانها متغديه ..
ام ناصر: ها يمه .. بشرني .. شخبار الدراسه ؟
ناصر: والله .. ماشي الحال .. الامتحانات عقب جم يوم
ام ناصر: ومادرست !!
ناصر: برجع ادرس ان شاءالله .. يمديني
ام ناصر: ومتى تخلص
ناصر بيشرب البيبسي: سبوع تقريبن
ام ناصر: الله يوفقك يارب
ناصر: ويااج ..
ام ناصر: ومابتقولي شفيك ؟؟ انا امك
ناصر يطالعها: شفيني ؟؟
ام ناصر: انت قولي شفيك .. مب عاجبني كلش .. ويهك تعباان واحسك متضااايق .. صاير شي ؟؟
ناصر: يمه قلت لج الطرييج طويل
ام ناصر: بتخش علي يعني ؟؟
ناصر: يمه مافيني شي
ام ناصر: انا امك ..
ناصر ابتسم: تخطبينها لي ؟
ام ناصر تخزه: منهي ؟
ناصر سكت .. وتم ياكل ..
ام ناصر: من عااد !!
ناصر: يعني تسوين روحج ماتعرفينها ؟
ام ناصر: شنو اسوي روحي ماسوي روحي انته بعد !!
ناصر مستغرب: من صجج يمه ؟
ام ناصر تخزه: ليكون ريمو؟
ناصرعقد حياته: وليش تقولينها جذي؟
ام ناصر يودت قلبها: اهيا ؟
ناصر: يمه شفيج ؟؟ وجنج أول مره تسمعين !! من زمان انتي تدرين اني ابيها
ام ناصر: انا عبالي بتدرس هناك وبيتغير كل شي
ناصر: كل شي ممكن يتغير .. الا حبي لها
ام ناصر: عشتوا
ناصر: يمه شفيج ؟؟؟
ام ناصر: مافيني شي مافيني شي .. اكل اكل
ناصر: ماجاوبتيني .. تخطبينها لي ؟
ام ناصر: كمل اختبارات ويصير خير
ناصر: يمه قلت لج كلها سبوع ونا مخلص .. انا من صجي
ام ناصر: عاد يمكن اهيا جايفة لها جوفه وماتبيك
ناصر طق الطاوله بقوه: يمه !! شفيج اليوم ؟؟
ام ناصر: اكل اكل
ناصر دز الصحن: مابي آكل شي .. خلاص شبعت
ام ناصر: وشفيك عصبت علي هلون ؟ ماصار شي
ناصر: خلاص .. صكي السالفه .. وحطي في بالج .. مايصير شهر .. الا الدبله في يدي
ام ناصر تخزه: جوف لك احد يخطبها لك
ناصر معصب: يمه .. يمه شفيج ؟ محد بيخطبها غيرج ..
ام ناصر: قول حق ابوك ويصير خير

ناصر: ابوي يدري من زمان اني ابيها .. وماعنده مانع .. بنت اخوه
ام ناصر: بنت اخوه اهوه .. مب انت اخوي
ناصر: يمه شفيج !!!! شاربه شي ؟؟
ام ناصر: استح على ويهك
ناصر: شدراني فيج !! تدرين ؟؟ انا غلطان اللي ياي .. ولا جان تام هناك احسن لي
ام ناصر حست بالذنب .. يودت يده: ناصر يمه
ناصر معصب .. يهز ريله وساكت
ام ناصر: ناصر !! كل هللي فيك بسبتها ؟؟
ناصر: يمه عاد !! مافيني شي .. بلعكس مستااااانس
ام ناصر: اي اي ابين .. قص علي
ناصر: يمه .. حبيبتي .. سمعيني .. احبها .. وابيها .. حتى لو اهيا ماتبيني .. وماتحبني .. باخذها غصبا عليها .. وهذي الحجي مب بس لج .. حقهم كلهم .. واضح ؟؟
ام ناصر: الحمدلله والشكر لله الكريم ..
ناصر: يمه لتخليني اتحسف اكثر اني ييت .. !! انا غلطان اني متحجي اصلا .. المفروض اسكت ومااقووللج شي
ام ناصر: بس بس خلاص زين بخطبها لك وبسويلك اللي تبي بس لتعصب ..!! مادري من طالع عليه انت ..
ناصر يتطنز: تصدقين مادري ؟
ام ناصر تفشلت: اي عاد ماخذت مني الاشيا الزينه ...
ناصر يبي يحرها: الاشيا الزينه خذتها من الوالد
ام ناصر محتره: يالله يالله .. من فضلك ..
ناصر فيه الضحكه: يمه .. اشك انج صاحيه .. صج صج .. بيني وبينج بس مابقول حق احد .. اششاربه ؟
ام ناصر طقته بالعدال على جفته: استح على ويهك تحاجيني جذي !!
ناصر فيه الضحكه: يمه خلج كوول ..
ام ناصر معصبه: كول فعينك
ناصر: يمه انا بروح احجز لي
ام ناصر يودت قلبها: بترجع ؟
ناصر: لازم ارجع يمه امتحانات ..
ام ناصر: انزين علأقل تم لي باجر !!
ناصر: اذا حصلت تذكره باجر الصبح زين ..
ام ناصر: مامدااااك !! ماشبعت منك يمه
ناصر: اذا كملت .. موعدنا فلبحرين ان شاءالله
ام ناصر: يصير خير .. هذي اللي ذابحتك
ناصر: انا لله
ام ناصر: زين انا برد حق ابوك عيل .. وانت روح احجز وتعال .. ننطرك
ناصر : اوكي مو مشكله .. بوصلج انا البيت وبروح
ام ناصر: يالله ..

وصل امه .. وراح يحجز له .. حصل له يوم الاثنين الصبح .. قال بيروح الصبح احسن عشان يمديه يدرس .. ويجوف ريم ..
قعد يفكر .. انا الحين بخطبها .. واهيا مب راضيه علي !!.. بس احسن قلت حق امي .. عشان مايصير كل شي حزة الحزه .. الحين لي رحت هناك بكلمها على روااقه وبنتفااهم على كل شي .. وانا اكمل امتحانات واالحقها .. واخلي امي وابوي ايون البحرين .. واملج عليها .. ذيك الساعه .. ترد لي الرووح .. ونبض قلبي يرجع .. حبيبتي .. احبها والله احبها .. قعد يدور فلسوق .. يبي يشتري لها شي .. عشان اول مايروح يعطيها .. قعد يدوور .. راح تيفاني اند كو .. عجبته الدبل اللي هناااك .. الألمااس .. ماعرف شيااخذ .. قال اذا راح امريكا بيروح وياها بيختارون اثنينهم .. ماعرف شياخذ لها .. دار راسه .. عجبه خااتم الماس .. حده ناااعم .. كان يحسه يناسبهااا وايد .. ماتردد بسرعه شراه وطلع .. راح البيت .. دخل الخاتم في شنطته .. مايبي امه تسويله سالفه بعد .. وراح قعد وياااهم ... لان يوم ثاني الصبح بيسافر ..

ريم ويا اسماء .. فلنوتس ..
اول شي ركبوه الGhostRider .. تكسروا .. اهوه رايد عوود من خشب كله .. ويمشي بسرعه وحده يتلفف بقوه .. وينزل بسرعه ويلف بسرعه ويركب بسرعه .. يكسر لضلوع
ركبت رايد اسمه Boomerang .. يتقلب ثلاث قلبات ويرجع ريوس عليهم .. يمه يخرع
اسماء ماتبي تركب وريم تركبها بالغصب ..

لازم عقب ماتطلع تدعي عليها وتطقها ..
ودتها ريم ال Montezooma's Revenge .. قلبتها حدها عوده !! ورفيعه !! بعد روحه ورده .. يعني مره جذاك ومره ريوس يمه قلبي !!
اسماء رايحه عليها وريم ميته من الضحك عليها ..
اسماء معصبه: ييييييييعلج ياريمو ريل احول يجوفج 4 مرات
ريم فيها الضحكه: اسم الله علي ..
اسماء: بس دار راسي حرام عليج كله بتقلبين فيني ؟ جبدي انقلبت
ريم: متأكده بس جبدج ؟
اسماء: كل شي انقلب فيني بس عيزت ..
ريم: انزين بوديج اللنجه اللي هناك .. اراضيج يعني
اسماء: تراضيني عقب تخرعيني ؟
ريم: لا لا مابخرعج امشي .. بس خلاص اصلا انا تكسرت
اسماء: امشي .. تقصين علي ادري لكن كله عند فصوول صبري
ريم: انا راح صوتي خلاص
اسماء: من لصرااخ اللي صرختيه .. ناصر اكيد سمعج
ريم عورها قلبها: بس بس سكتي امشي خنروح
اسماء: الا بقوللج
ريم: قولي
اسماء: بلل .. لي طريت الجلب !! اكا يااج
ريم تتلفت الا حمد ياهم ..
حمد: وينكم عيزت ادوركم
اسماء عافسه ويهه: ومن قالك نلعب صيده احنا ؟
حمد عفس ويهه: هه هه هه تعالي دلدقيني اهني عشان اضحك
اسماء عصبت: شتبي انت؟
حمد: ولا شي .. (مشى عنهم)
ريم استانست: زين تسوين فيه .. افف ثقيل ماشتهي اجوفه
اسماء: هالعصلا ..
ريم: شكنتي بتقولين صج ؟؟
اسماء: توني بقولج مابين الدثوي
ريم: خيولي ..
اسماء: صوريني ويا هالاشقر ذي
ريم كانت معلقة كيمرتها على جتفها .. واذا بتلعب تعطيهم ايودونها وترد تلبسها ..عيزت وهيا تصور .. خلت اسماء شوي بعد تصورها .. يزعم ذكرى ..
اسماء تنادي الياهل : كم اهني لا كف على ويهك الحين
ريم: ايي مول فهمج الحين
اسماء ابتسمت له : كم سويت هارت
الياهل عافس ويهه ومشى عنها
ريم فيها الضحكه: دوري غيره معليه
اسماء: مالت عليهم .. جوفي شعورهم انتي شلون شقر .. عيونه شلون زرقه طح حظه وحظ اللي يابوه
ريم: خليهم عنج ..
اسماء: نادي نادي ذي لشقر خل يصورنا انا وانتي ..
ريم التفتت عليه: لا استحي
اسماء: جمنه حلو يعني ؟
ريم: شدخل انتي بعد ؟؟
اسماء جافت نايف نادته: نااااااايف
نايف التفت عليها .. جافها وراح لها: هلا ختي .. آمري
اسماء ابتسمت: اصير تصورنا ؟
نايف: افا عليكم ..
ريم استانست .. شالت الكيمرا وعطته ..
نايف: تعالي شلون يصورون ؟؟
ريم تأشر: بس طق اهني وانطر لي ماتثبت الصوره وصور
نايف: اي اوكي ..
ريم راحت وقفت يم اسماء .. حطت يدها عليها ... شحليلهم .. صورهم
اسماء: بعد بعد وحده
نايف : اوكي .. يالله واحد .. اثنين .. ثلاث
ريم راحت بتاخذ الكيمرا منه: شكرا..
نايف ابتسم: حاضرين
اسماء تحاجي: بتقولين له؟؟
ريم: الحين ؟ لا لا عقب
اسماء: قوليله الحين بعد شلا عقب
نايف مب فاهم شسالفه: شصاير؟

ريم: ها ؟ لا بس عقب
اسماء: شلا عقب انتي بعد ؟ قوليله الحين
ريم ابتلشت: انتي قوليله
نايف: قولوا شفيكم ؟ صاير شي ؟؟
ريم ببراءة: بس ماتقول حق احد ؟
اسماء: قصدها حمد ..
نايف مستغرب: مابقول .. بس شفيكم ؟
اسماء: اقول ؟
ريم: قولي
اسماء: باجر بنسافر احنا
نايف مب فاهم: ليش انتوا مب ويانه ؟
اسماء: لا احنا حجزنا بروحنا
نايف: اي صح تذكرت .. باجر عاد ؟ جن من وقت !!
اسماء تخز ريم: الشرهه على اللي حجزوا
ريم ابتسمت: بقول له
اسماء: عاد احنا مانعرف احد اهني
نايف يطالع ريم: وولد عمج ؟
ريم تغير ويهه .. وتمت ساكته
اسماء بسرعه: عاد الله يسلمك نبيك تدبر لنا تكسي ولا شي حق باجر يوصلنا المطار لان مانعرف احنا ..
نايف: تكسي وانا موجود؟ افا عليكم بس .. انا بوديكم
ريم: لا لا .. طيارتنا وايد من وقت
نايف: ميخالف .. بوديكم انا
ريم: والله نايف مب قصدنا نقول لك ودنا احنا بس نبي ليموزين ولا شي يوصلنا المطار الصبح ..
نايف: انزين شفيها ؟ انا ماقلت انتوا قصدكم .. بوصلكم مب عدله اخليهم بروحكم تروحون
اسماء: ماتقصر والله .. عادي احنا الحين بنروح لي البحرين بروحنه مافيها شي يعني
نايف: لتطولون السالفه وهي قصيره .. انا بوصلكم .. ولتخافون مابقول حق حمد شي ..
اسماء: ماتقصر
نايف: الساعه جم تبوني اكون عندكم ؟؟
ريم: علأقل اربع نمشي
نايف: ثلاث ونص انا عندكم ..
اسماء ابتسمت: ماتقصر والله
نايف: انزين اذا تعابه تبون ارجعكم الحين عشان ترتاحون .. مايمديكم ترى
ريم تطالع اسماء .. واسماء تطالعها
ريم: كيفج مادري
اسماء تطالعه: يعني انتوا مطولين ؟
نايف يجوف ساعته: اممم .. يبيلهم بعد ساعتين جذي .. يعني قولي الساعه تسع احنا طالعين من اهني ان شاءالله
ريم: بس عيل مره وحده وياكم
نايف: على راحتكم .. خلاص انا باجر اييكم .. واي شي تبونه انا حاضر
اسماء وريم ابتسموله ..
ريم: مشكور والله ماتقصر ..
نايف يطالعها: شدعوه افا عليج ..
حمد ياهم .. ريم تطالع نايف تبي تذكره ان مايقول له شي ..
نايف فهمها وابتسم
حمد محتر: شعندكم ؟
نايف: لا .. ولا شي .. كنت اصورهم
حمد يخز ريم .. وريم مب ماعطته ويه ..
نايف حس فيه : امش حمد عندي سالفه وياك ..
حمد راح وياه .. وخلوهم بروحهم
ريم: افففففففف .. فكه
اسماء: خيولي ذي ..
ريم سحبتها: امشي امشي .. بتوحشني امريكا والله
اسماء: آيه عليها تعودت عالشقر الحلوين .. شيوديني حق الجلحان الملحان اللي هناك ؟
ريم تخزها: حدج عاد !!
اسماء: ولي زين .. جوفي اهني الماي والخضره (تأشر عليهم) والويه الحسن
ريم: صج صج كثر مانا مشتااااااااااقة ارجع .. كثر مانا مابي اهدها .. صج حلوه تعودت عليها
اسماء تخزها: لحظه لحظه .. يختج حددي موقفج عشان افهم .. جذي تيلسين تلغوين علي تشتتين استيعابي ومافهم شقصدج .. ألحين انتي تعودتي على من

بالضبط ؟
ريم ابتسمت: كل شي
اسماء: اي يعني لتقولين المكان بس .. قولي المكان .. وقولي القلب
ريم يودت القلب اللي عطاها ناصر وتمت ساكته .. تطالعه ..
اسماء: بوووو انتي للحين لابسته ؟؟ للحين عندج امل ؟؟
ريم متضايقه: خليني .. مرتاحه جذي ..
اسماء: ولا بمرتاحه ولا شي .. تقصين على هندي انتي ؟
ريم: ممكن نغير السالفه بليز ؟؟
اسماء: زين زين .. امشي خننلعب شوي
ريم: يالله ..

ناصر .. جهز اغراضه .. ورتب كل شي .. قبل لايرقد .. عشان لي قام سيده يروح المطاار ..
طول الوقت عينه على تلفونه .. مب عارف شيسوي .. متضاايق .. مايحب ينطر هالكثر .. يبي بسرعه يروح لها .. تملل .. يبي يرقد مب عارف .. عيز وهوه يتقلب ..
امه دشت عليه .. بطل عيونه يطالعها ..
راحت قعدت علسرير يمه : قاعد ؟؟
ناصر: اممم
ام ناصر: ليش مارقدت ؟؟
ناصر معصب: ياتني النوده وقلت لها روحي ؟؟
ام ناصر عصبت: ويه !! شفيك الحين ؟؟
ناصر: يعني يمه اسمحيلي بس ..
ام ناصر: بس بس خلاص .. تصبح على خير
ناصر: وانتي من هله
ام ناصر وهي طالعه: اموت واعرف شفيك ..
ناصر سوى روحه ماسمعها .. غطى ويهه بللحاف ورقد ..

ريم مامداها ترقد .. وماتبي تسافر جذي .. عيزت وهيا تنطره يتصل ولا شي .. واهوه ولا معبرها .. يعني تسافر جذي ؟؟ بدون ماتجوفه ؟؟ تسلم عليه ؟؟ اي شي ؟؟
" مسافر يا حبيب الروح وانا كلي ألم وجروح .. اببعد عن هواك واروح وسامحني على لفـراق " ..
صج انها مستانسه بترجع حق اهلها .. بس متضايقه .. وقلبها يعورها تروح بدون ماتسلم عليه ..
طول الوقت حابسه دمعتها ..
نزلوا لشنااط ..
ياهم نايف ماقصر .. ركبوا السياره ..
طول الطريج تحس بغصه .. ماتبي تقول شي حق اسماء لانها تدري بتحبطها ..
اسماء .. مستااااااانسه حدها تبي الوقت يمر بسرعه عشان ترد البحرين
منها بتجوف راااااشد .. ومنها بتجوف فيصل ..
يوم وصلوا المطار .. نزل لهم نايف لشناط ..
ريم طلعت مفاتيح الشقه وعطتهم نايف: الله يعافيك بس لو تقدر تعطي (بلعت ريجها) ناصر
نايف خذاهم: اي ان شاءالله .. تحملوا في روحكم .. ولتحاجون اي احد .. الله يحفظكم وتوصلون بالسلامه
ريم: الله يسلمك .. مشكور والله تعبناك ويانه
نايف: شدعوه ؟! افا عليج .. يالله
اسماء: مع السلامه
نايف: الله يسلمكم ..
دشوا المطار .. ريم خاايفه: اسوم ؟؟ من صجج بنروح بروحنه
اسماء تتلفت: مادري يعني انتي تجوفين غيرنا؟
ريم: المطار متروس
اسماء: بس عيل مب بروحنه .. امشي امشي ..

فلطيــاره ..
ريم حست ان خلاااااص قلبها بينفجر .. مافي امل تجوفه بعد .. اهيا شسوت بالضبط ؟؟ شللي سوته غلط عشان تستااهل ان مايسلم عليها قبل لاتسافر ؟؟ حاولت تحبس دموعها ماقدرت .. انهاارت .. قعدت تصيح بقوه ..
اسماء التفتت عليها: بسم الله عليج شفيج ؟
ريم خاشه ويهه بيدها وتصييح من قلب
اسماء يودت جتفها: ريمو لتعورين قلبي عاد .. شفيج انتي الحين شصاار ؟
ريم شهقت .. تصيح: ابي .. ناااصر
اسماء عفست ويهه: ويه انتي بعد .. صيحي لي باجر